Maruti Cervo: ಈ ಒಂದು ಕಾರಿಗಾಗಿ 15 ವರ್ಷಗಳಿಂದ ಕಾಯುತ್ತಿದ್ದಾರೆ ಜನರು: ಇನ್ನೂ ಬಿಡುಗಡೆ ಮಾಡಿಲ್ಲ ಮಾರುತಿ
ಮಾರುತಿ ಸುಜುಕಿಯ ಈ ಕಾರು ಮಾರುತಿ ಸೆರ್ವೊ. 2010 ರಲ್ಲಿ, ಕಂಪನಿಯು ಮಾರುತಿ 800 ಬದಲಿಗೆ ಇದನ್ನು ಭಾರತಕ್ಕೆ ತರಬೇಕಿತ್ತು. ಆದರೆ ನಂತರ ಇದರ ಯೋಜನೆ ವಿಳಂಬವಾಯಿತು. ನಂತರ ಮತ್ತೊಮ್ಮೆ 2024 ರಲ್ಲಿ ಈ ಕಾರಿನ ಬಿಡುಗಡೆಯ ಬಗ್ಗೆ ಗುಸುಗುಸು ಕೇಳಿಬಂದಿತು. ಜನರು ಸುಮಾರು 15 ವರ್ಷಗಳಿಂದ ಈ ಕಾರಿಗಾಗಿ ಜನರು ಕಾಯುತ್ತಿದ್ದಾರೆ. ಇದು ಶೀಘ್ರದಲ್ಲೇ ಭಾರತೀಯ ಮಾರುಕಟ್ಟೆಗೆ ಬರಲಿದೆಯೇ?
Updated on: Apr 17, 2025 | 2:06 PM
ಬೆಂಗಳೂರು (ಏ. 17): ಇಂದಿಗೂ ಸಹ, ಕಡಿಮೆ ಬೆಲೆಯಲ್ಲಿ ಉತ್ತಮ ಮೈಲೇಜ್ ಮತ್ತು ಹಣಕ್ಕೆ ತಕ್ಕ ಮೌಲ್ಯದ ಕಾರುಗಳನ್ನು ಒದಗಿಸುವಲ್ಲಿ ಮಾರುತಿ ಸುಜುಕಿ ಇಂಡಿಯಾ (Maruti Suzuki India) ಯಾವುದೇ ಸ್ಪರ್ಧೆಯನ್ನು ಹೊಂದಿಲ್ಲ. ಆದ್ದರಿಂದ, ಮಾರುತಿ ಸುಜುಕಿ ಭಾರತದಲ್ಲಿ 3 ಲಕ್ಷ ರೂ. ಗಿಂತ ಕಡಿಮೆ ಬೆಲೆಯ ಕಾರನ್ನು ಬಿಡುಗಡೆ ಮಾಡಲು ಯೋಜಿಸಿತ್ತು. ಆದರೆ, ಇದು ಇಂದಿನವರೆಗೆ ಬಿಡುಗಡೆ ಆಗಿಲ್ಲ. ಜನರು ಸುಮಾರು 15 ವರ್ಷಗಳಿಂದ ಈ ಕಾರಿಗಾಗಿ ಜನರು ಕಾಯುತ್ತಿದ್ದಾರೆ. ಇದು ಶೀಘ್ರದಲ್ಲೇ ಭಾರತೀಯ ಮಾರುಕಟ್ಟೆಗೆ ಬರಲಿದೆಯೇ? ಈ ಕಾರು ಯಾವಾಗ ಬಿಡುಗಡೆಯಾಗಲಿದೆ?.
ಮಾರುತಿ ಸುಜುಕಿಯ ಈ ಕಾರು ಮಾರುತಿ ಸೆರ್ವೊ. 2010 ರಲ್ಲಿ, ಕಂಪನಿಯು ಮಾರುತಿ 800 ಬದಲಿಗೆ ಇದನ್ನು ಭಾರತಕ್ಕೆ ತರಬೇಕಿತ್ತು. ಆದರೆ ನಂತರ ಇದರ ಯೋಜನೆ ವಿಳಂಬವಾಯಿತು. ನಂತರ ಮತ್ತೊಮ್ಮೆ 2024 ರಲ್ಲಿ ಈ ಕಾರಿನ ಬಿಡುಗಡೆಯ ಬಗ್ಗೆ ಗುಸುಗುಸು ಕೇಳಿಬಂದಿತು.
ಮಾರುತಿ ಸೆರ್ವೊ ಏಕೆ ವಿಶೇಷ?:
ಮಾರುತಿ ಕರ್ವೊ ಕಾರು 1976 ರಲ್ಲಿ ಮೊದಲ ಬಾರಿಗೆ ಬಿಡುಗಡೆಯಾಗಿತ್ತು. ಅದರ ಕೂಪ್ ಶೈಲಿ, ಕೈಗೆಟುಕುವ ಬೆಲೆ ಮತ್ತು ಉತ್ತಮ ಮೈಲೇಜ್ ಕಾರಣದಿಂದಾಗಿ, ಈ ಕಾರು ಬಿಡುಗಡೆಯಾದ ತಕ್ಷಣ ಮಾರುಕಟ್ಟೆಯಲ್ಲಿ ಸಾಖಷ್ಟು ಜನಪ್ರಿಯವಾಯಿತು. ಆ ಸಮಯದಲ್ಲಿ, ಈ ಕಾರನ್ನು 539cc, 797cc ಮತ್ತು 970cc ಎಂಜಿನ್ ಆಯ್ಕೆಗಳಲ್ಲಿ ಬಿಡುಗಡೆ ಮಾಡಲಾಗಿತ್ತು. ನಂತರ, ಅದರ ಹಲವು ತಲೆಮಾರುಗಳು ಬಂದವು.
ಈ ಕಾರಿನ ಐದನೇ ತಲೆಮಾರಿನ ಮಾದರಿಯನ್ನು ಕೊನೆಯದಾಗಿ 2006 ಮತ್ತು 2009 ರ ನಡುವೆ ಉತ್ಪಾದಿಸಲಾಯಿತು. ಇದು 5-ಬಾಗಿಲಿನ ಹ್ಯಾಚ್‌ಬ್ಯಾಕ್ ಕಾರು ಆಗಿತ್ತು. ಅಲ್ಲದೆ, ಈ ಕಾರು ಫ್ರಂಟ್ ವೀಲ್ ಡ್ರೈವ್ ಮತ್ತು ಫೋರ್ ವೀಲ್ ಡ್ರೈವ್ ಆಯ್ಕೆಯನ್ನು ಹೊಂದಿತ್ತು. ಈ ಕಾರು ಹೆಚ್ಚಾಗಿ ಸುಜುಕಿ ಆಲ್ಟೊವನ್ನು ಹೋಲುತ್ತದೆ. ಆ ಸಮಯದಲ್ಲಿ ಇದಕ್ಕೆ 658 ಸಿಸಿ ಎಂಜಿನ್ ಅನ್ನು ಸಹ ನೀಡಲಾಗಿತ್ತು. ಅಲ್ಲದೆ ಇದನ್ನು ಟರ್ಬೊ ಚಾರ್ಜ್ ಆಯ್ಕೆಯೊಂದಿಗೆ ನೀಡಲಾಗಿತ್ತು.
WagonR 2025: ಬಹುನಿರೀಕ್ಷಿತ ಮಾರುತಿ ವ್ಯಾಗನ್ಆರ್ 2025 ಬಿಡುಗಡೆ: ಬೆಲೆ, ಮೈಲೇಜ್ ಎಷ್ಟು?
ಆ ಕಾರು 2009 ರಿಂದ ಬಿಡುಗಡೆ ಆಗಿಲ್ಲ:
ಐದನೇ ತಲೆಮಾರಿನ ಮಾರುತಿ ಕರ್ವೋ ಕಾರಿನ ಮಾರಾಟ ಗುರಿಯನ್ನು 60,000 ಯುನಿಟ್‌ಗಳಿಗೆ ನಿಗದಿಪಡಿಸಲಾಗಿತ್ತು. ಆದರೆ ಈ ಕಾರಿನ ಕೇವಲ 12,000 ಯುನಿಟ್‌ಗಳು 2009 ರಲ್ಲಿ ಮಾರಾಟವಾದವು. ಇದಾದ ನಂತರ, ಸುಜುಕಿ ಮೋಟಾರ್ ಕಾರ್ಪೊರೇಷನ್ 2009 ರಲ್ಲಿ ವಿಶ್ವಾದ್ಯಂತ ಇದನ್ನು ಸ್ಥಗಿತಗೊಳಿಸಿತು. ಇದಾದ ನಂತರವೇ ಭಾರತದಂತಹ ದೊಡ್ಡ ಮಾರುಕಟ್ಟೆಯಲ್ಲಿ ಇದನ್ನು ಬಿಡುಗಡೆ ಮಾಡುವ ಯೋಜನೆಯನ್ನು ರೂಪಿಸಲಾಯಿತು. ಆದಾಗ್ಯೂ, ಆ ಸಮಯದಲ್ಲಿ ಮಾರುತಿ 800, ಮಾರುತಿ ವ್ಯಾಗನ್ಆರ್, ಮಾರುತಿ ಆಲ್ಟೊ, ಮಾರುತಿ ರಿಟ್ಜ್ ಮತ್ತು ಮಾರುತಿ ಸ್ವಿಫ್ಟ್‌ನಂತಹ ಸಣ್ಣ ಕಾರುಗಳು ಭಾರತದಲ್ಲಿ ಸಾಕಷ್ಟು ಜನಪ್ರಿಯವಾಗಿದ್ದವು. ಹೀಗಾಗಿ ಈ ಕಾರನ್ನು ಬಿಡುಗಡೆ ಮಾಡಲು ಸಾಧ್ಯವಾಗಲಿಲ್ಲ.
ಈಗ ಮತ್ತೊಮ್ಮೆ ದೇಶದಲ್ಲಿ 5 ಲಕ್ಷ ರೂ. ಗಿಂತ ಕಡಿಮೆ ಬೆಲೆಯ ಕಾರುಗಳ ಆಯ್ಕೆಗಳು ಕಡಿಮೆಯಾಗಿವೆ ಮತ್ತು ಮೇಲೆ ತಿಳಿಸಲಾದ ಎಲ್ಲಾ ಮಾರುತಿ ಕಾರುಗಳ ಬೆಲೆಗಳು ಗಮನಾರ್ಹವಾಗಿ ಹೆಚ್ಚಾಗಿದೆ. ಹೀಗಾಗಿ ಮಾರುತಿ ಸೆರ್ವೊ ಕಾರನ್ನು 3 ಲಕ್ಷ ರೂ. ಗಳ ಬೆಲೆಯಲ್ಲಿ ಬಿಡುಗಡೆ ಮಾಡಬೇಕೆಂಬ ಬೇಡಿಕೆ ಹೆಚ್ಚಾಗಿದೆ. ಮಾರುತಿಯ ಹೊರತಾಗಿ, ಟಾಟಾ ಮೋಟಾರ್ಸ್ ಟಾಟಾ ನ್ಯಾನೋವನ್ನು ಮರಳಿ ತರುವ ಬಗ್ಗೆಯೂ ವದಂತಿಗಳಿವೆ.
ಅಟೋಮೊಬೈಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
