ಜರ್ಮನ್​ ಶೆಫರ್ಡ್ ಮೊದಲ ಸಲ ಬೆಕ್ಕಿನ ಹಸುಗೂಸುಗಳನ್ನು ನೋಡಲು ಬಂದಾಗ

Viral Video : ಬೆಕ್ಕುನಾಯಿಪ್ರಿಯರು ನೀವಾಗಿದ್ದರೆ ದಿನಕ್ಕೆ ಒಮ್ಮೆಯಾದರೂ ಅವುಗಳ ವಿಡಿಯೋ ನೋಡಿಯೇ ಮಲಗುತ್ತೀರಿ. ಬಹುಶಃ ಈಗ ವೈರಲ್ ಆಗಿರುವ ಇಷ್ಟು ಮುದ್ದಾದ ವಿಡಿಯೋ ಈತನಕ ನೋಡಿಲ್ಲವೇನೋ. ಬೆಕ್ಕು ಮರಿಗಳನ್ನು ಹಾಕಿದೆ. ಜರ್ಮನ್​ ಶೆಫರ್ಡ್​ ಅವುಗಳನ್ನು ನೋಡಲು ಬಂದಿದೆ. ಆ ಚೆಂದದ ಕ್ಷಣಗಳನ್ನು ನೋಡಿಯೇ ಅನುಭವಿಸಬೇಕು. ಈತನಕ 15,000 ಜನರು ಈ ವಿಡಿಯೋ ನೋಡಿ ಈ ಸ್ವರ್ಗದಲ್ಲಿ ಕಳೆದುಹೋಗಿದ್ದಾರೆ.

German Shepherd puppy meets the new kittens for the first time.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

? https://t.co/RM6envcpjW pic.twitter.com/nrnHsiYzF2

— Danny Deraney (@DannyDeraney) November 28, 2022

ಡ್ಯಾನಿ ಡೆರಾನಿ ಎನ್ನುವವರು ಈ ವಿಡಿಯೋ ಟ್ವೀಟ್ ಮಾಡಿದ್ದಾರೆ. ಬಾಣಂತಿ ಬೆಕ್ಕಮ್ಮ ತನ್ನ ಮರಿಗಳೊಂದಿಗೆ ಹಾಸಿಗೆಯ ಮೇಲೆ ಮಲಗಿದ್ದಾಳೆ. ಜರ್ಮನ್ ಶೆಫರ್ಡ್​ ಸ್ವಲ್ಪ ಹಿಂಜರಿಕೆಯಿಂದಲೇ ಮಂಚದ ಬಳಿ ಬಂದು ನಿಲ್ಲುತ್ತದೆ. ಅದರ ಪೋಷಕಿ ಅದನ್ನು ಹಾಸಿಗೆಯ ಮೇಲೆ ಏರಿ ಕುಳಿತುಕೊಳ್ಳಲು ಸಹಾಯ ಮಾಡುತ್ತಾಳೆ. ಇಂಚಿಂಚೇ ಸರಿದು ಮರಿಗಳ ಹತ್ತಿರ ಬರುತ್ತದೆ. ಬೆಕ್ಕಮ್ಮನನ್ನು ಮುದ್ದು ಮಾಡುತ್ತದೆ. ಆದರೆ ಬೆಕ್ಕಮ್ಮನಿಗೆ ತನ್ನ ಮರಿಗಳ ಚಿಂತೆ. ಮಿಯಾಂವ್​ ಎಂದು ತನ್ನ ಆತಂಕವನ್ನು ತೋರ್ಪಡಿಸುತ್ತದೆ. ನಾ ಅಂಥವನಲ್ಲ ಎಂದು ಜರ್ಮನ್​ ಶೆಫರ್ಡ್​ ಬೆಕ್ಕಮ್ಮಳನ್ನು ನೆಕ್ಕುತ್ತ ವಿಶ್ವಾಸ ಗಳಿಸಿಕೊಳ್ಳುತ್ತದೆ.

ನೂರಾರು ಜನರು ಈ ಹೃದಯಸ್ಪರ್ಶಿಯಾದ ವಿಡಿಯೋ ನೋಡಿ ಭಾವುಕರಾಗಿದ್ದಾರೆ. ಸಾಮಾನ್ಯವಾಗಿ ಬೆಕ್ಕು ನಾಯಿ ಎರಡೂ ಶತ್ರುಗಳೇ. ಬೀದಿನಾಯಿಗಳಾದರೆ ಬೆಕ್ಕಿನ ಮರಿಗಳನ್ನು ಒಂದೇ ಏಟಿಗೆ ಕೊಂದುಬಿಡುತ್ತವೆ. ಆದರೆ ಸಾಕಿದ ನಾಯಿಗಳು ಹೀಗೆ ಮಾಡಲು ಸಾಧ್ಯವಿಲ್ಲ. ಅವುಗಳಿಗೆ ತಿಳಿಹೇಳಿದರೆ ಖಂಡಿತ ತನ್ನ ಸ್ವಂತಮರಿಗಳೇ ಎಂಬಂತೆ ನೋಡಿಕೊಳ್ಳುತ್ತವೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 10:11 am, Tue, 29 November 22