‘ಆನೆ ಲದ್ದಿಯಿಂದ ಕೊರೊನಾ ಗುಣವಾಗುತ್ತೆ’ ಎಂಬ ವದಂತಿ ಕೇಳಿ ಜನ ಏನು ಮಾಡಿದ್ರು ಗೊತ್ತಾ!?

ಆನೆ ಲದ್ದಿ ಕೊರೊನಾ ಸೋಂಕನ್ನು ಗುಣ ಮಾಡುತ್ತದೆ ಎಂಬ ಸುಳ್ಳು ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ್ದೇ ತಡ,ಆನೆ ಲದ್ದಿಯನ್ನು ಕೊಂಡುಕೊಳ್ಳಲು ಜನ ಮುಗಿಬಿದ್ದಿರುವ ಘಟನೆ ನಡೆದಲ್ಲಿ ನಮೀಬಿಯಾದಲ್ಲಿ ನಡೆದಿದೆ.

ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಅರಣ್ಯ ಮತ್ತು ಪ್ರವಾಸೋದ್ಯಮ ವಕ್ತಾರ ರೋಮಿಯೋ ಮುಯುಂಡಾ, ಆನೆ ಲದ್ದಿ ಕೊರೊನಾ ಸೋಂಕನ್ನು ಗುಣಪಡಿಸುತ್ತದೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಇದರಿಂದಾಗಿ ಆನೆ ಲದ್ದಿಯನ್ನು ಹೆಚ್ಚು ಬೆಲೆಗೆ ಮಾರಾಟ ಮಾಡುತ್ತಿರುವುದು ಕಂಡುಬಂದಿದೆ. ಅಂತಹವರ ಮೇಲೆ ಕಾನೂನು ಕ್ರಮ ಜರುಗಿಸುವುದಾಗಿ ಹೇಳಿದ್ದಾರೆ.

ಕೊರೊನಾ ಸೋಂಕಿಗೆ ಪ್ರಸ್ತುತ ಯಾವುದೇ ಲಸಿಕೆ ಇಲ್ಲ. ಹಾಗಾಗಿ ಯಾರೂ ಈ ಸುಳ್ಳು ವದಂತಿ ಕಿವಿ ಕೊಡಬೇಡಿ ಎಂದು ನಮೀಬಿಯಾದ ಆರೋಗ್ಯ ಸಚಿವ ಕಲುಂಬಿ ಶಂಗುಲಾ ಹೇಳಿದ್ದಾರೆ.

ಜೊತೆಗೆ ಕೆಲವು ಸಾಂಪ್ರದಾಯಿಕ ವೈದ್ಯರು ಆನೆ ಸಗಣಿ ತಲೆನೋವು, ಹಲ್ಲುನೋವಿಗೆ ಚಿಕಿತ್ಸೆ ನೀಡುವ ಗುಣಗಳನ್ನು ಹೊಂದಿದೆ ಎಂದು ಹೇಳುತ್ತಾರೆ. ಆದರೆ ಇದು COVID-19 ಅನ್ನು ಗುಣಪಡಿಸುತ್ತದೆ ಎಂದು ಹೇಳಿಕೊಳ್ಳುವುದು ಹೊಸ ಪ್ರವೃತ್ತಿಯಾಗಿದೆ. ಈ ಸುದ್ದಿ ಸಂಪೂರ್ಣ ಸುಳ್ಳಾಗಿದ್ದು, ಯಾರೂ ಈ ವದಂತಿಗೆ ಕಿವಿ ಕೊಡಬೇಡಿ ಎಂದಿದ್ದಾರೆ.

Published On - 11:29 am, Wed, 19 August 20