Video: ಸೆಕ್ಯೂರಿಟಿ ಗಾರ್ಡ್​​​​ನ ಹಿಂಸೆ ತಾಳಲಾರದೆ 17ನೇ ಮಹಡಿಯಿಂದ ಬಲವಂತವಾಗಿ ಜಿಗಿದು ಸಾವನ್ನಪ್ಪಿದ ನಾಯಿ

ಮುಂಬೈನಲ್ಲಿ ಅಮಾನವೀಯ ಘಟನೆಯೊಂದು ನಡೆದಿದೆ. ಪ್ರಾಣಿಗಳಿಗೂ ನೋವುವಾಗುತ್ತದೆ ಎಂಬ ಮನೋಭಾವವನ್ನು ಅನೇಕರು ಇಂದಿನ ಕಾಲದಲ್ಲಿ ಮರೆಯುತ್ತಿದ್ದಾರೆ. ಅದೆಷ್ಟೋ ಇಂತಹ ಸ್ಟೋರಿಗಳು ಆಗ್ಗಾಗೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿರುತ್ತವೆ. ಅಂತಹದ್ದೇ ಘಟನೆಯೊಂದು ಇದೀಗ ನಡೆದಿದದ್ದು,  ಮುಂಬೈನಲ್ಲಿ ಸೆಕ್ಯೂರಿಟಿ ಗಾರ್ಡ್​​​​ 17ನೇ ಮಹಡಿಯಿಂದ ಸಾಕು ನಾಯಿಯನ್ನು ಬಲವಂತವಾಗಿ ತಳ್ಳಿ ಸಾಯಿಸಿದ್ದಾನೆ.  ಈ ಘಟನೆಯ ಬಗೆಗಿನ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​​ ಆಗುತ್ತಿದೆ. ಆ ಮೂಕ ಪ್ರಾಣಿ ಎಷ್ಟು ನೋವು ತಿಂದಿರಬೇಡ, ಇಂತಹ ಕೃತ್ಯವನ್ನು ಮಾಡುವವರಿಗೆ ಸರಿಯಾದ ಶಿಕ್ಷೆಯನ್ನು ನೀಡಬೇಕು ಎಂದು ಅನೇಕರು ಕಾಮೆಂಟ್​​ ಕೂಡ ಮಾಡಿದ್ದಾರೆ. ಮುಂಬೈನ ವಸತಿ ಕಟ್ಟಡವೊಂದರಲ್ಲಿ ನಾಯಿಯನ್ನು ಕ್ರೂರವಾಗಿ ಥಳಿಸಿ 17 ನೇ ಮಹಡಿಯ ಬಾಲ್ಕನಿಯಿಂದ ಬಲವಂತವಾಗಿ ಜಿಗಿಯುವಂತೆ ಮಾಡಿದ್ದಾನೆ. ನಾಯಿ ನರಳಿ ನರಳಿ ಸಾವನ್ನಪ್ಪಿದ್ದು,  ಈ ದೃಶ್ಯವನ್ನು ನೋಡಲು ಸಾಧ್ಯವಿಲ್ಲ ಅಷ್ಟು ಕ್ರೂರವಾಗಿದೆ.

ವಿಜಯ್ ರಂಗರೆ ಎಂಬುವವರು ಈ ಬಗ್ಗೆ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಒಬ್ಬ ಸೆಕ್ಯೂರಿಟಿ ಗಾರ್ಡ್​​​​ ವಯಸ್ಸಾದ ನಾಯಿಯನ್ನು 17ನೇ ಮಹಡಿಯಿಂದ ಬಲವಂತವಾಗಿ ಜಿಗಿಯುವಂತೆ ಮಾಡಿದ್ದಾನೆ. ಆ ಜೀವನ ನರಳಾಡಿ ಸತ್ತಿದೆ ಎಂದು ಬರೆದುಕೊಂಡಿದ್ದಾರೆ. ಈಗಾಗಲೇ ಸೆಕ್ಯೂರಿಟಿ ಗಾರ್ಡ್​​​​ ಮೇಲೆ ಪ್ರಕರಣ ದಾಖಲಿಸಲಾಗಿದೆ. ಈ ಬಗ್ಗೆ ತನಿಖೆಯನ್ನು ನಡೆಸುತ್ತಿದ್ದಾರೆ. ಆದರೆ ಇಷ್ಟಕ್ಕೆ ಆ ವ್ಯಕ್ತಿಯನ್ನು ಯಾವುದೇ ಕಾರಣಕ್ಕೂ ಬೀಡಬಾರದು, ಆತನಿಗೆ ಕಠಿಣ ಶಿಕ್ಷಯಾಗಬೇಕು ಎಂದು ವಿಜಯ್ ರಂಗರೆ ಒತ್ತಾಯ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ನಾಯಿಯನ್ನು ಮನಬಂದಂತೆ ಆ ಸೆಕ್ಯೂರಿಟಿ ಗಾರ್ಡ್ ಹೊಡೆಯುತ್ತಾನೆ. ಆ ಶ್ವಾನ ಕಿರುಚಿದರೂ ದಯೆ ಇಲ್ಲದಂತೆ ಹೊಡೆದಿದ್ದಾನೆ. ನಾಯಿ ನೋವು ಸಹಿಸಲಾಗದೇ ಓಡಲು ಪ್ರಾರಂಭಿಸಿದೆ, ಈ ವೇಳೆ ಬಾಲ್ಕನಿ ಬಳಿ ಬಂದ ನಾಯಿ ದಾರಿ ಕಾಣದೇ ಬಲವಂತವಾಗಿ 17 ಮಹಡಿಯ ಬಾಲ್ಕನಿಯಿಂದ ಜಿಗಿದಿದೆ.

ಇದನ್ನೂ ಓದಿ: 79 ವರ್ಷ ವಯಸ್ಸಲ್ಲೂ ಇಡ್ಲಿ-ಸಾಂಬಾರ್‌ ಮಾರಿ ಸ್ವಾವಲಂಬಿ ಜೀವನ ನಡೆಸುತ್ತಿರುವ ನಿವೃತ್ತ ಯೋಧೆ

ವೈರಲ್​​ ವಿಡಿಯೋ ಇಲ್ಲಿದೆ ನೋಡಿ:

ಇನ್ನು ಈ ವಿಡಿಯೋ ನೋಡಿ ಅನೇಕರು ಕಮೆಂಟ್​​ ಮಾಡಿದ್ದಾರೆ. ಒಬ್ಬ ಬಳಕೆದಾರ ಇಂತಹ ಘಟನೆಗಳಿಗೆ ಕಠಿಣ ಕ್ರಮ ಆಗಲೇಬೇಕು. ಆತನನ್ನು ಯಾವುದೇ ಕಾರಣಕ್ಕೂ ಬಿಡಬಾರದು, ಆ ಶ್ವಾನ ಜೀವ ಉಳಿಸಿಕೊಳ್ಳಲು ಎಷ್ಟು ಒದ್ದಾಡಿದೆ ಎಂಬುದನ್ನು ವಿಡಿಯೋದಲ್ಲಿ ನೋಡಿ ಎಂದು ಕಮೆಂಟ್ ಮಾಡಿದ್ದಾರೆ. ಇನ್ನೊಬ್ಬ ಇನ್ಸ್ಟಾ ಬಳಕೆದಾರ  ಆ ವ್ಯಕ್ತಿ ನಾಯಿ ಅಷ್ಟು ಹಿಂಸೆ ಕೊಟ್ಟರು ಯಾರು ಅಲ್ಲಿ ಮಾತನಾಡಿಲ್ಲ, ಅಥವಾ ಅದನ್ನು ತಡೆಯಲಿಲ್ಲ ಇದು ವಿಪರ್ಯಾಸವೇ ಸರಿ. ಒಂದು ವೇಳೆ ಇಂತಹ ಸ್ಥಿತಿ ಅವರಿಗೆ ಬಂದಿದ್ದರೆ, ಆಗಾ ಅವರಿಗೆ ಗೊತ್ತಾಗುತ್ತಿತ್ತು ಎಂದು ಹೇಳಿದ್ದಾರೆ.

ವೈರಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ