Viral Video: ವಿಮಾನವನ್ನು ಐಷಾರಾಮಿ ಬಂಗಲೆಯನ್ನಾಗಿ ಮಾಡಿದ ವ್ಯಕ್ತಿ; ವಿಡಿಯೋ ಇಲ್ಲಿದೆ ನೋಡಿ

ಭಾರತದ ಹಿರಿಯ ಕೈಗಾರಿಕೋದ್ಯಮಿ ಆನಂದ್ ಮಹೀಂದ್ರಾ ಅವರು ಸೋಶಿಯಲ್​​ ಮೀಡಿಯಾಗಳಲ್ಲಿ ಸಖತ್​​ ಆಕ್ಟೀವ್​ ಆಗಿದ್ದು, ತಮ್ಮ ಅನುಯಾಯಿಗಳಿಗಾಗಿ ಟ್ರೆಂಡಿಂಗ್ ಪೋಸ್ಟ್‌ಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಇದೀಗಾ ವಿಮಾನವನ್ನು ಐಷಾರಾಮಿ ಬಂಗಲೆಯನ್ನಾಗಿ ಮಾಡಿದ ವ್ಯಕ್ತಿಯ ವಿಡಿಯೋವೊಂದನ್ನು ಹಂಚಿಕೊಂಡಿದ್ದು, ವಿಡಿಯೋ ಎಲ್ಲಡೆ ವೈರಲ್​​ ಆಗಿದೆ.

ರಷ್ಯಾದ ಉದ್ಯಮಿ ಫೆಲಿಕ್ಸ್ ಡೆಮಿನ್ ಕೈಬಿಟ್ಟ ಬೋಯಿಂಗ್ 737 ಅನ್ನು ಐಷಾರಾಮಿ ಖಾಸಗಿ ವಿಲ್ಲಾವನ್ನಾಗಿ ಮಾಡಿದ್ದಾರೆ. ಈ ವಿಶಿಷ್ಟ ಐಷಾರಾಮಿ ಬಂಗಲೆ ಇಂಡೋನೇಷ್ಯಾದ ಬಾಲಿಯಲ್ಲಿರುವ ನಿಯಾಂಗ್ ನಿಯಾಂಗ್ ರಾಕ್ಸ್ ಮೇಲೆ ನೆಲೆಗೊಂಡಿದೆ. ಇದು ಎರಡು ಮಲಗುವ ಕೋಣೆ, ಹಿಂದೂ ಮಹಾಸಾಗರದ ಮೇಲಿರುವ ಈಜುಕೊಳ, ಬಾರ್, ಲಾಂಜ್ಗಳು ಮತ್ತು ಇತರ ಅನೇಕ ಐಷಾರಾಮಿ ಸೌಕರ್ಯಗಳನ್ನು ಹೊಂದಿದೆ.

ಫೆಲಿಕ್ಸ್ ಡೆಮಿನ್ 2021 ರಲ್ಲಿ ಕೈಬಿಟ್ಟ ಬೋಯಿಂಗ್ 737 ಅನ್ನು ಖರೀದಿಸಿದರು. ಅದನ್ನು ಬಾಲಿಗೆ ಒಯ್ದು ವಿಲ್ಲಾ ಆಗಿ ಪರಿವರ್ತಿಸಿದ್ದಾರೆ. ಅವರು 2023 ರಲ್ಲಿ ಈ ವಿಲ್ಲಾವನ್ನು ಬಳಸಲು ಪ್ರಾರಂಭಿಸಿದರು. ವಿಲ್ಲಾ ಶೀಘ್ರದಲ್ಲೇ ವಿಶ್ವದ ಅತ್ಯಂತ ಪ್ರತಿಷ್ಠಿತ ಐಷಾರಾಮಿ ವಿಲ್ಲಾಗಳಲ್ಲಿ ಒಂದಾಗಿದೆ.

ವಿಮಾನ ಐಷಾರಾಮಿ ವಿಲ್ಲಾ ಆಗಿ ಮಾರ್ಪಟ್ಟ ವಿಡಿಯೋ ಇಲ್ಲಿದೆ:

Some people are fortunate enough to be able to turn their fantasies into reality.

And this chap doesn’t seem to impose any constraints on his imagination!

I’m trying to figure out whether I’d ever be interested in booking a stay here but I’m a bit worried about jet lag post… pic.twitter.com/LhH2Rtn5Ht

— anand mahindra (@anandmahindra) February 17, 2024

ಇದನ್ನೂ ಓದಿ: ಅನಂತ್ ಅಂಬಾನಿ-ರಾಧಿಕಾ ಮದುವೆ; ದೃಷ್ಟಿಹೀನ ಕುಶಲಕರ್ಮಿಗಳಿಂದ ತಯಾರಾಗುತ್ತಿದೆ ವಿಶೇಷ ಉಡುಗೊರೆ

ಆನಂದ್ ಮಹೀಂದ್ರಾ ತಮ್ಮ ಟ್ವಿಟರ್​​ ಖಾತೆಯಲ್ಲಿ ಹಂಚಿಕೊಂಡಿರುವ ವಿಡಿಯೋದಲ್ಲಿ ಮೊದಲಿಗೆ ನೀವು ಹೊರಗಿನಿಂದ ವಿಮಾನವನ್ನು ಕಾಣಬಹುದು. ಆದರೆ ವಿಮಾನದ ಒಳಗೆ ಪ್ರವೇಶಿಸುತ್ತಿದ್ದಂತೆ ಐಷಾರಾಮಿ ಸೌಕರ್ಯವನ್ನೊಳಗೊಂಡ ಬೃಹತ್​​ ಬಂಗಲೆಯನ್ನು ಕಾಣಬಹುದು. ವಿಡಿಯೋ ಎಲ್ಲೆಡೆ ವೈರಲ್​​ ಆಗುತ್ತಿದ್ದಂತೆ ಅನೇಕ ನೆಟ್ಟಿಗರು “ಇದರಲ್ಲಿ ಉಳಿಯಲು ಅವಕಾಶ ಸಿಗುತ್ತದೆಯೇ, ಈ ವಿಲ್ಲಾ ಬಾಡಿಗೆಗೆ ಕೂಡ ಲಭ್ಯವಿದೆಯೇ? ಎಂದು ಪ್ರಶ್ನಿಸಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ