TiE India Internet Day; ಬೆಂಗಳೂರು, ದೆಹಲಿ, ಭುವನೇಶ್ವರದಲ್ಲಿ ಕಾರ್ಯಕ್ರಮಗಳು; ದಿನಾಂಕ ಮತ್ತಿತರ ವಿವರ ತಿಳಿಯಿರಿ
iDay Celebration From TiE: ದಿ ಇಂಡಸ್ ಆಂಟ್ರಪ್ರೆನ್ಯೂರ್ಸ್ (TiE) ಗುಂಪಿನ ವತಿಯಿಂದ 12ನೇ ಆವೃತ್ತಿಯ ಇಂಡಿಯಾ ಇಂಟರ್ನೆಟ್ ಡೇ ಅನ್ನು ಆಗಸ್ಟ್ 24ರಂದು ಆಚರಿಸಲಾಗುತ್ತಿದೆ. ದೆಹಲಿಯ ಬಳಿಕ ಆಗಸ್ಟ್ 26ರಂದು ಬೆಂಗಳೂರಿನಲ್ಲಿ, ಆಗಸ್ಟ್ 29ರಂದು ಭುವನೇಶ್ವರದಲ್ಲಿ ಕಾರ್ಯಕ್ರಮ ನಡೆಯಲಿದೆ. ವಿವಿಧ ಗಣ್ಯರು ಚರ್ಚಾಗೋಷ್ಠಿಗಳಲ್ಲಿ ಪಾಲ್ಗೊಳ್ಳಲಿದ್ದಾರೆ.
Updated on: Aug 23, 2023 | 10:43 AM
ನವದೆಹಲಿ, ಆಗಸ್ಟ್ 23: ನಾಳೆ (ಆಗಸ್ಟ್ 24) TiE ಸಂಸ್ಥೆ ವತಿಯಿಂದ ಇಂಡಿಯಾ ಇಂಟರ್ನೆಟ್ ಡೇ (iDay) ಆಚರಿಸಲಾಗುತ್ತಿದೆ. ಇದು 12ನೇ ಆವೃತ್ತಿಯ ಐಡೇ ಆಗಲಿದ್ದು, ದೆಹಲಿ ವಿಭಾಗದ TiE ಸಂಸ್ಥೆ ಈ ಕಾರ್ಯಕ್ರಮ ಆಯೋಜಿಸುತ್ತಿದೆ. ‘ಎಐ ಪವರ್ಡ್ ಇಂಡಿಯಾ: ವಿಷನ್ ಅಂಡ್ ರಿಯಾಲಿಟಿ’ ಎಂಬುದು ಈ 12ನೇ ಆವೃತ್ತಿಯ ಕಾರ್ಯಕ್ರಮದ ಥೀಮ್. ಕೃತಕ ಬುದ್ಧಿಮತ್ತೆ ಅಥವಾ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ ತಂತ್ರಜ್ಞಾನ ವ್ಯಾವಹಾರಿಕ ರೂಪುರೇಖೆಯನ್ನು ಹೇಗೆ ಬದಲಾಯಿಸುತ್ತಿದೆ ಎಂಬುದನ್ನು ಕಾರ್ಯಕ್ರಮದಲ್ಲಿ ಚರ್ಚಿಸಲಾಗುತ್ತದೆ. ಆಗಸ್ಟ್ 25ರಂದು ಬೆಂಗಳೂರಿನಲ್ಲೂ ಈ ಕಾರ್ಯಕ್ರಮ ನಡೆಯುತ್ತದೆ. ಕರ್ನಾಟಕ ರಾಜ್ಯ ಸರ್ಕಾರದ ಐಟಿ ಸಚಿವ ಪ್ರಿಯಾಂಕ್ ಖರ್ಗೆ, ಬೆಂಗಳೂರಿನ ಓಲಾ ಸಹ-ಸಂಸ್ಥಾಪಕ ಭವೀಶ್ ಅಗರ್ವಾಲ್ ಮೊದಲಾದವರು ಬೆಂಗಳೂರಿನಲ್ಲಿ ನಡೆಯುವ ಕಾರ್ಯಕ್ರಮದಲ್ಲಿ ಮಾತನಾಡಲಿದ್ದಾರೆ.
ಇಂಡಿಯಾ ಇಂಟರ್ನೆಟ್ ಡೇ ಮೊದಲ ಬಾರಿಗೆ ಆಯೋಜಿಸಿದ್ದು 2012ರಲ್ಲಿ. ಆಗಿನಿಂದ ಇದು ಹೆಚ್ಚು ಪ್ರವರ್ಧಮಾನಕ್ಕೆ ಬಂದಿದೆ. ಭಾರತದ ಸ್ಟಾರ್ಟಪ್ ನಗರಿಗಳೆನಿಸಿದ ಬೆಂಗಳೂರು, ದೆಹಲಿ ಮತ್ತು ಭುಬನೇಶ್ವರ್ನಲ್ಲಿ ಐಡೇ ಆಚರಿಸಲಾಗುತ್ತದೆ. ಬೆಂಗಳೂರಿನಲ್ಲಿ ಆಗಸ್ಟ್ 25ರಂದು ಕಾರ್ಯಕ್ರಮ ನಡೆಯುತ್ತದೆ. ಮೂರನೇ ಸ್ಟಾರ್ಟಪ್ ಹಬ್ ಎನಿಸಿದ ಒಡಿಶಾದ ಭುವನೇಶ್ವರ್ ನಗರದಲ್ಲಿ ಆಗಸ್ಟ್ 29ರಂದು ಚರ್ಚಾಗೋಷ್ಠಿ ನಡೆಯುತ್ತದೆ.
ಇದನ್ನೂ ಓದಿ: ಟಾಟಾ ಗ್ರೂಪ್ ಮಾಲಕತ್ವದ ಕ್ಯಾರಟ್ಲೇನ್ ಕಂಪನಿಯ ಉದ್ಯೋಗಿಗಳಿಗೆ ಸಿಗಲಿದೆ 340 ಕೋಟಿ ರೂ ಮೊತ್ತದ ಪಾಲು
TiEಯಿಂದ ನಡೆಯುವ ಇಂಡಿಯಾ ಇಂಟರ್ನೆಟ್ ಡೇ ಕಾರ್ಯಕ್ರಮದಲ್ಲಿ ಮಾತನಾಡುವ ಕೆಲ ಗಣ್ಯರಿವರು:
- ಪ್ರಿಯಾಂಕ್ ಖರ್ಗೆ, ಕರ್ನಾಟಕ ಐಟಿ ಸಚಿವ
- ಭವೀಶ್ ಅಗರ್ವಾಲ್, ಓಲಾ ಕ್ಯಾಬ್ಸ್ ಸಹ-ಸಂಸ್ಥಾಪಕ
- ರಾಣಾ ಬರುವಾ, ಹಾವಸ್ ಇಂಡಿಯಾ ಗ್ರೂಪ್ ಸಿಇಒ
- ವಾಣಿ ಕೋಲ, ಕಳಾರಿ ಕ್ಯಾಪಿಟಲ್ ಎಂಡಿ
- ಅಂಕುರ್ ವಾರಿಕೂ ಗುಡ್, ವೆಬ್ವೇದ ಸಂಸ್ಥಾಪಕ
- ಪ್ರಿಯಾಂಕಾ ಗಿಲ್, ಗುಡ್ ಮೀಡಿಯಾ ಸಿಇಒ ಮತ್ತು ಗ್ಲಾಮ್ ಗ್ರೂಪ್ ಸಂಸ್ಥಾಪಕರು
- ಪೀಯುಶ್ ಬನ್ಸಾಲ್, ಲೆನ್ಸ್ಕಾರ್ಟ್ ಸಹ-ಸಂಸ್ಥಾಪಕರು
- ದೀಪ್ ಕಾಲ್ರ, ಮೇಕ್ ಮೈ ಟ್ರಿಪ್ ಸಂಸ್ಥಾಪಕರು
- ರಾಜನ್ ಆನಂದನ್, ಪೀಕ್ ಎಕ್ಸ್ವಿ ಪಾರ್ಟ್ನರ್ಸ್ ಅಂಡ್ ಸರ್ಜ್ ಸಂಸ್ಥೆಯ ಎಂಡಿ
- ಆಶೀಶ್ ಮೋಹಪಾತ್ರ, ಆಫ್ಬ್ಯುಸಿನೆಸ್ ಮತ್ತು ಆಕ್ಸಿಝೋ ಸಹ-ಸಂಸ್ಥಾಪಕರು
- ಆಂಶೂ ಶರ್ಮಾ, ಮ್ಯಾಜಿಕ್ಪಿನ್ ಸಹ-ಸಂಸ್ಥಾಪಕರು
ಇಂಡಿಯಾ ಇಂಟರ್ನೆಟ್ ಡೇ ಯಾಕಾಗಿ?
ಭಾರತದ ಅಂತರ್ಜಾಲ ಉದ್ಯಮದ ಗಣ್ಯರನ್ನು ಒಂದು ವೇದಿಕೆ ತಂದು ವಿಚಾರ ವಿನಿಯಮಕ್ಕೆ ಆಸ್ಪದ ಮಾಡುವ ಉದ್ದೇಶದಿಂದ ಭಾರತ ಅಂತರ್ಜಾಲ ದಿನ ಅಥವಾ ಇಂಡಿಯಾ ಇಂಟರ್ನೆಟ್ ಡೇ ಅನ್ನು ಆಚರಿಸಲಾಗುತ್ತಿದೆ. ಹೊಸ ಸ್ಟಾರ್ಟಪ್ ಸಂಸ್ಥಾಪಕರಿಗೆ ಈ ಉದ್ಯಮದ ಹಿರಿಯರೊಂದಿಗೆ ಮುಖಾಮುಖಿಯಾಗುವ ಮತ್ತು ನೇರವಾಗಿ ಸಂವಾದ ನಡೆಸುವ ಹಾಗೂ ಈ ಮೂಲಕ ಹೊಸ ಸಾಧ್ಯಾಸಾಧ್ಯತೆಗಳನ್ನು ಅವಲೋಕಿಸುವ ಅವಕಾಶ ಈ ಕಾರ್ಯಕ್ರಮದಿಂದ ಸಿಗುತ್ತದೆ.
ಏನಿದು TiE?
TiE ಎಂದರೆ ದಿ ಇಂಡಸ್ ಆಂಟ್ರಪ್ರನ್ಯೂರ್ಸ್. ಇಂಡಸ್ ಪ್ರದೇಶ, ಅಂದರೆ ಭಾರತೀಯ ಉಪಖಂಡದ ಪ್ರದೇಶ ಮೂಲದ ಯಶಸ್ವಿ ಉದ್ಯಮಿಗಳು, ಕಾರ್ಪೊರೇಟ್ ಎಕ್ಸಿಕ್ಯೂಟಿವ್ಗಳು, ಹಿರಿಯ ವೃತ್ತಿಪರರ ಒಂದು ಗುಂಪು ಇದು. ದೆಹಲಿ-ಎನ್ಸಿಆರ್, ಬೆಂಗಳೂರು ಸೇರಿದಂತೆ ವಿಶ್ವದ ಅನೇಕ ನಗರಗಳಲ್ಲಿ ಇದರ ವಿಭಾಗಗಳಿವೆ. ಈ ವರ್ಷದ ಇಂಡಿಯಾ ಇಂಟರ್ನೆಟ್ ಡೇ ಆಯೋಜಿಸಿರುವ ದೆಹಲಿ-ಎನ್ಸಿಆರ್ನ TiE ಚಾಪ್ಟರ್ ಬಹಳ ಸಕ್ರಿಯವಾಗಿರುವ ವಿಭಾಗಗಳಲ್ಲಿ ಒಂದು.
ಈ ವರ್ಷದ ಆಚರಣೆಯಲ್ಲಿ ಇಡೀ ವರ್ಷಾದ್ಯಂತ ವಿವಿಧ ಮಾಸ್ಟರ್ಕ್ಲಾಸ್ಗಳು, ವರ್ಕ್ಶಾಪ್ಗಳು ನಡೆಯಲಿವೆ. ನವೋದ್ಯಮಿಗಳಿಗೆ ಸಹಾಯಕವಾಗಬಲ್ಲಂತಹ ವಿವಿಧ ಸ್ತರದ ಕಾರ್ಯಕ್ರಮಗಳು ವರ್ಷಾದ್ಯಂತ ಆಯೋಜಿಸಲಾಗಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
