‘ಈ ಯುವತಿಯನ್ನು ಮದುವೆಯಾದ ಪುರುಷನ ಅದೃಷ್ಟವೇ ಬದಲಾಗಲಿದೆ’; ವೈರಲ್​​ ಪೋಸ್ಟ್​​

ಚೀನಾದ ಯುವತಿಯೊಬ್ಬಳ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​​ ಆಗುತ್ತಿದೆ. ಹುಡುಗಿಗೆ 29 ವರ್ಷ ಮತ್ತು ಹೆನಾನ್ ಪ್ರಾಂತ್ಯದ ನಿವಾಸಿ. ಪ್ರಪಂಚದ ವಿವಿಧ ದೇಶಗಳಲ್ಲಿ ವಿವಿಧ ರೀತಿಯ ನಂಬಿಕೆಗಳನ್ನು ಆಚರಿಸಿಕೊಂಡು ಬರಲಾಗುತ್ತದೆ. ಅದರಂತೆಯೇ ಚೀನಾದಲ್ಲಿಯೂ ಕೂಡ ಪುರುಷರ ಅದೃಷ್ಟವನ್ನು ಆತನನ್ನು ಮದುವೆಯಾಗುವ ಯುವತಿಯ ಮುಖದ ಆಕಾರದ ಆಧಾರದ ಮೇಲೆ ಹೇಳಲಾಗುತ್ತದೆ. ಅದರಂತೆ ಇದೀಗಾ ಇತ್ತೀಚೆಗೆ ಸುದ್ದಿಯಲ್ಲಿರುವ ಈ ಯುವತಿಯ ಮುಖದ ಆಕಾರದ ಆಧಾರದ ಮೇಲೆ ಭವಿಷ್ಯ ನುಡಿಯಲಾಗಿದ್ದು, ಈ ಯುವತಿಗೆ ದೇವರ ಇಂತಹ ಮುಖವನ್ನು ಕೊಟ್ಟಿದ್ದಾನೆ ಎಂದು ಅಲ್ಲಿನ ಜನರು ನಂಬುತ್ತಾರೆ. ಯಾಕೆಂದರೆ ಈ ಯುವತಿಯನ್ನು ಮದುವೆಯಾದವನು ಶ್ರೀಮಂತನಾಗುತ್ತಾನೆ ಎಂದು ನಂಬಲಾಗಿದೆ.

ಈ ಯುವತಿ ಜನವರಿಯಲ್ಲಿ ಹಂಚಿಕೊಂಡಿರುವ ಆಕೆಯ ವಿಡಿಯೋಗೆ ಇದುವರೆಗೆ 5 ಲಕ್ಷ 70 ಸಾವಿರ ನೆಟ್ಟಿಗರು ಲೈಕ್​ ಮಾಡಿದ್ದಾರೆ. ಇದಲ್ಲದೇ , 76 ಸಾವಿರ ಮಂದಿ ಕಮೆಂಟ್ ಮಾಡಿದ್ದಾರೆ. ಈ ರೀತಿಯ ಮುಖವನ್ನು ಹೊಂದಿರುವ ಹುಡುಗಿಯರು ತಮ್ಮ ಭವಿಷ್ಯದ ಗಂಡನ ಜೀವನದಲ್ಲಿ ಅದೃಷ್ಟವನ್ನು ತರುತ್ತಾಳೆ ಎಂದು ಜನರು ಹೇಳುತ್ತಾರೆ.

ಇದನ್ನೂ ಓದಿ: ಮೂರನೇ ಮಗು ಕೂಡ ಹೆಣ್ಣು ಎಂದು ಹೊಲದಲ್ಲಿ ಎಸೆದ ತಾಯಿ, ಮಗುವಿನ ಶವವನ್ನು ಎಳೆದೊಯ್ದ ಬೀದಿ ನಾಯಿಗಳು

ಅಷ್ಟಕ್ಕೂ ಹುಡುಗಿಯ ಮುಖದಲ್ಲಿ ಏನಿದೆ ವಿಶೇಷ?

ಚೀನಾದಲ್ಲಿ, ವಾಂಗ್ ಫೂ ಕ್ಸಿಯಾಂಗ್ ಅಂದರೆ ಅದೃಷ್ಟದ ಮುಖವು ಕೆಲವು ವಿಶೇಷ ಲಕ್ಷಣಗಳನ್ನು ಹೊಂದಿದೆ ಎಂದು ಹೇಳಲಾಗುತ್ತದೆ. ಇದರ ಪ್ರಕಾರ, ದುಂಡಗಿನ ಗಲ್ಲದ ಜೊತೆಗೆ ಅಗಲವಾದ ಹಣೆ ಮತ್ತು ದುಂಡಗಿನ ಮುಖವನ್ನು ಹೊಂದಿರುವ ಹುಡುಗಿಯರು ದಯೆ ಮತ್ತು ತಮ್ಮ ಗಂಡನನ್ನು ಶ್ರೀಮಂತರಾನ್ನಾಗಿ ಮಾಡುತ್ತಾರೆ ಎಂದು ನಂಬಲಾಗಿದೆ. ಅಷ್ಟೇ ಅಲ್ಲ, ಅವರ ಮೂಗು ದುಂಡಾಗಿರಬೇಕು ಮತ್ತು ಉದ್ದವಾಗಿರಬೇಕು ಮತ್ತು ಮೂಗು ಮುಂಭಾಗದಿಂದ ನೇರವಾಗಿರಬೇಕು. ಕೆಳಗಿನ ತುಟಿ ಸ್ವಲ್ಪ ದಪ್ಪವಾಗಿರಬೇಕು, ಕಣ್ಣುಗಳು ಹೊಳೆಯಬೇಕು ಮತ್ತು ಕೂದಲು ಮೃದುವಾಗಿರಬೇಕು, ಅಂತಹ ಹುಡುಗಿಯರು ಅದೃಷ್ಟವನ್ನು ತರುತ್ತಾರೆ ಎಂಬ ನಂಬಿಕೆಯಿದೆ.

ಇನ್ನಷ್ಟು ವೈರಲ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ