Viral Video: ನಾಯಿಯನ್ನು ರಕ್ಷಿಸಲು ಹಿಮಸರೋವರಕ್ಕೆ ಧುಮುಕಿದ ವ್ಯಕ್ತಿ

Viral Video: ನಿನ್ನೆ ನಾನು ಸ್ನೇಹಿತನೊಂದಿಗೆ ಸರೋವರದ ಬಳಿ ವಾಕಿಂಗ್ ಹೋಗಿದ್ದೆವು. ಇದ್ದಕ್ಕಿದ್ದಂತೆ ನಮ್ಮೆದುರೇ ಹೋದ ನಾಯಿಯೊಂದು ಬಾತುಕೋಳಿಗಳನ್ನು ವೇಗದಲ್ಲಿ ಅಟ್ಟಿಸಿಕೊಂಡು ಹಿಮಗಟ್ಟಿದ ಸರೋವರಕ್ಕೆ (Icy Lake) ನುಗ್ಗಿಯೇ ಬಿಟ್ಟಿತು. ಗಾಬರಿಯಿಂದ ನೋಡನೋಡುತ್ತಿದ್ದಂತೆ ಮಂಜುಗಡ್ಡೆಯೊಳಗೇ ರಭಸದಿಂದ ಓಡಿ ಸಿಕ್ಕಿಹಾಕಿಕೊಂಡಿತು. ಸಿಕ್ಕಿಹಾಕಿಕೊಂಡ ಮಂಜುಗಡ್ಡೆಯಿಂದ ಹೊರಬರಲು ಹೆಣಗಾಡತೊಡಗಿತು. ಅಸಹಾಯಕತೆಯಿಂದ ನಾವು ಗಾಬರಿಗೆ ಒಳಗಾದೆವು. ಹೇಗಾದರೂ ಮಂಜುಗಡ್ಡೆ ಸೀಳಿ ನಾಯಿ (Dog) ಹೊರಕ್ಕೆ ಬಂದರೆ ಸಾಕೆಂದು ಪ್ರಾರ್ಥಿಸಿದೆವು. ಆನಂತರ…

ಅದು ಸಾವುಬದುಕಿನ ಮಧ್ಯೆ ಹೋರಾಡುವುದನ್ನು ನೋಡಿ 911 ಗೆ ಕರೆ ಮಾಡಿದೆವು. ಅಗ್ನಿಶಾಮಕದಳವು ಸ್ಥಳಕ್ಕೆ ಧಾವಿಸಿತು. ಯಂತ್ರದ ಸಹಾಯದಿಂದ ನಾಯಿಯನ್ನು ರಕ್ಷಿಸುತ್ತಾರೆ ಎಂದುಕೊಂಡಿದ್ದೆವು. ಆದರೆ ನೋಡನೋಡುತ್ತಿದ್ದಂತೆ ಒಬ್ಬ ವ್ಯಕ್ತಿ ತನ್ನ ಬಟ್ಟೆಗಳನ್ನು ಕಳಚಿ ಹಿಮಗಟ್ಟಿದ ಸರೋವರಕ್ಕೆ ಧುಮುಕಿಯೇ ಬಿಟ್ಟ. ನಂತರ ನಾಯಿಯೊಂದಿಗೆ ವಾಪಾಸು ದಡಕ್ಕೆ ಬಂದ.

ಇದನ್ನೂ ಓದಿ : Viral Video: ಸೆರಗನ್ನು ಮೇಲೇರಿಸಿಕೊಳ್ಳಿ’ ನೈತಿಕ ಶಿಕ್ಷಕರಿಗೆ ಗಾಯಕಿಯ​ ಮಾತಿನಚಾಟಿ, ನೋಡಿ ವಿಡಿಯೋ

ಜೇಸನ್​ ಸ್ಕಿಡ್ಜೆಲ್​ ಎಂಬ ವ್ಯಕ್ತಿ ತಾನು ಈ ಘಟನೆಗೆ ಸಾಕ್ಷಿಯಾದುದರ ಕುರಿತು ಬರೆದು ವಿಡಿಯೋ ಅನ್ನು ಇನ್​ಸ್ಟಾಗ್ರಾಮಿನಲ್ಲಿ ಅಪ್​ಲೋಡ್ ಮಾಡಿದ್ದಾನೆ. ಈ ವಿಡಿಯೋ ಅನ್ನು ಈತನಕ ಎಂಟು ಲಕ್ಷ ಜನರು ವೀಕ್ಷಿಸಿದ್ದಾರೆ. 37,000ಕ್ಕಿಂತಲೂ ಹೆಚ್ಚು ಜನರು ಇಷ್ಟಪಟ್ಟಿದ್ದಾರೆ. ಅನೇಕರು ಈ ಸಾಹಸಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ : Viral Video: ಕ್ಯಾನ್ಸರ್​ನಿಂದ ಬಳಲುತ್ತಿರುವ ಸ್ನೇಹಿತೆಗೆ ತಲೆ ಬೋಳಿಸಿಕೊಂಡು ಸಾಥ್ ನೀಡಿದ ಸ್ನೇಹಿತರು

ನಾಯಿಯನ್ನು ರಕ್ಷಿಸಿದ ವ್ಯಕ್ತಿ ನಿಜಕ್ಕೂ ಮಾನವೀಯತೆ ಗುಣವುಳ್ಳವರು, ತಮ್ಮ ಜೀವದ ಹಂಗನ್ನು ತೊರೆದು ನಾಯಿಯನ್ನು ರಕ್ಷಿಸಿದ್ದಾರೆ, ಅವರಿಗೆ ಒಳ್ಳೆಯದಾಗಲಿ ಎಂದು ಅನೇಕರು ಹಾರೈಸಿದ್ದಾರೆ. ಈ ವಿಷಯವನ್ನು ವಿಡಿಯೋ ಸಮೇತ ತಲುಪಿಸಿದ ನಿಮಗೆ ಕೆಲವರು ಜೇಸನ್​ ಅವರಿಗೆ ಧನ್ಯವಾದ ತಿಳಿಸಿದ್ದಾರೆ. ನಾಯಿ ಆತನನ್ನು ಸೇರುವ ತನಕ ನಾನು ಉದ್ವೇಗಗೊಂಡಿದ್ದೆ, ಅಂತೂ ಅದು ಬದುಕಿತಲ್ಲ ಎಂದು ಅನೇಕರು ಸಂತಸ ವ್ಯಕ್ತಪಡಿಸಿದ್ದಾರೆ.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ