Viral Video: ಲಂಡನ್​ನ ಬೀದಿಯಲ್ಲಿ ‘ಪೆಹ್ಲಾ ನಶಾ’; 17 ಮಿಲಿಯನ್​ ವೀಕ್ಷಕರನ್ನು ಸೆಳೆದ ಭಾರತೀಯ ‘ವಿಶ್​’

London : ಪೆಹಲಾ ನಶಾ ಈ ಹಾಡನ್ನು ಜೋ ಜೀತಾ ವೊಹೀ ಸಿಕಂದರ್ (Jo Jeeta Wohi Sikandar) ಸಿನೆಮಾದಲ್ಲಿ ಉದಿತ್ ನಾರಾಯಣ್ ಮತ್ತು ಸಾಧನಾ ಸರಗಮ್ ಹಾಡಿದ್ದಾರೆ. ಇದೇ ಹಾಡನ್ನು ಇದೀಗ ಇನ್​ಸ್ಟಾಗ್ರಾಂ ಕಲಾವಿದ ವಿಶ್ ಲಂಡನ್​ನ ಆಕ್ಸಫರ್ಡ್ ಬೀದಿಯಲ್ಲಿ ಹಾಡಿ ಲಂಡನ್​ ಮತ್ತು ನೆಟ್ಟಿಗರ ಮನಗೆದಿದ್ದಾರೆ. ಲಂಡನ್ನಿನ ಮೊದಲ ‘ಬಾಲಿವುಡ್ ಬಸ್ಕರ್’ (ಬೀದಿ ಕಲಾವಿದ)​ ಎಂದು ತಮ್ಮ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಪರಿಚಯಿಸಿಕೊಂಡ ವಿಶ್​ನ ಈ ವಿಡಿಯೋ ಅನ್ನು ಈತನಕ ಸುಮಾರು 17 ಮಿಲಿಯನ್​ ಜನರು ನೋಡಿದ್ದಾರೆ. 2.6 ಲಕ್ಷಕ್ಕಿಂತಲೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ.

ಲಂಡನ್​ನ ಫುಟ್​ಪಾತ್​ನಲ್ಲಿ ಕುಳಿತು ವಿಶ್ ಹಾಡುತ್ತಿದ್ದರೆ ಅವರ ಸುತ್ತಲೂ ಜನ ನಿಂತು ಕೇಳುತ್ತಿವುದಷ್ಟೇ ಅಲ್ಲ ಸ್ವತಃ ದನಿಗೂಡಿಸಿದ್ದಾರೆ. 1992ರಲ್ಲಿ ಬಿಡುಗಡೆಯಾದ ಈ ಸಿನೆಮಾದ ಈ ಹಾಡು ಈಗಿನ ಪೀಳಿಗೆಯವರನ್ನು ಆಕರ್ಷಿಸುತ್ತಿರುವುದಕ್ಕೆ ಇದರ ಸಾಹಿತ್ಯ ಸಂಗೀತ ಮತ್ತು ಗಾಯನವೇ ಕಾರಣ. ಒಂದು ವಾರದ ಹಿಂದೆ ಹಂಚಿಕೊಂಡ ಈ ವಿಡಿಯೋಗೆ ನೆಟ್ಟಿಗರು ಪ್ರತಿಕ್ರಿಯೆಗಳ ಮಳೆಯನ್ನೇ ಸುರಿಸಿದ್ದಾರೆ.

ಇದನ್ನೂ ಓದಿ : Viral: ಬ್ಯಾಕ್​ಪ್ಯಾಕ್​ ಹೊತ್ತು ಪ್ರವಾಸಕ್ಕೆ ಹೊರಟ ಪೆಂಗ್ವಿನ್​​ಗಳ ವಿಡಿಯೋ

ಯಾರೇ ಹಾಡಲಿ ಪ್ರತೀ ಬಾರಿಯೂ ಇದು ಹಿಟ್ ಆಗುತ್ತದೆ ಎಂದಿದ್ದಾರೆ ಒಬ್ಬರು. ನಾನಂತೂ ಈ ವೈಬ್​ ಅನುಭವಿಸುತ್ತಿದ್ದೇನೆ ಎಂದಿದ್ದಾರೆ ಮತ್ತೊಬ್ಬರು. ಅದ್ಭುತವಾದ ಧ್ವನಿ ಎಂದಿದ್ದಾರೆ ಇನ್ನೊಬ್ಬರು. ನೀವು ಬರೀ ಹಾಡಿಲ್ಲ, ಇದನ್ನು ಅನುಭವಿಸುತ್ತಿದ್ದೀರಿ, ನಿಮ್ಮ ಮುಖ ಮತ್ತು ಭಂಗಿಯೇ ಇದನ್ನು ಹೇಳುತ್ತಿದೆ ಎಂದಿದ್ದಾರೆ ಮಗದೊಬ್ಬರು.

ಇದನ್ನೂ ಓದಿ : Viral Video: ಬರೀಗೈಯಲ್ಲಿ ಎರಡು ಹಾವುಗಳನ್ನು ಹಿಡಿದ ಮಹಿಳೆಯ ವಿಡಿಯೋ ವೈರಲ್

ವಿಶ್​ ಹಿಂದೆ ಕುಳಿತ ಆ ಇಬ್ಬರು ಪುಟ್ಟ ಹುಡುಗಿಯರಿಂದ ಈ ವಿಡಿಯೋ ಇನ್ನಷ್ಟು ಕಳೆ ಬಂದಿದೆ. ಕಲಾವಿದರು ಮತ್ತು ಪ್ರೇಕ್ಷಕರ ಸರಳತೆಗೆ ಧನ್ಯವಾದ ಎಂದಿದ್ದಾರೆ ಇನ್ನೊಬ್ಬರು.  ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ