ಕಟ್ಟಡ ನಿರ್ಮಾಣ ಮುಗಿದಿದೆ, ಉದ್ಘಾಟನೆಗೆ ಗಣ್ಯರು ಆಗಮಿಸಿದ್ದಾರೆ , ರಿಬ್ಬನ್ ಕಟ್ಟಿಯಾಗಿದೆ, ಆದರೆ ರಿಬ್ಬನ್ ಕಟ್ ಮಾಡಲು ಕತ್ತರಿ ಎಲ್ಲಿ?

ಯಾವುದಾದರೂ ಕಟ್ಟಡ ಉದ್ಘಾಟನೆ ಸಮಾರಂಭಕ್ಕೆ ಅಥವಾ ಮತ್ಯಾವುದೋ ಯೋಜನೆಯನ್ನು ಉದ್ಘಾಟಿಸಲು ಗಣ್ಯರಿಂದ ರಿಬ್ಬನ್ ಕಟ್​ ಮಾಡಿಸವುದು ನಮ್ಮಲ್ಲಿ ನಡೆದು ಬಂದಿರುವ ಸಂಪ್ರದಾಯ. ಹಲವು ಕಡೆ ಇಂಥ ಕಾರ್ಯಕ್ರಮಗಳನ್ನು ಉದ್ಘಾಟನಾ ಸಮಾರಂಭ ಅನ್ನುವ ಬದಲು ರಿಬ್ಬನ್ ಕಟ್ಟಿಂಗ್ ಕಾರ್ಯಕ್ರಮ ಅಂತ ಕರೆಯುತ್ತಾರೆ. ಈ ಕಾರ್ಯಕ್ರಮಕ್ಕೆ ಮೂರು ಆಯಾಮಗಳು ಅತ್ಯವಶ್ಯಕ. ಅಡ್ಡಲಾಗಿ ಕಟ್ಟಿರುವ ರಿಬ್ಬನ್, ಅದನ್ನು ಕಟ್​ ಮಾಡಲು ಒಂದು ಕತ್ತರಿ ಮತ್ತು ಕತ್ತರಿಯಿಂದ ರಿಬ್ಬನ್ ಕಟ್​ ಮಾಡಲು ಒಬ್ಬ ಗಣ್ಯ ವ್ಯಕ್ತಿ. ಈ ಮೂರರಲ್ಲಿ ಯಾವುದಾದರೂ ಒಂದು ಇಲ್ಲವಾದರೂ ರಿಬ್ಬನ್ ಕಟ್ಟಿಂಗ್ ಕಾರ್ಯಕ್ರಮ ನೆರವೇರಲಾರದು. ಆದರೆ ರವಿವಾರದಂದು ತೆಲಂಗಾಣದ ರಾಜಣ್ಣ ಸಿರ್ಸಿಲಾ ಜಿಲ್ಲೆ ತಂಗಲ್ಲಪಲ್ಲಿ ಮಂಡಲ್​ನಲ್ಲಿ ಬರುವ ಮೇಡಿಪಲ್ಲಿಯಲ್ಲಿ ಒಂದು ತಮಾಷೆ ನಡೆಯಿತು. ಅಲ್ಲಿ ಒಂದು ಸಮುದಾಯ ಭವನ ಕಟ್ಟಡ ಉದ್ಘಾಟನೆಗೆ ರಾಜ್ಯದ ಮುಖ್ಯಮಂತ್ರಿ ಕೆ ಚಂದ್ರಶೇಖರ್​ ರಾವ್ ಆಗಮಿಸಿದ್ದರು. ಎಲ್ಲ ಸಿದ್ಧತೆಗಳು ಪೂರ್ಣಗೊಂಡಿದ್ದವು, ಕಟ್ಟದ ಮುಖ್ಯ ಬಾಗಿಲಿಗೆ ರಿಬ್ಬನ್ ಕಟ್ಟಲಾಗಿತ್ತು. ಮುಖ್ಯಮಂತ್ರಿ ರಾವ್ ಕೂಡ ಸರಿಯಾದ ಸಮಯಕ್ಕೆ ಆಗಮಿಸಿದ್ದರು. ಅವರು ರಿಬ್ಬನ್ ಕಟ್ಟಿರುವಲ್ಲಿಗೆ ನಡೆದು ಬಂದು ಅದನ್ನು ಕಟ್​ ಮಾಡಲು ತಮ್ಮ ಪಕ್ಕದಲ್ಲಿರುವವರಿಗೆ ಕತ್ತರಿ ಕೊಡಿ ಅಂತ ಕೇಳಿದರು.

ಅವರ ಸುತ್ತಮುತ್ತ ಕೆಲ ಅರ್ಚಕರು ಇದ್ದರು ಮತ್ತು ಬಲಪಾರ್ಶ್ವದಲ್ಲಿ ಕೈಯಲ್ಲಿ ಹೂ ಮತ್ತು ಹಾರಗಳನ್ನು ಹಿಡಿದಿರುವ ಒಬ್ಬ ವ್ಯಕ್ತಿ ಕಾಣಿಸುತ್ತಿದ್ದಾರೆ. ಪ್ರಯಾಶ: ಈ ವ್ಯಕ್ತಿಗೆ ಕತ್ತರಿಯನ್ನು ತರುವುದಕ್ಕಿಂತ ಮುಖ್ಯಮಂತ್ರಿಗಳ ಜೊತೆ ಫೋಟೋ ಮತ್ತು ವಿಡಿಯೋನಲ್ಲಿ ಕಾಣಿಸಿಕೊಳ್ಳುವುದು ಹೆಚ್ಚು ಮುಖ್ಯವಾಗಿತ್ತು ಅನಿಸುತ್ತದೆ. ಮುಖ್ಯಮಂತ್ರಿಗಳು ಕತ್ತರಿ ಎಲ್ಲಿ ಅಂತ ಕೇಳುತ್ತಿದರೆ, ಆ ವ್ಯಕ್ತಿ ಮತ್ತು ಅಲ್ಲಿದ್ದವರೆಲ್ಲ ಪೆಕರು ಪೆಕಾರಾಗಿ ಒಬ್ಬರ ಮುಖ ಮತ್ತೊಬ್ಬರು ನೋಡಿಕೊಳ್ಳುತ್ತಿದ್ದಾರೆ.

ಒಳಗಡೆ ನಿಂತಿರುವ ವ್ಯಕ್ತಿಯೊಬ್ಬ ಗುಂಪಿನಲ್ಲಿರುವ  ಯಾರಿಗೋ ಕತ್ತರಿ ಎಲ್ಲಿ ಎಂದು ಕೇಳುತ್ತಿದ್ದಾನೆ. ಆಯೋಜಕರ ಬೇಜವಾಬ್ದಾರಿತನ ಮುಖ್ಯಮಂತ್ರಿಗಳನ್ನು ಕೆರಳುವಂತೆ ಮಾಡಿದೆ.

ಇನ್ನು ಕಾಯುವುದರಲ್ಲಿ ಅರ್ಥವಿಲ್ಲ ಎಂದುಕೊಂಡ ಅವರು ರಿಬ್ಬನ್​ನ ಒಂದು ಕೊನೆಯನ್ನು ಕೈಯಿಂದ ಕಿತ್ತಿ ಒಳಗೆ ಪ್ರವೇಶ ಮಾಡುವ ಮೂಲಕ ಉದ್ಘಾಟನೆ ಕೆಲಸವನ್ನು ಪೂರೈಸಿದ್ದಾರೆ. ಅವರ ಹಿಂದೆಯೇ ಉಳಿದವರೆಲ್ಲ ಆವರಣವನ್ನು ಪ್ರವೇಶಿಸಿದ್ದಾರೆ. ರಾವ್ ಅವರು ತಾಳ್ಮೆ ಕಳೆದುಕೊಂಡಿರುವುದು ವಿಡಿಯೋನಲ್ಲಿ ಸ್ಪಷ್ಟವಾಗಿ ಗೋಚರವಾಗುತ್ತದೆ.

#WATCH | Telangana Chief Minister K Chandrashekar Rao pulls out ribbon after not getting a pair of scissors for cutting the ribbon, at an inauguration in Medipally of Thangallapally Mandal in Rajanna Sircilla district on Sunday. pic.twitter.com/0KjNCITgy3

— ANI (@ANI) July 5, 2021

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ ಮತ್ತು ಕೆಲವರು ಅದಕ್ಕೆ ರಿಯಾಕ್ಟ್ ಕೂಟ ಮಾಡಿದ್ದಾರೆ.

ನಂದಿನಿ ಇದ್ನಾನಿ ಅನ್ನುವವರು ಈ ವಿಡಿಯೋವನ್ನು ಶೇರ್​ ಮಾಡಿ, ‘ಇದೋ ನೋಡಿ ರಿಬ್ಬನ್ ಕಟ್ಟಿಂಗ್ ಕಾರ್ಯಕ್ರಮದಲ್ಲಿ ಕತ್ತರಿಯೇ ಇಲ್ಲ! ಎಂಥ ಅವಮಾನ,’ ಅಂತ ಹೇಳಿದ್ದಾರೆ.

Lol ribbon cutting ceremony mein scissor nahi hai Gajab beijati ??

— Nandini Idnani?? (@idnani_nandini) July 5, 2021

ಡಿಜೆ ಸಿಂಗ್ ಎನ್ನುವವರು ತಮ್ಮ ಟ್ವೀಟ್​ನಲ್ಲಿ, ‘ಪ್ರಿ-ಪ್ಲ್ಯಾನಿಂಗ್ ಅಂದರೆ ಇದಪ್ಪಾ’ ಎಂದಿದ್ದಾರೆ.

This is called pre planning

— DJ Singh (@DJSingh85016049) July 5, 2021

ಹಾಗೆಯೇ, ಅದಿತ್ಯ ಗುಪ್ತಾ ಎನ್ನುವವರು ಈ ವಿಡಿಯೋ ಪ್ರತಿಕ್ರಿಯೆ ನೀಡುತ್ತಾ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರ ಇಮೇಜ್ ಹಾಕಿ, ದೇಖಾ ಮೇರಾ ಕಮಾಲ್ (ನೋಡಿದ್ರಾ ನನ್ನ ಚಮತ್ಕಾರ) ಅಂತ ಬರೆದಿದ್ದಾರೆ.

pic.twitter.com/gtYCJoErjK

— Aditya Gupta (@researchAditya) July 5, 2021

ಮಾಹಿತಿ ಮತ್ತು ತಂತ್ರಜ್ಞಾನ ಸಿಕ್ಕಾಪಟ್ಟೆ ಮುಂದುವರಿದಿರುವ ಇವತ್ತಿನ ಜಮಾನಾದಲ್ಲಿ ಜನ ಪ್ರತಿನಿಧಿಗಳು ಸ್ವಲ್ಪ ಸಂಯಮ ಕಾಯ್ದುಕೊಳ್ಳಬೇಕು ಇಲ್ಲವಾದಲ್ಲಿ ಅವರು ಸಿಡಿಮಿಡಿಗೊಂಡಿರುವ ವಿಡಿಯೋಗಳು, ಇಮೇಜ್​ಳು ಕ್ಷಣಾರ್ಧದಲ್ಲಿ ವೈರಲ್ ಅಗುತ್ತವೆ ಅನ್ನೋದಕ್ಕೆ ತೆಲಂಗಾಣ ಮುಖ್ಯಮಂತ್ರಿಗಳನ್ನೊಳಗೊಂಡ ಈ ವಿಡಿಯೋ ಮತ್ತೊಂದು ಸಾಕ್ಷಿ.

ಇದನ್ನೂ ಓದಿ: Viral Video: ಸ್ಕೇಟಿಂಗ್​ ಮಾಡ್ಕೊಂಡೇ ಪಾರ್ಸೆಲ್​ ಕೊಟ್ಟುಬಂದ ಸ್ವಿಗ್ಗಿ ಡೆಲಿವರಿ ಬಾಯ್! ಪೆಟ್ರೋಲ್​ ದರ ಏರಿಕೆಯ ಪರಿಣಾಮ ಎಂದ ನೆಟ್ಟಿಗರು