Viral Video: ಮಕ್ಕಳನ್ನು ಮಕ್ಕಳಂತೆ ಇರಲು ಬಿಡಿ, ಈ ವಿಡಿಯೋ ನಿಮ್ಮ ಬಾಲ್ಯವನ್ನು ನೆನಪಿಸಬಹುದು

Follow us on

ನಾವು ದೊಡ್ಡವರಾಗ್ತಿದ್ದಂತೆ ನಮ್ಮ ಬಾಲ್ಯದ ನೆನಪು, ಆಗ ಒಡಹುಟ್ಟಿದವರು ಮತ್ತು ಸ್ನೇಹಿತರೊಂದಿಗೆ ಆಡಿದ ಆಟ, ತುಂಟಾಟಗಳು ಮನಸ್ಸಿನಲ್ಲೊಂದು ವಿಶೇಷ ಜಾಗವನ್ನು ಪಡೆದಿರುತ್ತವೆ. ಅದರಲ್ಲೂ 90 ರ ದಶಕದ ಮಕ್ಕಳ ಬಾಲ್ಯದ ದಿನಗಳೇ ಚೆಂದ. ಹೌದು ಇಂಟರ್ನೆಟ್ ಇಲ್ಲದ ಆ ಸಮಯದಲ್ಲಿ ಶಾಲೆಯಿಂದ ಬಂದ ಕೂಡಲೇ ಸ್ನೇಹಿತ ಜೊತೆ ಆಡಲು ಹೋಗುವ, ಮಣ್ಣಿನಲ್ಲಿ ಆಟವಾಡಿ ಅಮ್ಮನ ಬೈಗುಳ, ಪೆಟ್ಟು ತಿನ್ನುತ್ತಿದ್ದ ಆ ಅನುಭವವನ್ನು ಮರೆಯಲು ಎಂದಿಗೂ ಸಾಧ್ಯವಿಲ್ಲ. ಇದೀಗ ನಮ್ಮೆಲ್ಲರ ಆ ಬಾಲ್ಯದ ದಿನವನ್ನು ನೆನಪಿಸುವಂತಹ ಸುಂದರ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಈ ಸೊಗಸಾದ ವಿಡಿಯೋವನ್ನು ಕಂಡು ನೆಟ್ಟಿಗರು ಫುಲ್ ಖುಷ್ ಆಗಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುವ ಈ ವಿಡಿಯೋದಲ್ಲಿ ಮಣ್ಣಿನಲ್ಲಿ ಜಾರುಬಂಡಿ ಆಟವನ್ನು ಆಡುತ್ತಿರುವ ದೃಶ್ಯವನ್ನು ಕಾಣಬಹುದು. ಈ ವೈರಲ್ ವಿಡಿಯೋವನ್ನು @TheFigen_ ಎಂಬ X ಖಾತೆಯಲ್ಲಿ ಹಂಚಿಕೊಳ್ಳಲಾಗಿದ್ದು, “ಇದು ಇಂಟರ್ನೆಟ್ ಇಲ್ಲದ ಜೀವನ …” ಎಂಬ ಶೀರ್ಷಿಕೆಯನ್ನು ಬರೆದುಕೊಂಡಿದ್ದಾರೆ.

ವೈರಲ್​​ ವಿಡಿಯೋ ಇಲ್ಲಿದೆ ನೋಡಿ:

ವೈರಲ್ ವಿಡಿಯೋದಲ್ಲಿ ಪುಟ್ಟ ಪೋರರಿಬ್ಬರು ಮಣ್ಣಿನಲ್ಲಿ ಜಾರುಬಂಡಿ ಆಟವನ್ನು ಆಡುತ್ತಿರುವಂತಹ ಮುದ್ದಾದ ದೃಶ್ಯವನ್ನು ಕಾಣಬಹುದು.

ಇದನ್ನೂ ಓದಿ: 15 ವರ್ಷದ ವಧು ಹುಡುಕಾಟದ ನಂತರ ಕಡೆಗೂ 3.7 ಅಡಿ ಯುವಕನಿಗೆ ಸಂಗಾತಿಯಾದ 4 ಅಡಿ ಎತ್ತರದ ಯುವತಿ

ಫೆಬ್ರವರಿ 14 ರಂದು ಹಂಚಿಕೊಳ್ಳಲಾದ ಈ ವಿಡಿಯೋ 3.3 ಮಿಲಿಯನ್ ವೀಕ್ಷಣೆಗಳನ್ನು ಹಾಗೂ 49 ಸಾವಿರಕ್ಕಿಂತಲೂ ಹೆಚ್ಚು ಲೈಕ್ಸ್ ಗಳನ್ನು ಪಡೆದುಕೊಂಡಿದೆ. ಹಾಗೂ ತರಹೇವಾರಿ ಕಾಮೆಂಟ್ ಗಳೂ ಹರಿದುಬಂದಿವೆ. ಒಬ್ಬ ಬಳಕೆದಾರರು ‘ಆ ದಿನಗಳೇ ಸುಂದರ. ಪ್ರಪಂಚವು ತಂತ್ರಜ್ಞಾನದೊಂದಿಗೆ ಪ್ರಗತಿ ಸಾಧಿಸಿದೆ ಎಂದು ಜನರು ಭಾವಿಸುತ್ತಾರೆ, ಆದರೆ ವಾಸ್ತವವಾಗಿ, ನಾವು ಜೀವನದ ನಿಜವಾದ ಅರ್ಥವನ್ನು ಕಳೆದುಕೊಂಡಿದ್ದೇವೆ’ ಎಂಬ ಕಾಮೆಂಟ್ ಬರೆದುಕೊಂಡಿದ್ದಾರೆ. ಇನ್ನೊಬ್ಬ ಬಳಕೆದಾರರು ‘ಮಕ್ಕಳ ಈ ಆಟ ತುಂಬಾ ವಿನೋದಮಯವಾಗಿದೆ’ ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬ ಬಳಕೆದಾರರು ‘ನಾನು ಕೂಡ ಇದೇ ರೀತಿ ತುಂಟಾಟವಾಡಿ ಅಮ್ಮನ ಕೈಯಿಂದ ಪೆಟ್ಟು ತಿಂದಿದ್ದೆ’ ಎಂದು ಹೇಳಿದ್ದಾರೆ. ಇನ್ನೂ ಅನೇಕರು ಇಂಟರ್ನೆಟ್ ಇಲ್ಲದ ಆ ದಿನಗಳೇ ಬಲು ಚೆಂದವಾಗಿತ್ತು ಎಂದು ಹೇಳಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ