Viral Video: ಮ್ಯಾಷಪ್; ನೆಟ್ಟಿಗರ ಮನಸೂರೆಗೊಂಡ ರ್ಯಾಂಡಮ್ ಗರ್ಲ್ಸ್
Farewell : 'ಫೇರ್ವೆಲ್ ಡ್ಯಾನ್ಸ್ 2023' ಎಂಬ ಶೀರ್ಷಿಕೆಯಲ್ಲಿ ಈ ಬೆಡಗಿಯರು ಬಾಲಿವುಡ್ನ ಜನಪ್ರಿಯ ಟ್ರ್ಯಾಕ್ಗಳಿಗೆ ಹೆಜ್ಜೆ ಹಾಕಿ 4 ಲಕ್ಷಕ್ಕಿಂತಲೂ ಹೆಚ್ಚು ಜನರ ಮನಸೂರೆಗೊಂಡಿದ್ದಾರೆ. ನೀವೂ ನೋಡಿ ಈ ವಿಡಿಯೋ.
Updated on: Aug 02, 2023 | 11:26 AM
Dance : ಏನಾದರೂ ಕನಸು ಕಂಡರೆ ಅದನ್ನು ನನಸಾಗಿಸಿಕೊಳ್ಳಲು ಸಾಕಷ್ಟು ತಯಾರಿ ಬೇಕೇಬೇಕಾಗುತ್ತದೆ. ಹಂತಹಂತವಾಗಿ ಆ ಪ್ರಯತ್ನಗಳು ಕೈಗೂಡುತ್ತಿದ್ದಂತೆ ಇನ್ನಿಲ್ಲದ ಉತ್ಸಾಹ ಖುಷಿ ಆವರಿಸುತ್ತಾ ಹೋಗುತ್ತದೆ. ಒಂದೊಮ್ಮೆ ಅಂದುಕೊಂಡಿದ್ದು ಕಾರ್ಯಗತವಾಯಿತೋ ಆತ್ಮವಿಶ್ವಾಸ ಹೆಚ್ಚುತ್ತದೆ. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ಜನಪ್ರಿಯ ಹಿಂದಿ ಹಾಡುಗಳಿಗೆ ಈ ಇಬ್ಬರು ತರುಣಿಯರು ಸಖತ್ ಹೆಜ್ಜೆ ಹಾಕಿದ್ದಾರೆ. ಫೇರ್ವೆಲ್ ಡ್ಯಾನ್ಸ್ 2023 ಎಂಬ ಶೀರ್ಷಿಕೆಯಲ್ಲಿ ದಿ ರ್ಯಾಂಡಮ್ ಗರ್ಲ್ (The Random Girl) ಎಂಬ ಯೂಟ್ಯೂಬರ್ ಈ ವಿಡಿಯೋ ಹಂಚಿಕೊಂಡಿದ್ದಾರೆ.
ನೃತ್ಯಕಲಾವಿದರಾದ ಅದಿತಿ ಮತ್ತು ರಿತಿಕಾ ಈ ವಿಡಿಯೋದಲ್ಲಿ ಬಾಲಿವುಡ್ನ ಪ್ರಸಿದ್ಧ ಗೀತೆಗಳಿಗೆ ನರ್ತಿಸಿದ್ದಾರೆ. ದೋಸ್ತಾನಾ ಹಾಡಿನೊಂದಿಗೆ ಶುರು ಮಾಡಿ ಚಮ್ಮಕ ಚಲ್ಲೋ, ಗೋರಿ ಗೋರಿ, ಕುಕ್ಕಡ, ಕಾಲಾಚಶ್ಮಾದ ತನಕ ಬೇರೆ ಬೇರೆ ಹಿಂದೀ ಹಾಡುಗಳಿಗೆ ನರ್ತಿಸುತ್ತಾ ತಾರೆ ಜಿನ್ ಜಿನ್ನೊಂದಿಗೆ ಸಂಪನ್ನಗೊಳಿಸುತ್ತಾರೆ.
ಇದನ್ನೂ ಓದಿ : Viral Video: ಈ ಮಗು ಯಾರು, ಭೇಟಿಯಾಗಬೇಕು, ಅಪ್ಪಿಕೊಳ್ಳಬೇಕು; ಶಂಕರ್ ಮಹಾದೇವನ್
ಮೇ 12 ರಂದು ಈ ವಿಡಿಯೋ ಅನ್ನು ಯೂಟ್ಯೂಬ್ಗೆ ಅಪ್ಲೋಡ್ ಮಾಡಲಾಗಿದೆ. ಈತನಕ ಸುಮಾರು 4.8 ಲಕ್ಷ ಜನರು ಈ ವಿಡಿಯ ಓನೋಡಿದ್ದಾರೆ. ಸುಮಾರು 10,000 ಜನರು ಲೈಕ್ ಮಾಡಿದ್ದಾರೆ. ನೂರಾರು ಜನರು ಪ್ರತಿಕ್ರಿಯಿಸಿದ್ದಾರೆ. ಇದು ಮಿಲಿಯನ್ ಜನರನ್ನು ಖಂಡಿತ ತಲುಪುತ್ತದೆ ಎಂದಿದ್ದಾರೆ ಒಬ್ಬರು. ಇಬ್ಬರೂ ತುಂಬಾ ಅದ್ಭುತವಾಗಿ ನರ್ತಿಸಿದ್ದೀರಿ ಎಂದ ಇನ್ನೊಬ್ಬರು. ನಿಮ್ಮಿಬ್ಬರ ಸೀರೆ ಮತ್ತು ಸೀರೆಯಲ್ಲಿ ನೀವು ಬಹಳ ಚೆನ್ನಾಗಿ ನರ್ತಿಸಿದ್ದೀರಿ ಎಂದಿದ್ದಾರೆ ಮತ್ತೊಬ್ಬರು.
ಇದನ್ನೂ ಓದಿ : Viral Video: ತೋಳದಂತೆ ಕಾಣಿಸಿಕೊಳ್ಳಲು ರೂ 20 ಲಕ್ಷ ಖರ್ಚು ಮಾಡಿದ ವ್ಯಕ್ತಿಯ ವಿಡಿಯೋ
ನೀವು ಮತ್ತಷ್ಟು ಡ್ಯಾನ್ಸ್ ಅಪ್ಲೋಡ್ ಮಾಡಿ, ನಾನು ನಿಮ್ಮ ಅಭಿಮಾನಿಯಾಗಿಬಿಟ್ಟೆ, ನಿಮ್ಮಿಬ್ಬರ ಜೋಡಿ ಚೆನ್ನಾಗಿ ಸಿಂಕ್ ಆಗುತ್ತದೆ ಎಂದಿದ್ದಾರೆ ಇನ್ನೊಬ್ಬರು. ಹೆಚ್ಚು ಆಡಂಬರವಿಲ್ಲದೆ ಸರಳವಾದ ಉಡುಗೆಯಲ್ಲಿ ಅತ್ಯಾಕರ್ಷಕವಾಗಿ ನರ್ತಿಸಿದ್ದೀರಿ ನಿಮಗೆ ಒಳ್ಳೆಯದಾಗಲಿ ಎಂದು ಅನೇಕರು ಹೇಳಿದ್ಧಾರೆ.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
