Viral Video: ಮೊದಲ ಬಾರಿಗೆ ಮಗನ ಜತೆಗೆ ವಿಮಾನಯಾನ, ಪಾಪ ಅಪ್ಪನ ಖುಷಿ ನೋಡಿ

ತಂದೆ ತಾಯಿ ನಮಗಾಗಿ ಅದೆಷ್ಟೋ ತ್ಯಾಗಗಳನ್ನು ಮಾಡಿರುತ್ತಾರೆ. ನಾವು ಬೆಳೆದು ದೊಡ್ಡವರಾದ ನಂತರ ಅವರನ್ನು ಸಂತೋಷದಿಂದ ನೋಡಿಕೊಳ್ಳಬೇಕು, ಅವರು ಹೆಮ್ಮೆ ಪಡುವಂತೆ ಬದುಕಬೇಕು ಎಂಬ ಆಸೆ ಎಲ್ಲರಿಗೂ ಇರುತ್ತದೆ. ಅದರಲ್ಲೂ ಅನೇಕರಿಗೆ ನಮ್ಮ ಪೋಷಕರು ನೋಡಿರದ ಹೊಸ ಪ್ರಪಂಚವನ್ನು ಅವರಿಗೆ ತೋರಿಸಿ ಅವರನ್ನು ಸಂತೋಷಪಡಿಸಬೇಕು, ಜೀವನದಲ್ಲಿ ಒಂದು ಬಾರಿಯಾದರೂ ನಮ್ಮ ಹೆತ್ತವರನ್ನು ವಿಮಾನದಲ್ಲಿ ಕರೆದುಕೊಂಡು ಹೋಗಿ ದೇಶ ವಿದೇಶ ಸುತ್ತಾಡಿಸಬೇಕೆಂಬ ಬಯಕೆ ಇರುತ್ತದೆ. ಇದೇ ರೀತಿ ಇತ್ತೀಚಿಗೆ ಸಾಮಾಜಿಕ ಜಾಲತಾಣದಲ್ಲಿ ಹೃದಯಸ್ಪರ್ಶಿ ವೀಡಿಯೋ ವೈರಲ್ ಆಗಿದ್ದು, ಎಲ್ಲರನ್ನು ಭಾವನಾತ್ಮಕವನ್ನಾಗಿಸಿದೆ. ವ್ಯಕ್ತಿಯೊಬ್ಬರು ತನ್ನ ತಂದೆಯನ್ನು ಮೊದಲಬಾರಿಗೆ ವಿಮಾನಯಾನದ ಮೂಲಕ ಮುಂಬೈಗೆ ಕರೆದುಕೊಂಡು ಹೋಗಿದ್ದು, ಆ ತಂದೆಯ ಮುಖದಲ್ಲಿನ ಖುಷಿ ನಮ್ಮ ಕಣ್ಣಂಚಿನಲ್ಲಿ ನೀರು ತರಿಸುವಂತಿದೆ.

ಜತಿನ್ ಲಂಬ ಎನ್ನುವವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಈ ಭಾವನಾತ್ಮಕ ವೀಡಿಯೋವನ್ನು ಹಂಚಿಕೊಂಡಿದ್ದು, ಅವರು ತಮ್ಮ ತಂದೆಯನ್ನು ದೆಹಲಿಯಿಂದ ಮುಂಬೈಗೆ ಮೊದಲ ಬಾರಿಗೆ ವಿಮಾನಯಾನದ ಮೂಲಕ ಕರೆದುಕೊಂಡು ಹೋಗಿದ್ದಾರೆ. ವೀಡಿಯೋ ಕ್ಲಿಪ್ ನಲ್ಲಿ ಅವರ ತಂದೆ ವಿಮಾನಕ್ಕೆ ಹೋಗುತ್ತಿದ್ದಂತೆ, ಹೊಸ ಪ್ರಪಂಚವನ್ನು ಕಂಡು ಮಗು ಮನಸ್ಸಿನಿಂದ ಆನಂದಿಸಿದರು, ಹಾಗೂ ವಿಮಾನದಲ್ಲಿ ಕುಳಿತುಕೊಳ್ಳುತ್ತಿದ್ದಂತೆ ಸಂತೋಷದಿಂದ ಸೆಲ್ಫಿ ತೆಗೆದುಕೊಳ್ಳುತ್ತಾರೆ, ನಂತರ ಮುಂಬೈಗೆ ಬಂದಿಳಿದು ಮಗನ ರೂಮ್​​​ಗೆ ಬರುತ್ತಾರೆ, ಅಲ್ಲಿನ ಹೊರಗಿನ ನೋಟವನ್ನು ಅವರು ವೀಕ್ಷಿಸುವುದನ್ನು ಕಾಣಬಹುದು. ಒಬ್ಬ ತಂದೆಯು ಮೊದಲ ಬಾರಿಗೆ ಹೊರಗಿನ ಪ್ರಪಂಚಕ್ಕೆ ಬಂದು ಸಂತೋಷ ಪಡುವ ಭಾವನಾತ್ಮಕ ಸನ್ನಿವೇಶವನ್ನು ಇಲ್ಲಿ ಸೆರೆಹಿಡಿಯಲಾಗಿದೆ.

ಇದನ್ನೂ ಓದಿ:Viral Video: ಪಾರ್ಕಿಂಗ್​ನಲ್ಲಿದ್ದ ಬೈಕ್​ಗಳ ಮೇಲೆ ಕಾರು ಹತ್ತಿಸಿದ ಯುವತಿ, ಅಯ್ಯೋ ಅಕ್ಕಾ ನಿಧಾನ ಎಂದ ನೆಟ್ಟಿಗರು

ಇನ್ಸ್ಟಾಗ್ರಾಮ್​​​​ನಲ್ಲಿ ವೈರಲ್ ಆಗಿರುವ ಈ ವೀಡಿಯೋ 129 ಸಾವಿರ ವೀಕ್ಷಣೆಗಳನ್ನು ಹಾಗೂ 21.1 ಸಾವಿರ ಲೈಕ್ಸ್​​ಗಳನ್ನು ಪಡೆದುಕೊಂಡಿದೆ. ಮತ್ತು ಅನೇಕರು ಈ ಹೃದಯಸ್ಪರ್ಶಿ ವೀಡಿಯೋವನ್ನು ಮೆಚ್ಚಿ, ತಮ್ಮ ಅಭಿಪ್ರಾಯಗಳನ್ನು ಕಮೆಂಟ್ ಮಾಡಿದ್ದಾರೆ. ಒಬ್ಬ ಬಳಕೆದಾರರು ‘ನೀವು ಜೀವನದಲ್ಲಿ ಗೆದ್ದಿದ್ದೀರಿ ಸ್ನೇಹಿತ. ನನ್ನ ತಾಯಿ ಮತ್ತು ತಂದೆಗಾಗಿ ನಾನು ಇದೇ ರೀತಿ ಮಾಡಲು ಬಯಸುತ್ತೇನೆ’ ಎಂದು ಹೇಳಿದ್ದಾರೆ. ಇನ್ನೊಬ್ಬ ಬಳಕೆದಾರು ‘ಏಕೆ ಎಂದು ನನಗೆ ತಿಳಿದಿಲ್ಲ ಆದರೆ ಈ ವೀಡಿಯೋ ನನ್ನನ್ನು ಭಾವನಾತ್ಮಕವನ್ನಾಗಿಸಿದೆ ಎಂದು ಕಮೆಂಟ್ ಮಾಡಿದ್ದಾರೆ. ಇನ್ನೊಬ್ಬ ಬಳಕೆದಾರರು ‘ದೇವರೇ ಎಲ್ಲಾ ತಂದೆ ತಾಯಿಗೂ ಈ ಸಂತೋಷದ ಕ್ಷಣವನ್ನು ಆಶೀರ್ವದಿಸಿ’ ಎಂದು ಕಮೆಂಟ್ ಮಾಡಿದ್ದಾರೆ.

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ