ವಿದೇಶದಲ್ಲಿ ಓದುವ ಕನಸೇ? ಬೆಂಗಳೂರಿನಲ್ಲಿ ಸೆ.06 ರಂದು ಬೃಹತ್ ಶೈಕ್ಷಣಿಕ ಮೇಳ; ಸಂಪೂರ್ಣ ವಿವರ ಇಲ್ಲಿದೆ!
ಕರ್ನಾಟಕ ಕೌಶಲ್ಯಾಭಿವೃದ್ಧಿ ಇಲಾಖೆ ಮತ್ತು KSDC ಆಯೋಜಿಸಿರುವ ಬೃಹತ್ ವಿದೇಶಿ ಶಿಕ್ಷಣ ಮೇಳವು ಬೆಂಗಳೂರಿನಲ್ಲಿ ಸೆಪ್ಟೆಂಬರ್ 6 ರಂದು ನಡೆಯಲಿದೆ. 75ಕ್ಕೂ ಹೆಚ್ಚು ವಿಶ್ವವಿದ್ಯಾಲಯಗಳು ಭಾಗವಹಿಸಲಿವೆ. ವಿದೇಶದಲ್ಲಿ ಉನ್ನತ ಶಿಕ್ಷಣ ಪಡೆಯಲು ಬಯಸುವ ವಿದ್ಯಾರ್ಥಿಗಳಿಗೆ ಇದು ಅತ್ಯುತ್ತಮ ಅವಕಾಶ. ಉಚಿತ ಸಮಾಲೋಚನೆ, ಕೋರ್ಸ್ ಆಯ್ಕೆ, ಅಡ್ಮಿಷನ್, ವೀಸಾ ನೆರವು ಮತ್ತು ಶೇ.50ರ ವರೆಗೆ ವಿದ್ಯಾರ್ಥಿವೇತನ ಮೌಲ್ಯಮಾಪನ ಈ ಮೇಳದಲ್ಲಿ ಲಭ್ಯವಿದೆ.
Updated on:Sep 02, 2026 | 3:10 PM
ಕರ್ನಾಟಕ ಸರ್ಕಾರದ ಕೌಶಲ್ಯಾಭಿವೃದ್ಧಿ, ಉದ್ಯಮಶೀಲತೆ ಮತ್ತು ಜೀವನೋಪಾಯ ಇಲಾಖೆ ಹಾಗೂ ಕರ್ನಾಟಕ ವೃತ್ತಿ ತರಬೇತಿ ಮತ್ತು ಕೌಶಲ್ಯಾಭಿವೃದ್ಧಿ ನಿಗಮದ ಜಂಟಿ ಆಶ್ರಯದಲ್ಲಿ ವಿದೇಶದಲ್ಲಿ ಉನ್ನತ ಶಿಕ್ಷಣ ಪಡೆಯಲು ಬಯಸುವ ವಿದ್ಯಾರ್ಥಿಗಳಿಗಾಗಿ ಬೃಹತ್ ಶೈಕ್ಷಣಿಕ ಮೇಳವನ್ನು ಆಯೋಜಿಸಲಾಗಿದೆ. ವಿಶ್ವದ ಪ್ರಸಿದ್ಧ ವಿಶ್ವವಿದ್ಯಾಲಯಗಳಲ್ಲಿ ಪದವಿ ಅಥವಾ ಸ್ನಾತಕೋತ್ತರ ಪದವಿ ಪೂರ್ಣಗೊಳಿಸುವ ಕನಸು ಹೊಂದಿರುವ ವಿದ್ಯಾರ್ಥಿಗಳಿಗೆ ಇದು ಅತ್ಯುತ್ತಮ ವೇದಿಕೆಯಾಗಿದೆ.
ಜಾಗತಿಕ ಶೈಕ್ಷಣಿಕ ಅವಕಾಶಗಳು ಮತ್ತು ಸ್ಕಾಲರ್ಶಿಪ್:
ಈ ಶಿಕ್ಷಣ ಮೇಳದಲ್ಲಿ ವಿಶ್ವದ 75 ಕ್ಕೂ ಹೆಚ್ಚು ಅಗ್ರಮಾನ್ಯ ವಿಶ್ವವಿದ್ಯಾಲಯಗಳು ಭಾಗವಹಿಸುತ್ತಿದ್ದು, ಆಸ್ಟ್ರೇಲಿಯಾ, ಅಮೆರಿಕ, ಯುನೈಟೆಡ್ ಕಿಂಗ್ಡಮ್, ಜರ್ಮನಿ, ಸಿಂಗಾಪುರ, ಯುಎಇ, ಐರ್ಲೆಂಡ್ ಮತ್ತು ನ್ಯೂಜಿಲ್ಯಾಂಡ್ ಸೇರಿದಂತೆ 10 ಕ್ಕೂ ಹೆಚ್ಚು ಪ್ರಮುಖ ದೇಶಗಳಲ್ಲಿ ವಿದ್ಯಾಭ್ಯಾಸ ಮಾಡಲು ಅವಕಾಶ ಕಲ್ಪಿಸಲಾಗಿದೆ. ವಿದ್ಯಾರ್ಥಿಗಳ ಶೈಕ್ಷಣಿಕ ಅರ್ಹತೆಯ ಆಧಾರದ ಮೇಲೆ ಶೇಕಡಾ 50 ರವರೆಗೆ ಆರ್ಥಿಕ ನೆರವು ಮತ್ತು ವಿದ್ಯಾರ್ಥಿವೇತನ ಪಡೆಯಲು ಸ್ಥಳದಲ್ಲೇ ಮೌಲ್ಯಮಾಪನ ಮಾಡಲಾಗುತ್ತದೆ.
ವಿದ್ಯಾರ್ಥಿಗಳಿಗೆ ಲಭ್ಯವಿರುವ ಪ್ರಮುಖ ಉಚಿತ ಸೇವೆಗಳು:
ಈ ಮೇಳಕ್ಕೆ ಆಗಮಿಸುವ ಅಭ್ಯರ್ಥಿಗಳಿಗೆ ಉಚಿತವಾಗಿ ವೈಯಕ್ತಿಕ ಸಮಾಲೋಚನೆ (Personal Counseling), ಕೋರ್ಸ್ಗಳ ಆಯ್ಕೆಯಲ್ಲಿ ಮಾರ್ಗದರ್ಶನ, ಅಡ್ಮಿಷನ್ ಹಾಗೂ ಅರ್ಜಿ ಸಲ್ಲಿಕೆ ಪ್ರಕ್ರಿಯೆಗೆ ಸಂಪೂರ್ಣ ನೆರವು ಸಿಗಲಿದೆ. ಇದರೊಂದಿಗೆ ವೀಸಾ (Visa) ಪ್ರಕ್ರಿಯೆ, ಶೈಕ್ಷಣಿಕ ಸಾಲ (Education Loan), ಆರೋಗ್ಯ ವಿಮೆ ಹಾಗೂ ಭಾಷಾ ನೈಪುಣ್ಯತೆಗೆ ಸಂಬಂಧಿಸಿದಂತೆ ತಜ್ಞರಿಂದ ಸಂಪೂರ್ಣ ಮಾರ್ಗದರ್ಶನವನ್ನು ಉಚಿತವಾಗಿ ನೀಡಲಾಗುತ್ತದೆ.
ಶೈಕ್ಷಣಿಕ ಮೇಳದ ದಿನಾಂಕ, ಸಮಯ ಮತ್ತು ಸ್ಥಳ ವಿವರ:
ಈ ಬೃಹತ್ ಶೈಕ್ಷಣಿಕ ಮೇಳವು ಸೆಪ್ಟೆಂಬರ್ 06 ರಂದು ಬೆಳಿಗ್ಗೆ 9.30 ರಿಂದ ಸಂಜೆ 05 ರವರೆಗೆ ಬೆಂಗಳೂರಿನ ಅರಮನೆ ಮೈದಾನದ ಗಾಯತ್ರಿ ವಿಹಾರ್ (ಗೇಟ್ ಸಂಖ್ಯೆ 4) ನಲ್ಲಿ ನಡೆಯಲಿದೆ. ಕಾರ್ಯಕ್ರಮಕ್ಕೆ ಪ್ರವೇಶ ಸಂಪೂರ್ಣ ಉಚಿತವಾಗಿದ್ದು, ವೈಯಕ್ತಿಕ ಸಮಾಲೋಚನೆಗೆ ಸೀಮಿತ ಅವಕಾಶಗಳು ಲಭ್ಯವಿರುತ್ತವೆ. ಉಚಿತ ಕೌನ್ಸೆಲಿಂಗ್ ಮತ್ತು ನೋಂದಣಿ ಪ್ರಕ್ರಿಯೆನಿಮ್ಮ ಕನಸಿನ ಶೈಕ್ಷಣಿಕ ಪಯಣವನ್ನು ಇಂದೇ ಆರಂಭಿಸಲು ಉಚಿತ ನೋಂದಣಿ ಮಾಡಿಕೊಳ್ಳಬಹುದು. ಹೆಚ್ಚಿನ ಮಾಹಿತಿಗಾಗಿ ಮತ್ತು ಕೌನ್ಸೆಲಿಂಗ್ಗಾಗಿ 7338674791, 7338674794, 7338674798, 7338674792 ಫೋನ್ ಸಂಖ್ಯೆಗಳನ್ನು ಸಂಪರ್ಕಿಸಬಹುದು. ಆನ್ಲೈನ್ ಮೂಲಕ ನೋಂದಾಯಿಸಿಕೊಳ್ಳಲು ಅಧಿಕೃತ ವೆಬ್ಸೈಟ್ studyabroad.ksdckarnataka.com ಗೆ ಭೇಟಿ ನೀಡಿ.
ಶಿಕ್ಷಣಕ್ಕೆ ಸಂಬಂಧಿಸಿದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 11:51 am, Wed, 2 September 26
