ಕಳೆದ 5 ವರ್ಷದಿಂದ ಅಕ್ಷಯ ತೃತೀಯದಂದು ಚಿನ್ನ ಖರೀದಿಸುತ್ತಿದ್ದರೆ ಇವತ್ತಿನ ಮೌಲ್ಯವೆಷ್ಟಿರುತ್ತಿತ್ತು ಗೊತ್ತಾ?

ಅಕ್ಷಯ ತೃತೀಯವು (Akshaya Tritiya) ಭಾರತೀಯರ ಪಾಲಿಗೆ ಬಹಳ ಪುಣ್ಯವೆಂದು ಭಾವಿಸಲಾಗಿರುವ ದಿನ. ಶುಭ ಕಾರ್ಯಗಳಿಗೆ ಈ ದಿನ ಶ್ರೇಷ್ಠ ಎನ್ನಲಾಗಿದೆ. ಚಿನ್ನ ಹಾಗೂ ಅದರ ಸಂಬಂಧಿತ ಉತ್ಪನ್ನಗಳನ್ನು ಖರೀದಿಸಿದರೆ ಸಂಪತ್ತು ಸಮೃದ್ಧವಾಗಿ ಸೇರುತ್ತದೆ ಎನ್ನುವ ನಂಬಿಕೆ ಇದೆ. ಅಂತೆಯೇ, ಬಹಳಷ್ಟು ಹಿಂದೂಗಳು ಅಕ್ಷಯ ತೃತೀಯ ದಿನದಂದು ಚಿನ್ನ ಖರೀದಿಸುತ್ತಾರೆ.

ಈ ವರ್ಷ (2026) ಅಕ್ಷಯ ತೃತೀಯವು ಏಪ್ರಿಲ್ 19ರಂದು ಇದೆ. ಭಾನುವಾರವೇ ಆಗಿರುವುದರಿಂದ ಹೆಚ್ಚಿನ ಜನರು ಒಡವೆ ಅಂಗಡಿಗಳಿಗೆ ಮುಗಿಬೀಳುವುದು ಹೌದು. ಅಕ್ಷಯ ತೃತೀಯದಂದು ಹೂಡಿಕೆಗಾಗಿ ಚಿನ್ನ ಖರೀದಿಸುವ ಟ್ರೆಂಡ್ ಶುರುವಾಗಿದೆ. ಹಲವು ಜನರು ಪ್ರತೀ ವರ್ಷವೂ ಅಕ್ಷಯ ತೃತೀಯದಂದು ಚಿನ್ನದ ನಾಣ್ಯವನ್ನು ಖರೀದಿಸಿ ಇಟ್ಟುಕೊಳ್ಳುವುದು ವಾಡಿಕೆಯಾಗಿದೆ.

ಇದನ್ನೂ ಓದಿ: ಆರೂವರೆ ವರ್ಷದಲ್ಲಿ 4 ಪಟ್ಟು ಲಾಭ ಕೊಟ್ಟ ಗೋಲ್ಡ್ ಬಾಂಡ್; ಒಂದು ಲಕ್ಷಕ್ಕೆ 4 ಲಕ್ಷ ರಿಟರ್ನ್ಸ್

2021ರಿಂದ, ಅಂದರೆ ಕಳೆದ 5 ವರ್ಷದಿಂದ ಅಕ್ಷಯ ತೃತೀಯ ದಿನದಂದು 10 ಗ್ರಾಮ್ ಚಿನ್ನದ ಖರೀದಿ ಮಾಡುತ್ತಾ ಬಂದರೆ ಹೇಗಿರುತ್ತಿತ್ತು? ಈ ಐದು ವರ್ಷದಲ್ಲಿ ಚಿನ್ನ ಖರೀದಿಸಲು ಎಷ್ಟು ವ್ಯಯಿಸುತ್ತಿದ್ದಿರಿ, ಈಗ ಅದರ ಮೌಲ್ಯ ಎಷ್ಟಿರುತ್ತಿತ್ತು ಎನ್ನುವ ಮಾಹಿತಿ ಇಲ್ಲಿದೆ.

10 ಗ್ರಾಮ್ ಗೋಲ್ಡ್ ಕಾಯಿನ್ ಮೇಲೆ ಹೂಡಿಕೆ

• 2021ರಲ್ಲಿ 1 ಗ್ರಾಮ್ ಚಿನ್ನದ ಬೆಲೆ 46,500 ರೂ
• 2022ರಲ್ಲಿ 1 ಗ್ರಾಮ್ ಚಿನ್ನದ ಬೆಲೆ 51,510 ರೂ
• 2023ರಲ್ಲಿ 1 ಗ್ರಾಮ್ ಚಿನ್ನದ ಬೆಲೆ 61,300 ರೂ
• 2024ರಲ್ಲಿ 1 ಗ್ರಾಮ್ ಚಿನ್ನದ ಬೆಲೆ 73,240 ರೂ
• 2025ರಲ್ಲಿ 1 ಗ್ರಾಮ್ ಚಿನ್ನದ ಬೆಲೆ 96,500 ರೂ

ಈ ಐದು ವರ್ಷದಲ್ಲಿ ಖರೀದಿಸಲಾದ 50 ಗ್ರಾಮ್ ಚಿನ್ನಕ್ಕೆ ಹೂಡಿಕೆ ಮಾಡಲಾಗಿರುವುದು 3,29,050 ರೂ. ಇವತ್ತು ಒಂದು ಗ್ರಾಮ್ ಚಿನ್ನದ ಬೆಲೆ 1.55 ಲಕ್ಷ ರೂ ಇದೆ. ಇದನ್ನು ಪರಿಗಣಿಸಿ ಲೆಕ್ಕ ಮಾಡಿದರೆ 50 ಗ್ರಾಮ್ ಚಿನ್ನಕ್ಕೆ ಇವತ್ತಿನ ಮೌಲ್ಯ 7,75,000 ರೂ ಆಗುತ್ತದೆ. ಅಂದರೆ ನೀವು ಮಾಡಿದ ಹೂಡಿಕೆಯು ಎರಡು ಪಟ್ಟಿಗೂ ಹೆಚ್ಚು ಲಾಭ ತಂದಂತಾಗುತ್ತದೆ.

ಇದನ್ನೂ ಓದಿ: ಕಿಸಾನ್ ವಿಕಾಸ್ ಪತ್ರ; ಹಣ ಡಬಲ್ ಮಾಡುವ ಪೋಸ್ಟ್ ಆಫೀಸ್ ಸ್ಕೀಮ್

ನಿಯಮಿತ ಹೂಡಿಕೆಯನ್ನು ವಾರ್ಷಿಕ ರಿಟರ್ನ್​ನಲ್ಲಿ ಅಳೆಯಲು ಎಕ್ಸ್​ಐಆರ್​ಆರ್ ಅನ್ನು ಬಳಸಲಾಗುತ್ತದೆ. ಅದರ ಪ್ರಕಾರ ಚಿನ್ನವು ಕಳೆದ 5 ವರ್ಷದಲ್ಲಿ ಶೇ. 39-41 ಎಕ್ಸ್​ಐಆರ್​ಆರ್ ರಿಟರ್ನ್ ನೀಡಿದೆ.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ