ಮೇರಾ ದಿಲ್ ಏ ಪುಕಾರೆ; ಲತಾದೀಯ ಹಾಡಿಗೆ ಪಾಕಿಸ್ತಾನಿ ಯುವತಿಯ ಡ್ಯಾನ್ಸ್
Pakistani Woman : ಕೆಲ ನೆಟ್ಟಿಗರು ಈ ಯುವತಿಯನ್ನು ಟ್ರೋಲ್ ಮಾಡುತ್ತಿದ್ದಾರೆ. ಇನ್ನೂ ಕೆಲವರು ಶ್ಲಾಘಿಸುತ್ತಿದ್ದಾರೆ. ಈ ವಿಡಿಯೋ ನೋಡಿದ ಮೇಲೆ ನಿಮ್ಮ ಅಭಿಪ್ರಾಯವೇನಿರುತ್ತದೆ?
Viral Video : ಲತಾ ಮಂಗೇಶ್ಕರ ಅವರ ಹಾಡಿಗೆ ಮರುಳಾಗದವರು ಯಾರಿದ್ದಾರೆ. ಜಗತ್ತಿನಾದ್ಯಂತ ಅಪಾರ ಅಭಿಮಾನಿಗಳನ್ನು ಗಳಿಸಿದ ಅವರು ತಮ್ಮ ಹಾಡುಗಳ ಮೂಲಕ ಎಂದಿಗೂ ಅಜರಾಮರ. ಯಾವ ಸಂದರ್ಭದಲ್ಲಿಯೂ ಅವರ ಕಂಠ ಮೊಳಗುತ್ತಲೇ ಇರುತ್ತದೆ. ಇದೀಗ ವೈರಲ್ ಆಗಿರುವ ಈ ವಿಡಿಯೋದಲ್ಲಿ ಪಾಕಿಸ್ತಾನಿ ಯುವತಿಯೊಬ್ಬಳು ಮದುವೆಯೊಂದರಲ್ಲಿ ಲತಾ ಅವರು ಹಾಡಿದ ಮೇರಾ ದಿಲ್ ಏ ಪುಕಾರೆ ಹಾಡಿಗೆ ಹೆಜ್ಜೆ ಹಾಕಿದ್ದಾಳೆ.
View this post on Instagram
1954ರಲ್ಲಿ ನಾಗೀನ್ ಸಿನೆಮಾದಲ್ಲಿ ಈ ಹಾಡನ್ನು ಅಳವಡಿಸಲಾಗಿದೆ. ವೈಜಯಂತಿ ಮಾಲಾ, ಪ್ರದೀಪಕುಮಾರ ಅಭಿನಯಿಸಿದ ಈ ಚಿತ್ರದ ಹಾಡುಗಳು ಇಂದಿಗೂ ಅಷ್ಟೇ ತಾಜಾತನ ಉಳಿಸಿಕೊಂಡಿವೆ ಎಂಬುದಕ್ಕೆ ಈ ನೃತ್ಯವೇ ಸಾಕ್ಷಿ. 72,000ಕ್ಕೂ ಹೆಚ್ಚು ಜನರು ಈ ವಿಡಿಯೋ ಇಷ್ಟಪಟ್ಟಿದ್ದಾರೆ. ಅನೇಕರು ಈ ಯುವತಿಯ ನೃತ್ಯವನ್ನು ಶ್ಲಾಘಿಸಿದ್ದಾರೆ. ಕೆಲವರು ನಕಾರಾತ್ಮಕವಾಗಿ ಪ್ರತಿಕ್ರಿಯಿಸಿದ್ಧಾರೆ. ಪಾಕಿಸ್ತಾನಿ ಎಂಬ ಕಾರಣಕ್ಕೆ ಕೆಲ ಭಾರತೀಯರು ಟ್ರೋಲ್ ಮಾಡಿದ್ದಾರೆ. ಅದಕ್ಕೆ ಯಾರೋ ಒಬ್ಬರು, ನೂರು ಸಲ ನಿಮ್ಮ ಈ ನೃತ್ಯವನ್ನು ನೋಡಿದೆ. ನಕಾರಾತ್ಮಕವಾಗಿ ಪ್ರತಿಕ್ರಿಯಿಸಿದವರನ್ನು ನಿರ್ಲಕ್ಷಿಸಿ, ನೀವು ಚೆನ್ನಾಗಿ ನರ್ತಿಸಿದ್ದೀರಿ ಎಂದಿದ್ದಾರೆ. ಟ್ರೋಲ್ ಮಾಡುವಂಥದ್ದು ಏನೂ ಇಲ್ಲ ಇಲ್ಲಿ ಎಂದಿದ್ದಾರೆ ಹಲವರು.
ನಿಮಗೇನು ಅನ್ನಿಸುತ್ತಿದೆ ಈ ವಿಡಿಯೋ ನೋಡಿ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 2:35 pm, Wed, 16 November 22
