ಪ್ರಧಾನಿ ಮೋದಿ, ಅಮೆರಿಕ ಅಧ್ಯಕ್ಷ ಬಿಡೆನ್ ಬಗ್ಗೆ ಅನಗತ್ಯ ಹೇಳಿಕೆ ನೀಡಬೇಡಿ: ಪಪುವಾ ನ್ಯೂಗಿನಿ ಪ್ರಧಾನಿ ಜೇಮ್ಸ್ ಮಾರಾಪೆ

ಅಮೆರಿಕ ಅಧ್ಯಕ್ಷ ಜೋ ಬಿಡನ್ ಮತ್ತು ಭಾರತದ ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರ ಭೇಟಿಗಳ ಬಗ್ಗೆ ಅನಗತ್ಯ ಹೇಳಿಕೆ ನೀಡಬೇಡಿ ಎಂದು ಪಪುವಾ ನ್ಯೂಗಿನಿ (Papua New Guinea) ಪ್ರಧಾನಿ ಜೇಮ್ಸ್ ಮಾರಾಪೆ ತಮ್ಮ ದೇಶದ ಜನರಿಗೆ ಹೇಳಿದ್ದಾರೆ. ಅಮೆರಿಕ ಅಧ್ಯಕ್ಷ ಜೋ ಬಿಡೆನ್ (Joe Biden) ಮತ್ತು ಪ್ರಧಾನಿ ಮೋದಿಯವರ ಭೇಟಿ ಬಗ್ಗೆ ಅನಗತ್ಯ ಕಾಮೆಂಟ್‌ಗಳು ಮತ್ತು ಮಾತುಗಳಿಂದ ದೂರವಿರಲು ಸಾಮಾಜಿಕ ಮತ್ತು ಮುಖ್ಯವಾಹಿನಿಯ ಮಾಧ್ಯಮಗಳಲ್ಲಿರುವವರಿಗೆ ಮತ್ತು ಎಲ್ಲಾ ಪಪುವಾ ನ್ಯೂಗಿನಿಯ ಜನರಲ್ಲಿ ನಾನು ಮನವಿ ಮಾಡುತ್ತೇನೆ ಎಂದು ಮಾರಾಪೆ ಬುಧವಾರ ಹೇಳಿದ್ದಾರೆ.

ಮೋದಿ, ಬಿಡೆನ್ ಪಪುವಾ ನ್ಯೂಗಿನಿ ಭೇಟಿ

ಮೇ 22 ರಂದು ಪೆಸಿಫಿಕ್‌ನ ಪಪುವಾ ನ್ಯೂಗಿನಿಗೆ (ಪಿಎನ್‌ಜಿ) ಗೆ ಬಿಡೆನ್ ಅವರ ಭೇಟಿ, ಕ್ವಾಡ್ ಶೃಂಗಸಭೆಗಾಗಿ ಆಸ್ಟ್ರೇಲಿಯಾಕ್ಕೆ ಹೋಗುವ ಮಾರ್ಗದಲ್ಲಿ ಮೇ 21-22 ರಂದು ಪಿಎನ್‌ಜಿಗೆ ಪ್ರಧಾನಿ ಮೋದಿ ಅವರ ಮೊದಲ ಭೇಟಿ ಒಟ್ಟೊಟ್ಟಿಗೆ ನಡೆಯಲಿದೆ. ಕ್ವಾಡ್ ಸಭೆಗಾಗಿ ಆಸ್ಟ್ರೇಲಿಯಾಕ್ಕೆ ತೆರಳುವ ಮಾರ್ಗದಲ್ಲಿ ಭಾರತದ ಪ್ರಧಾನಿ ಪೆಸಿಫಿಕ್ ದ್ವೀಪ ರಾಷ್ಟ್ರಕ್ಕೂ ಭೇಟಿ ನೀಡುತ್ತಿದ್ದಾರೆ. ಮೇ 24 ರಂದು ಕ್ವಾಡ್ ಶೃಂಗಸಭೆ ನಡೆಯಲಿದೆ.

ಕಳೆದ ವರ್ಷ ವಾಷಿಂಗ್ಟನ್‌ನಲ್ಲಿ ಭೇಟಿಯಾದಾಗ ಬಿಡೆನ್ ಅವರನ್ನು ಆಹ್ವಾನಿಸಿದ್ದೆ.ನಮ್ಮ ದೇಶಕ್ಕೆ ಭೇಟಿ ನೀಡುವುದಾಗಿ ಅವರು ನನಗೆ ನೀಡಿದ ಭರವಸೆಯನ್ನು ಪೂರೈಸಿದ್ದಾರೆ ಎಂದು ಮಾರಾಪೆ ಈ ಹಿಂದೆ ಹೇಳಿದ್ದರು.

ಇದನ್ನೂ ಓದಿ: Vladimir Putin: ವ್ಲಾಡಿಮಿರ್ ಪುಟಿನ್‌ ಹತ್ಯೆಗೆ ಉಕ್ರೇನ್ ಯತ್ನ ನಡೆಸಿದೆ: ರಷ್ಯಾ ಆರೋಪ

ಮೋದಿ-ಬಿಡೆನ್ ಭೇಟಿಯನ್ನು ಲಘುವಾಗಿ ಪರಿಗಣಿಸಬೇಡಿ

ಇಂತಹ ಭೇಟಿಗಳನ್ನು ಒಟ್ಟಿಗೆ ಸೇರಿಸುವುದು ಸುಲಭವಲ್ಲ, ಏಕೆಂದರೆ ಇಂಡೋ-ಪೆಸಿಫಿಕ್ ಪ್ರದೇಶದಲ್ಲಿ ಪಪುವಾ ನ್ಯೂಗಿನಿ ಏಕೈಕ ದೇಶವಲ್ಲ ಎಂದು ಪಿಎಂ ಮಾರಾಪೆ ಅವರು ಪಪುವಾ ನ್ಯೂಗಿನಿಯ ಜನರಲ್ಲಿ ಹೇಳಿದ್ದಾರೆ. ಅಮೆರಿಕ ಮತ್ತು ಭಾರತದ ನಾಯಕರು ಸುಲಭವಾಗಿ ಬೇರೆಡೆಗೆ ಹೋಗಬಹುದಾಗಿತ್ತು.ಆದರೆ ಅವರು ನಮ್ಮನ್ನು ಭೇಟಿ ಮಾಡಲು ನಿರ್ಧರಿಸಿದರು, ಆದ್ದರಿಂದ ನಮ್ಮನ್ನು ಭೇಟಿ ಮಾಡುವ ಅವರ ಆಯ್ಕೆಯನ್ನು ನಾವು ಗೌರವಿಸೋಣ ಎಂದಿದ್ದಾರೆ ಮಾರಾಪೆ.

ನಾವು ಅಂತಹ ಭೇಟಿಗಳನ್ನು ಲಘುವಾಗಿ ತೆಗೆದುಕೊಳ್ಳಬಾರದು. ಮುಖ್ಯವಾಹಿನಿ ಮತ್ತು ಸಾಮಾಜಿಕ ಮಾಧ್ಯಮಗಳೆರಡರಲ್ಲಿನ ಟೀಕಾಕಾರರು ಅನಾವಶ್ಯಕವಾದ ತೀರ್ಮಾನಗಳನ್ನು ಮಾಡಬೇಡಿ ಮನವಿ ಮಾಡುತ್ತೇನೆ ಎಂದು ಅವರು ಹೇಳಿದ್ದಾರೆ.

ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ