ರಷ್ಯಾದ ಯುದ್ಧವನ್ನು ಪ್ರತಿಭಟಿಸಿ ಲೈವ್ ಶೋಗೆ ಅಡ್ಡಿಪಡಿಸಿದ ರಷ್ಯಾ ಟಿವಿಯ ಸಂಪಾದಕಿ ನಾಪತ್ತೆ

ರಷ್ಯಾದ ರಾಜ್ಯ-ನಿಯಂತ್ರಿತ ಚಾನೆಲ್​​ ಒನ್​​ನಲ್ಲಿ ಸುದ್ದಿ ನೇರ ಪ್ರಸಾರವಾಗುತ್ತಿದ್ದಾಗ ಯುದ್ಧ ಬೇಡ ಎಂದು ಪ್ರತಿಭಟನೆ ನಡೆಸಿದ ರಷ್ಯಾ ಟಿವಿಯ ಸಂಪಾದಕಿ ನಾಪತ್ತೆಯಾಗಿದ್ದಾರೆ. ಈಕೆ ಎಲ್ಲಿದ್ದಾರೆ ಎಂಬುದನ್ನು ಖಚಿತಪಡಿಸುವಂತೆ ವಿಶ್ವಸಂಸ್ಥೆಯ (United Nations) ಮಾನವ ಹಕ್ಕುಗಳ ಕಚೇರಿಯು ರಷ್ಯಾದ ಅಧಿಕಾರಿಗಳಿಗೆ ಕರೆ ನೀಡಿದೆ. ಅದೇ ವೇಳೆ ಅವರ ವಾಕ್ ಸ್ವಾತಂತ್ರ್ಯದ ಹಕ್ಕನ್ನು ಚಲಾಯಿಸಿದ್ದಕ್ಕಾಗಿ ಶಿಕ್ಷೆಯಾಗುವುದಿಲ್ಲ ಎಂದು ವಿಶ್ವ ಸಂಸ್ಥೆ ಹೇಳಿದೆ.  ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ವಕ್ತಾರರಾದ ರವಿನಾ ಶಾಮದಾಸನಿ (Ravina Shamdasani)ಅವರು ಮಂಗಳವಾರ ರಷ್ಯಾದ ಅಧಿಕಾರಿಗಳು ತಮ್ಮ ಅಭಿವ್ಯಕ್ತಿ ಸ್ವಾತಂತ್ರ್ಯದ ಹಕ್ಕನ್ನು ಚಲಾಯಿಸಿದ್ದಕ್ಕಾಗಿ ಪ್ರತೀಕಾರವನ್ನು ಎದುರಿಸುವುದಿಲ್ಲ ಎಂದು ಖಚಿತಪಡಿಸಿಕೊಳ್ಳಬೇಕು ಎಂದು ಹೇಳಿದರು. ಕ್ರೆಮ್ಲಿನ್ ಈ ಹಿಂದೆ, ಸ್ವತಂತ್ರ ಮಾನವ ಹಕ್ಕುಗಳ ಮಾಧ್ಯಮ ಗುಂಪಾದ ಒವಿಡಿ-ಇನ್ಫೋದ ಮಾರಿಯಾ ಓವ್ಸ್ಯಾನಿಕೋವಾ ಈ ಪ್ರತಿಭಟನೆ ನಡೆಸಿದ ಮಹಿಳೆ ಎಂದು ಗುರುತಿಸಿದ್ದು ಇದು ‘ಗೂಂಡಾಗಿರಿ’ ಎಂದು ಹೇಳಿತ್ತು.

ಒವಿಡಿ- ಇನ್ಫೋ ಮಂಗಳವಾರ ಟ್ವೀಟ್ ಮಾಡಿದ್ದು ಓವ್ಸ್ಯಾನಿಕೋವಾ ಅವರು ಇರುವ ಸ್ಥಳವು ಈ ಸಮಯದಲ್ಲಿ ತಿಳಿದಿಲ್ಲ ಎಂದು ಹೇಳಿದ್ದಾರೆ. “ವ್ರೆಮ್ಯಾ ಕಾರ್ಯಕ್ರಮದ ನೇರ ಪ್ರಸಾರದ ಸಂದರ್ಭದಲ್ಲಿ ಯುದ್ಧ ವಿರೋಧಿ ಪೋಸ್ಟರ್‌ನೊಂದಿಗೆ ಹೊರಬಂದ ಚಾನೆಲ್ ಒನ್ ಉದ್ಯೋಗಿ ಮಾರಿಯಾ ಓವ್ಸ್ಯಾನಿಕೋವಾ ವಿರುದ್ಧ ಪೂರ್ವ ತನಿಖಾ ಪರಿಶೀಲನೆಯನ್ನು ಪ್ರಾರಂಭಿಸಲಾಗಿದೆ ಎಂದು ಮೂಲವನ್ನು ಉಲ್ಲೇಖಿಸಿ TASS ವರದಿ ಮಾಡಿದೆ. ಅವಳು ಎಲ್ಲಿದ್ದಾಳೆ ಎಂಬುದು ಇನ್ನೂ ತಿಳಿದಿಲ್ಲ ಅದು ಟ್ವೀಟ್ ಮಾಡಿದೆ.

❗️Девушка, которая вышла в кадр во время прямого эфира программы «Время» на Первом канале с антивоенным плакатом — сотрудница канала Марина Овсянникова.

После появления в эфире ее задержали. Сейчас она, предположительно, находится в ОВД «Останкино» pic.twitter.com/Z4AesCs80j

— ОВД-Инфо (@OvdInfo) March 14, 2022

ಓವ್ಸ್ಯಾನಿಕೋವಾ ಅವರನ್ನು ಬಂಧಿಸಿ ಮಾಸ್ಕೋ ಪೊಲೀಸ್ ಠಾಣೆಗೆ ಕರೆದೊಯ್ಯಲಾಗಿದೆ ಎಂದು ಅಗೋರಾ ಮಾನವ ಹಕ್ಕುಗಳ ಗುಂಪಿನ ಮುಖ್ಯಸ್ಥ ಪಾವೆಲ್ ಚಿಕೋವ್ ರಾಯಿಟರ್ಸ್‌ಗೆ ತಿಳಿಸಿದರು.

ಉಕ್ರೇನ್ ವಿರುದ್ಧ ವ್ಲಾಡಿಮಿರ್ ಪುಟಿನ್ ಅವರ ‘ವಿಶೇಷ ಸೇನಾ ಕಾರ್ಯಾಚರಣೆ’ ಕುರಿತು ರಷ್ಯಾದ ಕೆಲವು ವಿಭಾಗಗಳಲ್ಲಿ ಹೆಚ್ಚುತ್ತಿರುವ ಅಸಮಾಧಾನವನ್ನು ಒತ್ತಿಹೇಳುವ ಅಸಾಮಾನ್ಯ ಘಟನೆಯಲ್ಲಿ ಓವ್ಸ್ಯಾನಿಕೋವಾ ಅವರು ಚಾನೆಲ್‌ನ 9 ಗಂಟೆಗೆ ಪ್ರಮುಖ ಕಾರ್ಯಕ್ರಮದ ನೇರ ಪ್ರಸಾರಕ್ಕೆ ನುಗ್ಗಿದರು ಮತ್ತು ಯುದ್ಧವನ್ನು ಖಂಡಿಸುವ ಫಲಕವನ್ನು ಹಿಡಿದಿದ್ದರು.

ಇಂಗ್ಲಿಷ್ ಮತ್ತು ರಷ್ಯನ್ ಭಾಷೆಯಲ್ಲಿ ಬರೆಯಲಾದ ಸೂಚನೆ   ಹೀಗಿದೆ : ಯುದ್ಧ ಬೇಡ. ಯುದ್ಧವನ್ನು ನಿಲ್ಲಿಸಿ. ಪ್ರಚಾರವನ್ನು ನಂಬಬೇಡಿ. ಅವರು ಇಲ್ಲಿ ನಿಮಗೆ ಸುಳ್ಳು ಹೇಳುತ್ತಿದ್ದಾರೆ.” ‘ಯುದ್ಧದ ವಿರುದ್ಧ ರಷ್ಯನ್ನರು’ ಎಂದು ತೋರುವ ಮತ್ತೊಂದು ನುಡಿಗಟ್ಟು ಅಸ್ಪಷ್ಟವಾಗಿದೆ ಎಂದು ರಾಯಿಟರ್ಸ್ ವರದಿ ಮಾಡಿದೆ.

ಓವ್ಸ್ಯಾನಿಕೋವಾ ಅವರು ‘ಯುದ್ಧವನ್ನು ನಿಲ್ಲಿಸಿ… ಯುದ್ಧ ಬೇಡ’ ಎಂದು ಕೂಗುವುದು ಕಾಣಿಸುತ್ತದೆ.  ಹಲವಾರು ಸೆಕೆಂಡುಗಳ ಕಾಲ ಆಕೆ ಕಾಣಿಸಿಕೊಂಡಿದ್ದು, ನಂತರ ಆಕೆಯನ್ನು ಮರೆ ಮಾಡಲು ಬೇರೊಂದು ವರದಿ ತೋರಿಸಲಾಗಿತ್ತು.

15 ವರ್ಷಗಳವರೆಗೆ ಜೈಲು ಶಿಕ್ಷೆ ವಿಧಿಸುವ ಹೊಸ ಕಾನೂನಿನಡಿಯಲ್ಲಿ ಆಕೆಗೆ ಶಿಕ್ಷೆಯಾಗಬಹುದೇ ಎಂದು ರಾಜ್ಯ ತನಿಖಾಧಿಕಾರಿಗಳು ನೋಡುತ್ತಿದ್ದಾರೆ ಎಂದು ರಷ್ಯಾದ TASS ಸುದ್ದಿ ಸಂಸ್ಥೆ ಕಾನೂನು ಜಾರಿ ಮೂಲವನ್ನು ಉಲ್ಲೇಖಿಸಿದೆ.

ಉಕ್ರೇನ್ ಆಕ್ರಮಣದ ಎಂಟು ದಿನಗಳ ನಂತರ ಅಂಗೀಕರಿಸಲಾದ ಶಾಸನವು ರಷ್ಯಾದ ಸೈನ್ಯವನ್ನು ಅಪಖ್ಯಾತಿಗೊಳಿಸುವ ಉದ್ದೇಶದಿಂದ ಸಾರ್ವಜನಿಕ ಕ್ರಮಗಳನ್ನು ಕಾನೂನುಬಾಹಿರವಾಗಿಸುತ್ತದೆ ಮತ್ತು ನಕಲಿ ಸುದ್ದಿಗಳ ಹರಡುವಿಕೆಯನ್ನು ಅಥವಾ ರಷ್ಯಾದ ಸಶಸ್ತ್ರ ಪಡೆಗಳ ಬಳಕೆಯ ಬಗ್ಗೆ ‘ಉದ್ದೇಶಪೂರ್ವಕವಾಗಿ ಸುಳ್ಳು ಮಾಹಿತಿಯ ಸಾರ್ವಜನಿಕ ಪ್ರಸಾರ’ವನ್ನು ನಿಷೇಧಿಸುತ್ತದೆ.

ಘಟನೆಯ ಮೊದಲು ರೆಕಾರ್ಡ್ ಮಾಡಿದ ಮತ್ತು ಆನ್‌ಲೈನ್‌ನಲ್ಲಿ ಪೋಸ್ಟ್ ಮಾಡಿದ ವಿಡಿಯೊದಲ್ಲಿ, ಓವ್ಸ್ಯಾನಿಕೋವಾ ಎಂದು ಕಾಣಿಸಿಕೊಂಡ ಮಹಿಳೆಯೊಬ್ಬರು ತನ್ನನ್ನು ಚಾನೆಲ್ ಒನ್ ಉದ್ಯೋಗಿ ಎಂದು ಹೇಳಿದ್ದು ಕ್ರೆಮ್ಲಿನ್ ಪ್ರಚಾರವನ್ನು ಹರಡಲು ವರ್ಷಗಳ ಕಾಲ ಕೆಲಸ ಮಾಡಿದ್ದಕ್ಕಾಗಿ ನಾಚಿಕೆಪಡುತ್ತೇನೆ ಎಂದು ಹೇಳಿದರು. ಆಕೆಯ ತಂದೆ ಉಕ್ರೇನಿಯನ್ ಮತ್ತು ತಾಯಿ ರಷ್ಯನ್ ಎಂದು ಅವರು ಹೇಳಿದ್ದರು.

ಇದನ್ನೂ ಓದಿ: Parliament Budget Session 2022 ಉಕ್ರೇನ್‌ನಿಂದ 22,000 ಕ್ಕೂ ಹೆಚ್ಚು ಭಾರತೀಯರು ಸುರಕ್ಷಿತವಾಗಿ ಮರಳಿದ್ದಾರೆ: ಜೈಶಂಕರ್