Viral Video: ವಿಚ್ಛೇದಿತ ಮಗಳನ್ನು ಬ್ಯಾಂಡ್ ಬಾಜಾದೊಂದಿಗೆ ಸ್ವಾಗತಿಸಿದ ಪೋಷಕರು; ಭಾರತೀಯ ಪೋಷಕರು ಹೀಗೆ ಧೈರ್ಯವಂತರಾಗಲಿ ಎಂದ ನೆಟ್ಟಿಗರು
Daughter Love: 'ನೀನು ನಮ್ಮ ಮರ್ಯಾದೆಯನ್ನು ಮಣ್ಣುಪಾಲು ಮಾಡಿದೆ. ನಮ್ಮ ಭಾರತೀಯ ಸಂಸ್ಕಾರವನ್ನು ಕಡೆಗಣಿಸಿದೆ. ನಿನ್ನಿಂದಾಗಿ ನಾವೂ ಸಮಾಜದಲ್ಲಿ ಮುಖ ಎತ್ತದಂತೆ ಆಯಿತು. ನಿನಗೆ ನಮ್ಮ ಮನೆಯಲ್ಲಿ ಜಾಗವಿಲ್ಲ. ನೀನು ಇಲ್ಲಿರಬೇಡ ಹೊರಟು ಹೋಗು' ಎಂದು ಇತರೇ ಪೋಷಕರಂತೆ ಸಾಕ್ಷಿ ಗುಪ್ತಾಳ ಪೋಷಕರು ಕೂಗಾಡಲಿಲ್ಲ. ಬದಲಿಗೆ ಅವರು ಮಾಡಿದ್ದೇನು?
Divorce: ‘ನಾನು ಮದುವೆಯಾದಾಗ ನನಗೆ 23 ವರ್ಷ. ನನ್ನ ಮಾಜಿ ಗಂಡ ನನ್ನಿಂದ ತನ್ನ ವಯಸ್ಸನ್ನು ಮುಚ್ಚಿಟ್ಟಿದ್ದ. ಮದುವೆ ಮೊದಲು ತನಗೆ 28 ವರ್ಷ ಎಂದು ಹೇಳಿದ್ದ. ಆದರೆ ಅವನಿಗೆ ಆಗ 44 ವರ್ಷಗಳಾಗಿದ್ದವು. ಕೆಲ ತಿಂಗಳುಗಳ ನಂತರ ಅವನಿಗೆ ವಿವಾಹೇತರ ಸಂಬಂಧಗಳಿರುವುದು ತಿಳಿಯಿತು. ನಾನು ಆ ಬಗ್ಗೆ ಪ್ರಶ್ನಿಸಿದಾಗ ಮಾನಸಿಕವಾಗಿ ಹಿಂಸಿಸರಾಲಂಭಿಸಿದ. ಒಮ್ಮೊಮ್ಮೆ ನನ್ನನ್ನು ರೂಮಿನಲ್ಲಿ ಕೂಡಿ ಹಾಕುತ್ತಿದ್ದ. ಒಂದು ವರ್ಷದ ಹಿಂಸೆಯನ್ನು ಸಹಿಸಿಕೊಂಡೆ. ಕೊನೆಗೆ ವಿಚ್ಛೇದನಕ್ಕೆ (Divorce) ಅರ್ಜಿ ಹಾಕಿದೆ. ನನ್ನ ಜೀವನದ ಅತ್ಯಂತ ಕಷ್ಟಕರ ಸಮಯದಲ್ಲಿ ನನ್ನ ಹೆತ್ತವರು ಕಲ್ಲಿನಂತೆ ನನ್ನೊಂದಿಗೆ ನಿಂತರು. ನಾನು ವಾಪಾಸು ಮನೆಗೆ ಬರುವಾಗ, ಅಚ್ಚರಿಯ ರೀತಿಯಲ್ಲಿ ಪೋಷಕರು ನನ್ನನ್ನು ಸ್ವಾಗತಿಸಿ ಸಂಭ್ರಮಿಸಿದರು. ನನ್ನ ‘ಹೊಸ ಆರಂಭ’ವನ್ನು ಆಚರಿಸಲು ಅವರು ನನ್ನನ್ನು ಅನೇಕ ದೇವಾಲಯಗಳಿಗೆ ಕರೆದೊಯ್ದರು.’ ಸಾಕ್ಷಿ ಗುಪ್ತಾ
ಇದನ್ನೂ ಓದಿ : Viral: ಅಮೆರಿಕ; ವಯಾಗ್ರಾ ಸೇರಿದಂತೆ 6 ಔಷಧಿಗಳ ಬೇಡಿಕೆ; ಶಸ್ತ್ರಧಾರಿ ಯುವಕನಿಂದ ಅಂಗಡಿಕಾರನಿಗೆ ಬೆದರಿಕೆ
ಇನ್ಸ್ಟಾಗ್ರಾಂನ officialpeopleofindia ಪುಟದಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಒಂದು ಗಂಟೆಯ ಹಿಂದೆ ಪೋಸ್ಟ್ ಮಾಡಲಾದ ಈ ವಿಡಿಯೋ ಅನ್ನು ಈತನಕ ಸುಮಾರು 64,000 ಜನರು ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿ ಸಾಕ್ಷಿ ಗುಪ್ತಾ ಅವರ ಪೋಷಕರ ನಡೆಯನ್ನು ಸ್ವಾಗತಿಸಿದ್ದಾರೆ. ಹಾಗೆಯೇ ಸಾಕ್ಷಿಯ ಧೈರ್ಯವನ್ನು ಮೆಚ್ಚಿದ್ದಾರೆ.
ಸಾಕ್ಷಿ ಗುಪ್ತಾ ವಿಚ್ಛೇದನ ನೀಡಿ ತವರಿಗೆ ಬಂದಾಗ
View this post on Instagram
ಇದು ನಾನು ಭಾರತದಲ್ಲಿ ನೋಡಿದ ಅತ್ಯುತ್ತಮ ಸಂಗತಿಯಾಗಿದೆ ಎಂದು ಒಬ್ಬರು ಹೇಳಿದ್ದಾರೆ. ಇಂಥ ಪೋಷಕರಿಗೆ ಅಭಿನಂದನೆ ಎಂದಿದ್ದಾರೆ ಇನ್ನೊಬ್ಬರು. ನಾನು ಕೂಡ ಸಂತೋಷದಿಂದ ವಿಚ್ಛೇದನ ಪಡೆದಿದ್ದೇನೆ ಎಂದಿದ್ದಾರೆ ಮತ್ತೊಬ್ಬರು. ನಿಮ್ಮ ಮುಂದಿನ ಜೀವನವು ಖುಷಿಯಿಂದ ತುಂಬಿರಲಿ, ನಿಮ್ಮ ಹೆತ್ತವರ ಬಗ್ಗೆ ಹೆಮ್ಮೆ ಇದೆ, ಪ್ರತಿಯೊಬ್ಬ ಭಾರತೀಯ ಪೋಷಕರು ಹೀಗೆ ಧೈರ್ಯಶಾಲಿಗಳಾಗಲಿ ಎಂದಿದ್ದಾರೆ ಮಗದೊಬ್ಬರು.
ಇದನ್ನೂ ಓದಿ : Viral Video: ಉಬರ್ ಚಾಲಕ ಗೂಗಲ್ನಲ್ಲಿ ಕೆಲಸ ಬಿಟ್ಟು ಬೆಂಗಳೂರಿಗೆ ಬಂದಿದ್ದು ಈ ಕಾರಣಕ್ಕೆ
ಇವರ ತಂದೆಯ ಬಗ್ಗೆ ಗೌರವವಿದೆ ಎಂದಿದ್ದಾರೆ ಅನೇಕರು. ಸೋ ಕಾಲ್ಡ್ ಸಮಾಜದಲ್ಲಿ ಇಂಥ ಹೆಜ್ಜೆ ಇಡುವುದು ಸುಲಭವಲ್ಲ. ಇವರ ತಂದೆಗೆ ನಮಸ್ಕಾರ ಎಂದಿದ್ದಾರೆ ಒಬ್ಬರು. ಇಷ್ಟು ಒಳ್ಳೆಯ ಪೋಷಕರನ್ನು ಪಡೆಯಲು ಈಕೆ ನಿಜಕ್ಕೂ ಅದೃಷ್ಟಶಾಲಿ ಎಂದಿದ್ದಾರೆ ಇನ್ನೊಬ್ಬರು. ಭಾರತದಲ್ಲಿ ಇದು ಅಪರೂಪದ ನಿದರ್ಶನ ಎಂದಿದ್ಧಾರೆ ಮತ್ತೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 12:07 pm, Thu, 26 October 23
