Apple iPhone SE 2: ಆಪಲ್​ ಐಫೋನ್ ಎಸ್​ಇ2 15,499 ರೂಪಾಯಿಯಷ್ಟು ಸಸ್ತಾಗೆ ಸಿಗುತ್ತಿದೆ, ಹೇಗೆ ಗೊತ್ತಾ?

Apple iPhone SE 2: ಆಪಲ್​ ಐಫೋನ್ ಎಸ್​ಇ2 15,499 ರೂಪಾಯಿಯಷ್ಟು ಸಸ್ತಾಗೆ ಸಿಗುತ್ತಿದೆ, ಹೇಗೆ ಗೊತ್ತಾ?
ಸಾಂದರ್ಭಿಕ ಚಿತ್ರ

ಆಪಲ್ ಐಫೋನ್ ಎಸ್​ಇ2 ಮೊಬೈಲ್​ ಫೋನ್ ಅನ್ನು ಅತ್ಯಂತ ಕಡಿಮೆ ಬೆಲೆಗೆ ಫ್ಲಿಪ್​ಕಾರ್ಟ್​ನಲ್ಲಿ ಆಫರ್​ನಲ್ಲಿ ಮಾರಾಟ ಮಾಡಲಾಗುತ್ತಿದೆ. ಏನಿದು ಆಫರ್ ಎಂಬ ಬಗ್ಗೆ ವಿವರಗಳು ಇಲ್ಲಿವೆ.

TV9kannada Web Team

| Edited By: Srinivas Mata

Mar 01, 2022 | 5:48 PM

ಆಪಲ್ ಐಫೋನ್ ಎಸ್​ಇ (Apple iPhone SE) ಅನ್ನು ಅತ್ಯಂತ ಕಡಿಮೆ ಬೆಲೆ ಆದ 15,499 ರೂಪಾಯಿಗೆ ಖರೀದಿಸಬಹುದಾಗಿದೆ. ಇ-ಕಾಮರ್ಸ್ ಪೋರ್ಟಲ್ ಆದ ಫ್ಲಿಪ್​ಕಾರ್ಟ್ ಮೊದಲ ತಲೆಮಾರಿನ ಆಪಲ್ ಐಫೋನ್ (Apple iPhone) ಎಸ್​ಇ ಅನ್ನು ಶೇ 24ರಷ್ಟು ಕಡಿತದೊಂದಿಗೆ ಮಾರಾಟ ಮಾಡುತ್ತಿದೆ. ಈ ಫೋನ್​ನ ಮೂಲ ಬೆಲೆ 39,900 ರೂಪಾಯಿ. ಐಫೋನ್​ ಎಸ್​ಇ ಅನ್ನು ಸದ್ಯಕ್ಕೆ 30,299 ರೂಪಾಯಿಗೆ ಮಾರಲಾಗುತ್ತಿದೆ. ಇದರ ಮೇಲೆ ಫ್ಲಿಪ್​ಕಾರ್ಟ್​ನಿಂದ ಹಳೇ ಸ್ಮಾರ್ಟ್​ಫೋನ್​ ಮೇಲೆ ವಿನಿಮಯ ಮೌಲ್ಯ ದೊರೆಯುತ್ತಿದ್ದು, 14,800 ರೂಪಾಯಿ ತನಕ ಸಿಗುತ್ತದೆ. ಇದರಿಂದಾಗಿ ಆಪಲ್ ಐಫೋನ್​ ಎಸ್​ಇ ಬೆಲೆ 15,499 ರೂಪಾಯಿಗೆ ಸಿಗುತ್ತದೆ.

ಆಪಲ್ ಐಫೋನ್ ಎಸ್​ಇ 4.7 ಇಂಚಿನ ಡಿಸ್​ಪ್ಲೇ ಹೊಂದಿದ್ದು, 12 ಮೆಗಾಪಿಕ್ಸೆಲ್​ನ ಹಿಂಬದಿ ಕ್ಯಾಮೆರಾ ಮತ್ತು 7 ಮೆಗಾಪಿಕ್ಸೆಲ್​ನ ಸೆಲ್ಫಿ ಲೆನ್ಸ್​ ಹೊಂದಿದೆ. ಇದರಲ್ಲಿ ಎ13 ಬಯೋನಿಕ್ ಚಿಪ್​ಸೆಟ್ ಇದೆ. ಐಫೋನ್ ಎಸ್​ಇ3 2022 ಬಿಡುಗಡೆ ನಂತರ ಐಫೋನ್ ಎಸ್​ಇ ಬೆಲೆ ಇನ್ನಷ್ಟು ಕಡಿಮೆ ಆಗುವ ನಿರೀಕ್ಷೆ ಇದೆ. ಮಾರ್ಚ್​ ತಿಂಗಳಲ್ಲೇ ಐಫೋನ್ ಎಸ್​ಇ 2022 ಫೋನ್ ಬಿಡುಗಡೆ ಮಾಡಬಹುದು. 2022ರ ಐಫೋನ್​ ಎಸ್​ಇನಲ್ಲಿ ಹೊಸ ಫೀಚರ್​ಗಳನ್ನು ಸೇರ್ಪಡೆ ಮಾಡುವ ನಿರೀಕ್ಷೆ ಇದೆ. ಐಫೋನ್ ಎಸ್​ಇ 2022ರಲ್ಲಿ ಮೊದಲ ಬಾರಿಗೆ 5G ಫೀಚರ್​ ಸೇರಿಸಬಹುದು ಎಂದು ಜನರು ನಿರೀಕ್ಷಿಸುತ್ತಿದ್ದಾರೆ. ಇದರ ಜತೆಗೆ ಆಪಲ್ ಐಫೋನ್ ಎಸ್​ಇ 2022ರಲ್ಲಿ ವಿಸ್ತೃತವಾದ ಸೆಲ್ಫಿ ಲೆನ್ಸ್ ಮತ್ತು ಎ15 ಬಯೋನಿಕ್ ಚಿಪ್​ಸೆಟ್​ ಬಳಸಬಹುದು ಎಂದು ಅಂದಾಜಿಸಲಾಗುತ್ತಿದೆ. ಅಂದಹಾಗೆ ಇದು ಸದ್ಯಕ್ಕೆ ಐಫೋನ್ 13ರ ಸರಣಿಯಲ್ಲಿ ಬಳಸಲಾಗುತ್ತಿದೆ.

ಐಫೋನ್​ ಎಸ್​ಇ 3 2022 ಮೊಬೈಲ್​ ಫೋನ್​ ಅನ್ನು ಈ ತಿಂಗಳು ಯಾವುದೇ ಸಮಯದಲ್ಲಿ ಬಿಡುಗಡೆ ಮಾಡಬಹುದು. ಆಪಲ್​ನಿಂದ ಐಫೋನ್ ಎಸ್​ಇ3 2022 ರಚನೆಯನ್ನು ಬದಲಾವಣೆ ಮಾಡಬಹುದು ಎಂಬ ಸುದ್ದಿ ಇದೆ. ಆದರೆ ಈ ತನಕ ಆ ಸಾಧ್ಯತೆ ಕಂಡುಬಂದಿಲ್ಲ. ಆದರೆ ಅತಿದೊಡ್ಡ ಅಚ್ಚರಿ ಅಂರೆ ಫೋನ್​ನ ಬೆಲೆ. ಆಪಲ್ ಐಫೋನ್ ಎಸ್​ಇ 3 ಅನ್ನು ಕೈಗೆಟುಕುವ ದರದ ಫೋನ್ ಎಂದು ಈಗಾಗಲೇ ಕರೆಯಲಾಗಿದೆ. ವರದಿಗಳ ಪ್ರಕಾರ, ಆರಂಭದ ವೇರಿಯಂಟ್​ನ ಬೆಲೆ 300 ಯುಎಸ್​ಡಿ ಇರಬಹುದು. ಈ ಹಿಂದಿನ ಐಫೋನ್ ಎಸ್​ಇಗಳ ಕಥೆ ಬೇರೆಯೇ ಇದೆ. 300 ಡಾಲರ್ ಆಗುವುದಾದರೆ 22,522 ರೂಪಾಯಿ ಆಗುತ್ತದೆ. ಇದು ಯಾವುದೇ ಫಾರ್ಮಾಟ್​ನಲ್ಲಿ ನಿಜವಾಗಿಲ್ಲ.

ಆಪಲ್ ​ಐಫೋನ್ ಈ ಬೆಲೆಯಲ್ಲಿ ಭಾರತದಲ್ಲಿ ಬಿಡುಗಡೆ ಆಗಿದ್ದೇ ಆದಲ್ಲಿ ಸ್ಮಾರ್ಟ್​ಫೋನ್​ ಮಾರುಕಟ್ಟೆಯೇ ತಲೆಕೆಳಗಾಗುತ್ತದೆ. ಅದರ ಹಿಂದಿನ ತಲೆಮಾರಿನ ಐಫೋನ್​ ಎಸ್​ಇ ಸರಣಿ ಫೋನ್​ಗಳನ್ನು ಇಲ್ಲದಂತಾಗಿಸುತ್ತದೆ. ಇದರ ಜತೆಗೆ ಪ್ರಮುಖ ಐಫೋನ್​ಗಳ ಮಿನಿ ವರ್ಷನ್​ಗಳ ಪಾಲಿಗೂ ಸವಾಲಾಗಿ ಪರಿಣಮಿಸಲಿದೆ.

ಇದನ್ನೂ ಓದಿ: Apple CEO Salary: ಆಪಲ್ ಕಂಪೆನಿ ಸಿಇಒ ಟಿಮ್ ಕುಕ್ ವೇತನ ಎಷ್ಟು ನೂರು ಕೋಟಿ ಗೊತ್ತಾ?

Follow us on

Related Stories

Most Read Stories

Click on your DTH Provider to Add TV9 Kannada