LIC Credit Card: ಎಲ್​ಐಸಿ- ಐಡಿಬಿಐಯಿಂದ ಹೊಸದಾಗಿ ಎರಡು ಕ್ರೆಡಿಟ್​ ಕಾರ್ಡ್​ ಬಿಡುಗಡೆ; ಏನೆಲ್ಲ ಅನುಕೂಲ ಗೊತ್ತೆ?

LIC Credit Card: ಎಲ್​ಐಸಿ- ಐಡಿಬಿಐಯಿಂದ ಹೊಸದಾಗಿ ಎರಡು ಕ್ರೆಡಿಟ್​ ಕಾರ್ಡ್​ ಬಿಡುಗಡೆ; ಏನೆಲ್ಲ ಅನುಕೂಲ ಗೊತ್ತೆ?
ಎಲ್​ಐಸಿ- ಐಡಿಬಿಐ ಕ್ರೆಡಿಟ್ ಕಾರ್ಡ್​ಗಳು (ಸಾಂದರ್ಭಿಕ ಚಿತ್ರ)

ಎಲ್​ಐಸಿ ಹಾಗೂ ಐಡಿಬಿಐ ಸಹಯೋಗದಲ್ಲಿ ಎರಡು ಹೊಸ ಕ್ರೆಡಿಟ್​ ಕಾರ್ಡ್​ಗಳನ್ನು ಬಿಡುಗಡೆ ಮಾಡಲಾಗಿದೆ. ಅವುಗಳ ಅನುಕೂಲ ಮತ್ತಿತರ ವಿವರಗಳು ಇಲ್ಲಿವೆ.

TV9kannada Web Team

| Edited By: Apurva Kumar Balegere

Aug 03, 2021 | 12:29 PM

LIC ಕಾರ್ಡ್ಸ್​ ಸರ್ವೀಸಸ್ ಲಿಮಿಟೆಡ್ (LIC-CSL) ಮತ್ತು ಐಡಿಬಿಐ ಬ್ಯಾಂಕ್​ನಿಂದ ಹೊಸದಾಗಿ ಎರಡು ಕೋ-ಬ್ರ್ಯಾಂಡೆಡ್ ರುಪೇ ಕ್ರೆಡಿಟ್​ ಕಾರ್ಡ್ಸ್​ ಬಿಡುಗಡೆ ಮಾಡಲಾಗಿದೆ. ಈ ಕಾರ್ಡ್​ಗಳನ್ನು LIC CSL ‘Eclat’ Select Credit Card ಮತ್ತು ‘Lumine’ Platinum Credit Card ಎನ್ನಲಾಗುತ್ತದೆ. ಬಿಡುಗಡೆ ಮಾಡಿರುವ ಮಾಹಿತಿಯಂತೆ, ಕ್ರೆಡಿಟ್​ ಕಾರ್ಡ್​ದಾರರಿಗೆ ಅತ್ಯುತ್ತಮ ಅಉಕೂಲಗಳು ದೊರೆಯುತ್ತವೆ. ಕಾರ್ಡ್​ಗಳ ಬಿಡುಗಡೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಐಡಿಬಿಐ ಬ್ಯಾಂಕ್​ ಎಂ.ಡಿ. ಮತ್ತು ಸಿಇಒ ರಾಕೇಶ್ ಶರ್ಮಾ, ಎಲ್​ಐಸಿ ಸಿಎಸ್​ಎಲ್ ಮತ್ತು ರುಪೇ ಜತೆ ಸಹಭಾಗಿತ್ವ ವಹಿಸುವುದಕ್ಕೆ ನಮಗೆ ಸಂತೋಷವಾಗಿದೆ. ನಮ್ಮ ಗ್ರಾಹಕರಿಗೆ ಆರೋಗ್ಯ, ಮನರಂಜನೆ, ಪ್ರವಾಸ ಮತ್ತು ವಿವಿಧ ಅನುಕೂಲಕರ ರಿವಾರ್ಡ್​ ಪಾಯಿಂಟ್​ಗಳನ್ನು ಒದಗಿಸುವಂಥ ಇನ್ನೊವೇಟಿವ್ ಆದ ಕ್ರೆಡಿಟ್ ಕಾರ್ಡ್​ ಇದು ಎಂದಿದ್ದಾರೆ.

ಆದರೆ, ನಿರ್ದಿಷ್ಟ ಗ್ರಾಹಕರು ಮಾತ್ರ ಈ ಹೊಸ ಕಾರ್ಡ್​ಗಳಿಗೆ ಅಪ್ಲೈ ಮಾಡುವುದಕ್ಕೆ ಸಾಧ್ಯ. ಪಾಲಿಸಿದಾರರು, ಏಜೆಂಟ್​ಗಳು, ಎಲ್​ಐಸಿ ಇಂಡಿಯಾದ ಉದ್ಯೋಗಿಗಳು ಮಾತ್ರ ಅಪ್ಲೈ ಮಾಡುವುದಕ್ಕೆ ಸಾಧ್ಯ. ಇನ್ನು ಎಲ್​ಐಸಿಯ ಅಂಗಸಂಸ್ಥೆಯಾದ ಎಲ್​ಐಸಿ ಹೌಸಿಂಗ್​ ಸಿಬ್ಬಂದಿ ಸಹ ಅರ್ಜಿ ಸಲ್ಲಿಸಬಹುದು ಎಂದು ಎಲ್​ಐಸಿ ಹೇಳಿಕೆಯಲ್ಲಿ ತಿಳಿಸಲಾಗಿದೆ. Eclat ಹಾಗೂ Lumine ಕಾರ್ಡ್​ಗಳಿಗೆ ಆಯಾ ಕ್ರೆಡಿಟ್​ಕಾರ್ಡ್​ದಾರರ ಅಗತ್ಯಕ್ಕೆ ತಕ್ಕಂತೆ ಮಿತಿ ಇರುತ್ತದೆ. Eclat ಕಾರ್ಡ್​ನಿಂದ ಪ್ರತಿ 100 ರೂಪಾಯಿ ಖರ್ಚಿಗೆ 4 ಪಾಯಿಂಟ್ಸ್​ ಸಿಗುತ್ತದೆ. Lumine ಕಾರ್ಡ್​ದಾರರು ಖರ್ಚು ಮಾಡುವ ಪ್ರತಿ 100 ರೂಪಾಯಿಗೆ 3 “ಡಿಲೈಟ್” ಪಾಯಿಂಟ್ಸ್ ದೊರೆಯುತ್ತವೆ. ಈ ಕಾರ್ಡ್​ಗಳಿಗೆ 4 ವರ್ಷದ ವ್ಯಾಲಿಡಿಟಿ ಇರಲಿದ್ದು, 48 ದಿನಗಳ ತನಕ ಬಡ್ಡಿರಹಿತವಾದ ಕ್ರೆಡಿಟ್ ಅವಧಿ ದೊರೆಯುತ್ತದೆ.

ಇದರ ಹೊರತುಪಡಿಸಿ, ಗ್ರಾಹಕರು ಈ ಕ್ರೆಡಿಟ್ ಕಾರ್ಡ್​ ಬಳಸಿ ಎಲ್​ಐಸಿ ರಿನೀವಲ್ ಅಥವಾ ಪ್ರೀಮಿಯಂ ಪಾವತಿ ಮಾಡಿದರೆ ದುಪ್ಪಟ್ಟು ರಿವಾರ್ಡ್ ಪಾಯಿಂಟ್ಸ್​ ಸಿಗುತ್ತದೆ. ಇನ್ನು ಎರಡು ಕಾರ್ಡ್​ಗಳಲ್ಲೂ 3000 ರೂಪಾಯಿ ಮೇಲ್ಪಟ್ಟ ಖರ್ಚು ಮಾಡಿದ ವಹಿವಾಟುಗಳನ್ನು ಇಎಂಐಗೆ ಕನ್ವರ್ಟ್​ ಮಾಡಿಕೊಳ್ಳುವ ವ್ಯವಸ್ಥೆ ಇರುತ್ತದೆ. ಇದಕ್ಕೆ ಶೂನ್ಯ ಪ್ರೊಸೆಸಿಂಗ್ ಶುಲ್ಕ ಹಾಗೂ ಅವಧಿಪೂರ್ವ ಶುಲ್ಕ, ಶೇ 1 ಫ್ಯೂಯೆಲ್ ಸರ್​ಚಾರ್ಜ್​ ಮನ್ನಾ ಆಗುತ್ತದೆ. ಆದರೆ 400 ರೂಪಾಯಿ ಮೇಲ್ಪಟ್ಟ ವಹಿವಾಟು ಅದಾಗಿರಬೇಕು. ಇನ್ನು ಈ ಕ್ರೆಡಿಟ್​ ಕಾರ್ಡ್​ಗಳ ಜತೆಗೆ ವಿಮಾನ ಅಪಘಾತ ಇನ್ಷೂರೆನ್ಸ್ ಕವರ್, ವಯಕ್ತಿಕ ಅಪಘಾತ/ಶಾಶ್ವತ ವೈಕಲ್ಯ ಕವರ್, ಕ್ರೆಡಿಟ್ ಶೀಲ್ಡ್ ಕವರ್ ಮತ್ತು ಕಾರ್ಡ್​ ಕಳೆದುಹೋದಲ್ಲಿ ಯಾವುದೇ ಶುಲ್ಕ ಇರಲ್ಲ. ಎಕ್ಲಾಟ್ ಕಾರ್ಡ್​ದಾರರಿಗೆ ಎಲ್ಲ ದೇಶೀಯ ಹಾಗೂ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಾಂಪ್ಲಿಮೆಂಟರಿಯಾಗಿ ಲಾಂಜ್ ಸಂಪರ್ಕ ಇರುತ್ತದೆ.

ಇದನ್ನೂ ಓದಿ: Credit Card EMI: ಕ್ರೆಡಿಟ್ ಕಾರ್ಡ್ ಬಿಲ್ ಯಾವಾಗ ಮತ್ತು ಯಾಕೆ ಇಎಂಐಗೆ ಕನ್ವರ್ಟ್ ಮಾಡಿಸಬೇಕು ಗೊತ್ತಾ?

ಇದನ್ನೂ ಓದಿ: Credit score: ಸಾಲ, ಕ್ರೆಡಿಟ್ ಕಾರ್ಡ್ ಬಿಲ್ ಸರಿಯಾಗಿ ಪಾವತಿಸಿದರೂ ಕ್ರೆಡಿಟ್ ಸ್ಕೋರ್ ಯಾಕೆ ಕಡಿಮೆ ಆಗುತ್ತೆ?

(Two New Credit Cards Launched With LIC And IDBI Partnership Here Is The Benefits Of Cards)

Follow us on

Related Stories

Most Read Stories

Click on your DTH Provider to Add TV9 Kannada