Bipin Rawat: ಸಿಡಿಎಸ್​ ಬಿಪಿನ್​ ರಾವತ್ ನಿಧನಕ್ಕೆ ಯುಎಸ್​ ಉನ್ನತ ಅಧಿಕಾರಿಗಳ ಸಂತಾಪ; ಅವರೊಬ್ಬ ಉತ್ತಮ ಸ್ನೇಹಿತ ಎಂದ ರಕ್ಷಣಾ ಕಾರ್ಯದರ್ಶಿ

ತಮಿಳುನಾಡಿನ ಕೂನೂರ್​​ನಲ್ಲಿ ನಡೆದ ಸೇನಾ ಹೆಲಿಕಾಪ್ಟರ್​ ಪತನದಲ್ಲಿ ಸಿಡಿಎಸ್​ ಬಿಪಿನ್​ ರಾವತ್​ ಮೃತಪಟ್ಟಿದ್ದಾರೆ. ರಾವತ್​ ನಿಧನಕ್ಕೆ ಯುಎಸ್​ ರಾಜ್ಯ ಕಾರ್ಯದರ್ಶಿ ಅಂತೋನಿ ಬ್ಲಿಂಕೆನ್​ ಮತ್ತು ರಕ್ಷಣಾ ಕಾರ್ಯದರ್ಶಿ ಲಾಯ್ಡ್​ ಆಸ್ಟಿನ್​ ಸಂತಾಪ ಸೂಚಿಸಿದ್ದಾರೆ.  ಭಾರತೀಯ ಡಿಫೆನ್ಸ್ ಸ್ಟಾಫ್​ ಮುಖ್ಯಸ್ಥ ಜನರಲ್​ ಬಿಪಿನ್​ ರಾವತ್​, ಅವರ ಪತ್ನಿ ಮತ್ತು ಸಹೋದ್ಯೋಗಿಗಳು ಇಂದು ಒಂದು ದುರ್ಘಟನೆಯಲ್ಲಿ ಮೃತಪಟ್ಟಿದ್ದಾರೆ. ಇದು ನೋವಿನ ಸಂಗತಿ. ಬಿಪಿನ್​ ರಾವತ್​ ಅವರ ದೇಶಕ್ಕೆ ಸೇವೆ ಸಲ್ಲಿಸುವ ಜತೆಗೆ, ಯುಎಸ್​-ಭಾರತ ರಕ್ಷಣಾ ಸಂಬಂಧಕ್ಕೆ ಅಪಾರ ಕೊಡುಗೆ ನೀಡಿದ್ದಾರೆ ಎಂದು ಬ್ಲಿಂಕೆನ್​ ಹೇಳಿದ್ದಾರೆ. 

ನಂತರ ಮಾತನಾಡಿದ ಯುಎಸ್​ ರಕ್ಷಣಾ ಕಾರ್ಯದರ್ಶಿ ಆಸ್ಟಿನ್​, ಯುಎಸ್​-ಭಾರತ ನಡುವಿನ ರಕ್ಷಣಾ ಸಹಭಾಗಿತ್ವದಲ್ಲಿ ಜನರಲ್​ ರಾವತ್​ ಅವರು ಒಂದು ಅಳಿಸಲಾಗದ ಗುರುತು ಬಿಟ್ಟುಹೋಗಿದ್ದಾರೆ. ಹಾಗೇ, ಅವರು ಭಾರತೀಯ ಸಶಸ್ತ್ರಪಡೆಗಳ ಸಂಯೋಜನೆಯಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು ಎಂದು ಹೇಳಿದರು. ಹಾಗೇ, ಈ ವರ್ಷದ ಪ್ರಾರಂಭದಲ್ಲಿ ನಾನು ಬಿಪಿನ್​ ರಾವತ್​ರನ್ನು ಭೇಟಿಯಾಗಿದ್ದೆ. ಅವರು ಯುಎಸ್​​ನ ಮೌಲ್ಯಯುತ ಸ್ನೇಹಿತ ಮತ್ತು ಪಾಲುದಾರ ಎಂಬುದು ಸತ್ಯವಾಗಿತ್ತು ಎಂದರು.

#WATCH | Our deepest condolences to the Rawat family, the Indian military, and the people of India after the tragic death of Chief of Defense Staff General Bipin Rawat in a helicopter crash… and the families of the other victims of the crash: Pentagon Press Secy John Kirby pic.twitter.com/GdIMchQAfh

— ANI (@ANI) December 8, 2021

ಹಾಗೇ. ಯುಎಸ್​ನ ರಕ್ಷಣಾ ಸಿಬ್ಬಂದಿಗಳ ಜಂಟಿ ಮುಖ್ಯಸ್ಥರ ಅಧ್ಯಕ್ಷ ಜನರಲ್​ ಮಾರ್ಕ್ ಮಿಲ್ಲೆ ಕೂಡ ಬಿಪಿನ್​ ರಾವತ್ ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ. ಭಾರತೀಯ ಸೇನೆ ಮೇಲೆ ಬಿಪಿನ್​ ರಾವತ್ ಬೀರಿರುವ ಪ್ರಭಾವ ಎಂದಿಗೂ ನೆನಪಿಟ್ಟುಕೊಳ್ಳುವಂಥದ್ದು. ಹಾಗೇ, ಯುಎಸ್​-ಭಾರತ ಮಿಲಿಟರಿ ಸಂಬಂಧದಲ್ಲೂ ಪ್ರಮುಖ ಪಾತ್ರ ವಹಿಸಿದ್ದರು ಎಂದು ಹೇಳಿದ್ದಾರೆ.

We’re deeply saddened by the loss of CDS Gen Bipin Rawat & others who died in the crash. He made lasting impact on the Indian military & reinforced our strong military-to-military relationship b/w US & India: US Chairman of the Joint Chiefs of Staff Gen Mark Milley

(File Photo) pic.twitter.com/ZcxyocDI0U

— ANI (@ANI) December 8, 2021

ಇದನ್ನೂ ಓದಿ: ತಮಿಳುನಾಡು ಪೊಲೀಸರಿಂದ ರಸ್ತೆ ಮಾರ್ಗ ವ್ಯವಸ್ಥೆಯಾಗಿತ್ತು, ಆದರೆ ರಾವತ್ ಪ್ಲ್ಯಾನ್ ಪ್ರಕಾರ ಹೆಲಿಕಾಪ್ಟರ್​​ನಲ್ಲಿ​​ ಪ್ರಯಾಣ

Published On - 8:54 am, Thu, 9 December 21