ಕೊಪ್ಪಳ: ಸಾಯುತ್ತಿವೆ ನೂರಾರು ಕೋಳಿಗಳು, ನಿಗೂಢ ರೋಗದ ಶಂಕೆ

ಕೊಪ್ಪಳ, ಸೆಪ್ಟೆಂಬರ್ 5: ಕೊಪ್ಪಳ ತಾಲೂಕಿನ ಬಿ.ಹೊಸಹಳ್ಳಿ ಗ್ರಾಮದಲ್ಲಿ ಕೋಳಿಗಳಿಗೆ ನಿಗೂಢ ರೋಗ ಹಬ್ಬಿದ್ದು, ನೂರಾರು ಕೋಳಿಗಳು ಸಾವನ್ನಪ್ಪಿವೆ. ಮತ್ತೊಂದೆಡೆ, ಹಕ್ಕಿ ಜ್ವರದ ಅನುಮಾನವೂ ವ್ಯಕ್ತವಾಗಿದೆ. ಫಾರ್ಮ್​​ನಲ್ಲಿ ಮೃತಪಟ್ಟಿರುವ ನೂರಾರು ಕೋಳಿಗಳನ್ನು ಸಿಬ್ಬಂದಿ ಕೆರೆಯ ಬಳಿ ಬಿಸಾಡಿ ಹೋಗಿರುವುದು ಕಂಡುಬಂದಿದೆ. ಸತ್ತ ಕೋಳಿಗಳನ್ನು ಮಣ್ಣಿನಲ್ಲಿ ಮುಚ್ಚಿ ಹಾಕುವ ಬದಲು ಎಸೆದು ಹೋಗಿರುವುದು ಆತಂಕಕ್ಕೆ ಕಾರಣವಾಗಿದೆ. ಇದೀಗ ಗ್ರಾಮಸ್ಥರು ಸಾಂಕ್ರಾಮಿಕ ರೋಗ ಹರಡುವ ಭೀತಿ ಎದುರಿಸುತ್ತಿದ್ದಾರೆ. ಮೃತಪಟ್ಟ ಕೋಳಿಗಳನ್ನು ಎಸೆದು ಹೋಗಿರುವ ಫಾರ್ಮ್​​ನ ವಿರುದ್ಧ ಕ್ರಮಕೈಗೊಳ್ಳುವಂತೆ ಗ್ರಾಮಸ್ಥರು ಆಗ್ರಹಿಸಿದ್ದಾರೆ.

ಕರ್ನಾಟಕದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ