ಎಕ್ಸ್ಕ್ಯೂಸ್ ಮೀ, ಗುಟ್ಕಾ ಉಗಿಯಲು ವಿಮಾನದ ಕಿಟಕಿಯ ಬಾಗಿಲನ್ನು ತೆರೆಯುವಿರಾ?
Gutka : ಅಂಗೈಯ್ಯೊಳಗೆ ಏನನ್ನೋ ಉಜ್ಜುತ್ತ, ಗಗನಸಖಿಯ ಗಮನ ಸೆಳೆದು ವಿಮಾನದ ಕಿಟಕಿಯನ್ನು ತೆರೆಯಲು ಕೇಳಿಕೊಳ್ಳುತ್ತಾನೆ ಈ ಯುವಕ. ಆಕೆ ಯಾಕೆ ಎಂದು ಕೇಳಿದಾಗ ಗುಟ್ಕಾ ಉಗಿಯಲು ಎಂದು ಹೇಳುತ್ತಾನೆ.
Updated on:Jan 23, 2023 | 11:37 AM
Viral Video : ಸಂಸದ ತೇಜಸ್ವಿ ಸೂರ್ಯ ಇತ್ತೀಚೆಗಷ್ಟೇ ವಿಮಾನದಲ್ಲಿ ತುರ್ತು ನಿರ್ಗಮನ ಬಾಗಿಲನ್ನು ತೆರೆದ ಪ್ರಕರಣ ಇನ್ನೂ ಹಸಿಹಸಿಯಾಗಿಯೇ ಇದೆ. ಇದಕ್ಕೆ ಸಾಕ್ಷಿ ಎಂಬಂತೆ ಈ ಪ್ರಕರಣದ ಸುತ್ತ ಅನೇಕ ಮೀಮ್ಗಳು, ಜೋಕ್ಗಳು, ಕಾರ್ಟೂನ್ಗಳು ಇನ್ನೂ ನಮ್ಮನ್ನು ನಗೆಗಡಲಲ್ಲಿ ತೇಲಿಸುತ್ತಲೇ ಇವೆ. ಹೀಗಿರುವಾಗಲೇ ಯುವಕನೊಬ್ಬ ಗುಟ್ಕಾ (Gutka) ಉಗಿಯಲು ವಿಮಾನದ ಕಿಟಕಿಯನ್ನು ತೆರೆಯಲು ಗಗನಸಖಿಗೆ ಕೇಳಿಕೊಂಡ ವಿಡಿಯೋ ವೈರಲ್ ಆಗುತ್ತಿದೆ.
ಇತ್ತೀಚೆಗೆ ಸರದಿಯಂತೆ ವಿಮಾನದಲ್ಲಿ ಸಾಕಷ್ಟು ಅಹಿತಕರ, ಅಸಭ್ಯ ಘಟನೆಗಳು ನಡೆದು ವಿಮಾನಯಾನವೆಂದರೆ ಭಯ, ಉದ್ವಿಗ್ನ ಉಂಟಾಗುವಂತೆ ಮಾಡಿವೆ. ಇದೀಗ ವೈರಲ್ ಆಗುತ್ತಿರುವ ಈ ವಿಡಿಯೋ ನೋಡಿದ ತಕ್ಷಣ ಆರಂಭದಲ್ಲಿ ಕೋಪ ಬರುತ್ತದೆಯಾದರೂ ಕ್ಷಣಗಳಲ್ಲೆ ಇದು ನಿಮ್ಮನ್ನು ನೆಗೆಗಡಲಲ್ಲಿ ತೇಲಿಸಿ ಸದ್ಯ! ಎಂದುಕೊಳ್ಳುವಂತೆ ಮಾಡುತ್ತದೆ.
ಇದನ್ನೂ ಓದಿ : ಹೆಂಡತಿಯನ್ನು ಕೊಲ್ಲಲು ಆಕೆಯ ಮನೆಗೆ ಟ್ರಕ್ ನುಗ್ಗಿಸಿದ ಗಂಡ; ವೈರಲ್ ಆದ ವಿಡಿಯೋ
ಇಂಡಿಗೋ ವಿಮಾನದಲ್ಲಿ ನಡೆದ ಈ ಮುದ್ದಾಮ್ ಗುಟ್ಕಾ ಪ್ರಕರಣವನ್ನು ಗೋವಿಂದ ಶರ್ಮಾ ಎನ್ನುವವರು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಅಂಗೈಯ್ಯೊಳಗೆ ಏನನ್ನೋ ಉಜ್ಜುತ್ತ, ಗಗನ ಸಖಿಯ ಗಮನ ಸೆಳೆದು ವಿಮಾನದ ಕಿಟಕಿಯನ್ನು ತೆರೆಯಲು ಕೇಳಿಕೊಳ್ಳುತ್ತಾನೆ ಈ ಯುವಕ. ಆಕೆ ಯಾಕೆ ಎಂದು ಕೇಳಿದಾಗ ಗುಟ್ಕಾ ಉಗಿಯಲು ಎಂದು ಹೇಳುತ್ತಾನೆ. ಆಗ ಆಕೆಗೆ ಫಕ್ಕನೆ ನಗು ಬರುತ್ತದೆ. ಗುಟುಕಾ ಉಗಿಯುವ ನಾಟಕ ಮಾಡಿದ ವ್ಯಕ್ತಿಗೂ ಅಲ್ಲಿದ್ದ ಪ್ರಯಾಣಿಕರಿಗೂ ನಗು ತಡೆಯಲಾಗುವುದಿಲ್ಲ.
ಇದನ್ನೂ ಓದಿ : ಸೀರೆ ಉಟ್ಟುಕೊಂಡು ಪ್ಯಾರಾಗ್ಲೈಡಿಂಗ್ ಮಾಡಿದ 80ರ ಅಜ್ಜಿಯ ವಿಡಿಯೋ ವೈರಲ್
ಈ ವಿಡಿಯೋ ಅನ್ನು 1 ಮಿಲಿಯನ್ಗಿಂತಲೂ ಹೆಚ್ಚು ಜನರು ಇಷ್ಟಪಟ್ಟಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿದ್ದಾರೆ. ಕಾನ್ಪುರ್ ವಿಮಾನದಲ್ಲಿ ಇದಕ್ಕಾಗಿ ವಿಶೇಷ ನವೀಕರಣ ಮಾಡಲಾಗಿದೆ ಎಂದಿದ್ದಾರೆ ಒಬ್ಬರು. ಇವ ಪಕ್ಕಾ ನನ್ನ ದೋಸ್ತನೇ ಎಂದಿದ್ದಾರೆ ಇನ್ನೊಬ್ಬರು. ಉತ್ತರ ಪ್ರದೇಶ, ಬಿಹಾರದ ಮಂದಿಗೆ ವಿಮಾನದಲ್ಲಿಯೂ ಕಿಟಕಿಗಳು ಬೇಕಾಗುತ್ತವೆ ಎಂದಿದ್ದಾರೆ ಮಗದೊಬ್ಬರು.
ಇದನ್ನು ಓದಿದ, ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 11:34 am, Mon, 23 January 23
