Apple product launch: ಆಪಲ್​ನಿಂದ ಈ ವರ್ಷದ ಮೊದಲ ಕಾರ್ಯಕ್ರಮ, ವಿವಿಧ ಪ್ರಾಡಕ್ಟ್​ಗಳ ಬಿಡುಗಡೆ ನಿರೀಕ್ಷೆ

ಆಪಲ್ ಕಂಪೆನಿಯಿಂದ ವಿವಿಧ ಉತ್ಪನ್ನಗಳ ಬಿಡುಗಡೆ ಮಾಡುವ ಕಾರ್ಯಕ್ರಮ ಇಂದು ನಡೆಯಲಿದೆ. ಕ್ಯಾಲಿಫೋರ್ನಿಯಾದಲ್ಲಿ ಆಯೋಜಿಸಿರುವ ಈ ಕಾರ್ಯಕ್ರಮದ ನೇರಪ್ರಸಾರ ವಿವಿಧ ಚಾನೆಲ್​ಗಳ ಮೂಲಕ ವೀಕ್ಷಿಸಬಹು್ದು.

  • TV9 Web Team
  • Published On - 17:38 PM, 20 Apr 2021
Apple product launch: ಆಪಲ್​ನಿಂದ ಈ ವರ್ಷದ ಮೊದಲ ಕಾರ್ಯಕ್ರಮ, ವಿವಿಧ ಪ್ರಾಡಕ್ಟ್​ಗಳ ಬಿಡುಗಡೆ ನಿರೀಕ್ಷೆ
ಆಪಲ್ ಕಂಪೆನಿಯ ಚಿಹ್ನೆ

ಆಪಲ್​ನಿಂದ 2021ನೇ ಇಸವಿಯ ಮೊದಲ ಕಾರ್ಯಕ್ರಮ ಇಂದು (ಏಪ್ರಿಲ್ 20) ನಡೆಯಲಿದೆ. ಇಂದಿನ ಕಾರ್ಯಕ್ರಮಕ್ಕೆ “Spring Loaded” ಎಂದು ಹೆಸರಿಡಲಾಗಿದೆ. ಈ ಸಂದರ್ಭದಲ್ಲಿ ಕಂಪೆನಿಯಿಂದ ಹೊಸ ಐಪ್ಯಾಡ್ ಪ್ರೋ, ಐಮ್ಯಾಕ್ ಸೇರಿ ಇನ್ನೂ ಹಲವು ಉತ್ಪನ್ನಗಳನ್ನು ಬಿಡುಗಡೆ ಮಾಡಲಾಗುವುದು ಎಂಬ ನಿರೀಕ್ಷೆ ಇದೆ. ಆಪಲ್​ನ ಇಂದಿನ ಕಾರ್ಯಕ್ರಮವು ವರ್ಚುವಲ್ ಆಗಿರಲಿದ್ಎದು, ಕ್ಯಾಲಿಫೋರ್ನಿಯಾದ ಕುರ್ಟಿನೋದಲ್ಲಿ ಇರುವ ಆಪಲ್ ಪಾರ್ಕ್​ನ ಸ್ಟೀವ್ ಜಾಬ್ಸ್ ಥಿಯೇಟರ್​ನಿಂದ ನೇರ ಪ್ರಸಾರ ಇರಲಿದೆ. ಹಲವು ಚಾನೆಲ್ ಮೂಲಕ ಈ ಕಾರ್ಯಕ್ರಮದ ನೇರಪ್ರಸಾರ ಮಾಡಲಾಗುತ್ತದೆ.

ಐಫೋನ್, ಐಪ್ಯಾಡ್, ಮ್ಯಾಕ್, ಪಿಸಿ, ಸ್ಮಾರ್ಟ್​ಫೋನ್ ಅಥವಾ ವೆಬ್ ಬ್ರೌಸರ್ ಇರುವ ಇತರ ಯಾವುದೇ ಸಾಧನಗಳಲ್ಲಿ ಆಪಲ್ ವೆಬ್​ಸೈಟ್ ಮೂಲಕ, ಅಷ್ಟೇ ಅಲ್ಲ, ಆಪಲ್​ನ ಯೂಟ್ಯೂಬ್ ಚಾನೆಲ್​ನಲ್ಲೂ ಕಾರ್ಯಕ್ರಮ ವೀಕ್ಷಿಸಬಹುದು.

ಅಂದ ಹಾಗೆ ಈ ಕಾರ್ಯಕ್ರಮವು IST 10:30 AM (10 AM PDT)ಗೆ ಆಪಲ್ ಕಾರ್ಯಕ್ರಮ ಶುರು ಆಗಲಿದೆ. ಆಪಲ್​ನಿಂದ ಹೊಸ ಐಪ್ಯಾಡ್​ ಪ್ರೋ ಸರಣಿ, ರಚನೆ ಬದಲಿಸಿರುವ ಐಮ್ಯಾಕ್ ಬಿಡುಗಡೆ ಆಗುವ ಸಾಧ್ಯತೆ ಇದೆ. ಇನ್ನು ವರದಿಗಳ ಪ್ರಕಾರ, ಮೂರನೇ ತಲೆಮಾರಿನ ಆಪಲ್ ಪೆನ್ಸಿಲ್, ಏರ್​ಪಾಡ್ಸ್ 3 ಕೂಡ ಬಿಡುಗಡೆ ಮಾಡಬಹುದು. ಅದೇ ರೀತಿ ಆಪಲ್ ಹೊಸ ಐಪ್ಯಾಡ್ ಪ್ರೋ ಸರಣಿ ಹೊರತರುವ ವದಂತಿ ದೊಡ್ಡ ಮಟ್ಟದಲ್ಲಿ ಹರಿದಾಡುತ್ತಿದೆ. ಮುಂದಿನ ತಲೆಮಾರಿನ ಐಪ್ಯಾಡ್ ಪ್ರೋ 2021 ವರ್ಷದ ಮೊದಲಾರ್ಧದಲ್ಲಿ ಬಿಡುಗಡೆ ಆಗುವ ಬಗ್ಗೆ ಕಳೆದ ವರ್ಷದಿಂದ ವದಂತಿ ಇದೆ. ಈ ವರ್ಷ ಆಪಲ್​ನಿಂದ ಮಿನಿ- ಎಲ್​ಇಡಿ ಡಿಸ್​ಪ್ಲೇ ಐಪ್ಯಾಡ್ ಪ್ರೋ ಬಿಡುಗಡೆ ಮಾಡುವ ಬಗ್ಗೆಯೂ ಸುದ್ದಿ ಹರಿದಾಡುತ್ತಿದೆ.

ಐಪ್ಯಾಡ್ ಪ್ರೋ 12.9- ಇಂಚಿನ ಮಾಡೆಲ್ ಮಿನಿ- ಎಲ್​ಇಡಿ ಡಿಸ್​ಪ್ಲೇ ಜತೆ ಬರುವ ಬಗ್ಗೆಯೂ ವರದಿಯಿದೆ. ಈ ತಿಂಗಳ ಕೊನೆಗೆ ಆಪಲ್​ನಿಂದ ಎರಡು ಐಪ್ಯಾಡ್ ಮಾಡೆಲ್​ಗಳನ್ನು ಬಿಡುಗಡೆ ಮಾಡಬಹುದು ಎಂದು ಮೂಲಗಳು ಮಾಹಿತಿ ನೀಡಿವೆ. ಒಎಲ್​ಇಡಿ ಡಿಸ್​ಪ್ಲೇ ನೀಡುವ ಅನುಕೂಲಗಳನ್ನೇ ಈ ತಂತ್ರಜ್ಞಾನವೂ ನೀಡುತ್ತದೆ. ​ಆದರೆ ಅದರಲ್ಲಿನ ಕೆಲವು ಮಿತಿಯನ್ನೂ ಈ ತಂತ್ರಜ್ಞಾನದಲ್ಲಿ ಸರಿಪಡಿಸಲಾಗಿದೆ ಎನ್ನಲಾಗುತ್ತಿದೆ. ಐಪ್ಯಾಡ್ ಪ್ರೋ ಜತೆಗೆ ಮೂರನೇ ತಲೆಮಾರಿನ ಆಪಲ್ ಪೆನ್ಸಿಲ್ ಕೆಲಸವೂ ನಡೆಯುತ್ತಿದೆ ಎಂದು ವರದಿ ಆಗಿತ್ತು. ಆದರೆ ಐಪ್ಯಾಡ್ ಪ್ರೋಗೆ ಇರುವಷ್ಟು ಪ್ರಾಮುಖ್ಯ ಪೆನ್ಸಿಲ್​ಗೆ ಇಲ್ಲ. ಆಪಲ್​ನಿಂದ ಗ್ಲಾಸಿ ಪೆನ್ಸಿಲ್, ಅದರಲ್ಲೂ ಬೇರ್ಪಡಿಸಬಹುದಾದ ನಿಬ್​ನೊಂದಿಗೆ ಬರುವ ಕುರಿತು ಈಚೆಗೆ ಮಾಹಿತಿ ಸೋರಿಕೆ ಆಗಿತ್ತು.

ಇನ್ನು ರಚನೆ ಬದಲಾದ ಆಪಲ್ ಐಮ್ಯಾಕ್ ಏಪ್ರಿಲ್ 20ನೇ ತಾರೀಕು ಬಿಡುಗಡೆ ಆಗುವ ಬಗ್ಗೆ ಅಂದಾಜು ಮಾಡಲಾಗುತ್ತಿದೆ. ಲವ್​ಟುಡ್ರೀಮ್ ಬಹಿರಂಗ ಮಾಡಿದ ಸುದ್ದಿಯಂತೆ, ಹೊಸ ಐಮ್ಯಾಕ್ ಮಾಡೆಲ್​ಗಳು ಇಂದು ಬಿಡುಗಡೆ ಆಗುತ್ತವೆ. ಆಪಲ್​ನಿಂದ ಮುಂದೆ ಬಿಡುಗೆ ಆಗಲಿರುವ ಐಮ್ಯಾಕ್​ಗಳಲ್ಲಿ ಕಂಪೆನಿಯದೇ ಸಿಲಿಕಾನ್ ಚಿಪ್ ಬಳಸಲಾಗುತ್ತದೆ ಎಂಬ ಸುದ್ದಿ ಇದೆ. ಚಿಪ್ ಮಾತ್ರವಲ್ಲದೆ, ಹಲವು ಬಣ್ಣಗಳ ಆಯ್ಕೆಯೊಂದಿಗೆ ಬರಲಿದೆ ಎಂಬ ಮಾಹಿತಿಯೂ ಇದೆ. ಪ್ರೋ ಡಿಸೈನ್ ಎಕ್ಸ್​ಡಿಆರ್ ಅನ್ನೇ ಹೋಲುವಂತೆ ಈ ವರ್ಷದ ಐಮ್ಯಾಕ್ ಮಾಡೆಲ್​ಗಳ ಡಿಸೈನ್ ಇರಲಿದೆ ಎಂದು ಹೇಳಲಾಗುತ್ತಿದೆ. ಇನ್ನು ಡಿಸ್​ಪ್ಲೇ ವಿಚಾರಕ್ಕೆ ಬಂದರೆ, ಈಗಿರುವ 21.5 ಹಾಗೂ 27 ಇಂಚಿನದಕ್ಕಿಂತ ದೊಡ್ಡದು ಬಿಡುಗಡೆ ಮಾಡಬಹುದು ಎಂಬ ನಿರೀಕ್ಷೆ ಇದೆ.

ಇದನ್ನೂ ಓದಿ: Apple iPhone 12: ಆಪಲ್ ಐಫೋನ್ 12ರ ಜೋಡಣೆ ಭಾರತದಲ್ಲೇ ಆರಂಭ

(Apple company various product launch event today at California. Live streaming of this event in various channels. Here is the timing and other details)