ಮಾಲ್ಡೀವ್ಸ್ ಅಧ್ಯಕ್ಷ ಮೊಹಮ್ಮದ್ ಮುಯಿಝು ವಿರುದ್ಧ ಬೃಹತ್ ಪ್ರತಿಭಟನೆ
ಮಾಲ್ಡೀವ್ಸ್ ಅಸೋಸಿಯೇಶನ್ ಆಫ್ ಟೂರಿಸಂ ಇಂಡಸ್ಟ್ರಿ, ನ್ಯಾಷನಲ್ ಹೊಟೇಲ್ ಮತ್ತು ಗೆಸ್ಟ್‌ಹೌಸ್ ಅಸೋಸಿಯೇಷನ್ ಆಫ್ ಮಾಲ್ಡೀವ್ಸ್ , ಮಾಲ್ಡೀವ್ಸ್ ಅಸೋಸಿಯೇಶನ್ ಆಫ್ ಯಾಚ್ ಏಜೆಂಟ್ಸ್ ಮತ್ತು ನ್ಯಾಷನಲ್ ಬೋಟಿಂಗ್ ಅಸೋಸಿಯೇಷನ್ ಆಫ್ ಮಾಲ್ಡೀವ್ಸ್ ಸಂಘಟನೆಗಳು ಭಾರತದ ವಿರುದ್ಧ ಅವಹೇಳನಕಾರಿ ಹೇಳಿಕೆಗಳನ್ನು ಖಂಡಿಸಿದ್ದು, ಭಾರತೀಯರು ಸ್ನೇಹಿತರು ಎಂದು ಹೇಳಿವೆ.
ದೆಹಲಿ ಜನವರಿ 09: ಭಾರತೀಯರ ವಿರುದ್ಧ ಮಾಡಿದ ಅಸಂಸದೀಯ ಹೇಳಿಕೆಗಳನ್ನು ಖಂಡಿಸಿ ಮಾಲ್ಡೀವ್ಸ್ನಲ್ಲಿ (Maldives) ಹಲವಾರು ಸಂಘಟನೆಗಳು ಹೇಳಿಕೆ ನೀಡಿವೆ. ಮಾಲ್ಡೀವ್ಸ್ ಅಸೋಸಿಯೇಶನ್ ಆಫ್ ಟೂರಿಸಂ ಇಂಡಸ್ಟ್ರಿ (MATI) , ನ್ಯಾಷನಲ್ ಹೊಟೇಲ್ ಮತ್ತು ಗೆಸ್ಟ್‌ಹೌಸ್ ಅಸೋಸಿಯೇಷನ್ ಆಫ್ ಮಾಲ್ಡೀವ್ಸ್ (NHGAM), ಮಾಲ್ಡೀವ್ಸ್ ಅಸೋಸಿಯೇಶನ್ ಆಫ್ ಯಾಚ್ ಏಜೆಂಟ್ಸ್ (MAYA) ಮತ್ತು ನ್ಯಾಷನಲ್ ಬೋಟಿಂಗ್ ಅಸೋಸಿಯೇಷನ್ ಆಫ್ ಮಾಲ್ಡೀವ್ಸ್ (NBAM) ಸಂಘಟನೆಗಳು ಭಾರತದ ವಿರುದ್ಧ ಅವಹೇಳನಕಾರಿ ಹೇಳಿಕೆಗಳನ್ನು ಖಂಡಿಸಿದ್ದು, ಭಾರತೀಯರು ಸ್ನೇಹಿತರು ಎಂದು ಹೇಳಿವೆ.
ಏತನ್ಮಧ್ಯೆ,ಮಾಲ್ಡೀವ್ಸ್‌ನ ಸಂಸದೀಯ ಅಲ್ಪಸಂಖ್ಯಾತ ನಾಯಕ ಅಲಿ ಅಜೀಮ್, ದೇಶದ ಅಧ್ಯಕ್ಷ ಮೊಹಮ್ಮದ್ ಮುಯಿಝು (President Mohamed Muizzu) ಅವರನ್ನು ಪದಚ್ಯುತಗೊಳಿಸಲು ಕರೆ ನೀಡಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ಅವಹೇಳನಕಾರಿ ಹೇಳಿಕೆ ನೀಡಿದ ಬೆನ್ನಲ್ಲೇ ಈ ಕರೆ ಬಂದಿದೆ. ಅಜೀಂ ಅವರು ಸೋಮವಾರ ಅಧ್ಯಕ್ಷ ಮುಯಿಝು ವಿರುದ್ಧ ಅವಿಶ್ವಾಸ ಮತಕ್ಕೆ ಒತ್ತಾಯಿಸಿದರು.
BIG NEWS 🚨 Massive protest begins against Maldives President Mohamed Muizzu 🔥🔥
Several organizations issued statement condemning unparliamentary remarks made by Maldivian Ministers against Hindus & Indians.
Organisations said Indians are friends.
These organizations are… pic.twitter.com/EWx4cEwKPb
— Times Algebra (@TimesAlgebraIND) January 9, 2024
ನಾವು, ಪ್ರಜಾಪ್ರಭುತ್ವವಾದಿಗಳು ರಾಷ್ಟ್ರದ ವಿದೇಶಾಂಗ ನೀತಿಯ ಸ್ಥಿರತೆಯನ್ನು ಎತ್ತಿಹಿಡಿಯಲು ಮತ್ತು ಯಾವುದೇ ನೆರೆಯ ರಾಷ್ಟ್ರದ ಪ್ರತ್ಯೇಕತೆಯನ್ನು ತಡೆಯಲು ಸಮರ್ಪಿತರಾಗಿದ್ದೇವೆ. ಅಧ್ಯಕ್ಷ ಮೊಹಮ್ಮದ್ ಮುಯಿಝು ಅನ್ನು ಅಧಿಕಾರದಿಂದ ತೆಗೆದುಹಾಕಲು ಅಗತ್ಯವಿರುವ ಎಲ್ಲಾ ಕ್ರಮಗಳನ್ನು ತೆಗೆದುಕೊಳ್ಳಲು ನೀವು ಸಿದ್ಧರಿದ್ದೀರಾ?ಸೆಕ್ರೆಟರಿಯೇಟ್ ಅವಿಶ್ವಾಸ ಮತವನ್ನು ಪ್ರಾರಂಭಿಸಲು ಸಿದ್ಧವಾಗಿದೆಯೇ ಎಂದು ಅವರು ಸಾಮಾಜಿಕ ಮಾಧ್ಯಮ ಎಕ್ಸ್ನಲ್ಲಿ ಬರೆದಿದ್ದಾರೆ.
ಕಳೆದ ವಾರ ಲಕ್ಷದ್ವೀಪಕ್ಕೆ ಪ್ರಧಾನಿ ಮೋದಿ ಭೇಟಿ ನೀಡಿದ ನಂತರ ಮಾಲ್ಡೀವ್ಸ್‌ನ ಹಲವು ಸಚಿವರು ಮೋದಿ ವಿರುದ್ಧ ಅವಹೇಳನಕಾರಿ ಹೇಳಿಕೆಗಳನ್ನು ನೀಡಿದ ನಂತರ ವಿವಾದ ಹುಟ್ಟಿಕೊಂಡಿತು.
ಈ ಘಟನೆಗೆ ಸಾಮಾಜಿಕ ಮಾಧ್ಯಮದಲ್ಲಿ ಆಕ್ರೋಶ ವ್ಯಕ್ತವಾಗಿದ್ದು ಅನೇಕ ಭಾರತೀಯರು ಈ ವಿವಾದದ ಕಾರಣದಿಂದಾಗಿ ಮಾಲ್ಡೀವ್ಸ್‌ಗೆ ತಮ್ಮ ನಿಗದಿತ ಪ್ರವಾಸಗಳನ್ನು ರದ್ದುಗೊಳಿಸಿದ್ದಾರೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: India-Maldives Row: ಮಾಲ್ಡೀವ್ಸ್ ಅಧ್ಯಕ್ಷ ಮೊಹಮ್ಮದ್ ಮುಯಿಝು ವಿರುದ್ಧ ಅವಿಶ್ವಾಸ ನಿರ್ಣಯ ಮಂಡನೆಗೆ ಸಿದ್ಧತೆ
ಇದಕ್ಕೆ ಪ್ರತಿಯಾಗಿ ಮಾಲ್ಡೀವ್ಸ್ ಸರ್ಕಾರವು ಪ್ರಧಾನಿ ಮೋದಿ ವಿರುದ್ಧದ ಹೇಳಿಕೆಗಳಿಗಾಗಿ ಮೂವರು ಉಪ ಮಂತ್ರಿಗಳನ್ನು ಭಾನುವಾರ ಅಮಾನತುಗೊಳಿಸಿದೆ. ವಿದೇಶಿ ನಾಯಕರ ವಿರುದ್ಧ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಮಾಡಿದ ಅವಹೇಳನಕಾರಿ ಹೇಳಿಕೆಗಳ ಬಗ್ಗೆ ಸರ್ಕಾರಕ್ಕೆ ತಿಳಿದಿದೆ. ಅವರ ವೈಯಕ್ತಿಕ ಅಭಿಪ್ರಾಯಗಳು ದೇಶದ ಸ್ಥಾನವನ್ನು ಪ್ರತಿನಿಧಿಸುವುದಿಲ್ಲ ಎಂದು ಮಾಲ್ಡೀವಿಯನ್ ವಿದೇಶಾಂಗ ಸಚಿವಾಲಯ ಹೇಳಿದೆ.
ಸೋಮವಾರ, ಭಾರತಕ್ಕೆ ಮಾಲ್ಡೀವ್ಸ್ ರಾಯಭಾರಿಯನ್ನು ವಿದೇಶಾಂಗ ಸಚಿವಾಲಯಕ್ಕೆ ಕರೆಸಲಾಯಿತು ಮತ್ತು ಟೀಕೆಗಳ ಬಗ್ಗೆ ತೀವ್ರ ಕಳವಳ ವ್ಯಕ್ತಪಡಿಸಲಾಯಿತು.
ಕಳೆದ ಮೂರು ವರ್ಷಗಳಲ್ಲಿ, ವಾರ್ಷಿಕವಾಗಿ 2 ಲಕ್ಷಕ್ಕೂ ಹೆಚ್ಚು ಭಾರತೀಯರು ಮಾಲ್ಡೀವ್ಸ್‌ಗೆ ಭೇಟಿ ನೀಡಿದ್ದಾರೆ ಎಂದು ಅಧಿಕೃತ ಅಂಕಿಅಂಶಗಳನ್ನು ಉಲ್ಲೇಖಿಸಿ ಪಿಟಿಐ ವರದಿ ಮಾಡಿದೆ. ಮಾಲ್ಡೀವ್ಸ್ ಪ್ರವಾಸೋದ್ಯಮ ಸಚಿವಾಲಯದ ದತ್ತಾಂಶವು 2023 ರಲ್ಲಿ ದ್ವೀಪವು 17 ಲಕ್ಷಕ್ಕೂ ಹೆಚ್ಚು ಪ್ರವಾಸಿಗರನ್ನು ಸ್ವಾಗತಿಸಿದೆ ಎಂದು ತಿಳಿಸುತ್ತದೆ, ಈ ಸಂದರ್ಶಕರಲ್ಲಿ 2,09,198 ಕ್ಕೂ ಹೆಚ್ಚು ಭಾರತೀಯರು ಇದ್ದಾರೆ. 2,09,146 ರಷ್ಯನ್ನರು ಮತ್ತು 1,87,118 ಚೀನೀ ಪ್ರವಾಸಿಗರು ಇದ್ದಾರೆ.
ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
