ಟೈಮ್-100: ವಿಶ್ವದ 100 ಪ್ರಭಾವಶಾಲಿ ವ್ಯಕ್ತಿಗಳ ಪಟ್ಟಿ, ಭಾರತೀಯರ ಹೆಸರಿಲ್ಲ
TIME Most Influential People of 2025: ಟೈಮ್ ನಿಯತಕಾಲಿಕೆಯು ವಿಶ್ವದ 100 ಪ್ರಭಾವಶಾಲಿ ವ್ಯಕ್ತಿಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಅದರಲ್ಲಿ ಬಾಂಗ್ಲಾದೇಶದ ಮಧ್ಯಂತರ ಸರ್ಕಾರದ ಸಲಹೆಗಾರ ಮೊಹಮ್ಮದ್ ಯೂನಸ್ ಕೂಡ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ. ಈ ಪಟ್ಟಿಯು ಪ್ರಪಂಚದಾದ್ಯಂತದ ಪ್ರಭಾವಿ ವ್ಯಕ್ತಿಗಳನ್ನು ಅವರ ಪ್ರಭಾವ ಮತ್ತು ನಾಯಕತ್ವಕ್ಕಾಗಿ ಗೌರವಿಸುತ್ತದೆ. ಈ ವರ್ಷದ ಪಟ್ಟಿಯಲ್ಲಿ ರಾಜಕೀಯ, ಮನರಂಜನೆ, ವಿಜ್ಞಾನ ಮತ್ತು ವ್ಯವಹಾರದ ಹಲವಾರು ಜಾಗತಿಕ ವ್ಯಕ್ತಿಗಳು ಇದರಲ್ಲಿ ಸೇರಿದ್ದಾರೆ, ಕಳೆದ ವರ್ಷದಲ್ಲಿ ಅವರ ಗಮನಾರ್ಹ ಪ್ರಭಾವ ಮತ್ತು ಕೊಡುಗೆಗಳಿಗಾಗಿ ಅರನ್ನು ಗೌರವಿಸಲಾಗುತ್ತದೆ. ಈ ವರ್ಷದ ಪಟ್ಟಿಯಲ್ಲಿ ಯಾವುದೇ ಭಾರತೀಯರ ಹೆಸರಿಲ್ಲದಿರುವುದು ಅಚ್ಚರಿ ಮೂಡಿಸಿದೆ.
Updated on:Apr 17, 2025 | 9:50 AM
ವಾಷಿಂಗ್ಟನ್, ಏಪ್ರಿಲ್ 17: ಪ್ರತಿ ವರ್ಷವೂ ಟೈಮ್ ಮ್ಯಾಗಜೀನ್ ವಿಶ್ವದ 100 ಅತ್ಯಂತ ಪ್ರಭಾವಶಾಲಿ ವ್ಯಕ್ತಿಗಳ ಪಟ್ಟಿಯನ್ನು ಬಿಡುಗಡೆ ಮಾಡುತ್ತದೆ. ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್(Donald Trump) ಮತ್ತು ಎಲೋನ್ ಮಸ್ಕ್ ಅವರಂತಹ ವ್ಯಕ್ತಿಗಳ ಜತೆ ಬಾಂಗ್ಲಾದೇಶದ ಮಧ್ಯಂತರ ಸರ್ಕಾರದ ಮುಖ್ಯ ಸಲಹೆಗಾರ ಮತ್ತು ಭಾರತದ ವಿರುದ್ಧ ವಿಷ ಕಾರುವ ಮೊಹಮ್ಮದ್ ಯೂನಸ್ ಕೂಡ ಈ ವರ್ಷದ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ.
ಈಗ ಈ ವರ್ಷದ ಪಟ್ಟಿಯೂ ಹೊರಬಂದಿದ್ದು, ಇದರಲ್ಲಿ ವಿಶ್ವದ ಅನೇಕ ದೊಡ್ಡ ನಟರು ಮತ್ತು ಗಾಯಕರ ಹೆಸರುಗಳಿವೆ. ವಿಶ್ವದ 100 ಅತ್ಯಂತ ಪ್ರಭಾವಶಾಲಿ ವ್ಯಕ್ತಿಗಳ ಪಟ್ಟಿಯಲ್ಲಿ ಬಾಲಿವುಡ್ ಯಾವ ಭಾರತೀಯನ ಹೆಸರೂ ಇಲ್ಲದಿರುವುದು ಆಶ್ಚರ್ಯಕರವಾಗಿದೆ.
ವಿಶ್ವದ 100 ಅತ್ಯಂತ ಪ್ರಭಾವಿ ವ್ಯಕ್ತಿಗಳ ಪಟ್ಟಿಯಲ್ಲಿ ಡೆಮಿಸ್ ಹಸ್ಸಾಬಿಸ್ ಅಗ್ರಸ್ಥಾನದಲ್ಲಿದ್ದಾರೆ. ಅವರು ಗೂಗಲ್ ಡೀಪ್‌ಮೈಂಡ್ ಮತ್ತು ಐಸೊಮಾರ್ಫಿಕ್ ಲ್ಯಾಬ್ಸ್‌ನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಮತ್ತು ಸಹ-ಸಂಸ್ಥಾಪಕರಾಗಿದ್ದಾರೆ, ಜೊತೆಗೆ ಯುಕೆ ಸರ್ಕಾರದ ಎಐ ಸಲಹೆಗಾರರಾಗಿದ್ದಾರೆ.
ಮತ್ತಷ್ಟು ಓದಿ: ಟೈಮ್-100: ಎಐಗೆ ಕೊಡುಗೆ, ವಿಶ್ವದ 100 ಪ್ರಭಾವಶಾಲಿಗಳ ಪಟ್ಟಿಯಲ್ಲಿದ್ದಾರೆ ಈ ಭಾರತೀಯರು
ಅಮೆರಿಕದ ಗಾಯಕ ಎಡ್ ಶೀರನ್ ಎರಡನೇ ಸ್ಥಾನವನ್ನು ಪಡೆದುಕೊಂಡಿದ್ದಾರೆ. ಈ ಪಟ್ಟಿಯಲ್ಲಿ ಮನರಂಜನಾ ಜಗತ್ತಿನ ಅನೇಕ ದೊಡ್ಡ ಹೆಸರುಗಳಿವೆ ಆದರೆ ಭಾರತದ ಒಬ್ಬರ ಹೆಸರೂ ಇಲ್ಲ. ಸ್ಕಾರ್ಲೆಟ್ ಜೋಹಾನ್ಸನ್, ಆಡಮ್ ಸ್ಕಾಟ್, ಕ್ರಿಸ್ಟನ್ ವಿ ಮತ್ತು ರಶೀದಾ ಜೋನ್ಸ್ ಕೂಡ ಪಟ್ಟಿಯ ಮನರಂಜನಾ ವಿಭಾಗದಲ್ಲಿ ವಿಶ್ವದ 100 ಅತ್ಯಂತ ಪ್ರಭಾವಶಾಲಿ ವ್ಯಕ್ತಿಗಳ ಪಟ್ಟಿಯಲ್ಲಿದ್ದಾರೆ.
ವಿಶ್ವದ 100 ಅತ್ಯಂತ ಪ್ರಭಾವಿ ವ್ಯಕ್ತಿಗಳಲ್ಲಿ ಡಿಯಾಗೋ ಲೂನಾ, ಡೇನಿಯಲ್ ಡೆಡ್‌ವೈಲರ್, ಹೋಜಿಯರ್ ಮತ್ತು ಮೊಹಮ್ಮದ್ ರಸೂಲೋಫ್ ಕೂಡ ಸೇರಿದ್ದಾರೆ. ಡೆಮಿ ಮೂರ್, ಆಡ್ರಿಯನ್ ಬ್ರಾಡಿ, ಹಿರೋಯುಕಿ ಸನಾಡಾ ಅವರಂತಹ ಕಲಾವಿದರು ಐಕಾನ್ ವಿಭಾಗದಲ್ಲಿ ಸ್ಥಾನ ಪಡೆದಿದ್ದಾರೆ. ಇದಲ್ಲದೆ, ಬ್ಲೇಕ್ ಲೈವ್ಲಿ, ರೋಸ್, ಸ್ನೂಪ್ ಡಾಗ್ ಮತ್ತು ಜಾನ್ ಎಂ. ಚು ಅವರಂತಹ ಸೆಲೆಬ್ರಿಟಿಗಳು ಸಹ ಈ ಪಟ್ಟಿಯಲ್ಲಿ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.
ಸ್ನೂಪ್ ಡಾಗ್, ಡೆಮಿಸ್ ಹಸ್ಸಾಬಿಸ್, ಸೆರೆನಾ ವಿಲಿಯಮ್ಸ್, ಎಡ್ ಶೀರನ್ ಮತ್ತು ಡೆಮಿ ಮೂರ್ ಈ ವರ್ಷದ ನಿಯತಕಾಲಿಕೆಯ ಐದು ಮುಖಪುಟ ತಾರೆಗಳು. 2024 ರಲ್ಲಿ ಆಲಿಯಾ ಭಟ್ ಮತ್ತು 2023 ರಲ್ಲಿ ಶಾರುಖ್ ವಿಶ್ವದ 100 ಅತ್ಯಂತ ಪ್ರಭಾವಿ ವ್ಯಕ್ತಿಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದರು. ಕಳೆದ ವರ್ಷ ಬಾಲಿವುಡ್ ನಟಿ ಆಲಿಯಾ ಭಟ್ ಮತ್ತು ‘ಮಂಕಿ ಮ್ಯಾನ್’ ನಿರ್ದೇಶಕ ದೇವ್ ಪಟೇಲ್ ವಿಶ್ವದ 100 ಅತ್ಯಂತ ಪ್ರಭಾವಿ ವ್ಯಕ್ತಿಗಳ ಪಟ್ಟಿಯಲ್ಲಿದ್ದರು.
ಈ ವರ್ಷ, ಆಲಿಯಾ, ಶಾರುಖ್ ಖಾನ್ ಮತ್ತು ಸಲ್ಮಾನ್ ಖಾನ್ ಅವರನ್ನು ಬಿಟ್ಟು, ಬೇರೆ ಯಾವುದೇ ಭಾರತೀಯ ತಾರೆ ಈ ಪಟ್ಟಿಯಲ್ಲಿ ಸ್ಥಾನ ಪಡೆಯಲು ಸಾಧ್ಯವಾಗಿಲ್ಲ. ಅಮೆರಿಕದ ಮಾಜಿ ವಿದೇಶಾಂಗ ಕಾರ್ಯದರ್ಶಿ ಹಿಲರಿ ಕ್ಲಿಂಟನ್ ಅವರು ಮುಹಮ್ಮದ್ ಯೂನಸ್ ಅವರನ್ನು ಹೊಗಳಿದ್ದಾರೆ.
ಹಿಂಸಾತ್ಮಕ ವಿದ್ಯಾರ್ಥಿಗಳ ಪ್ರತಿಭಟನೆಯ ನಂತರ ಬಾಂಗ್ಲಾದೇಶವನ್ನು ಪ್ರಜಾಪ್ರಭುತ್ವದತ್ತ ಕೊಂಡೊಯ್ಯುವಲ್ಲಿ ಮುಹಮ್ಮದ್ ಯೂನಸ್ ಪಾತ್ರವನ್ನು ಕ್ಲಿಂಟನ್ ಶ್ಲಾಘಿಸಿದ್ದಾರೆ.
ಅಂತಾರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 9:47 am, Thu, 17 April 25
