ಮಿಝೋರಾಂ; ಐಝಾವ್ಲ್ನ ಶಿಸ್ತಿನ ವಾಹನ ಸಂಚಾರ, ನೋಡಿ ಈ ವೈರಲ್ ವಿಡಿಯೋ
Traffic : ‘ಐಝಾವ್ಲ್ನ ರಸ್ತೆಗಳಲ್ಲಿ ಚಲಿಸುವಾಗ ಎಲ್ಲರೂ ಶಾಂತವಾಗಿ ಕಾಯುತ್ತಾರೆ. ಹಾರ್ನ್ ಹಾಕುವುದೇ ಇಲ್ಲ. ಭಾರತದ ಪ್ರತೀ ನಗರಗಳಲ್ಲಿಯೂ ಇದನ್ನು ಜಾರಿಗೆ ತರಲು ಸಾಧ್ಯವೇ?’ ಎಂದಿದ್ದಾರೆ ಈ ವ್ಲಾಗರ್.
Updated on:Dec 05, 2022 | 7:27 PM
Viral Video : ನಗರಪ್ರದೇಶಗಳಲ್ಲಿ ಸಂಚಾರ ದಟ್ಟಣೆಗೆ ಅರ್ಧ ತಾಳ್ಮೆ ಕುಸಿದುಹೋಗಿರುತ್ತದೆ. ಹೀಗಿರುವಾಗ ಅಡ್ಡಾದಿಡ್ಡಿಯಾಗಿ ಯಾರಾದರೂ ವಾಹನ ಚಲಿಸಿದರಂತೂ ಕಥೆ ಮುಗಿದೇ ಹೋಯಿತು. ಆದರೆ ಇದೀಗ ವೈರಲ್ ಆಗುತ್ತಿರುವ ಮಿಝೋರಾಂನ ಐಝಾವ್ಲ್ದಲ್ಲಿ ಸಾಗುತ್ತಿರುವ ಈ ವಾಹನಗಳನ್ನು ಗಮನಿಸಿ. ಶಿಸ್ತಿನ ಸಿಪಾಯಿಯಂತೆ ಸಾಗುತ್ತಿವೆ. ದೂರದಿಂದ ನೋಡಿದರೆ ಆಟಿಕೆಗಾಡಿಗಳನ್ನು ಒಂದರ ಹಿಂದೆ ಒಂದು ಜೋಡಿಸಿಟ್ಟಂತೆ ಕಾಣುತ್ತಿದೆ ಅಲ್ಲವೆ?
View this post on Instagram
ಟ್ರಾವೆಲ್ ಬ್ಲಾಗರ್ ಎಲಿಝೆಬತ್ ಈ ವಿಡಿಯೋ ಅನ್ನು ಇನ್ಸ್ಟಾಗ್ರಾಂ ಗೆ ಪೋಸ್ಟ್ ಮಾಡಿದ್ದಾರೆ. ‘ನೀವು ಭಾರತದ ನಿವಾಸಿಗಳಾಗಿದ್ದರೆ ಅಥವಾ ಭಾರತಕ್ಕೆ ಭೇಟಿ ಕೊಟ್ಟಿದ್ದರೆ ಅಲ್ಲಿಯ ಟ್ರಾಫಿಕ್ನ ಅವಸ್ಥೆಯ ಬಗ್ಗೆ ಖಂಡಿತ ಗೊತ್ತಿರುತ್ತದೆ. ಎಷ್ಟೇ ವಾಹನದಟ್ಟಣೆ ಇದ್ದರೂ ಪ್ರತಿಯೊಬ್ಬರೂ ತಮ್ಮದೇ ಆದ ದಾರಿಯಲ್ಲಿ ನುಸುಳಿಕೊಂಡು ಸ್ವಾರ್ಥ ಸಾಧಿಸಿಕೊಳ್ಳುತ್ತಿರುತ್ತಾರೆ. ಆದರೆ ಕಾಯುವುದು ಅನಿವಾರ್ಯವಾದಾಗ ಹಾರ್ನ್ ಕೂಡ ಹಾಕಬಾರದು ಎನ್ನುವುದನ್ನು ನಾವು ಅರ್ಥ ಮಾಡಿಕೊಳ್ಳಬೇಕು. ದಯವಿಟ್ಟು ನನ್ನ ಬಗ್ಗೆ ತಪ್ಪು ತಿಳಿದುಕೊಳ್ಳಬೇಡಿ. ನಾನು ಭಾರತವನ್ನು ಪ್ರೀತಿಸುತ್ತೇನೆ. ಐಝಾವ್ಲ್ನ ರಸ್ತೆಗಳಲ್ಲಿ ಚಲಿಸಲು ಎಲ್ಲರೂ ಶಾಂತವಾಗಿ ಕಾಯುತ್ತಾರೆ. ಹಾರ್ನ್ ಹಾಕುವುದೇ ಇಲ್ಲ. ಭಾರತದ ಪ್ರತೀ ನಗರಗಳಲ್ಲಿಯೂ ಇದನ್ನು ಜಾರಿಗೆ ತರಲು ಸಾಧ್ಯವೇ?’ ಎಂದಿದ್ದಾರೆ
ಕಳೆದ ತಿಂಗಳು ಅವರು ಹಂಚಿಕೊಂಡ ಈ ವಿಡಿಯೋ ಅನ್ನು ಈತನಕ 6.4 ಮಿಲಿಯನ್ ಜನರು ನೋಡಿದ್ದಾರೆ. ಅನೇಕರು ಪ್ರತಿಕ್ರಿಯಿಸಿದ್ದಾರೆ. ಮಿಝೋರಾಂ ಸುಂದರವಾಗಿದೆ. ನಾನು ಒಂದು ವಾರ ಇಲ್ಲಿ ವಾಸವಾಗಿದ್ದೆ ಎಂದಿದ್ದಾರೆ ಒಬ್ಬರು. ಈ ವಿಡಿಯೋದಲ್ಲಿ ಪ್ರತಿಯೊಬ್ಬರೂ ಹೆಲ್ಮೆಟ್ ಧರಿಸಿದ್ದಾರೆ ಗಮನಿಸಿ ಎಂದಿದ್ದಾರೆ ಇನ್ನೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 7:26 pm, Mon, 5 December 22
