20 ವರ್ಷಗಳ ಹಿಂದೆ ನಟಿ ಮಾಡಿದ ಕುಹಕದ ಮಾತಿನಿಂದ ಸಿಕ್ಸ್ ಪ್ಯಾಕ್ ಮಾಡಿದ್ದ ಅಲ್ಲು ಅರ್ಜುನ್
ಅಲ್ಲು ಅರ್ಜುನ್ ಅವರು 20 ವರ್ಷಗಳ ಹಿಂದೆ ನಟಿಯೊಬ್ಬರ ಕುಹಕದ ಮಾತಿನಿಂದ ಪ್ರೇರಣೆ ಪಡೆದು ಸಿಕ್ಸ್ ಪ್ಯಾಕ್ ಮಾಡಿದ್ದಾಗಿ ಹೇಳಿಕೊಂಡಿದ್ದಾರೆ. ದಕ್ಷಿಣ ಭಾರತದ ನಟರಲ್ಲಿ ಮೊದಲು ಸಿಕ್ಸ್ ಪ್ಯಾಕ್ ತೋರಿಸಿದವರು ತಾವೇ ಎಂದು ಅವರು ಹೇಳಿಕೊಂಡಿದ್ದಾರೆ. ಈ ಘಟನೆಯ ಬಗ್ಗೆ ಅವರು ಇತ್ತೀಚೆಗೆ ವರ್ಲ್ಡ್ ಆಡಿಯೋ ವಿಶ್ಯುವಲ್ ಎಂಟರ್ಟೈನ್ಮೆಂಟ್ ಸಮ್ಮೇಳನದಲ್ಲಿ ಮಾತನಾಡಿದ್ದಾರೆ.
Updated on: May 03, 2025 | 3:53 PM
ನಟ ಅಲ್ಲು ಅರ್ಜುನ್ (Allu Arjun) ಅವರು ಸಖತ್ ಸ್ಟೈಲಿಶ್ ಆಗಿ ಕಾಣಿಸಿಕೊಳ್ಳುತ್ತಾರೆ. ಅವರು ಅನೇಕ ಸೂಪರ್ ಹಿಟ್ ಚಿತ್ರಗಳನ್ನು ನೀಡಿದ್ದಾರೆ. ವರ್ಕೌಟ್ ವಿಚಾರಕ್ಕೆ ಬಂದರೆ ಅವರು ಎಂದಿಗೂ ಜಿಮ್ನ ಮಿಸ್ ಮಾಡುವುದೇ ಇಲ್ಲ. ಈಗ ಅಲ್ಲು ಅರ್ಜುನ್ ಅವರು ‘ವರ್ಲ್ಡ್ ಆಡಿಯೋ ವಿಶ್ಯುವಲ್ ಎಂಟರ್ಟೇನ್ಮೆಂಟ್ ಸಮಿತ್’ನ (ವೇವ್ಸ್) ಭಾಗವಾದರು. ಈ ವೇಳೆ ಅವರು ತಾವು ಸಿಕ್ಸ್ ಪ್ಯಾಕ್ ಮಾಡಿದ ಘಟನೆಯನ್ನು ನೆನಪಿಸಿಕೊಂಡಿದ್ದಾರೆ.
2 ದಶಕಗಳ ಹಿಂದೆ ಬಾಲಿವುಡ್ನಲ್ಲಿ ಸಿಕ್ಸ್ ಪ್ಯಾಕ್ ಮಾಡಿ ಮಿಂಚೋ ಟ್ರೆಂಡ್ ಇತ್ತು. ಅನೇಕ ಹೀರೋಗಳು ಶರ್ಟ್ಲೆಸ್ ಆಗಿ ಕಾಣಿಸಿಕೊಳ್ಳುತ್ತಿದ್ದರು. ದಕ್ಷಿಣದವರು ಆ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಂಡಿರಲಿಲ್ಲ. ಆದರೆ, ಈ ಟ್ರೆಂಡ್ನ ದಕ್ಷಿಣದಲ್ಲಿ ಫಾಲೋ ಮಾಡಿದ ಮೊದಲಿಗರು ತಾವು ಎಂದು ಅಲ್ಲು ಅರ್ಜುನ್ ಹೇಳಿಕೊಂಡಿದ್ದಾರೆ.
‘20 ವರ್ಷಗಳ ಹಿಂದೆ ಬೇರೆ ಯಾರೊಬ್ಬರೂ ಮಾಡಿರದೇ ಇದ್ದಿದ್ದನ್ನು ನಾನು ಮಾಡಿದ್ದೆ. ದಕ್ಷಿಣದ ಯಾವುದೇ ನಟರು ಸಿಕ್ಸ್ ಪ್ಯಾಕ್ನಲ್ಲಿ ಕಾಣಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ನಟಿಯೊಬ್ಬರು ಹೇಳಿದ್ದರು. ಇದನ್ನು ನಾನು ಮೋಟಿವ್ ಆಗಿ ತೆಗೆದುಕೊಂಡೆ. ಸಿಕ್ಸ್ ಪ್ಯಾಕ್ ಮಾಡಿದೆ. ನಾನು ಅದನ್ನು ಮಾಡಿದ್ದು ಜನರಿಗಾಗಿ’ ಎಂದು ಅವರು ಹೇಳಿದ್ದಾರೆ.
ಅಚ್ಚರಿಯ ಸಂಗತಿ ಎಂದರೆ ಈ ರೀತಿ ಹೇಳಿಕೆ ಕೊಟ್ಟಿದ್ದು ಅಲ್ಲು ಅರ್ಜುನ್ ಜೊತೆ ನಟಿಸಿದ ಹೀರೋಯಿನ್. ಆದರೆ, ಅವರು ಯಾರು ಎಂಬುದನ್ನು ಅಲ್ಲು ಅರ್ಜುನ್ ಅವರು ರಿವೀಲ್ ಮಾಡಿಲ್ಲ. ಅಲ್ಲು ಅರ್ಜುನ್ ಅವರು ‘ಗಂಗೋತ್ರಿ’, ‘ಆರ್ಯ’, ‘ಬನ್ನಿ’ ಹ್ಯಾಪಿ ಸಿನಿಮಾಗಳಲ್ಲಿ ರೊಮ್ಯಾಂಟಿಕ್ ಹೀರೋ ಪಾತ್ರ ಮಾಡಿದ್ದರು. ಆ ಬಳಿಕದ ಪಾತ್ರಗಳಲ್ಲಿ ಅವರು ಶರ್ಟ್ಲೆಸ್ ಆಗಿ ಕಾಣಿಸಿಕೊಂಡಿದ್ದರು.
ಇದನ್ನೂ ಓದಿ: ‘ನಮಗೆ ಈಗ ವೇದಿಕೆ ಸಿಕ್ಕಿದೆ’; ವೇವ್ಸ್ ಬಗ್ಗೆ ಅಲ್ಲು ಅರ್ಜುನ್ ಮಾತು
ಅಲ್ಲು ಅರ್ಜುನ್ ಅವರು 2020ರಲ್ಲಿ ‘ಅಲಾ ವೈಕುಂಟಪುರಮುಲೋ’ ಸಿನಿಮಾ ಮಾಡಿದರು. ಆ ಬಳಿಕ ತಮ್ಮ ಜೀವನದ ಅತ್ಯಮೂಲ್ಯ ಐದು ವರ್ಷವರನ್ನು ‘ಪುಷ್ಪ’ ಹಾಗೂ ‘ಪುಷ್ಪ 2’ ಚಿತ್ರಕ್ಕಾಗಿ ಮೀಸಲಿಟ್ಟರು. ಈಗ ಅವರು ಅಟ್ಲಿ ಜೊತೆ ಸಿನಿಮಾ ಮಾಡುತ್ತಿದ್ದಾರೆ. ಈ ಚಿತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆಗಳು ಇವೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
