SBI UPI Services: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ನಿಮ್ಮ ಖಾತೆಗೆ ಯುಪಿಐ ಸೇವೆ ಆ್ಯಕ್ಟಿವೇಟ್ ಹಾಗೂ ಡಿಆ್ಯಕ್ಟಿವೇಟ್ ಹೇಗೆ?
SBI account UPI service: ನೀವು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಗ್ರಾಹಕರಾಗಿದ್ದಲ್ಲಿ ಯುಪಿಐ ಸೇವೆಗೆ ಆ್ಯಕ್ಟಿವೇಟ್ ಮತ್ತು ಡಿಆ್ಯಕ್ಟಿವೇಟ್ ಹೇಗೆ ಎಂಬುದರ ವಿವರ ಇಲ್ಲಿದೆ.
Updated on:Jun 24, 2021 | 7:30 PM
ಇಂದು ವ್ಯಾಪಕವಾಗಿ ಬಳಕೆ ಆಗುತ್ತಿರುವ ಯೂನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್ (ಯುಪಿಐ) ಅನ್ನು ಕಂಡು ಹಿಡಿದಿದ್ದು ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (ಎನ್ಪಿಸಿಐ). ಇದನ್ನು ನಿಯಂತ್ರಿಸುವುದು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ. ಐಎಂಪಿಎಸ್ ತಂತ್ರಜ್ಞಾನ ಬಳಸಿ, ರಿಯಲ್ಟೈಮ್ನಲ್ಲಿ ಎರಡು ಬ್ಯಾಂಕ್ ಖಾತೆಗಳ ಮಧ್ಯೆ ಹಣವನ್ನು ವರ್ಗಾವಣೆ ಮಾಡಲಾಗುತ್ತದೆ. ಯುಪಿಐ ವಹಿವಾಟು ಮಾಡುವುದಕ್ಕೆ ಗೊತ್ತಿರಬೇಕಾದದ್ದು ಯುಪಿಐ ಪಾಸ್ಕೋಡ್ ಅಥವಾ ಯುಪಿಐ- PIN. ಇದು 4ರಿಂದ 6 ಅಂಕಿಯನ್ನು ಒಳಗೊಂಡಿರುತ್ತದೆ. ಇದು ಭದ್ರತೆಯಂತೆ ಸಹಾಯಕ್ಕೆ ಬರಲಿದ್ದು, ಇಬ್ಬರು ವ್ಯಕ್ತಿಗಳ ಮಧ್ಯೆ ತಕ್ಷಣವೇ ಹಣ ವರ್ಗಾವಣೆ ಆಗುತ್ತದೆ. ದೇಶದ ಅತಿ ದೊಡ್ಡ ಸಾರ್ವಜನಿಕ ಸ್ವಾಮ್ಯದ ಬ್ಯಾಂಕ್ ಆದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಗ್ರಾಹಕರು ಆನ್ಲೈನ್ ಬ್ಯಾಂಕಿಂಗ್ ಮೂಲಕ ತಮ್ಮ ಖಾತೆಗೆ ಸರಳವಾಗಿ ಯುಪಿಐ ಆ್ಯಕ್ಟಿವೇಟ್ ಮತ್ತು ಡಿಆ್ಯಕ್ಟಿವೇಟ್ ಮಾಡಿಕೊಳ್ಳಬಹುದು. ನೀವು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಗ್ರಾಹಕರಾಗಿದ್ದಲ್ಲಿ ಖಾತೆ ಮೂಲಕ ಯುಪಿಐ ಸೇವೆ ಪಡೆಯಲು ಬಯಸಿದಲ್ಲಿ ಈ ಲೇಖನದಿಂದ ಅನುಕೂಲ ಆಗಲಿದೆ.
ಎಸ್ಬಿಐ ಆನ್ಲೈನ್ ಅಥವಾ YONO SBI ಮೂಲಕ ಎನೇಬಲ್ ಅಥವಾ ಡಿಸೇಬಲ್ ಮಾಡಬಹುದು. ಒಂದು ವೇಳೆ ನೀವು ಎಸ್ಬಿಐನ ನೆಟ್ ಬ್ಯಾಂಕಿಂಗ್ ಬಳಕೆದಾರರಾಗಿದ್ದಲ್ಲಿ ಹಂತಹಂತವಾದ ಯುಪಿಐ ಸೌಲಭ್ಯ ಪಡೆಯಲು ಅಥವಾ ಕೊನೆಗೊಳಿಸಲು ಇಲ್ಲಿದೆ ಹಂತಹಂತವಾದ ವಿವರಣೆ ಇಲ್ಲಿದೆ. – ಮೊದಲಿಗೆ https://www.onlinesbi.com/ ಗೆ ಭೇಟಿ ನೀಡಿ. ಪರ್ಸನಲ್ ಬ್ಯಾಂಕಿಂಗ್ ಸೆಕ್ಷನ್ ಅಡಿಯಲ್ಲಿ ಲಾಗಿನ್ ಕ್ಲಿಕ್ ಮಾಡಿ. – “ಕಂಟಿನ್ಯೂ ಟು ಲಾಗಿನ್” ಮೇಲೆ ಕ್ಲಿಕ್ ಮಾಡಿ. ಆ ನಂತರ ಲಾಗಿನ್ ಟು ಆನ್ಲೈನ್ ಎಸ್ಬಿಐ ಪುಟಕ್ಕೆ ತೆರಳುತ್ತದೆ. ಅಲ್ಲಿ ಯೂಸರ್ ನೇಮ್, ಪಾಸ್ವರ್ಡ್ ಮತ್ತು ಅಗತ್ಯ ಇರುವ CAPTCHA ಕೋಡ್ ನಮೂದಿಸಬೇಕು. – ಒಂದು ಸಲ ಅಕೌಂಟ್ಗೆ ಸೈನ್ ಇನ್ ಆದ ಮೇಲೆ ಮೈ ಪ್ರೊಫೈಲ್ ಸೆಕ್ಷನ್ಗೆ ಹೋಗುತ್ತದೆ. ಯುಪಿಐ ಆಯ್ಕೆಯಲ್ಲಿ ಎನೇಬಲ್/ಡಿಸೇಬಲ್ ಖಾತೆಯ ಮೇಲೆ ಕ್ಲಿಕ್ ಮಾಡಿ. – ನಿಮ್ಮ ಖಾತೆಯನ್ನು ಆಯ್ಕೆ ಮಾಡಿಕೊಳ್ಳಿ. ನಿಮ್ಮ ಖಾತೆಗೆ ಯುಪಿಐ ಸೇವೆ ಎನೇಬಲ್ ಅಥವಾ ಡಿಸೇಬಲ್ ಆದ್ಯತೆಯನ್ನು ಆರಿಸಿಕೊಳ್ಳಿ.
ಎಸ್ಬಿಐ ಖಾತೆ ಮೂಲಕ ಯುಪಿಐ ಸೇವೆ ಆ್ಯಕ್ಟಿವೇಟ್ ಮತ್ತು ಡಿಆ್ಯಕ್ಟಿವೇಟ್ ಹಂತಹಂತವಾದ ವಿಧಾನ – ಎಸ್ಬಿಐ Yono ಲೈಟ್ ಮೊಬೈಲ್ ಆ್ಯಪ್ ತೆರೆಯಿರಿ ಮತ್ತು ಎಸ್ಬಿಐ ಮೊಬೈಲ್ ಬ್ಯಾಂಕಿಂಗ್ಗೆ ಅಗತ್ಯ ಕ್ರೆಡೆನ್ಷಿಯಲ್ಸ್ನೊಂದಿಗೆ ಸೈನ್ ಇನ್ ಆಗಿ. – ಯುಪಿಐ ಆಯ್ಕೆ ಮೇಲೆ ಒತ್ತಿ ಮತ್ತು ಯುಪಿಐ ಡಿಸೇಬಲ್/ಎನೇಬಲ್ ಆಯ್ಕೆಯನ್ನು ಆರಿಸಿಕೊಳ್ಳಿ. – ಈಗ ನಿಮ್ಮ ಖಾತೆಯನ್ನು ಆರಿಸಿಕೊಳ್ಳಿ ಮತ್ತು ಖಾತೆಗೆ ಯುಪಿಐ ಸೇವೆಯ ಎನೇಬಲ್ ಅಥವಾ ಡಿಆ್ಯಕ್ಟಿವೇಟ್ ಆದ್ಯತೆಯನ್ನು ನಿರ್ಧರಿಸಿ.
ಯುಪಿಐ PIN ಬಳಸಿ ಹಣ ವರ್ಗಾವಣೆ ಮಾಡುವುದು ಹೇಗೆ? – ಮೊಬೈಲ್ ಫೋನ್ನಲ್ಲಿ BHIM SBI ಪೇ ಆ್ಯಪ್ ತೆರೆದು, ಖಾತೆಗೆ ಲಾಗ್ ಇನ್ ಆಗಬೇಕು. – Pay ಆಯ್ಕೆ ಮೇಲೆ ಒತ್ತಬೇಕು ಮತ್ತು ವಿಪಿಎ ಅಥವಾ ಅಕೌಂಟ್ ಮತ್ತು ಐಎಫ್ಎಸ್ಸಿ ಅಥವಾ ಕ್ಯೂಆರ್ ಕೋಡ್ ಆರಿಸಿಕೊಳ್ಳಬೇಕು. – ಅಗತ್ಯ ಮಾಹಿತಿಗಳನ್ನು ಭರ್ತಿ ಮಾಡಿ, ಅದನ್ನು ಖಾತ್ರಿಪಡಿಸಬೇಕು. – ಜೋಡಣೆ ಆಗಿರುವ ಖಾತೆಗಳಿಂದ ಡೆಬಿಟ್ ಆಗಬೇಕಾದ ಖಾತೆಯನ್ನು ಆರಿಸಿಕೊಳ್ಳಬೇಕು ಮತ್ತು ಟಿಕ್ ಗುರುತಿನ ಮೇಲೆ ಕ್ಲಿಕ್ ಮಾಡಬೇಕು. – ವಹಿವಾಟು ಆರಂಭಿಸುವುದಕ್ಕೆ ಯುಪಿಐ PIN ನಮೂದಿಸಬೇಕು ಮತ್ತು ಅದನ್ನು ಸಂಪೂರ್ಣಗೊಳಿಸಲು ಟಿಕ್ ಗುರುತಿನ ಮೇಲೆ ಕ್ಲಿಕ್ ಮಾಡಬೇಕು.
ಎಸ್ಬಿಐ ಯುಪಿಐ ಮಿತಿ ಯುಪಿಐ PIN ನಿಗದಿ ಆದ ಮೇಲೆ ಮೊದಲ ವಹಿವಾಟು ಗರಿಷ್ಠ 5000 ರೂಪಾಯಿ ಇರುತ್ತದೆ. ಮೊದಲ ಇಪ್ಪತ್ನಾಲ್ಕು ಗಂಟೆಯಲ್ಲಿ ಕ್ಯುಮುಲೇಟಿವ್ ಮೊತ್ತ ದಿನಕ್ಕೆ 5 ಸಾವಿರ ರೂಪಾಯಿ. BHIM SBI Payನಲ್ಲಿ ಒಂದು ದಿನಕ್ಕೆ 1 ಲಕ್ಷ ರೂಪಾಯಿಯ ಮಿತಿ ಇದೆ. 1 ಲಕ್ಷ ರೂಪಾಯಿ ಮಿತಿಯಲ್ಲಿ 24 ಗಂಟೆಯಲ್ಲಿ ಒಂದು ಖಾತೆಗೆ ಗರಿಷ್ಠ 10 ವಹಿವಾಟು ಮಾಡಬಹುದು.
ಇದನ್ನೂ ಓದಿ: ಯುಪಿಐ, ಐಎಂಪಿಎಸ್ ಹಣ ವರ್ಗಾವಣೆ ವಿಫಲವಾದರೆ ಬ್ಯಾಂಕ್ಗಳಿಂದ ದಿನಕ್ಕೆ 100 ರೂ.ನಂತೆ ದಂಡ ಪಾವತಿ
(How to activate and deactivate UPI services in SBI account by customers. Here is an explainer)
Published On - 7:24 pm, Thu, 24 June 21
