Auto News: SUV ಯುಗದಲ್ಲಿ ಧೂಳೆಬ್ಬಿಸಿದ ಆಲ್ಟೊ: ಮಾರುತಿಯ ಸಣ್ಣ ಕಾರುಗಳಿಗೆ ಎಲ್ಲಿಲ್ಲದ ಬೇಡಿಕೆ

ಹ್ಯಾಚ್‌ಬ್ಯಾಕ್‌ಗಳ ಹೊರತಾಗಿ, ಮಾರುಕಟ್ಟೆಯಲ್ಲಿ ಎಸ್‌ಯುವಿಗಳಿಗೆ ಬೇಡಿಕೆ ವೇಗವಾಗಿ ಹೆಚ್ಚುತ್ತಿರುವಾಗ, ಮಾರುತಿ ಸುಜುಕಿಯ ಸಣ್ಣ ವಾಹನಗಳು ಯಾರಿಗೂ ಕಡಿಮೆಯಿಲ್ಲ ಎಂಬುದನ್ನು ಮತ್ತೊಮ್ಮೆ ಸಾಬೀತುಪಡಿಸಿವೆ. ನವೆಂಬರ್‌ನಲ್ಲಿ, ಮಾರುತಿ ಸುಜುಕಿ ಗ್ರಾಹಕರಿಗಾಗಿ ಡಿಜೈರ್‌ನ ಹೊಸ ಅವತಾರವನ್ನು ಬಿಡುಗಡೆ ಮಾಡಿತು, 5 ಸ್ಟಾರ್ ರೇಟಿಂಗ್‌ನೊಂದಿಗೆ ಬಂದ ಈ ಕಾರು ರಿಲೀಸ್ ಆದ ಬಳಿಕ ದೊಡ್ಡ್ ಸಂಚಲನವನ್ನೇ ಸೃಷ್ಟಿಸಿತು. ಡಿಸೆಂಬರ್‌ನಲ್ಲಿ ಕಂಪನಿಯು ದೇಶೀಯ ಮಾರುಕಟ್ಟೆ, ರಫ್ತು ಮತ್ತು ಒಟ್ಟು ಮಾರಾಟದಲ್ಲಿ ಹೆಚ್ಚಳವನ್ನು ಕಂಡಿದ್ದರಿಂದ ಡಿಸೈರ್ ಕಂಪನಿಗೆ ತುಂಬಾ ಅದೃಷ್ಟಶಾಲಿಯಾಗಿದೆ ಎಂದು ಹೇಳುವುದು ತಪ್ಪಾಗುವುದಿಲ್ಲ.

ಮಾರುತಿಯ ಈ ವಾಹನಗಳಿಗೆ ಭರ್ಜರಿ ಬೇಡಿಕೆ:

ಮಿನಿ ವಿಭಾಗದ ಬಗ್ಗೆ ಮಾತನಾಡುತ್ತಾ, ಮಾರುತಿ ಸುಜುಕಿಯ ಆಲ್ಟೊ ಮತ್ತು ಎಸ್ ಪ್ರೆಸ್ಸೊ ವಾಹನಗಳು ಈ ವಿಭಾಗದಲ್ಲಿ ಭಾರಿ ಬೇಡಿಕೆಯನ್ನು ಕಂಡಿವೆ. ಕಾಂಪ್ಯಾಕ್ಟ್ ವಿಭಾಗದ ಬಗ್ಗೆ ಮಾತನಾಡುತ್ತಾ, ಸೆಲೆರಿಯೊ, ಬಲೆನೊ, ಸ್ವಿಫ್ಟ್, ಡಿಜೈರ್, ವ್ಯಾಗನಾರ್ ಮತ್ತು ಇಗ್ನಿಸ್ ವಾಹನಗಳು ಈ ವಿಭಾಗದ ಗ್ರಾಹಕರಿಂದ ಹೆಚ್ಚು ಇಷ್ಟವಾಗುತ್ತಿವೆ. 2024 ರಲ್ಲಿ, ಕಂಪನಿಯು ಮಿನಿ ಮತ್ತು ಕಾಂಪ್ಯಾಕ್ಟ್ ವಿಭಾಗದಲ್ಲಿ 62,324 ಯುನಿಟ್‌ಗಳನ್ನು ಮಾರಾಟ ಮಾಡಿದೆ, 2023 ರಲ್ಲಿ ಕಂಪನಿಯು ಈ ವಿಭಾಗದಲ್ಲಿ ಕೇವಲ 48,298 ಯುನಿಟ್‌ಗಳನ್ನು ಮಾರಾಟ ಮಾಡಿತ್ತಷ್ಟೆ.

ಮಧ್ಯಮ ಗಾತ್ರದ ವಿಭಾಗದಲ್ಲಿ ಸಿಯಾಜ್ ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೇಡಿಕೆಯನ್ನು ಹೊಂದಿದೆ. ಪ್ರಯಾಣಿಕ ವಾಹನಗಳ ಬಗ್ಗೆ ಮಾತನಾಡುತ್ತಾ, ಫ್ರಾಂಕ್ಸ್, ಬ್ರೀಜಾ, ಗ್ರ್ಯಾಂಡ್ ವಿಟಾರಾ, ಎಕ್ಸ್‌ಎಲ್ 6, ಜಿಮ್ನಿ, ಎರ್ಟಿಗಾ ಮತ್ತು ಇನ್ವಿಕ್ಟೊದಂತಹ ಯುಟಿಲಿಟಿ ವಾಹನಗಳು ಕೂಡ ಸಂಚಲನವನ್ನು ಸೃಷ್ಟಿಸಿವೆ. ಕಳೆದ ವರ್ಷ, ಕಂಪನಿಯು ಯುಟಿಲಿಟಿ ವೆಹಿಕಲ್ ವಿಭಾಗದಲ್ಲಿ 55,651 ಯುನಿಟ್‌ಗಳನ್ನು ಮಾರಾಟ ಮಾಡಿದ್ದರೆ, 2023 ರಲ್ಲಿ ಈ ವಿಭಾಗದಲ್ಲಿ ಕೇವಲ 45,957 ಯುನಿಟ್‌ಗಳು ಮಾರಾಟವಾಗಿತ್ತು.

ಲಘು ವಾಣಿಜ್ಯ ವಾಹನಗಳ ಬಗ್ಗೆ ಮಾತನಾಡುತ್ತಾ, ಮಾರುತಿ ಸುಜುಕಿಯ ಸೂಪರ್ ಕ್ಯಾರಿ ವಾಹನವು ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸಿದೆ. ಮಾರುತಿ ಸುಜುಕಿಯು ಪ್ರಯಾಣಿಕ, ಲಘು ವಾಣಿಜ್ಯ ವಾಹನಗಳು ಮತ್ತು ಯುಟಿಲಿಟಿ ವಾಹನಗಳ ಮೂಲಕ ಭಾರತೀಯ ಮಾರುಕಟ್ಟೆಯಲ್ಲಿ ತನ್ನ ಹಿಡಿತವನ್ನು ಬಲಪಡಿಸಲು ಪ್ರಯತ್ನಿಸುತ್ತಿದೆ.

ಇದನ್ನೂ ಓದಿ: ಹೆಚ್ಚಿನ ಬೆಲೆ ಸಿಗಲು ನಿಮ್ಮ ಕಾರನ್ನು ಯಾವ ಟೈಮ್​ನಲ್ಲಿ ಮಾರಾಟ ಮಾಡಬೇಕು?

ಮಾರಾಟ ಎಷ್ಟು ಹೆಚ್ಚಾಗಿದೆ?:

2023 ರಲ್ಲಿ, ದೇಶೀಯ ಮಾರುಕಟ್ಟೆಯಲ್ಲಿ ಮಾರುತಿಯ ಒಟ್ಟು ಮಾರಾಟವು 1,06,492 ಯುನಿಟ್‌ಗಳಾಗಿದ್ದರೆ, 2024 ರಲ್ಲಿ ಕಂಪನಿಯ ಮಾರಾಟದ ಬೆಳವಣಿಗೆಯಲ್ಲಿ ಹೆಚ್ಚಳ ಕಂಡುಬಂದಿದೆ. 2024 ರಲ್ಲಿ ದೇಶೀಯ ಮಾರುಕಟ್ಟೆಯಲ್ಲಿ ಕಂಪನಿಯ ಒಟ್ಟು ಮಾರಾಟವು 1,32,523 ಯುನಿಟ್ ಆಗಿದೆ.

ಮಾರುತಿ ಹೊಸ ಆಲ್ಟೋ 10ನೇ ಆವೃತ್ತಿ ಬಿಡುಗಡೆಗೆ ತಯಾರಿ:

ಕಳೆದ ಕೆಲವು ತಿಂಗಳುಗಳಿಂದ ಮಾರುತಿ ಆಲ್ಟೊದ 10 ನೇ ಆವೃತ್ತಿಯ ಕೆಲಸಗಳು ನಡೆಯುತ್ತಿದೆ. ಮೊದಲಿಗೆ ಈ ಕಾರನ್ನು ಜಪಾನ್‌ನಲ್ಲಿ ಬಿಡುಗಡೆ ಮಾಡಲಾಗುವುದು. ಬಳಿಕ ಈ ಕಾರು ಭಾರತದ ಮಾರುಕಟ್ಟೆಗೆ ಬರಲಿದೆ. ಮಾರುತಿ ತನ್ನ ಆಲ್ಟೊದ 9 ನೇ ಆವೃತ್ತಿಯನ್ನು 2021 ರಲ್ಲಿ ಬಿಡುಗಡೆ ಮಾಡಿತು. ಮೂರು ವರ್ಷಗಳ ಬಳಿಕ ಬಿಡುಗಡೆ ಮಾಡುತ್ತಿರುವ ಹೊಸ ಆಲ್ಟಾ ಇದಾಗಿದೆ. ಹೊಸ 10ನೇ ಆವೃತ್ತಿಯ ಆಲ್ಟೊಗೆ 48V ಸೂಪರ್ N ಚಾರ್ಜ್ ವ್ಯವಸ್ಥೆಯನ್ನು ಬಳಸಬಹುದು. ಕಂಪನಿಯು 48V ಸೂಪರ್ ಎನ್ ಚಾರ್ಜ್ ವ್ಯವಸ್ಥೆಯನ್ನು ಬಳಸಿದರೆ, ಅದು ಇಂಧನ ದಕ್ಷತೆಯನ್ನು ಹೆಚ್ಚಿಸುತ್ತದೆ. ಹೊಸ ಆಲ್ಟೊದ ಇಂಧನ ದಕ್ಷತೆಯ ಶಕ್ತಿಯು ಪ್ರತಿ ಲೀಟರ್‌ಗೆ 30 ಕಿಲೋಮೀಟರ್ ಆಗಿರುತ್ತದೆ ಎಂದು ಅಂದಾಜಿಸಲಾಗಿದೆ.

ಆಟೋ ಮೊಬೈಲ್​​ ಸುದ್ದಿಗಳನ್ನುಓದಲು ಇಲ್ಲಿ ಕ್ಲಿಕ್ ಮಾಡಿ