ರಷ್ಯಾದಿಂದ ಎಂಬಿಬಿಎಸ್ ಅಧ್ಯಯನ ಮಾಡುವ ಆಸೆ ಇದೆಯೇ? ಅರ್ಹತೆ, ಶುಲ್ಕ ಮತ್ತಷ್ಟು ಮಾಹಿತಿ ಇಲ್ಲಿದೆ

ಭಾರತೀಯ ವೈದ್ಯಕೀಯ ವಿದ್ಯಾರ್ಥಿಗಳು ವಿದೇಶದಲ್ಲಿ ಹೆಚ್ಚಿನ ಅಧ್ಯಯನ ಮಾಡುವುಡ್ ಸರ್ವೇಸಾಮಾನ್ಯ. ಅಧ್ಯಯನಕ್ಕೆಂದು ವಿದೇಶಕ್ಕೆ ತೆರಳುವ ಹಲವಾರು ಸ್ಥಳಗಳಲ್ಲಿ ರಷ್ಯಾ ಕೂಡ ಒಂದು. ಭಾರತ ಸರ್ಕಾರವು ಒದಗಿಸಿದ ಮಾಹಿತಿಯ ಪ್ರಕಾರ, 2022 ರಲ್ಲಿ ರಷ್ಯಾದಲ್ಲಿ 18,039 ಭಾರತೀಯ ವಿದ್ಯಾರ್ಥಿಗಳಿದ್ದರು. ಆದರೆ ವಿದೇಶಾಂಗ ವ್ಯವಹಾರಗಳ ಸಚಿವಾಲಯವು ವಿದ್ಯಾರ್ಥಿಗಳು ಯಾವ ಕೋರ್ಸ್‌ಗೆ ಅರ್ಜಿ ಸಲ್ಲಿಸಿದ್ದಾರೆ ಎಂಬುದರ ಕುರಿತು ಯಾವುದೇ ಡೇಟಾವನ್ನು ಬಹಿರಂಗಪಡಿಸಿಲ್ಲ. ರಾಷ್ಟ್ರೀಯ ಪರೀಕ್ಷಾ ಮಂಡಳಿ (NBE) ಒದಗಿಸಿದ ಮಾಹಿತಿಯ ಪ್ರಕಾರ, 4515 ವಿದ್ಯಾರ್ಥಿಗಳು ವಿದೇಶಿ ವೈದ್ಯಕೀಯ ಪದವಿ ಪರೀಕ್ಷೆಗೆ (FMGE) ಹಾಜರಾಗಿದ್ದರು ಮತ್ತು 1119 ಅಭ್ಯರ್ಥಿಗಳು 2021 ರಲ್ಲಿ ಸ್ಕ್ರೀನಿಂಗ್ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದಾರೆ.

ವೈದ್ಯಕೀಯ ಆಕಾಂಕ್ಷಿಗಳಲ್ಲಿ ರಷ್ಯಾವು ಜನಪ್ರಿಯ ತಾಣವಾಗಿದೆ ಎಂಬುದನ್ನು ಪರಿಗಣಿಸಿ, ಈ ದೇಶದ ಕುರಿತು ತಿಳಿದುಕೊಳ್ಳಬೇಕಾದ ಕೆಲವು ಪ್ರಮುಖ ವಿಷಯಗಳು ಇಲ್ಲಿವೆ:

ಅಧಿಕೃತ ಸರ್ಕಾರಿ ವೆಬ್‌ಸೈಟ್ studymbbsinrussia.co.in

ಅರ್ಹತಾ ಮಾನದಂಡ

• 12 ನೇ ತರಗತಿಯಲ್ಲಿ PCB ವಿಷಯಗಳಲ್ಲಿ ಕನಿಷ್ಠ 50% ಒಟ್ಟು ಸ್ಕೋರ್
• ನೀಟ್ ಅರ್ಹತೆ (50 ಶೇಕಡಾ)
• ಯಾವುದೇ ಸಾಂಕ್ರಾಮಿಕ ರೋಗಗಳ ವಿರುದ್ಧ ವೈದ್ಯಕೀಯ ಕ್ಲಿಯರೆನ್ಸ್.
• ಕನಿಷ್ಠ ವಯಸ್ಸಿನ ಅವಶ್ಯಕತೆ 17 ವರ್ಷ.

ಕೋರ್ಸ್ ರಚನೆ

MBBS ಪದವಿಯು ರಷ್ಯಾದಲ್ಲಿ 6 ವರ್ಷಗಳ ಕಾಲ ಇರುತ್ತದೆ. ಅದರಲ್ಲಿ ಐದು ವರ್ಷಗಳು ಶೈಕ್ಷಣಿಕ ಅಧ್ಯಯನಕ್ಕೆ ಮೀಸಲಾಗಿವೆ ಮತ್ತು ಅಂತಿಮ ವರ್ಷವು ಇಂಟರ್ನ್‌ಶಿಪ್‌ಗೆ ಮೀಸಲಾಗಿದೆ. ಅಲ್ಲಿನ ನಿಯಮದಂತೆ ಇದು ಶಿಕ್ಷಣದ ಪ್ರತ್ಯೇಕ ರೂಪವಾಗಿ ಮುಂದುವರಿಯುತ್ತದೆ. ಇದನ್ನೂ ವಿಶೇಷ ಕೋರ್ಸ್ ಎಂದು ಪರಿಗಣಿಸಲಾಗುತ್ತದೆ. ಆದರೆ ಇಲ್ಲಿ ದಂತವೈದ್ಯಶಾಸ್ತ್ರ ಐದು ವರ್ಷಮತ್ತು ನರ್ಸಿಂಗ್ ನಾಲ್ಕು ವರ್ಷಗಳ ಕೋರ್ಸ್ ಆಗಿರುತ್ತದೆ.

ಮೊದಲ ಮೂರು ವರ್ಷಗಳು ಮುಖ್ಯವಾಗಿ ಸೈದ್ಧಾಂತಿಕ ಭಾಗದ ಮೇಲೆ ಕೇಂದ್ರೀಕರಿಸುತ್ತವೆ ಮತ್ತು ನಂತರದ ಮೂರು ವರ್ಷಗಳು ತರಬೇತಿಯ ಪ್ರಾಯೋಗಿಕ ಭಾಗದ ಮೇಲೆ ಕೇಂದ್ರೀಕರಿಸುತ್ತವೆ. ಪ್ರತಿ ವರ್ಷವನ್ನು ಎರಡು ಸೆಮಿಸ್ಟರ್‌ಗಳಾಗಿ ವಿಂಗಡಿಸಲಾಗಿದೆ, ಇದು ಒಟ್ಟು 12 ಸೆಮಿಸ್ಟರ್‌ಗಳನ್ನು ಒಳಗೊಂಡಿರುತ್ತದೆ.

ನಾಲ್ಕು ವರ್ಷಗಳ-ಪದವಿಪೂರ್ವ ಕಾರ್ಯಕ್ರಮಗಳನ್ನು ಪೂರ್ಣಗೊಳಿಸಿದ ನಂತರ, ವಿದ್ಯಾರ್ಥಿಗಳು ಸ್ನಾತಕೋತ್ತರ ಪದವಿ ಮತ್ತು ಉನ್ನತ ಶಿಕ್ಷಣದ ಡಿಪ್ಲೊಮಾವನ್ನು ಪಡೆಯುತ್ತಾರೆ. ಇದಾದ ನಂತರವೂ ವಿದ್ಯಾರ್ಥಿಗಳು ತಮ್ಮ ಅಧ್ಯಯನವನ್ನು ಮುಂದುವರಿಸಬಹುದು ಮತ್ತು ಮಾಸ್ಟರ್ ಪ್ರೋಗ್ರಾಂ ಅನ್ನು ತೆಗೆದುಕೊಳ್ಳಬಹುದು.

ಶೈಕ್ಷಣಿಕ ಅಧಿವೇಶನವು ಸಾಮಾನ್ಯವಾಗಿ ರಷ್ಯಾದಲ್ಲಿ ಸೆಪ್ಟೆಂಬರ್ ಮತ್ತು ಅಕ್ಟೋಬರ್ ನಡುವೆ ಪ್ರಾರಂಭವಾಗುತ್ತದೆ.

ಪ್ರವೇಶ ಪ್ರಕ್ರಿಯೆ

ರಷ್ಯಾದಲ್ಲಿ ಎಂಬಿಬಿಎಸ್ ಕೋರ್ಸ್‌ಗಳಲ್ಲಿ ಪ್ರವೇಶ ಪಡೆಯಲು ಯಾವುದೇ ಪ್ರವೇಶ ಪರೀಕ್ಷೆ ಇಲ್ಲ. ವಿದ್ಯಾರ್ಥಿಗಳು ತಾವು ಆಸಕ್ತಿ ಹೊಂದಿರುವ ವಿಶ್ವವಿದ್ಯಾಲಯ/ಸಂಸ್ಥೆಯ ವೆಬ್‌ಸೈಟ್‌ಗೆ ಭೇಟಿ ನೀಡಬೇಕು ಮತ್ತು ಆ ವಾರ್ಸಿಟಿಯ ಅರ್ಜಿ ನಮೂನೆಯನ್ನು ಭರ್ತಿ ಮಾಡಬೇಕು. ಅದರ ನಂತರ, ಅವರ ಗುರುತು ಮತ್ತು ಶೈಕ್ಷಣಿಕ ಅರ್ಹತೆಗಳ ಪುರಾವೆಯಾಗಿ ಅಗತ್ಯವಿರುವ ಎಲ್ಲಾ ದಾಖಲೆಗಳನ್ನು ಸಲ್ಲಿಸಬೇಕಾಗುತ್ತದೆ.

ಒಮ್ಮೆ ಎಲ್ಲಾ ಮಾಹಿತಿಯನ್ನು ಅಧಿಕಾರಿಗಳು ಕ್ರಾಸ್ ಚೆಕ್ ಮಾಡಿದ ನಂತರ, ವಿಶ್ವವಿದ್ಯಾನಿಲಯವು ವಿದ್ಯಾರ್ಥಿಯನ್ನು ಆಯ್ಕೆ ಮಾಡಿದರೆ ಇಮೇಲ್ ಮೂಲಕ ವೈಯಕ್ತಿಕವಾಗಿ ಅರ್ಜಿದಾರರಿಗೆ ತಲುಪುತ್ತದೆ.

ವಿದ್ಯಾರ್ಥಿವೇತನ

ರಷ್ಯಾದಲ್ಲಿ ಅಧ್ಯಯನ ಮಾಡಲು ವಿದ್ಯಾರ್ಥಿವೇತನವನ್ನು ಪಡೆಯಲು, ಅಭ್ಯರ್ಥಿಗಳು ಪರೀಕ್ಷೆಗಳು ,ಮತ್ತು ಸಂದರ್ಶನಗಳು ಎದುರಿಸಬೇಕಾಗುತ್ತದೆ. ಅದರ ನಂತರ, ಅಭ್ಯರ್ಥಿಗಳು ಸ್ಪರ್ಧಾತ್ಮಕ ಆಯ್ಕೆಗೆ ಒಳಗಾಗುತ್ತಾರೆ, ಮತ್ತು ಆಯ್ಕೆಯಾದ ಅಭ್ಯರ್ಥಿಗಳು ತಮ್ಮ ಹೆಸರನ್ನು ಅಧಿಕೃತ ವೆಬ್ ಸೈಟ್‌ಗಳಲ್ಲಿನ ಅಭ್ಯರ್ಥಿಗಳ ಪಟ್ಟಿಯಲ್ಲಿ ಅಥವಾ ರೊಸೊಟ್ರುಡ್ನಿಚೆಸ್ಟ್ವೊ (Rossotrudnichestvo) ಅಥವಾ ರಷ್ಯಾದ ರಾಯಭಾರ ಕಚೇರಿಯ ಪ್ರಾತಿನಿಧ್ಯದಲ್ಲಿ ಕಾಣಬಹುದು.

ಆಕಾಂಕ್ಷಿಗಳು ಏಕೀಕೃತ ರಾಜ್ಯ ಪರೀಕ್ಷೆ (EGE) ಅಥವಾ ಪ್ರವೇಶ ಪರೀಕ್ಷೆಗಳಲ್ಲಿ ಉತ್ತೀರ್ಣರಾಗಬೇಕು ಎಂಬುದನ್ನು ನೆನಪಿನಲ್ಲಿಡಬೇಕು.

ಸರ್ಕಾರಿ ಸ್ಕಾಲರ್‌ಶಿಪ್‌ಗಳು ಕೋರ್ಸ್​ನ ಸಂಪೂರ್ಣ ಅವಧಿಗೆ ಉಚಿತ ಬೋಧನೆ, ನಿರ್ವಹಣಾ ಭತ್ಯೆಯ (ಅಭ್ಯರ್ಥಿಯ ಯಶಸ್ಸನ್ನು ಲೆಕ್ಕಿಸದೆ ಅಧ್ಯಯನದ ಸಂಪೂರ್ಣ ಅವಧಿಗೆ) ಖರ್ಚುಗಳನ್ನು ನೋಡಿಕೊಳ್ಳುತ್ತದೆ. 2020 ರಲ್ಲಿ, ಸರಾಸರಿ ವಿದ್ಯಾರ್ಥಿವೇತನವು ತಿಂಗಳಿಗೆ 1,484 ರೂಬಲ್ಸ್‌ಗಳು (ಅಂದಾಜು $22), ಮತ್ತು ಲಭ್ಯವಿದ್ದಲ್ಲಿ ಡಾರ್ಮಿಟರಿ ಸೌಕರ್ಯಗಳನ್ನು ನೀಡಲಾಗಿತ್ತು. ಆದರೆ ಇದು ಪ್ರಯಾಣ ವೆಚ್ಚ ಮತ್ತು ಜೀವನ ವೆಚ್ಚವನ್ನು ಒಳಗೊಂಡಿರುವುದಿಲ್ಲ.

ಬೋಧನಾ ಶುಲ್ಕ

• ಬ್ಯಾಚುಲರ್ ಪದವಿಯ ಪೂರ್ಣ ಸಮಯದ ತರಬೇತಿಗೆ ವರ್ಷಕ್ಕೆ ಸುಮಾರು 240-260 ಸಾವಿರ ರೂಬಲ್ಸ್ * ($ 3,430-3,715) ವೆಚ್ಚವಾಗುತ್ತದೆ.
• ಕನಿಷ್ಠ ವೆಚ್ಚ ವರ್ಷಕ್ಕೆ 122,500 ರೂಬಲ್ಸ್ಗಳು ($ 1,750)
• ಗರಿಷ್ಠ ವೆಚ್ಚ ವರ್ಷಕ್ಕೆ 880,000 ರೂಬಲ್ಸ್ಗಳು ($ 12,570)

ಕನಿಷ್ಠ ಐದು ವರ್ಷಗಳ ತರಬೇತಿಯ ನಂತರ ತಜ್ಞರ ಪದವಿಯನ್ನು ನೀಡಲಾಗುತ್ತದೆ.

• ತಜ್ಞರ ಪದವಿಯ (Specialist Degree) ಪೂರ್ಣ ಸಮಯದ ತರಬೇತಿಯ ವೆಚ್ಚವು ವರ್ಷಕ್ಕೆ ಸರಾಸರಿ 240-260 ಸಾವಿರ ರೂಬಲ್ಸ್ಗಳು ($ 3,430-3,715).
• ಕನಿಷ್ಠ ವೆಚ್ಚವು ವರ್ಷಕ್ಕೆ 122,5 ಸಾವಿರ ರೂಬಲ್ಸ್ಗಳು ($ 1,750).
• ಗರಿಷ್ಠ ವರ್ಷಕ್ಕೆ 632 580 ರೂಬಲ್ಸ್ಗಳು ($ 9,036).

ಮಾನ್ಯತೆ ಪಡೆದ ಕಾಲೇಜುಗಳು

ರಷ್ಯಾದಲ್ಲಿ ಸುಮಾರು 70 ವಿಶ್ವವಿದ್ಯಾನಿಲಯಗಳು ವೈದ್ಯರಿಗೆ ತರಬೇತಿ ನೀಡುತ್ತವೆ. ವಿಶೇಷ ವೈದ್ಯಕೀಯ ಅಧ್ಯಾಪಕರನ್ನು ಹೊಂದಿರುವ ಈ ವಿಶ್ವವಿದ್ಯಾಲಯಗಳಲ್ಲಿ ವಿದ್ಯಾರ್ಥಿಗಳಿಗೆ ಉನ್ನತ ಮಟ್ಟದ ಶಿಕ್ಷಣವನ್ನು ನೀಡುತ್ತದೆ. NBE ಒದಗಿಸಿದ FMGE ಅಭ್ಯರ್ಥಿಗಳ ಅಂಕಿಅಂಶಗಳ ಪ್ರಕಾರ ರಷ್ಯಾದಲ್ಲಿ ಕೆಲವು ಜನಪ್ರಿಯ MBBS ಕಾಲೇಜುಗಳ ಪಟ್ಟಿ,

• ಟಿವೆರ್ ಸ್ಟೇಟ್ ಮೆಡಿಕಲ್ ಯೂನಿವರ್ಸಿಟಿ (Tver State Medical University)
• ಸ್ಟಾವ್ರೊಪೋಲ್ ಸ್ಟೇಟ್ ಮೆಡಿಕಲ್ ಯೂನಿವರ್ಸಿಟಿ (Stavropol State Medical University)
• ವೋಲ್ಗೊಗ್ರಾಡ್ ಸ್ಟೇಟ್ ಮೆಡಿಕಲ್ ಯೂನಿವರ್ಸಿಟಿ (Volgograd State Medical University)
• ಸ್ಮೋಲೆನ್ಸ್ಕ್ ಸ್ಟೇಟ್ ಮೆಡಿಕಲ್ ಯೂನಿವರ್ಸಿಟಿ (Smolensk State Medical University)
• ಕಜಾನ್ ಸ್ಟೇಟ್ ಮೆಡಿಕಲ್ ಯೂನಿವರ್ಸಿಟಿ (Kazan State Medical University)
• ಕುರ್ಸ್ಕ್ ಸ್ಟೇಟ್ ಮೆಡಿಕಲ್ ಯೂನಿವರ್ಸಿಟಿ (Kursk State Medical University)
• ನಾರ್ದರ್ನ್ ಸ್ಟೇಟ್ ಮೆಡಿಕಲ್ ಯೂನಿವರ್ಸಿಟಿ (Northern State Medical University)
• ಪೆನ್ಜಾ ಸ್ಟೇಟ್ ಯೂನಿವರ್ಸಿಟಿ ಮೆಡಿಕಲ್ ಇನ್ಸ್ಟಿಟ್ಯೂಟ್ (Penza State University Medical Institute)
• ಬೆಲ್ಗೊರೊಡ್ ನ್ಯಾಷನಲ್ ರಿಸರ್ಚ್ ಯೂನಿವರ್ಸಿಟಿ ಮೆಡಿಕಲ್ ಇನ್ಸ್ಟಿಟ್ಯೂಟ್ (Belgorod National Research University Medical Institute)
• ಮೆಡಿಕಲ್ ಇನ್ಸ್ಟಿಟ್ಯೂಟ್ ಆಫ್ ಟಾಂಬೋವ್ ಸ್ಟೇಟ್ ಯೂನಿವರ್ಸಿಟಿ (Medical Institute of Tambov State University)

ಬೋಧನಾ ಮಾಧ್ಯಮ

ಸಾಮಾನ್ಯವಾಗಿ, ರಷ್ಯಾದಲ್ಲಿ MBSS ಅನ್ನು ಇಂಗ್ಲಿಷ್‌ನಲ್ಲಿ ಕಲಿಸಲಾಗುತ್ತದೆ. ಆದರೆ ರಷ್ಯನ್ ಭಾಷೆಯಲ್ಲಿ ಕೋರ್ಸ್ ಅನ್ನು ಕಲಿಸುವ ಕೆಲವು ಸಂಸ್ಥೆಗಳಿವೆ. ಇಂಗ್ಲಿಷ್‌ನಿಂದ ರಷ್ಯನ್‌ಗೆ ಸುಗಮ ಪರಿವರ್ತನೆಯನ್ನು ಖಚಿತಪಡಿಸಿಕೊಳ್ಳಲು ಅಂತರರಾಷ್ಟ್ರೀಯ ವಿದ್ಯಾರ್ಥಿಗಳಿಗೆ ವೈದ್ಯಕೀಯ ಅಧ್ಯಯನದ ಜೊತೆಗೆ ರಷ್ಯನ್ ಭಾಷೆಯನ್ನು ಸಹ ಕಲಿಸಲಾಗುತ್ತದೆ.