eRupee App: ಒಂದೇ ಆ್ಯಪ್ನಲ್ಲಿ ಇ-ರುಪೀ ಮತ್ತು ಯುಪಿಐ; ಕೆನರಾ ಬ್ಯಾಂಕ್ನಿಂದ ಡಿಜಿಟಲ್ ರುಪೀ ಅಪ್ಲಿಕೇಶನ್
Canara Digital Rupee Application: ಆರ್ಬಿಐ ರೂಪಿಸಿರುವ ಸೆಂಟ್ರಲ್ ಬ್ಯಾಂಕ್ ಡಿಜಿಟಲ್ ಕರೆನ್ಸಿ ಅಥವಾ ಇ-ರುಪೀ ಅನ್ನು ಯುಪಿಐ ಸ್ಕ್ಯಾನ್ ಮೂಲಕ ವಹಿವಾಟು ನಡೆಸಲು ಅನುವು ಮಾಡಿಕೊಡುವ ಆ್ಯಪ್ ಅನ್ನು ಕೆನರಾ ಬ್ಯಾಂಕ್ ಬಿಡುಗಡೆ ಮಾಡಿದೆ. ಯುಪಿಐ ಮತ್ತು ಇ-ರುಪೀ ಎರಡಕ್ಕೂ ಒಂದೇ ಕ್ಯುಆರ್ ಕೋಡ್ ಇದ್ದರೆ ಸಾಕು.
Updated on: Aug 23, 2023 | 11:56 AM
ಬೆಂಗಳೂರು, ಆಗಸ್ಟ್ 23: ಯುಪಿಐ ಮತ್ತು ಇ-ರುಪಾಯಿ ಎರಡನ್ನೂ ಒಂದೇ ಪ್ಲಾಟ್ಫಾರ್ಮ್ನಲ್ಲಿ ಆಪರೇಟ್ ಮಾಡಬಲ್ಲಂತಹ ಡಿಜಿಟಲ್ ರುಪೀ ಅಪ್ಲಿಕೇಶನ್ (Canara Digital Rupee App) ಅನ್ನು ಕೆನರಾ ಬ್ಯಾಂಕ್ ಹೊರತಂದಿದೆ. ಈ ರೀತಿ ಯುಪಿಐ ಇಂಟರಾಪರಬಲ್ (UPI Interoperable) ಡಿಜಿಟಲ್ ರುಪೀ ಆ್ಯಪ್ ಅನ್ನು ಬಿಡುಗಡೆ ಮಾಡಿದ ಮೊದಲ ಬ್ಯಾಂಕ್ ಎನಿಸಿದೆ. ಕೆನರಾ ಡಿಜಿಟಲ್ ರುಪೀ ಆ್ಯಪ್ ಬಳಸಿ ವರ್ತಕರ ಕ್ಯುಆರ್ ಕೋಡ್ ಅನ್ನು ಸ್ಕ್ಯಾನ್ ಮಾಡಿ ಹಣ ಪಾವತಿ ಮಾಡಬಹುದು. ಡಿಜಿಟಲ್ ಕರೆನ್ಸಿಗೆ ಪಾವತಿಗೆ ಪ್ರತ್ಯೇಕ ಕ್ಯುಆರ್ ಕೋಡ್ ಅವಶ್ಯಕತೆ ಇರುವುದಿಲ್ಲ. ಯುಪಿಐ ಕ್ಯೂಆರ್ ಕೋಡ್ ಮೂಲಕವೇ ಡಿಜಿಟಲ್ ಕರೆನ್ಸಿಯ ಪಾವತಿ ಮಾಡಬಹುದು.
ಕೆನರಾ ಡಿಜಿಟಲ್ ರುಪೀ ಅಪ್ಲಿಕೇಶನ್ ಅನ್ನು ಕೆನರಾ ಬ್ಯಾಂಕ್ನ ಎಂಡಿ ಮತ್ತು ಸಿಇಒ ಕೆ ಸತ್ಯನಾರಾಯಣ ರಾಜು ಬಿಡುಗಡೆ ಮಾಡಿದ್ದಾರೆ. ಇಂಥ ಇಂಟರಾಪರಬಲಿಟಿ ಫೀಚರ್ ಅನ್ನು ಕ್ರಾಂತಿಕಾರಿ ಎಂದು ಅವರು ಬಣ್ಣಿಸಿದ್ದಾರೆ. ಭಾರತೀಯ ಆರ್ಥಿಕತೆಯ ಡಿಜಿಟಲೀಕರಣದ ನಿಟ್ಟಿನಲ್ಲಿ ಇದು ಮಹತ್ವದ ಹೆಜ್ಜೆ. ಆರ್ಬಿಐ ರೂಪಿಸಿರುವ ಡಿಜಿಟಲ್ ಕರೆನ್ಸಿಯಿಂದ ವೇಗವಾಗಿ ಮತ್ತು ಸುರಕ್ಷಿತವಾಗಿ ವಹಿವಾಟು ನಡೆಸಲು ಸಾಧ್ಯವಾಗುತ್ತದೆ ಎಂದು ಅವರು ಹೇಳಿದ್ದಾರೆ.
ಇದನ್ನೂ ಓದಿ: Cyber Crimes: ಬೆಂಗಳೂರಿನಲ್ಲಿ ಹೆಚ್ಚಾಯ್ತು ಕ್ಯೂಆರ್ ಕೋಡ್ ಸ್ಕ್ಯಾಮ್; ಹೇಗೆಲ್ಲಾ ಯಾಮಾರಿಸ್ತಾರೆ ನೋಡಿ..!
ಏನಿದು ಇ-ರುಪಾಯಿ?
ಇ ರುಪಾಯಿ ಎಂಬುದು ನಗದು ಹಣದ ಎಲೆಕ್ಟ್ರಾನಿಕ್ ರೂಪ. ನಿಮ್ಮ ಬ್ಯಾಂಕ್ ಖಾತೆಯಿಂದ ನೀವು ವ್ಯಾಲಟ್ಗೆ ನಿರ್ದಿಷ್ಟ ಮೊತ್ತದ ಹಣವನ್ನು ವರ್ಗಾಯಿಸಬಹುದು. ನಿಮ್ಮ ಪರ್ಸನಲ್ಲಿರುವ ಕ್ಯಾಷ್ ಹಣವನ್ನು ನೀವು ಹೇಗೆ ಬೇಕಾದರೂ ಉಪಯೋಗಿಸಬಹುದು. ಅಷ್ಟೇ ಗೌಪ್ಯತೆಲ್ಲಿ ಈ ವ್ಯಾಲಟ್ನಲ್ಲಿರುವ ಇ-ರುಪಾಯಿಯನ್ನೂ ಉಪಯೋಗಿಸಬಹುದು.
ಯುಪಿಐ ವ್ಯವಸ್ಥೆಯಲ್ಲಿ ಒಂದು ಬ್ಯಾಂಕ್ ಖಾತೆಯಿಂದ ಇನ್ನೊಂದು ಬ್ಯಾಂಕ್ ಖಾತೆಗೆ ಹಣ ರವಾನೆಯಾಗುತ್ತದೆ. ಡಿಜಿಟಲ್ ಕರೆನ್ಸಿಯಾದರೆ ವ್ಯಾಲಟ್ನಿಂದ ವ್ಯಾಲಟ್ಗೆ ಹಣ ವರ್ಗಾವಣೆ ಆಗುತ್ತದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
