Viral Video: ವಿದೇಶಿ ಮಗುವಿನ ಬಾಯಲ್ಲಿ ನಮಸ್ತೇ ಇಂಡಿಯಾ! ವಿಡಿಯೋ ನೋಡಿ ದೃಷ್ಟಿ ತೆಗೆದ ಭಾರತೀಯರು
Namaste India: ಬಜರಂಗ್ ಪೂನಿಯಾ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡ ವಿಡಿಯೋದಲ್ಲಿರುವ ಪುಟ್ಟ ಬಾಲಕ ಭಾರತೀಯರ ಮನಗೆಲ್ಲಲು ಕಾರಣವಾಗಿರುವುದು ಆತ ತೊದಲು ನುಡಿಯಲ್ಲಿ ಹೇಳಿರುವ ಮಾತು.
ಸಾಮಾಜಿಕ ಜಾಲತಾಣಗಳಲ್ಲಿ ಕೆಲವೊಂದು ವಿಷಯಗಳು ಮಿಂಚಿನ ವೇಗದಲ್ಲಿ ವೈರಲ್ (Viral Video) ಆಗಿ ಬಿಡುತ್ತವೆ. ಭಾರತದಿಂದ ಒಲಿಂಪಿಕ್ (Olympic) ಕ್ರೀಡಾಕೂಟಕ್ಕೆ ತೆರಳುತ್ತಿರುವ ಕುಸ್ತಿಪಟು ಬಜರಂಗ್ ಪೂನಿಯಾ (Bajarang Punia) ಇತ್ತೀಚೆಗಷ್ಟೇ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡ ವಿಡಿಯೋ ಒಂದು ಅಷ್ಟೇ ವೇಗವಾಗಿ ಎಲ್ಲೆಡೆ ಹರಿದಾಡಿ ನೆಟ್ಟಿಗರ ಮನ ಗೆದ್ದಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ ಅಪರೂಪದ ವಿಡಿಯೋಗಳನ್ನು, ವಿಶೇಷ ಎನ್ನಿಸುವ ಸಂಗತಿಗಳನ್ನು ಹಂಚಿಕೊಳ್ಳುವ ಬಜರಂಗ್ ಪೂನಿಯಾ ಈ ವಿಡಿಯೋ ಮೂಲಕ ಅನೇಕರನ್ನು ಮಂತ್ರ ಮುಗ್ಧಗೊಳಿಸಿದ್ದಾರೆ. ವಿದೇಶಿ ಮಗುವೊಂದರ (Foreign Kid) ವಿಡಿಯೋವನ್ನು ಪೂನಿಯಾ ಹಂಚಿಕೊಂಡಿದ್ದು, ಅದನ್ನು ನೋಡಿದ ಭಾರತೀಯರು ಮೆಚ್ಚಿ ಕೊಂಡಾಡಿದ್ದಾರೆ.
ಬಜರಂಗ್ ಪೂನಿಯಾ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡ ವಿಡಿಯೋದಲ್ಲಿರುವ ಪುಟ್ಟ ಬಾಲಕ ಭಾರತೀಯರ ಮನಗೆಲ್ಲಲು ಕಾರಣವಾಗಿರುವುದು ಆತ ತೊದಲು ನುಡಿಯಲ್ಲಿ ಹೇಳಿರುವ ಮಾತು. ವಿಡಿಯೋ ಮಾಡುತ್ತಿರುವವರು ಹೇಳಿಕೊಟ್ಟಂತೆಯೇ ನಗುನಗುತ್ತಾ ತನ್ನ ಪುಟ್ಟ ಬಾಯಲ್ಲಿ ನಮಸ್ತೇ ಇಂಡಿಯಾ (Namaste India) ಎಂದಿರುವ ಪುಟಾಣಿ ಹುಡುಗ ಭಾರತೀಯರ ಮನ ಗೆದ್ದಿದ್ದಾನೆ. ಬಜರಂಗ್ ಪೂನಿ ಈ ವಿಡಿಯೋವನ್ನು ಹಂಚಿಕೊಂಡ ನಂತರ ವಿವಿಧ ಸಾಮಾಜಿಕ ಜಾಲತಾಣಗಳ ಮೂಲಕ ಜನರು ಅದನ್ನು ಹಂಚಿಕೊಂಡಿರುವುದರಿಂದ ಅದು ವೈರಲ್ ಆಗಿದೆ.
ಕೆಲವೇ ಸೆಕೆಂಡುಗಳಷ್ಟಿರುವ ಈ ವಿಡಿಯೋವನ್ನು ಈಗಾಗಲೇ ಸರಿಸುಮಾರು 8 ಸಾವಿರ ಮಂದಿ ಮೆಚ್ಚಿಕೊಂಡಿದ್ದಾರೆ. ಆ ಪುಟಾಣಿ ಬಾಲಕ ಮಂದಸ್ಮಿತನಾಗಿ ನಮಸ್ತೇ ಇಂಡಿಯಾ ಎಂದು ಹೇಳಿರುವ ಶೈಲಿಗೆ ಮನಸೋತ ಭಾರತೀಯರು, ಕಾಮೆಂಟ್ ವಿಭಾಗದಲ್ಲಿ ತಮ್ಮ ಪ್ರೀತಿಯನ್ನು ವ್ಯಕ್ತಪಡಿಸಿದ್ದಾರೆ. ಎಮೋಜಿಗಳ ಮೂಲಕ, ಸ್ಟಿಕ್ಕರ್ಗಳ ಮೂಲಕ, ಚಿಕ್ಕ ಚಿಕ್ಕ ಸಾಲುಗಳ ಮೂಲಕ ಮೆಚ್ಚುಗೆ ಸೂಚಿಸುತ್ತಿರುವ ಭಾರತೀಯರು ಆ ಹುಡುಗನನ್ನೂ, ವಿಡಿಯೋ ಮಾಡಿದ ವ್ಯಕ್ತಿಯನ್ನೂ ಕೊಂಡಾಡುತ್ತಿದ್ದಾರೆ.
View this post on Instagram
ಸದ್ಯ ಬಜರಂಗ್ ಪೂನಿಯಾ ಜುಲೈ 23ರಿಂದ ಟೋಕಿಯೋದಲ್ಲಿ ನಡೆಯಲಿರುವ ಒಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಪಾಲ್ಗೊಳ್ಳಲು ಸಿದ್ಧತೆ ನಡೆಸಿಕೊಳ್ಳುತ್ತಿದ್ದು, ಇನ್ನು ಐದೇ ಐದು ದಿನಗಳು ಕ್ರೀಡಾಕೂಟಕ್ಕೆ ಬಾಕಿ ಉಳಿದಿವೆ. ಈ ಬಾರಿ ಭಾರತೀಯರು ಬಜರಂಗ್ ಪೂನಿಯಾ ಗೆಲ್ಲಬೇಕೆಂಬ ಬಯಕೆ ವ್ಯಕ್ತಪಡಿಸಿದ್ದು, ಚಿನ್ನದ ಪದಕ ಗಳಿಸಿ ಮಿಂಚಲಿ ಎಂದು ಹಾರೈಸುತ್ತಿದ್ದಾರೆ.
ಇದನ್ನೂ ಓದಿ: Sania Mirza: ಒಲಿಂಪಿಕ್ ಕಿಟ್ನಲ್ಲಿ ಸಾನಿಯಾ ಮಿರ್ಜಾ ಸಖತ್ ಡ್ಯಾನ್ಸ್: ವೈರಲ್ ವಿಡಿಯೋ ಇಲ್ಲಿದೆ ನೋಡಿ
Tokyo Olympics: ಒಲಿಂಪಿಕ್ಸ್ಗೆ ಮತ್ತೆ ಕೊರೊನಾ ಕರಿನೆರಳು: ಇಬ್ಬರು ಕ್ರೀಡಾಪಟುಗಳಿಗೆ ಕೋವಿಡ್ ಸೋಂಕು
