‘ಕೆಜಿಎಫ್ 2’ ಜತೆಗಿನ ರೇಸ್ನಿಂದ ಹಿಂದೆ ಸರಿದ ‘ಲಾಲ್ ಸಿಂಗ್ ಛಡ್ಡಾ’; ಆಮಿರ್ ಖಾನ್ ನೀಡಿದ ಕಾರಣ ಏನು?

‘ಕೆಜಿಎಫ್ 2’ ಎದುರು ‘ಲಾಲ್ ಸಿಂಗ್ ಛಡ್ಡಾ’ ಸಿನಿಮಾ ತೆರೆಗೆ ತರುತ್ತಿರುವುದಕ್ಕೆ ಆಮಿರ್ ಖಾನ್ ಅವರು ಕ್ಷಮೆ ಕೇಳಿದ್ದರು. ನಮ್ಮ ಮಧ್ಯೆ ಇರುವುದು ಆರೋಗ್ಯಕರ ಸ್ಪರ್ಧೆ ಎಂದು ಹೇಳಿದ್ದರು. ‘ಕೆಜಿಎಫ್ 2’ ಎದುರು ತೆರೆಗೆ ಬಂದರೆ ಆಮಿರ್ ಖಾನ್ ಸಿನಿಮಾ ಸೋಲಲಿದೆ ಎಂದು ಅನೇಕರು ಭವಿಷ್ಯ ನುಡಿದಿದ್ದರು.

ಆಮಿರ್ ಖಾನ್-ಯಶ್

TV9 Web | Edited By: ರಾಜೇಶ್ ದುಗ್ಗುಮನೆ|
Updated on:Feb 15, 2022 | 5:40 PM

ಏಪ್ರಿಲ್ 14ರಂದು ‘ಕೆಜಿಎಫ್ 2’ ಸಿನಿಮಾ (KGF Chapter 2) ತೆರೆಗೆ ಬರುತ್ತಿದೆ. ಈ ಸಿನಿಮಾದ ಎದುರು ಆಮಿರ್ ಖಾನ್ (Aamir Khanb) ನಟನೆಯ ‘ಲಾಲ್ ಸಿಂಗ್ ಛಡ್ಡಾ’ (Laal Singh Chaddha) ತೆರೆಗೆ ಬರಬೇಕಿತ್ತು. ಎರಡೂ ಸಿನಿಮಾಗಳ ನಡುವೆ ದೊಡ್ಡ ಕ್ಲ್ಯಾಶ್ ಏರ್ಪಡಲಿದೆ ಎಂದು ಎಲ್ಲರೂ ಲೆಕ್ಕಾಚಾರ ಹಾಕಿಕೊಂಡಿದ್ದರು. ಆದರೆ, ಈಗ ಈ ರೇಸ್ನಿಂದ ಆಮಿರ್ ಖಾನ್ ಸಿನಿಮಾ ಹಿಂದೆ ಸರಿದಿದೆ. ಇದರಿಂದ ‘ಕೆಜಿಎಫ್ 2’ ಸಿನಿಮಾಗೆ ಮತ್ತಷ್ಟು ಚಿತ್ರಮಂದಿರಗಳು ಸಿಗುವ ಸಾಧ್ಯತೆ ಇದೆ. ‘ಲಾಲ್ ಸಿಂಗ್ ಛಡ್ಡಾ’ ಸಿನಿಮಾದ ರಿಲೀಸ್ ದಿನಾಂಕ ಆಗಸ್ಟ್ ತಿಂಗಳಿಗೆ ಮುಂದೂಡಲ್ಪಟ್ಟಿದೆ.

‘ಕೆಜಿಎಫ್ 2’ ಸಿನಿಮಾ ಬಗ್ಗೆ ದೊಡ್ಡ ಮಟ್ಟದ ನಿರೀಕ್ಷೆ ಇದೆ. ಯಶ್ ನಟನೆಯ ಈ ಚಿತ್ರಕ್ಕೆ ಪ್ರಶಾಂತ್ ನೀಲ್ ನಿರ್ದೇಶನವಿದೆ. ಈಗಾಗಲೇ ‘ಕೆಜಿಎಫ್’ ಸಿನಿಮಾ ದೊಡ್ಡ ಮಟ್ಟದಲ್ಲಿ ಹಿಟ್ ಆಗಿರುವುದರಿಂದ ಪಾರ್ಟ್ 2 ಬಗ್ಗೆ ಕುತೂಹಲ ಮೂಡುವುದು ಸಹಜ. ಈಗಾಗಲೇ ‘ಕೆಜಿಎಫ್ 2’ ಸಿನಿಮಾದ ಟೀಸರ್ ಸಾಕಷ್ಟು ಹವಾ ಸೃಷ್ಟಿ ಮಾಡಿದೆ. ಈ ಚಿತ್ರದಲ್ಲಿ ಸಂಜಯ್ ದತ್ ಹಾಗೂ ರವೀನಾ ಟಂಡನ್ ನಟಿಸಿರುವುದರಿಂದ ಸಿನಿಮಾಗೆ ದೊಡ್ಡ ಮೈಲೇಜ್ ಸಿಕ್ಕಿದೆ. ಹಿಂದಿಯಲ್ಲೂ ಈ ಸಿನಿಮಾ ದೊಡ್ಡ ಮಟ್ಟದಲ್ಲೇ ರಿಲೀಸ್ ಆಗುತ್ತಿದೆ. ಈಗ ‘ಕೆಜಿಎಫ್ 2’ಗೆ ಆಮೀರ್ ಖಾನ್ ಅವರು ಹಾದಿ ಮಾಡಿಕೊಟ್ಟಿದ್ದಾರೆ.

‘ಕೆಜಿಎಫ್ 2’ ಎದುರು ‘ಲಾಲ್ ಸಿಂಗ್ ಛಡ್ಡಾ’ ಸಿನಿಮಾ ತೆರೆಗೆ ತರುತ್ತಿರುವುದಕ್ಕೆ ಆಮಿರ್ ಖಾನ್ ಅವರು ಕ್ಷಮೆ ಕೇಳಿದ್ದರು. ನಮ್ಮ ಮಧ್ಯೆ ಇರುವುದು ಆರೋಗ್ಯಕರ ಸ್ಪರ್ಧೆ ಎಂದು ಹೇಳಿದ್ದರು. ‘ಕೆಜಿಎಫ್ 2’ ಎದುರು ತೆರೆಗೆ ಬಂದರೆ ಆಮಿರ್ ಖಾನ್ ಸಿನಿಮಾ ಸೋಲಲಿದೆ ಎಂದು ಅನೇಕರು ಭವಿಷ್ಯ ನುಡಿದಿದ್ದರು. ಆದರೆ, ಈಗ ಆಮಿರ್ ಖಾನ್ ಸಿನಿಮಾದ ರಿಲೀಸ್ ದಿನಾಂಕವೇ ಮುಂದೂಡಲ್ಪಟ್ಟಿದೆ.

#LaalSinghChaddha @Viacom18Studios @TSeries pic.twitter.com/dZBVkNiIyc

— Aamir Khan Productions (@AKPPL_Official) February 15, 2022

‘ನಮ್ಮ ಚಿತ್ರ ‘ಲಾಲ್ ಸಿಂಗ್ ಛಡ್ಡಾ’ ಏಪ್ರಿಲ್ 14 ರಂದು ಬಿಡುಗಡೆಯಾಗುತ್ತಿಲ್ಲ. ಸಿನಿಮಾ ಕೆಲಸಗಳು ಮುಗಿಯಲು ಸಾಧ್ಯವಾಗದೇ ಇರುವುದೇ ಇದಕ್ಕೆ ಕಾರಣ. ಆಗಸ್ಟ್ 11, 2022ರಂದು ವಿಶ್ವದಾದ್ಯಂತ ಈ ಚಿತ್ರ ಬಿಡುಗಡೆಯಾಗಲಿದೆ’ ಎಂದು ಚಿತ್ರತಂಡ ಪ್ರಕಟಣೆಯಲ್ಲಿ ತಿಳಿಸಿದೆ. ಪ್ರಭಾಸ್ ನಟನೆಯ ‘ಆದಿಪುರಷ್’ ಚಿತ್ರ ಆಗಸ್ಟ್ ಸಂದರ್ಭದಲ್ಲಿ ತೆರೆಗೆ ಬರುವ ನೀರಿಕ್ಷೆ ಇದೆ. ಆಮಿರ್ ಖಾನ್ ಹಾಗೂ ಪ್ರಭಾಸ್ ಸಿನಿಮಾ ನಡುವೆ ಸ್ಪರ್ಧೆ ಏರ್ಪಡುವ ಸಾಧ್ಯತೆ ಇದೆ ಎಂದು ಅಂದಾಜಿಸಲಾಗಿದೆ.

ಆಮಿರ್ ಖಾನ್ ಚಿತ್ರ ರೇಸ್ನಿಂದ ಹಿಂದೆ ಸರಿಯುವ ಘೋಷಣೆ ಮಾಡಿದ ಬೆನ್ನಲ್ಲೇ ಶಾಹಿದ್ ಕಪೂರ್ ನಟನೆಯ ‘ಜೆರ್ಸಿ’ ಸಿನಿಮಾ ಏಪ್ರಿಲ್ 14ರಂದು ತೆರೆಗೆ ಬರುವ ಬಗ್ಗೆ ಘೋಷಣೆ ಮಾಡಿದೆ. ‘ಕೆಜಿಎಫ್ 2’ ಹಾಗೂ ‘ಜೆರ್ಸಿ’ ನಡುವೆ ಈಗ ಸ್ಪರ್ಧೆ ಏರ್ಪಡುತ್ತಿದೆ.

So so happy to announce that our beloved film #Jersey will be releasing worldwide in theatres on the 14th of April 2022. See you in the theatres.

— Shahid Kapoor (@shahidkapoor) February 15, 2022