ಇರಾಕ್​ ಪ್ರಧಾನಿ ಮುಸ್ತಫಾ ಅಲ್​ ಕಧಿಮಿ ನಿವಾಸದ ಮೇಲೆ ಡ್ರೋಣ್​ ದಾಳಿ; ಹತ್ಯೆ ಯತ್ನ ಎಂದ ಮಿಲಿಟರಿ

ಇರಾಕ್ ಪ್ರಧಾನಿ ಮುಸ್ತಫಾ ಅಲ್​ ಕಧಿಮಿ ಅವರ ಬಾಗ್ದಾದ್​ ನಿವಾಸದ ಮೇಲೆ ಡ್ರೋಣ್​  ದಾಳಿ ನಡೆಸಲಾಗಿದೆ. ಇಲ್ಲಿ ಡ್ರೋಣ್​ ಮೂಲಕ ಸ್ಫೋಟಕಗಳನ್ನು ಕೆಡವಲಾಗಿದ್ದು,  ಇದು ಪ್ರಧಾನಿ ಹತ್ಯೆ ಪ್ರಯತ್ನ ಎಂದು ಇರಾಕ್​ ಸೈನ್ಯ ಹೇಳಿದೆ. ಅದೃಷ್ಟವಶಾತ್​ ಕಧಿಮಿಗೆ ಯಾವುದೇ ಹಾನಿಯೂ ಆಗಿಲ್ಲ.  ಬಾಗ್ದಾದ್​​ನಲ್ಲಿ ಪ್ರಧಾನಿ ನಿಲಯ ಭದ್ರವಾದ ಗ್ರೀನ್​ ಝೋನ್​​ನಲ್ಲಿದೆ. ಆದರೆ ಇದೀಗ ಡ್ರೋಣ್​ ದಾಳಿಯಾಗಿದೆ ಎಂದಷ್ಟೇ ಸೇನೆ ತಿಳಿಸಿದ್ದು, ಬೇರೆ ಯಾವುದೇ ಮಾಹಿತಿಯನ್ನೂ ನೀಡಿಲ್ಲ. ಇನ್ನು ಪ್ರಧಾನಿ ಕಧಿಮಿಗೆ ಯಾವುದೇ ಅಪಾಯವಾಗಿಲ್ಲ. ಅವರು ಸುರಕ್ಷಿತರಾಗಿದ್ದಾರೆ..ಜನರೂ ಶಾಂತವಾಗಿರಬೇಕು ಎಂದು ಪ್ರಧಾನಮಂತ್ರಿ ಕಚೇರಿ ಟ್ವೀಟ್​ ಮೂಲಕ ತಿಳಿಸಿದೆ.  ಆದರೂ ಈ ದಾಳಿಯಿಂದ ಕೆಲವು ಭದ್ರತಾ ಸಿಬ್ಬಂದಿ ಗಾಯಗೊಂಡಿದ್ದಾರೆ ಎಂದು ಹೇಳಲಾಗಿದೆ. 

ಸದ್ಯಕ್ಕಂತೂ ಯಾವುದೇ ಸಂಘಟನೆ ಉಗ್ರಸಂಘಟನೆ, ಬಂಡುಕೋರರು ಈ ದಾಳಿಯ ಹೊಣೆ ಹೊತ್ತುಕೊಂಡಿಲ್ಲ. ಇನ್ನು ಪ್ರಧಾನಿ ನಿಲಯ ಇರುವ ಗ್ರೀನ್​ ಝೋನ್​​ನಲ್ಲಿ ವಾಸವಾಗಿರುವ ಪಾಶ್ಚಿಮಾತ್ಯ ದೇಶಗಳ ರಾಯಭಾರಿಗಳು ಸ್ಫೋಟದ ಸದ್ದು ಕೇಳಿದ್ದಾಗಿ ಹೇಳಿಕೊಂಡಿದ್ದಾರೆ.  ಕಳೆದ ತಿಂಗಳು ಇಲ್ಲಿ ನಡೆದ ಸಾರ್ವತ್ರಿಕ ಚುನಾವಣೆ ಫಲಿತಾಂಶವನ್ನು ಇರಾನ್​ ಬೆಂಬಲಿತ ಶಸ್ತ್ರಸಜ್ಜಿತ ಗುಂಪುಗಳು ಬಲವಾಗಿ ವಿರೋಧಿಸಿವೆ. ಈ ಫಲಿತಾಂಶದಲ್ಲಿ ಅಕ್ರಮ ನಡೆದಿದೆ ಎಂದು ಆರೋಪಿಸಿವೆ.  ಚುನಾವಣೆಯ ನಂತರ ಅಧಿಕಾರ ಕಳೆದುಕೊಂಡವರೇ ಈ ಗುಂಪಿನವರಾಗಿದ್ದು, ಭಾರಿ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ಹೊಂದಿವೆ. ಆದರೆ ಸದ್ಯಕ್ಕೇನೂ ಇವರು ದಾಳಿ ಹೊಣೆ ಹೊತ್ತಿಲ್ಲ.

كنت ومازلت مشروع فداء للعراق وشعب العراق، صواريخ الغدر لن تثبط عزيمة المؤمنين، ولن تهتز شعرة في ثبات وإصرار قواتنا الأمنية البطلة على حفظ أمن الناس وإحقاق الحق ووضع القانون في نصابه. أنا بخير والحمد لله، وسط شعبي، وأدعو إلى التهدئة وضبط النفس من الجميع، من أجل العراق.

— Mustafa Al-Kadhimi مصطفى الكاظمي (@MAKadhimi) November 7, 2021

ಇದನ್ನೂ ಓದಿ: ಅಪ್ಪು ಮೇಲೆ ಜನರಿಟ್ಟ ಅಭಿಮಾನಕ್ಕೆ ಸಾಟಿ ಇಲ್ಲ; ಪುನೀತ್​ ಸಮಾಧಿ ಬಳಿ ಜನಸಾಗರ ಇನ್ನೂ ಕಮ್ಮಿ ಆಗಿಲ್ಲ