FD rates: ಆರ್ಬಿಐ ಬಡ್ಡಿದರ ಕಡಿತದ ಬಳಿಕ ಎಸ್ಬಿಐ, ಎಚ್ಡಿಎಫ್ಸಿ, ಐಸಿಐಸಿಐ ಬ್ಯಾಂಕಲ್ಲಿ ಇತ್ತೀಚಿನ ಎಫ್ಡಿ ದರಗಳಿವು
Fixed Deposit rates in SBI, HDFC and ICICI banks: ಆರ್ಬಿಐ ಏಪ್ರಿಲ್ ಮೊದಲ ವಾರದಲ್ಲಿ ರಿಪೋ ದರವನ್ನು 25 ಮೂಲಾಂಕಗಳಷ್ಟು ಕಡಿಮೆಗೊಳಿಸಿದೆ. ಎಸ್ಬಿಐ, ಎಚ್ಡಿಎಫ್ಸಿ, ಐಸಿಐಸಿಐ ಸೇರಿ ಹಲವು ಬ್ಯಾಂಕುಗಳು ಬಡ್ಡಿದರವನ್ನು ಪರಿಷ್ಕರಿಸಿವೆ. 3 ಕೋಟಿ ರೂ ಒಳಗಿನ ಠೇವಣಿಗಳಿಗೆ ಮೂರು ಪ್ರಮುಖ ಬ್ಯಾಂಕುಗಳಲ್ಲಿ ಬಡ್ಡಿ ಎಷ್ಟು ನೀಡಲಾಗುತ್ತದೆ, ಈ ಮಾಹಿತಿ ಇಲ್ಲಿದೆ...
Updated on:Apr 17, 2025 | 4:19 PM
ಬೆಂಗಳೂರು, ಏಪ್ರಿಲ್ 17: ಭಾರತೀಯ ರಿಸರ್ವ್ ಬ್ಯಾಂಕ್ ತನ್ನ ಏಪ್ರಿಲ್ ಎಂಪಿಸಿ ಸಭೆಯಲ್ಲಿ ರಿಪೋ ದರ ಅಥವಾ ಬಡ್ಡಿದರವನ್ನು (Repo Rate) ಶೇ. 6ಕ್ಕೆ ಇಳಿಸಿದೆ. ಇದಾದ ಬಳಿಕ ಕೆಲ ಬ್ಯಾಂಕುಗಳು ಲೋನ್ ರೇಟ್ ಮತ್ತು ಡೆಪಾಸಿಟ್ ರೇಟ್ಗಳನ್ನು (FD rates) ಇಳಿಸಿವೆ. ಇನ್ನೂ ಕೆಲ ಬ್ಯಾಂಕುಗಳು ಹಳೆಯ ದರಗಳನ್ನೇ ಉಳಿಸಿಕೊಂಡಿವೆ. ದೇಶದ ಮೂರು ಪ್ರಮುಖ ಬ್ಯಾಂಕುಗಳಾದ ಎಚ್ಡಿಎಫ್ಸಿ, ಎಸ್ಬಿಐ ಮತ್ತು ಐಸಿಐಸಿಐ ಬ್ಯಾಂಕುಗಳಲ್ಲಿ 3 ಕೋಟಿ ರೂಗಿಂತ ಕಡಿಮೆ ಮೊತ್ತದ ಠೇವಣಿಗಳಿಗೆ ಎಷ್ಟು ಬಡ್ಡಿ ನೀಡಲಾಗುತ್ತಿದೆ, ಈ ಮಾಹಿತಿ ಕೆಳಕಂಡಂತಿದೆ:
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ ಫಿಕ್ಸೆಡ್ ಡೆಪಾಸಿಟ್ ದರ
- 7ರಿಂದ 45 ದಿನಗಳವರೆಗಿನ ಠೇವಣಿ: ಶೇ. 3.5 ಬಡ್ಡಿ
- 46ರಿಂದ 179 ದಿನಗಳು: ಶೇ. 5.50
- 180ರಿಂದ 210 ದಿನಗಳು: ಶೇ. 6.25
- 211 ದಿನಗಳಿಂದ 1 ವರ್ಷ: ಶೇ. 6.50
- 1ರಿಂದ 2 ವರ್ಷ: ಶೇ. 6.70
- 2ರಿಂದ 3 ವರ್ಷ: ಶೇ. 6.90
- 3ರಿಂದ 5 ವರ್ಷ: ಶೇ. 6.75
- 5ರಿಂದ 10 ವರ್ಷ: ಶೇ. 6.50
ಯಾವುದೇ ಠೇವಣಿಗೂ ಹಿರಿಯ ನಾಗರಿಕರಿಗೆ ಶೇ. 0.50ರಷ್ಟು ಹೆಚ್ಚು ಬಡ್ಡಿ ಸಿಗುತ್ತದೆ. ಎಸ್ಬಿಐ ವೀ ಕೇರ್ ಸ್ಕೀಮ್ನಲ್ಲಿ 5ರಿಂದ 10 ವರ್ಷದ ಠೇವಣಿಗೆ ಹೆಚ್ಚುವರಿ ಶೇ. 1ರಷ್ಟು ಬಡ್ಡಿ ಸಿಗುತ್ತದೆ.
ಇದನ್ನೂ ಓದಿ: ಒಮ್ಮೆಯೂ ಸಾಲ ಮಾಡದವನಿಗೆ ಸಿಗಲ್ವಾ ಸಾಲ? ಇರಲ್ವಾ ಕ್ರೆಡಿಟ್ ಸ್ಕೋರ್? ಇಲ್ಲಿದೆ ಉತ್ತರ
ಎಚ್ಡಿಎಫ್ಸಿ ಬ್ಯಾಂಕ್ನಲ್ಲಿನ ಎಫ್ಡಿಗಳ ದರ ಪಟ್ಟಿ
- 7ರಿಂದ 29 ದಿನಗಳು: ಶೇ. 3 ಬಡ್ಡಿ
- 30ರಿಂದ 45 ದಿನಗಳು: ಶೇ. 3.50
- 46ರಿಂದ 89 ದಿನಗಳು: ಶೇ. 4.50
- 90ದಿನದಿಂದ 6 ತಿಂಗಳು: ಶೇ. 4.50
- 6ರಿಂದ 9 ತಿಂಗಳು: ಶೇ. 5.75
- 9 ತಿಂಗಳಿಂದ 1 ವರ್ಷ: ಶೇ. 6
- 1 ವರ್ಷದಿಂದ 15 ತಿಂಗಳು: ಶೇ. 6.60
- 15 ತಿಂಗಳಿಂದ 18 ತಿಂಗಳು: ಶೇ. 7.10
- 18 ತಿಂಗಳಿಂದ 21 ತಿಂಗಳು: ಶೇ. 7.25 ಬಡ್ಡಿ
- 21 ತಿಂಗಳು ಮೇಲ್ಪಟ್ಟ ಅವಧಿ: ಶೇ. 7 ಬಡ್ಡಿ
ಇಲ್ಲಿಯೂ ಹಿರಿಯ ನಾಗರಿಕರ ಎಲ್ಲಾ ಠೇವಣಿಗಳಿಗೆ ಶೇ. 0.50ರಷ್ಟು ಹೆಚ್ಚು ಬಡ್ಡಿ ಪ್ರಾಪ್ತವಾಗುತ್ತದೆ.
ಇದನ್ನೂ ಓದಿ: ಬ್ಯಾಂಕ್ ಅಕೌಂಟ್, ಫಿಕ್ಸೆಡ್ ಡೆಪಾಸಿಟ್ ನಾಮಿನಿ ನಿಯಮದಲ್ಲಿ ಬದಲಾವಣೆ; ಮಸೂದೆ ಮಂಡನೆಗೆ ಕೇಂದ್ರ ಸಜ್ಜು
ಐಸಿಐಸಿಐ ಬ್ಯಾಂಕ್ನಲ್ಲಿ ಎಫ್ಡಿ ದರಗಳು
- 7ರಿಂದ 29 ದಿನಗಳು: ಶೇ. 3 ಬಡ್ಡಿ
- 30ರಿಂದ 45 ದಿನಗಳು: ಶೇ. 3.50
- 46ರಿಂದ 60 ದಿನಗಳು: ಶೇ. 4.25
- 61ರಿಂದ 90 ದಿನಗಳು: ಶೇ. 4.50
- 91ರಿಂದ 184 ದಿನಗಳು: ಶೇ. 4.75
- 185ರಿಂದ 270 ದಿನಗಳು: ಶೇ. 5.75
- 271 ದಿನದಿಂದ 1 ವರ್ಷ: ಶೇ. 6
- 1 ವರ್ಷದಿಂದ 15 ತಿಂಗಳು ಶೇ. 6.70
- 15ತಿಂಗಳಿಂದ 2 ವರ್ಷ: ಶೇ. 7.25
- 2ರಿಂದ 5 ವರ್ಷ: ಶೇ. 7
- 5ರಿಂದ 10 ವರ್ಷ: ಶೇ. 6.90 ಬಡ್ಡಿ.
ಹಿರಿಯ ನಾಗರಿಕರಿಗೆ ಇಲ್ಲಿಯೂ ಶೇ. 0.50 ಹೆಚ್ಚು ಬಡ್ಡಿ ಸಿಗುತ್ತದೆ.
ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 4:08 pm, Thu, 17 April 25
