Gold Investment: ಸಾವರನ್ ಗೋಲ್ಡ್ ಬಾಂಡ್ ಫೆ. 12ರಿಂದ 16ರವರೆಗೆ; ಇದು ಈ ವರ್ಷದ ಕೊನೆಯ ಸರಣಿ

ನವದೆಹಲಿ, ಫೆಬ್ರುವರಿ 6: ಭೌತಿಕ ಚಿನ್ನ ಖರೀದಿಸದೆಯೇ ಅದರ ಮೇಲೆ ಹೂಡಿಕೆಗೆ ಅವಕಾಶ ಕೊಡುವ ಸಾವರನ್ ಗೋಲ್ಡ್ ಬಾಂಡ್ ಸ್ಕೀಮ್​ನಲ್ಲಿ (Sovereign Gold Bond) ನೀವಿನ್ನೂ ಹೂಡಿಕೆ ಮಾಡದೇ ಇದ್ದರೆ ಇಗೋ ಮತ್ತೆ ಬಂದಿದೆ ಅವಕಾಶ. 2023-24ರ ಹಣಕಾಸು ವರ್ಷದ ನಾಲ್ಕನೇ ಮತ್ತು ಕೊನೆಯ ಸಾವರನ್ ಗೋಲ್ಡ್ ಬಾಂಡ್ ಸರಣಿ 2024ರ ಫೆಬ್ರುವರಿ 12ಕ್ಕೆ ಆರಂಭವಾಗುತ್ತದೆ. ಫೆಬ್ರುವರಿ 16ರವರೆಗೆ, ಐದು ದಿನಗಳ ಕಾಲ ಇದು ಸಾರ್ವಜನಿಕರಿಗೆ ಸಬ್​ಸ್ಕ್ರಿಪ್ಷನ್​ಗೆ ತೆರೆದಿರುತ್ತದೆ. ಬಾಂಡ್ ಕಾಯ್ದಿರಿಸಿದ ಬಳಿಕ ಫೆಬ್ರುವರಿ 21ಕ್ಕೆ ಬಾಂಡ್ ವಿತರಣೆ ಆಗುತ್ತದೆ. ಆದರೆ, ಗೋಲ್ಡ್ ಬಾಂಡ್​ನಲ್ಲಿ ಚಿನ್ನದ ಬೆಲೆಯನ್ನು ಇನ್ನೂ ನಿಗದಿ ಮಾಡಲಾಗಿಲ್ಲ. ಸಾಮಾನ್ಯವಾಗಿ ಸಬ್​ಸ್ಕ್ರಿಪ್ಷನ್​ಗೆ ಕೆಲ ದಿನಗಳ ಹಿಂದಿನ ಚಿನ್ನದ ಬೆಲೆಯನ್ನು ನಿಗದಿ ಮಾಡಲಾಗುತ್ತದೆ. ಫೆಬ್ರುವರಿ 12ಕ್ಕೆ ಮುನ್ನ ಆರ್​ಬಿಐ ಈ ಬೆಲೆಯನ್ನು ಬಹಿರಂಗಪಡಿಸಲಿದೆ.

ಭಾರತೀಯ ರಿಸರ್ವ್ ಬ್ಯಾಂಕ್ ಈ ಸಾವರನ್ ಗೋಲ್ಡ್ ಬಾಂಡ್ ಅನ್ನು ಆಫರ್ ಮಾಡುತ್ತದೆ. ಒಂದು ವರ್ಷದಲ್ಲಿ ಎಷ್ಟು ಬಾರಿ ಬೇಕಾದರೂ ಗೋಲ್ಡ್ ಬಾಂಡ್ ವಿತರಣೆ ಮಾಡಬಹುದು. ಆದರೆ, ನಿಗದಿಪಡಿಸಿದ ದಿನಗಳಂದು ಮಾತ್ರ ಸಬ್​ಸ್ಕ್ರಿಪ್ಷನ್ ಪಡೆಯಬಹುದು. ಸಾಮಾನ್ಯವಾಗಿ ಒಂದು ವರ್ಷದಲ್ಲಿ ನಾಲ್ಕರಿಂದ ಎಂಟು ಗೋಲ್ಡ್ ಬಾಂಡ್ ಸರಣಿ ಬಿಡುಗಡೆ ಮಾಡಬಹುದು.

ಸ್ಮಾಲ್ ಫೈನಾನ್ಸ್ ಬ್ಯಾಂಕ್, ಗ್ರಾಮೀಣ ಬ್ಯಾಂಕ್ ಮತ್ತು ಪೇಮೆಂಟ್ಸ್ ಬ್ಯಾಂಕ್ ಹೊರತಪಡಿಸಿ ಉಳಿದ ಶ್ಕೆಡ್ಯೂಲ್ಡ್ ಕಮರ್ಷಿಯಲ್ ಬ್ಯಾಂಕುಗಳಲ್ಲಿ ಸಾವರಿನ್ ಗೋಲ್ಡ್ ಬಾಂಡ್ ಪಡೆಯಬಹುದು. ಬಿಎಸ್​ಇ ಮತ್ತು ಎನ್​ಎಸ್​ಇ ಷೇರು ವಿನಿಮಯ ಕೇಂದ್ರಗಳಲ್ಲಿ ಇವನ್ನು ಖರೀದಿಸಬಹುದು. ಸ್ಟಾಕ್ ಹೋಲ್ಡಿಂಗ್ ಕಾರ್ಪೊರೇಶನ್, ಕ್ಲಿಯರಿಂಗ್ ಕಾರ್ಪೊರೇಶನ್ (ಸಿಸಿಐಎಲ್) ನಲ್ಲಿ ಗೋಲ್ಡ್ ಬಾಂಡ್ ಪಡೆಯಬಹುದು.

ಇದನ್ನೂ ಓದಿ: ಇನ್ನೊಂದು ವರ್ಷ ಸಮಯಾವಕಾಶ ಇರುವ ಮಹಿಳಾ ಸಮ್ಮಾನ್ ಸೇವಿಂಗ್ಸ್ ಸರ್ಟಿಫಿಕೇಟ್ ಸ್ಕೀಮ್​ನ ಲಾಭ ತಿಳಿಯಿರಿ

ಏನಿದು ಸಾವರನ್ ಗೋಲ್ಡ್ ಬಾಂಡ್ ಸ್ಕೀಮ್?

ಇದು ಎಂಟು ವರ್ಷ ಅವಧಿಯ ಹೂಡಿಕೆ ಯೋಜನೆಯಾಗಿದೆ. ಇವತ್ತಿನ ಚಿನ್ನದ ಮಾರುಕಟ್ಟೆ ಬೆಲೆಯಲ್ಲಿ ಒಂದರಿಂದ 4 ಕಿಲೋ ತೂಕದ ಚಿನ್ನದವರೆಗೂ ಹೂಡಿಕೆ ಮಾಡಬಹುದು. ಇದಕ್ಕೆ ಪ್ರತಿಯಾಗಿ ಚಿನ್ನದ ಬದಲು ಬಾಂಡ್ ನೀಡಲಾಗುತ್ತದೆ. ಏಳು ವರ್ಷಗಳ ಬಳಿಕ ಅಗಿನ ಚಿನ್ನದ ಮಾರುಕಟ್ಟೆ ಬೆಲೆ ಪ್ರಕಾರ ಹಣ ನಿಮ್ಮ ಕೈ ಸೇರುತ್ತದೆ.

ಉದಾಹರಣೆಗೆ, 24 ಕ್ಯಾರಟ್​ನ ಅಪರಂಜಿ ಚಿನ್ನದ ಬೆಲೆ ಗ್ರಾಮ್​ಗೆ ಇವತ್ತು 6,300 ರೂ ಇದೆ. ಇದೇ ಬೆಲೆಯನ್ನು ನಿಗದಿ ಮಾಡಿದ್ದು, ನೀವು 10 ಗ್ರಾಮ್ ಚಿನ್ನದ ಮೇಲೆ ಹೂಡಿಕೆ ಮಾಡುತ್ತೀರೆಂದರೆ 63,000 ರೂ ಆಗುತ್ತದೆ. ಎಂಟು ವರ್ಷದ ಬಳಿಕ ಚಿನ್ನದ ಬೆಲೆ ಗ್ರಾಮ್​ಗೆ 12,000 ರೂ ಆಗಿದ್ದೇ ಆದಲ್ಲಿ ನಿಮ್ಮ 63,000 ರೂ ಹೂಡಿಕೆಯು 1,20,000 ರೂ ಆಗಿರುತ್ತದೆ. ಚಿನ್ನದ ಬದಲು 1.2 ಲಕ್ಷ ರೂ ನಿಮ್ಮ ಕೈಸೇರುತ್ತದೆ.

ಒಬ್ಬ ವ್ಯಕ್ತಿ ಒಂದು ವರ್ಷದಲ್ಲಿ 4 ಕಿಲೋವರೆಗೆ ಚಿನ್ನದ ಮೇಲೆ ಹೂಡಿಕೆ ಮಾಡಬಹುದು. ಇವತ್ತಿನ ಬೆಲೆಯಲ್ಲಿ 25 ಲಕ್ಷ ರೂವರೆಗೆ ಹೂಡಿಕೆ ಸಾಧ್ಯವಾಗಬಲ್ಲುದು.

ಇದನ್ನೂ ಓದಿ: 2024ರಲ್ಲಿ ಎಲ್ಲೆಲ್ಲಿ ಹೂಡಿಕೆ ಮಾಡುವುದು ಹೆಚ್ಚು ಸುರಕ್ಷಿತ ಮತ್ತು ಲಾಭಕಾರಿ? ಇಲ್ಲಿದೆ ಡೀಟೇಲ್ಸ್

ಸಾವರನ್ ಗೋಲ್ಡ್ ಬಾಂಡ್​ನಿಂದ ಏನು ಪ್ರಯೋಜನ?

• ಭೌತಿಕ ಚಿನ್ನ ಪಡೆದರೆ ರಿಸ್ಕ್ ಎನಿಸಬಹುದು. ಈ ರೀತಿಯ ಬಾಂಡ್​ಗಳು ಬಹಳ ಸುರಕ್ಷಿತವಾಗಿರುತ್ತವೆ.
• ನಿಮ್ಮ ಹೂಡಿಕೆಯ ಮೇಲೆ ವರ್ಷಕ್ಕೆ ಶೇ. 2.5ರಷ್ಟು ಬಡ್ಡಿ ಸಿಗುತ್ತದೆ.
• ಒಬ್ಬ ವ್ಯಕ್ತಿ 1 ಗ್ರಾಮ್​ನಿಂದ ಹಿಡಿದು 4 ಕಿಲೋ ಚಿನ್ನದವರೆಗೆ ಹೂಡಿಕೆ ಮಾಡಬಹುದು. ಒಂದು ವರ್ಷದಲ್ಲಿ ಸುಮಾರು 25 ಲಕ್ಷ ರೂವರೆಗೆ ಹೂಡಿಕೆ ಸಾಧ್ಯವಾಗುತ್ತದೆ.
• ಒಮ್ಮೆಗೇ ಹೆಚ್ಚು ಹೂಡಿಕೆ ಆಗದೇ ಹೋದರೆ ಒಂದು ವರ್ಷದಲ್ಲಿ ಬರುವ ವಿವಿಧ ಸರಣಿಗಳಲ್ಲಿ ಕೈಲಾದಷ್ಟು ಹೂಡಿಕೆ ಮಾಡಲು ಅವಕಾಶ ಇರುತ್ತದೆ.
• ನೀವು ಎಂಟು ವರ್ಷದವರೆಗೆ ಕಾಯಲು ಆಗುವುದಿಲ್ಲ ಎಂದರೆ ಐದು ವರ್ಷದ ಬಳಿಕ ಹೂಡಿಕೆ ಹಿಂಪಡೆಯುವ ಅವಕಾಶ ಇರುತ್ತದೆ.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ