Duplicate PAN: ಆನ್​ಲೈನ್​ನಲ್ಲಿ ಡೂಪ್ಲಿಕೇಟ್ ಪ್ಯಾನ್ ಕಾರ್ಡ್ ಡೌನ್​ಲೋಡ್ ಮಾಡುವುದು ಹೇಗೆ? ಇಲ್ಲಿದೆ ವಿಧಾನ

ಪ್ಯಾನ್ ಅಥವಾ ಪರ್ಮನೆಂಟ್ ಅಕೌಂಟ್ ನಂಬರ್ (PAN- Permanent Account Number) ಎನ್ನುವುದು 10 ಅಂಕಿಗಳಿರುವ ಕಾರ್ಡ್ ಆಗಿದೆ. ಭಾರತದಲ್ಲಿ ಒಬ್ಬ ವ್ಯಕ್ತಿ ಅಥವಾ ಸಂಘ ಸಂಸ್ಥೆಗಳು ಹಣಕಾಸು ವಹಿವಾಟು ನಡೆಸಲು ಮತ್ತು ತೆರಿಗೆ ಪಾವತಿಸಲು ಇದು ಅಗತ್ಯ ದಾಖಲೆಯಾಗಿದೆ. ದೇಶದ ಹಣಕಾಸು ಹರಿವಿನ ಮೇಲೆ ನಿಗಾ ಇರಿಸಲು ಈ ಪ್ಯಾನ್ ನಂಬರ್​ಗಳು ಆದಾಯ ತೆರಿಗೆ ಇಲಾಖೆಗೆ ಬಹಳ ಸಹಾಯಕವಾಗುತ್ತವೆ. ಆಧಾರ್​ನಷ್ಟೇ ಮಹತ್ವದ ದಾಖಲೆಯಾಗಿರುವ ಪ್ಯಾನ್ ಕಾರ್ಡ್ ಕೆಲವೊಮ್ಮೆ ಕಳೆದುಹೋಗುವ ಸಂಭವ ಇರುತ್ತದೆ. ಹಾಗೊಂದು ವೇಳೆ ಆದಲ್ಲಿ ಡೂಪ್ಲಿಕೇಟ್ ಪ್ಯಾನ್ ಪಡೆಯಬಹುದು. ಪ್ಯಾನ್ ರೀಪ್ರಿಂಟ್ ಪಡೆಯಬಹುದು. ಇ–ಪ್ಯಾನ್ ಪಡೆಯಬಹುದು. ಆನ್​ಲೈನ್​ನಲ್ಲಿ ಇ–ಪ್ಯಾನ್ ಕಾರ್ಡನ್ನು ಡೌನ್​ಲೋಡ್ ಮಾಡಬಹುದು.

ಪ್ಯಾನ್ ಕಾರ್ಡನ್ನು ಡೌನ್​ಲೋಡ್ ಮಾಡಲು ಹಲವು ಪ್ಲಾಟ್​ಫಾರ್ಮ್​ಗಳ ಆಯ್ಕೆಗಳಿವೆ. ಎನ್​ಎಸ್​ಡಿಎಲ್ ಪ್ಯಾನ್ ಪೋರ್ಟಲ್, ಯುಟಿಐಟಿಎಸ್​ಎಲ್, ಆಧಾರ್, ಐಟಿ ಇಫೈಲಿಂಗ್ ವೆಬ್​ಸೈಟ್​ಗಳಲ್ಲಿ ಪ್ಯಾನ್ ಕಾರ್ಡನ್ನು ಡೌನ್​ಲೋಡ್ ಮಾಡಿಕೊಳ್ಳಬಹುದು. ಇಂಥ ಇ–ಪ್ಯಾನ್ ಕಾರ್ಡ್​ಗಳನ್ನು ಮೂಲ ಪ್ಯಾನ್ ಕಾರ್ಡ್​ನಂತೆಯೇ ಬಳಸಬಹುದು.

ಇದನ್ನೂ ಓದಿ: IT Returns: ಐಟಿ ರಿಟರ್ನ್ಸ್​ಗೆ ನೊಂದಾಯಿಸುವುದು ಹೇಗೆ, ಐಟಿಆರ್ ಫೈಲಿಂಗ್ ಮಾಡುವುದು ಹೇಗೆ? ಇಲ್ಲಿದೆ ಡೀಟೇಲ್ಸ್

ಇಲ್ಲಿ ಗಮನಿಸಬೇಕಾದ ಸಂಗತಿ ಎಂದರೆ ಮೊದಲೇ ಪ್ಯಾನ್ ಕಾರ್ಡ್ ಹೊಂದಿರುವವರು ಇ–ಪ್ಯಾನ್ ಪಡೆಯಲು ಆಗುವುದಿಲ್ಲ. ಹೊಸದಾಗಿ ಪ್ಯಾನ್ ಕಾರ್ಡ್​ಗೆ ಅರ್ಜಿ ಹಾಕಿ, ಅದು ಅಲಾಟ್ ಆಗಿದ್ದು, ಆ ಕಾರ್ಡ್ ಇನ್ನೂ ವಿಳಾಸ ತಲುಪದೇ ಇದ್ದ ಸಂದರ್ಭದಲ್ಲಿ ಅದರ ಇ ಪ್ರತಿಯನ್ನು ಆನ್​ಲೈನ್​ನಲ್ಲಿ ಪಡೆಯಬಹುದು. ಮೇಲೆ ಹೇಳಿದ ಪೋರ್ಟಲ್​ಗಳಲ್ಲಿ ಅದರ ಸೌಲಭ್ಯಗಳು ಲಭ್ಯ ಇರಲಿವೆ.

ಡೂಪ್ಲಿಕೇಟ್ ಪ್ಯಾನ್ ಡೌನ್​ಲೋಡ್ ಮಾಡುವುದು ಹೇಗೆ?

ಎನ್​ಎಸ್​ಡಿಎಲ್ onlineservices.nsdl.com/paam/ReprintEPan.html ವೆಬ್​ಸೈಟ್​ಗೆ ಹೋಗಿ ಡೂಪ್ಲಿಕೇಟ್ ಪ್ಯಾನ್ ಪ್ರತಿ ಪಡೆಯಬಹುದು.

• ಈ ಎನ್​ಎಸ್​ಡಿಎಲ್ ವೆಬ್​ಸೈಟ್​ನಲ್ಲಿ ಪ್ಯಾನ್ ನಂಬರ್, ಆಧಾರ್ ನಂಬರ್ ಮತ್ತು ಜನ್ಮದಿನಾಂಕದ ವಿವರ ತುಂಬಿ ಕ್ಯಾಪ್ಚಾ ಕೋಡ್ ಹಾಕಿ ಸಬ್ಮಿಟ್ ಕ್ಲಿಕ್ ಮಾಡಿರಿ.
• ಈಗ ಹೊಸ ಪುಟದಲ್ಲಿ ನಿಮ್ಮ ಪ್ಯಾನ್ ವಿವರ ಕಾಣುತ್ತದೆ.
• ಬಳಿಕ ರಿಸೀವ್ ಒಟಿಪಿ ಆನ್ ಇಮೇಲ್ ಐಡಿ ಆರ್ ಮೊಬೈಲ್ ನಂಬರ್ ಎಂದು ಕಾಣುತ್ತದೆ. ಅದನ್ನು ಚೆಕ್ ಮಾಡಿರಿ.
• ನಿಮಗೆ ಒಟಿಪಿ ಬರುತ್ತದೆ. ಅದನ್ನು ಹಾಕಿ, ವ್ಯಾಲಿಡೇಟ್ ಮೇಲೆ ಕ್ಲಿಕ್ ಮಾಡಿ. ಈಗ ನಿಮ್ಮ ಪ್ಯಾನ್​ನ ಡೂಪ್ಲಿಕೇಟ್ ಕಾಪಿ ಡೌನ್​ಲೋಡ್ ಆಗುತ್ತದೆ.

ಯುಟಿಐಟಿಎಸ್​ಎಲ್ ಪೋರ್ಟಲ್​ನಲ್ಲೂ ಡೂಪ್ಲಿಕೇಟ್ ಪ್ಯಾನ್ ಕಾರ್ಡ್ ಪ್ರಿಂಟ್ ಪಡೆಯಬಹುದು.

ಇನ್ನಷ್ಟು ಯುಟಿಲಿಟಿ ಮಾಹಿತಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ