Avenue Supermarts: ಅವೆನ್ಯೂ ಸೂಪರ್​ಮಾರ್ಟ್ಸ್ ಲಾಭ ಸೆಪ್ಟೆಂಬರ್ ತ್ರೈಮಾಸಿಕಕ್ಕೆ ಶೇ 110ರಷ್ಟು ಏರಿಕೆ

ಡಿಮಾರ್ಟ್ (DMart) ರೀಟೇಲ್ ಸ್ಟೋರ್​ಗಳ ಸರಣಿಯನ್ನು ನಿರ್ವಹಣೆ ಮಾಡುವ ಅವೆನ್ಯೂ ಸೂಪರ್​ಮಾರ್ಟ್ಸ್ ತೆರಿಗೆ ನಂತರದ ಕ್ರೋಡೀಕೃತವಾದ ಲಾಭ ಎಂದು 417.76 ಕೋಟಿ ರೂಪಾಯಿಯನ್ನು 2021ರ ಸೆಪ್ಟೆಂಬರ್​ಗೆ ಕೊನೆಯಾದ ತ್ರೈಮಾಸಿಕದದಲ್ಲಿ ದಾಖಲು ಮಾಡಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ ಗಳಿಸಿದ್ದ 198.55 ಕೋಟಿ ರೂಪಾಯಿಗೆ ಹೋಲಿಸಿದಲ್ಲಿ, 2020ರ ಸೆಪ್ಟೆಂಬರ್ ತ್ರೈಮಾಸಿಕಕ್ಕಿಂತ ಶೇ 110.4ರಷ್ಟು ಹೆಚ್ಚು ಲಾಭ ದಾಖಲಿಸಿದೆ. ಕ್ರೋಡೀಕೃತ ಆದಾಯವು ಶೇ 46.8ರಷ್ಟು ಮೇಲೇರಿ, 7789 ಕೋಟಿ ರೂಪಾಯಿ ಈ ತ್ರೈಮಾಸಿಕದಲ್ಲಿ ಬಂದಿದೆ. 2020ರ ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ 5306.20 ಕೋಟಿ ರೂಪಾಯಿ ಲಾಭ ಬಂದಿತ್ತು.

“ಡಿಮಾರ್ಟ್ ಸ್ಟೋರ್​ನ ಆದಾತ ಕಳೆದ ವರ್ಷದ ಇದೇ ತ್ರೈಮಾಸಿಕಕ್ಕಿಂತ ಶೇ 46.6ರಷ್ಟು ಹೆಚ್ಚಾಗಿದೆ ಎರಡು ವರ್ಷ ಮತ್ತು ಅದಕ್ಕಿಂತ ಹಳೆಯ ಡಿಮಾರ್ಟ್ ಸ್ಟೋರ್​ಗಳು 2021ರ ಸೆಪ್ಟೆಂಬರ್​ನಲ್ಲಿ ಶೇ ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದಲ್ಲಿ ಶೇ 23.7ರಷ್ಟು ಬೆಳವಣಿಗೆ ದಾಖಲಿಸಿವೆ. ನಾವು 187 ಸ್ಟೋರ್​ಗಳನನ್ನು ಹೊಂದಿದ್ದು, ಅವು 2 ವರ್ಷ ಅಥವಾ ಅದಕ್ಕಿಂತ ಹಳೆಯವು,” ಎಂದು ಅವೆನ್ಯೂ ಸೂಪರ್​ಮಾರ್ಟ್ಸ್​ನ ನೆವಿಲ್ಲೆ ನರೋನ್ಹಾ ಹೇಳಿದ್ದಾರೆ.

ಅಕ್ಟೋಬರ್ 14ನೇ ತಾರೀಕಿನ ಗುರುವಾರದಂದು ಮಾರುಕಟ್ಟೆಯ ಮುಕ್ತಾಯದ ವೇಳೆಗೆ 206.60 ರೂಪಾಯಿ ಅಥವಾ ಶೇ 4.04ರಷ್ಟು ಮೇಲೇರಿ 5323.75 ರೂಪಾಯಿಗೆ ಈ ಸ್ಟಾಕ್ ವಹಿವಾಟು ಮುಗಿಸಿದೆ. ಕಳೆದ ಒಂದು ವರ್ಷದಲ್ಲಿ ಈ ಷೇರು ಶೇ 16ರಷ್ಟು ರಿಟರ್ನ್ಸ್ ನೀಡಿದೆ. ಇನ್ನು ಕಳೆದ ಮೂರು ತಿಂಗಲ್ಲಿ ಶೇ 60ರಷ್ಟು ಹಾಗೂ ಕಳೆದ ಒಂದು ತಿಂಗಳಲ್ಲಿ ಶೇ 33.77ರಷ್ಟು ರಿಟರ್ನ್ಸ್ ನೀಡಿದೆ.

ಇದನ್ನೂ ಓದಿ: HCL Technologies: ಎಚ್​ಸಿಎಲ್​ ಟೆಕ್ನಾಲಜೀಸ್ ಎರಡನೇ ತ್ರೈಮಾಸಿಕದ ಲಾಭ ರೂ. 3259 ಕೋಟಿ, ಡಿವಿಡೆಂಡ್ ರೂ. 10

Infosys: ಇನ್ಫೋಸಿಸ್​ಗೆ ಎರಡನೇ ತ್ರೈಮಾಸಿಕದಲ್ಲಿ ರೂ. 5421 ಕೋಟಿ ಲಾಭ; 15 ರೂ. ಡಿವಿಡೆಂಡ್ ಘೋಷಣೆ