Viral Video : ಕಾರು ಆಟೋ ಮಧ್ಯೆ ಸಿಲುಕಿದ ಮಹಿಳೆ, ಮುಂದೇನಾಯಿತು?

Viral Video : ಹೊಸದಿಲ್ಲಿಯ ರಸ್ತೆಯೊಂದರಲ್ಲಿ ಮಹಿಳೆ ತನ್ನಷ್ಟಕ್ಕೆ ತಾನು ನಡೆದುಕೊಂಡು ಬರುತ್ತಿದ್ದಳು. ಎದುರಿನಿಂದ ವೇಗದಲ್ಲಿ ಬಂದ ಕಾರೊಂದು ನಿಂತ ಆಟೋಗೆ ಗುದ್ದಿತು. ಆಟೋ ಮತ್ತು ಕಾರು ಒಂದಕ್ಕೊಂದು ಢಿಕ್ಕಿ ಹೊಡೆದು ಮುಂದೆ ಚಲಿಸುತ್ತಿರುವಾಗ ಮಧ್ಯೆ ಮಹಿಳೆ ಸಿಲುಕಿಕೊಂಡರು. ಅದೃಷ್ಟವಶಾತ್​ ಆ ಮಹಿಳೆಗೆ ಯಾವುದೇ ನೋವು, ಗಾಯ ಸಂಭವಿಸಿಲ್ಲ. ಆದರೆ ಆಟೋ ಮುಗ್ಗರಿಸಿ ಬಿದ್ದಿದೆ. ಕಾರು ಎದುರಿನ ಲೈಟ್​ ಕಂಬಕ್ಕೆ ಡಿಕ್ಕಿ ಹೊಡೆದಿದೆ. ಆಗ ಸ್ಥಳೀಯರು ರಕ್ಷಣೆಗೆ ಧಾವಿಸಿದ್ದಾರೆ. ಈ ಭಯಾನಕ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

Narrow escape but how long do we depend on luck?

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

Be responsible on Roads #RoadSafety pic.twitter.com/JEck2aXIuK

— V.C. Sajjanar, IPS (@SajjanarVC) September 1, 2022

ಈ ವಿಡಿಯೋ ಅನ್ನು ಐಪಿಎಸ್ ಅಧಿಕಾರಿ ವಿ.ಸಿ. ಸಜ್ಜನರ್ ಟ್ವಿಟರ್​ನಲ್ಲಿ ಹಂಚಿಕೊಂಡಿದ್ದಾರೆ. ‘ಕೂದಲೆಳೆಯ ಅಂತರದಲ್ಲೇ ಪಾರು. ಆದರೆ ಎಷ್ಟು ದಿನ ಅದೃಷ್ಟವನ್ನೇ ಅವಲಂಬಿಸುವುದು? ರಸ್ತೆಯ ಮೇಲೆ ಚಲಿಸುವಾಗ ಜವಾಬ್ದಾರಿ ಇರಲಿ’ ಎಂದು ಎಚ್ಚರಿಕೆಯ ನೋಟ್​ ಬರೆದಿದ್ದಾರೆ ಸಜ್ಜನರ್.

ಎನ್​ಸಿಆರ್​ಬಿ ಪ್ರಕಾರ, 2020ರಲ್ಲಿ ಭಾರತದಲ್ಲಿ ಅಪಘಾತ ಪ್ರಕರಣಗಳ ಸಂಖ್ಯೆ 3,54,796 ಇತ್ತು, 2021 ರಲ್ಲಿ 4,03,116ಕ್ಕೆ ಏರಿತು. ಸಾವನ್ನಪ್ಪಿದವರು ಸುಮಾರು 1,55,622 ಜನರು. ಗಾಯಗೊಂಡವರು 3,71,884 ಜನರು.

ಮಿಜೋರಾಂ, ಪಂಜಾಬ್, ಜಾರ್ಖಂಡ್ ಮತ್ತು ಉತ್ತರ ಪ್ರದೇಶಗಳು ರಸ್ತೆ ಅಪಘಾತಗಳು ಹೆಚ್ಚು ಸಂಭವಿಸುತ್ತವೆ ಎನ್ನುವುದು ಸಂಶೋಧನಾ ವರದಿಗಳ ಮೂಲಕ ಬಹಿರಂಗಗೊಂಡಿದೆ. ಗಾಯಕ್ಕೆ ಒಳಗಾಗುವವರಿಗಿಂತ ಸಾವಿಗೆ ಈಡಾಗುವವರ ಸಂಖ್ಯೆ ಹೆಚ್ಚಿದೆ ಎನ್ನುವುದು ಆಘಾತಕಾರಿ ಮತ್ತು ಯೋಚಿಸಬೇಕಾದ ಸಂಗತಿ ಅಲ್ಲವೆ?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ