Viral Video : ‘ನನ್ನ ಜವಾಬ್ದಾರಿಯೂ ಇದೆ ಪರಿಸರ ಸಂರಕ್ಷಣೆಯಲ್ಲಿ’
Dog : ಯಾರೋ ಎಸೆದ ಬಾಟಲಿಯನ್ನು ಎಷ್ಟೊಂದು ದೂರದವರೆಗೂ ಬಾಯಿಯಲ್ಲಿ ಹಿಡಿದುಕೊಂಡು ಹೋಗಿ ಡಸ್ಟ್ಬಿನ್ ಗೆ ಹಾಕಿಬರುತ್ತದೆ ಈ ಜಾಣ ನಾಯಿ!
Updated on:Sep 06, 2022 | 2:54 PM
Viral Video : ನಾಯಿಬೆಕ್ಕುಗಳಿಗೆ ಚೆನ್ನಾಗಿ ತರಬೇತಿ ಕೊಟ್ಟರೆ ನಿಜಕ್ಕೂ ಅವುಗಳು ತುಂಬಾ ಸಹಾಯ ಮಾಡುತ್ತವೆ ಎನ್ನುವುದಕ್ಕೆ ಅನೇಕ ಸಾಕ್ಷಿಗಳನ್ನು ಆನ್ಲೈನ್ನಲ್ಲಿ ನೋಡುತ್ತಲೇ ಇರುತ್ತೀರಿ. ರೆಡ್ಡಿಟ್ನಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋ ಇದೀಗ ವೈರಲ್ ಆಗುತ್ತಿದೆ. ಮಕ್ಕಳಿಗೆ ನಾವು ಹೇಗೆ ಶಿಸ್ತು ಹೇಳಿಕೊಡುತ್ತೇವೋ ಹಾಗೆ ಚಿಕ್ಕಂದಿನಲ್ಲಿಯೇ ಸಾಕುಪ್ರಾಣಿಗಳಿಗೆ ಹೇಳಿಕೊಟ್ಟರೂ ಅವು ಕಲಿತೇ ಕಲಿಯುತ್ತವೆ ಎನ್ನುವುದಕ್ಕೆ ಇಲ್ಲಿರುವ ಈ ನಾಯಿಗಿಂತ ಉತ್ತಮ ಉದಾಹರಣೆ ಬೇಕಾ? ಈ ನಾಯಿಯು ಎಷ್ಟೊಂದು ಜವಾಬ್ದಾರಿಯುತವಾಗಿದೆ ನೋಡಿ. 16 ಗಂಟೆಗಳ ಹಿಂದೆ ಪೋಸ್ಟ್ ಮಾಡಲಾದ ಈ ವಿಡಿಯೋ ಅನ್ನು 1,600 ಜನರು ಇಷ್ಟಪಟ್ಟಿದ್ದಾರೆ. ಈ ವಿಡಿಯೋ 5.8 ಮಿಲಿಯನ್ ಸದಸ್ಯರನ್ನು ಹೊಂದಿರುವ r/AnimalsBeingBros ಎಂಬ ಸಬ್‌ರೆಡಿಟ್‌ನಲ್ಲಿ ಹಂಚಿಕೊಳ್ಳಲಾಗಿದೆ.
Another video of my dog helping clean up the neighborhood from AnimalsBeingBros
ರಸ್ತೆಯಲ್ಲಿ ಯಾರೋ ಎಸೆದ ಬಾಟಲಿಯನ್ನು ಈ ನಾಯಿಯು ಬಾಯಿಯಲ್ಲಿ ಕಚ್ಚಿಕೊಂಡು ಡಸ್ಟ್ಬಿನ್ ಇದ್ದಲ್ಲಿಗೆ ಓಡುತ್ತಿದೆ. ಅದರ ಪೋಷಕಿಯು ಅದರೊಂದಿಗೆ ಸಾಗುತ್ತಿದ್ದಾರೆ. ‘ನನ್ನ ನಾಯಿ ತನ್ನ ನೆರೆಹೊರೆಯ ಪ್ರದೇಶವನ್ನು ಸ್ವಚ್ಛಗೊಳಿಸಲು ಸಹಾಯ ಮಾಡುವ ಮತ್ತೊಂದು ವಿಡಿಯೋ’ ಎಂಬ ಶೀರ್ಷಿಕೆ ಈ ವಿಡಿಯೋಗಿದೆ.
ಎಂಥಾ ಒಳ್ಳೆಯ ನಾಯಿ ಇದು. ಇವಳ ಬೆನ್ನಿನ ಮೇಲೆ ಕೈಯ್ಯಾಡಿಸಬೇಕೆನ್ನಿಸುತ್ತಿದೆ ಎಂದು ರೆಡ್ಡಿಟ್ ಖಾತೆದಾರರು ಪ್ರತಿಕ್ರಿಯಿಸಿದ್ದಾರೆ. ಇನ್ನೊಬ್ಬರು, ‘ಸ್ವೀಟ್ ಬೇಬಿ! ಅದರ ಬಾಲವೇ ಎಲ್ಲವನ್ನೂ ಹೇಳುತ್ತದೆ’ ಎಂದು ಮತ್ತೊಬ್ಬರು ಹೇಳಿದ್ದಾರೆ.
ಮಕ್ಕಳನ್ನು ಬೆಳೆಸುವಂತೆ ಜೋಪಾನವಾಗಿ ಪ್ರಜ್ಞೆಯಿಂದ ಬೆಳೆಸಿದರೆ ನಾಯಿಗಳೂ ಶಿಸ್ತನ್ನು ಕಲಿಯುವಲ್ಲಿ ಸಂದೇಹವೇ ಇಲ್ಲ. ಆದರೆ ಎಲ್ಲವನ್ನೂ ನಿಭಾಯಿಸುವ ತಾಳ್ಮೆ ಸಾಕುವವರಿಗೆ ಇರಬೇಕಷ್ಟೇ.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 2:52 pm, Tue, 6 September 22
