Global Warming: ವಿಶ್ವದಲ್ಲಿ ಮೃತಪಡುವವರ ಪೈಕಿ 3ನೇ 1ರಷ್ಟು ಜನರ ಸಾವಿಗೆ ಜಾಗತಿಕ ತಾಪಮಾನದ ಹೆಚ್ಚಳ ಕಾರಣ

Global Warming: ವಿಶ್ವದಲ್ಲಿ ಮೃತಪಡುವವರ ಪೈಕಿ 3ನೇ 1ರಷ್ಟು ಜನರ ಸಾವಿಗೆ ಜಾಗತಿಕ ತಾಪಮಾನದ ಹೆಚ್ಚಳ ಕಾರಣ
ಭೂಮಿಯನ್ನು ರಕ್ಷಿಸೋಣ

ವಿಶ್ವದ 43 ದೇಶಗಳ 732 ಪ್ರದೇಶಗಳಲ್ಲಿ ಸಂಗ್ರಹಿಸಿದ ದತ್ತಾಂಶಗಳನ್ನು ಆಧರಿಸಿ ಈ ವರದಿಯನ್ನು ಪ್ರಕಟಿಸಲಾಗಿದ್ದು ಜಾಗತಿಕ ತಾಪಮಾನವು ಹಿಂದೆಂದಿಗಿಂತಲೂ ತೀವ್ರವಾಗಿ ಹೆಚ್ಚಳವಾಗುತ್ತಿದೆ ಎಂದು ಉಲ್ಲೇಖಿಸಲಾಗಿದೆ.

guruganesh bhat

|

Jun 01, 2021 | 8:37 PM

ಲಂಡನ್: ಪ್ರತಿವರ್ಷವೂ ಪದೇ ಪದೇ ಕೇಳುವ ವಿಷಯ ಜಾಗತಿಕ ತಾಪಮಾನದ ಹೆಚ್ಚಳ. ತಾಮಪಾನದ ಹೆಚ್ಚಳದಿಂದಲೇ ಸೆಕೆ, ಮಳೆ ಸುರಿಯುವುದರಲ್ಲಿ ಬದಲಾವಣೆಯೂ ಸೇರಿದಂತೆ ವಿವಿಧ ಸಮಸ್ಯೆಗಳು ಉಂಟಾಗುತ್ತಿವೆ ಎಂದು ತಿಳಿದೂ ಜಾಗತಿಕ ತಿಳಿದಿದ್ದರೂ ಜಾಗತಿಕ ತಾಪಮಾನ ಹೆಚ್ಛಳವಾಗುತ್ತಲೇ ಇದೆ. ಜಾಗತಿಕ ತಾಪಮಾನದ ಹೆಚ್ಚಳಕ್ಕೆ ಸಂಬಂಧಿಸಿ ಒಂದು ಸಮೀಕ್ಷೆಯೊಂದು ಬಿಡುಗಡೆಗೊಂಡಿದ್ದು ಸಮೀಕ್ಷೆಯ ವಿವರ ಇಲ್ಲಿದೆ.

1991 ಮತ್ತು 2018 ರ ನಡುವೆ ವಿಶ್ವದಲ್ಲಿನ ಮೃತಪಟ್ಟವರಲ್ಲಿ ಮೂರನೇ ಒಂದು ಭಾಗ ಜನರು ಜಾಗತಿಕ ತಾಪಮಾನಕ್ಕೆ ಸಂಬಂಧಿಸಿದ ಕಾರಣಗಳಿಂದ ಮೃತಪಟ್ಟಿದ್ದಾರೆ ಎಂದು ನೇಚರ್ ಕ್ಲೈಮೇಟ್ ಚೇಂಜ್ ಜರ್ನಲ್​ನ ಸಂಶೋಧನಾ ವರದಿಯೊಂದು ತಿಳಿಸಿದೆ. ಲಂಡನ್​ನ ಹೈಜೀನ್ ಮತ್ತು ಟ್ರೋಫಿಕಲ್ ಮೆಡಿಸಿನ್ ಮತ್ತು ಬರ್ನ್ ವಿಶ್ವವಿದ್ಯಾಲಯದ ಸಹಯೋಗದಲ್ಲಿ ನಡೆಸಿದ ಅಧ್ಯಯನದಲ್ಲಿ ಈ ಆಘಾತಕಾರಿ ವಿಷಯ ತಿಳಿದುಬಂದಿದ್ದಾಗಿ ಸಂಶೋಧನಾ ಪ್ರಬಂಧದಲ್ಲಿ ಪ್ರಕಟಿಸಲಾಗಿದೆ.

ವಿಶ್ವದ 43 ದೇಶಗಳ 732 ಪ್ರದೇಶಗಳಲ್ಲಿ ಸಂಗ್ರಹಿಸಿದ ದತ್ತಾಂಶಗಳನ್ನು ಆಧರಿಸಿ ಈ ವರದಿಯನ್ನು ಪ್ರಕಟಿಸಲಾಗಿದ್ದು ಜಾಗತಿಕ ತಾಪಮಾನವು ಹಿಂದೆಂದಿಗಿಂತಲೂ ತೀವ್ರವಾಗಿ ಹೆಚ್ಚಳವಾಗುತ್ತಿದೆ ಎಂದು ಉಲ್ಲೇಖಿಸಲಾಗಿದೆ. ವಿಶ್ವದಲ್ಲಿ ಮೃತಪಡುತ್ತಿರುವವರ ಪೈಕಿ ತಾಪಮಾನದ ಹೆಚ್ಚಳಕ್ಕೆ ಸಂಬಂಧಿಸಿದ ಕಾರಣಗಳಿಂದ ಶೇ 37ರಷ್ಟು ಜನರು ಬಾಧಿತರಾಗುತ್ತಿದ್ದಾರೆ ಎನ್ನಲಾಗಿದೆ. ಈ ಪೈಕಿ ಮಧ್ಯ ಮತ್ತು ದಕ್ಷಿಣ ಅಮೆರಿಕದಲ್ಲಿಯೇ ಜಾಗತಿಕ ತಾಪಮಾನದ ಕಾರಣದಿಂದ ಹೆಚ್ಚು ಜನರು ಮೃತಪಡುತ್ತಿದ್ದಾರೆ. ಈಕ್ವೆಡಾರ್​ ಮತ್ತು ಕೊಲಂಬಿಯಾದಲ್ಲಿ ಶೇ 76ರಷ್ಟು ಜನರು ಆಗ್ನೇಯ ಏಷ್ಯಾ ಪ್ರಾಂತ್ಯದಲ್ಲಿ ಶೇಕಡಾ 48ರಿಂದ 61ರಷ್ಟು ಮರಣವು ಜಾಗತಿಕ ತಾಪಮಾನದ ಕಾರಣಗಳಿಂದಲೇ ಸಂಬಂಧಿಸಿದೆ ಎಂದು ಸಮೀಕ್ಷೆಯ ವಿವರಿಸಿದೆ.

ಇದನ್ನೂ ಓದಿ: ಕೊವಿಡ್​ನಿಂದ ಬೇಗ ಗುಣಮುಖರಾಗೋದು ಹೇಗೆ?; ತಾವು ಉಪಯೋಗಿಸಿದ ತಂತ್ರ ಹೇಳಿದ ಅಭಿಷೇಕ್​ ಬಚ್ಚನ್​

ದೇಶ ಮತ್ತು ರಾಜ್ಯದಲ್ಲಿ ಕೊವಿಡ್​ನಿಂದ ಅನಾಥರಾದ ಮಕ್ಕಳೆಷ್ಟು ಗೊತ್ತೆ? ಇಲ್ಲಿದೆ ಅಂಕಿ ಅಂಶ

(Global warming is the cause of 1 third of deaths in the world)

Follow us on

Related Stories

Most Read Stories

Click on your DTH Provider to Add TV9 Kannada