ಹಳೇ ಫ್ರಿಡ್ಜ್​ ಖರೀದಿಸಿ ಮನೆಗೆ ತಂದಾಗ ಅದರಲ್ಲಿತ್ತು 96 ಲಕ್ಷ ರೂಪಾಯಿ!

ಅದೃಷ್ಟ ಯಾವಾಗ ಯಾರನ್ನು ಹುಡುಕಿ ಬರುತ್ತೊ ಹೇಳಲಾಗುವುದಿಲ್ಲ. ಆದರೆ ಕೆಲವೊಂದು ಬಾರಿ ಅದೃಷ್ಟ ಫ್ರಿಜ್ ರೂಪದಲ್ಲೂ ಬರುತ್ತೆ ಎಂಬುದಕ್ಕೆ ಈ ಘಟನೆಯೇ ಸಾಕ್ಷಿ. ಹೌದು, ದಕ್ಷಿಣ ಕೊರಿಯಾದ ಜೆಜು ದ್ವೀಪದ ವ್ಯಕ್ತಿಯೊಬ್ಬ ಫ್ರಿಡ್ಜ್​ ಖರೀದಿಸಲು ಮುಂದಾಗಿದ್ದ. ಆರ್ಥಿಕವಾಗಿ ಹಿಂದುಳಿದ್ದರಿಂದ ಆತನಲ್ಲಿ ಹೊಸ ರೆಫ್ರಿಜರೇಟರ್ ಖರೀದಿಸುವಷ್ಟು ಹಣವಿರಲಿಲ್ಲ. ಹೀಗಾಗಿ ಸೆಕೆಂಡ್ ಹ್ಯಾಡ್​ ಫ್ರಿಡ್ಜ್ ಮೊರೆ ಹೋಗಿದ್ದ. ಹೀಗೆ ಖರೀದಿಸಿ ತಂದ ಫ್ರಿಡ್ಜ್​ ಅನ್ನು ನೋಡಿದಾಗ ಆತನ ಕಣ್ಣುಗಳು ಕೂಡ ತಂಪಾಗಿಬಿಟ್ಟಿದೆ.

ಹೌದು, ಆ ಹಳೆಯ ಫ್ರಿಡ್ಜ್​ನಲ್ಲಿ ಬರೋಬ್ಬರಿ 1,30,000 ಡಾಲರ್ ಇತ್ತು. ಅಂದರೆ ಭಾರತೀಯ ರೂಪಾಯಿ ಮೌಲ್ಯ ಸುಮಾರು 96 ಲಕ್ಷ ರೂ. ಈ ಹಿಂದೆ ರೆಫ್ರಿಜರೇಟರ್ ಬಳಸಿದ ವ್ಯಕ್ತಿ ಫ್ರಿಡ್ಜ್​ ಕೆಳಗೆ ಅಷ್ಟೊಂದು ಹಣವನ್ನು ಟೇಪ್ ಮಾಡಿ ಇಟ್ಟಿದ್ದರು. ಫ್ರಿಡ್ಜ್​ನ ತಳಭಾಗ ಸ್ವಚ್ಛಗೊಳಿಸುವಾಗ ಪ್ಲಾಸ್ಟಿಕ್​ನಲ್ಲಿ ಸುತ್ತಿರುವ ಟೇಪ್ ಮಾಡಲಾಗಿರುವ 50,000 ಕೊರಿಯನ್ ವಾನ್‍ನ ನೋಟ್ ಬಂಡಲ್ ಕಾಣಿಸಿತು.

ಯಾರಿಗೆ ಹೊಸ ಫ್ರಿಡ್ಜ್ ಖರೀದಿಸಲು ಹಣವಿರಲಿಲ್ಲವೋ ಆತನಿಗೆ ಫ್ರಿಡ್ಜ್​ನಲ್ಲೇ 1 ಲಕ್ಷ 30 ಸಾವಿರ ಡಾಲರ್ ಲಭಿಸಿತ್ತು. ಇದಾಗ್ಯೂ ಪರರ ಹಣವನ್ನು ಬಳಸುವುದು ಆ ಬಡಪಾಯಿಗೆ ಇಷ್ಟವಿರಲಿಲ್ಲ. ಹೀಗಾಗಿ ನೇರವಾಗಿ ಅಷ್ಟೊಂದು ಹಣವನ್ನು ಪೊಲೀಸರಿಗೆ ಒಪ್ಪಿಸಿದ. ಇದೀಗ ಪೊಲೀಸರು ಹಳೆಯ ಫ್ರಿಡ್ಜ್ ಮಾಲೀಕನ ಹುಡುಕಾಟದಲ್ಲಿ ತೊಡಗಿಸಿಕೊಂಡಿದ್ದಾರೆ. ಒಂದು ವೇಳೆ ಹಳೆಯ ಮಾಲೀಕ ಸಿಗದಿದ್ದರೆ, ಆ ಹಣ ಮತ್ತೆ ಈ ಅದೃಷ್ಟಶಾಲಿಯ ಕೈ ಸೇರಲಿದೆ.

ಏಕೆಂದರೆ ದಕ್ಷಿಣ ಕೊರಿಯಾದ ಲೋಸ್ಟ್ ಅಂಡ್ ಫೌಂಡ್ ಕಾಯ್ದೆ ಜಾರಿಯಲ್ಲಿದೆ. ಪೊಲೀಸರಿಗೆ ಒಪ್ಪಿಸಿದ ವಸ್ತುವಿನ ಮಾಲೀಕ ಸಿಗದಿದ್ದರೆ, ಆ ವಸ್ತು ಯಾರಿಗೆ ಸಿಕ್ಕಿರುತ್ತೊ ಅವರಿಗೆ ಒಪ್ಪಿಸಲಾಗುತ್ತದೆ. ಹೀಗಾಗಿ ಹಳೆಯ ಫ್ರಿಡ್ಜ್ ಮಾಲೀಕ ಸಿಗದಿದ್ದರೆ ಶೇ. 22 ರಷ್ಟು ತೆರಿಗೆ ಕಳೆದು ಉಳಿದ ಮೊತ್ತ ಫ್ರಿಡ್ಜ್ ಖರೀದಿಸಿದ ವ್ಯಕ್ತಿಗೆ ಸಿಗಲಿದೆ.

ಇದನ್ನೂ ಓದಿ: T20 World Cup: ಕೊಹ್ಲಿ ಹುಟ್ಟುಹಬ್ಬದಂದು ಟಿ20 ವಿಶ್ವಕಪ್‌ನಲ್ಲಿ ಭಾರತದ ಎದುರಾಳಿ ಯಾರು?

ಇದನ್ನೂ ಓದಿ: WTC Points Table: 12 ಅಂಕಗಳಿಸಿದ ತಂಡಕ್ಕೆ ಅಗ್ರಸ್ಥಾನ: 14 ಅಂಕ ಪಡೆದರೂ ಟೀಮ್ ಇಂಡಿಯಾಗಿಲ್ಲ ಪ್ರಥಮ ಸ್ಥಾನ

ಇದನ್ನೂ ಓದಿ: T20 World Cup 2021: ಟಿ20 ವಿಶ್ವಕಪ್​ಗೆ ಅಫ್ಘಾನಿಸ್ತಾನ್ ತಂಡ ಅನುಮಾನ

(Man buys used refrigerator and finds Rs 96 lakh cash taped underneath)