ಮಿತಿ ಮೀರಿತಾ ಮಾದಕತೆ? ನಟಿ ನೋರಾ ಫತೇಹಿ ಡ್ರೆಸ್​ ನೋಡಿ ಕ್ಲಾಸ್​ ತೆಗೆದುಕೊಂಡ ನೆಟ್ಟಿಗರು

ನಟಿ ನೋರಾ ಫತೇಹಿ ಅವರಿಗೆ ಕೋಟ್ಯಂತರ ಅಭಿಮಾನಿಗಳಿದ್ದಾರೆ. ಅವರ ಡ್ಯಾನ್ಸ್​ ನೋಡಿ ಮರುಳಾಗದವರೇ ಇಲ್ಲ. ಇನ್ನು, ಅವರ ಮೈಮಾಟ ಕಂಡು ಪಡ್ಡೆಗಳು ನಿದ್ದೆ ಕೆಡಿಸಿಕೊಂಡಿದ್ದಾರೆ. ಹಾಟ್​ ಅವತಾರದ ಕಾಸ್ಟ್ಯೂಮ್​ ಧರಿಸಿ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುವುದು ನೋರಾ ಫತೇಹಿಗೆ ದೊಡ್ಡ ವಿಷಯವೇ ಅಲ್ಲ. ಆದರೆ ಈ ಬಾರಿ ಅವರು ಧರಿಸಿರುವ ಒಂದು ಡ್ರೆಸ್​ನಿಂದಾಗಿ ನೆಟ್ಟಿಗರು ಅಸಮಾಧಾನ ವ್ಯಕ್ತಪಡಿಸುವಂತಾಗಿದೆ. ಕಮೆಂಟ್​ಗಳ ಮೂಲಕ ಜನರು ಕಟು ಟೀಕೆ ಮಾಡುತ್ತಿದ್ದಾರೆ. ಹಾಟ್​ ಬೆಡಗಿಯನ್ನು ಮನಬಂದಂತೆ ಟ್ರೋಲ್​ ಮಾಡಲಾಗುತ್ತಿದೆ.

ಇತ್ತೀಚೆಗೆ ನಡೆದ ಒಂದು ಫ್ಯಾಷನ್​ ಶೋನಲ್ಲಿ ನೋರಾ ಫತೇಹಿ ಭಾಗವಹಿಸಿದ್ದರು. ಅದಕ್ಕಾಗಿ ಅವರು ಆಯ್ಕೆ ಮಾಡಿಕೊಂಡಿದ್ದ ಬಟ್ಟೆ ತುಂಬ ಬೋಲ್ಡ್​​ ಆಗಿತ್ತು. ಎದೆ ಭಾಗ ಹೆಚ್ಚು ಕಾಣುವಂತಹ ಕಾಸ್ಟ್ಯೂಮ್​ ಧರಿಸಿ ಅವರು ಕ್ಯಾಟ್​ ವಾಕ್​ ಮಾಡಿದರು. ಅಲ್ಲದೇ ಆ ಫೋಟೋಗಳನ್ನು ತಮ್ಮ ಸೋಶಿಯಲ್​ ಮೀಡಿಯಾ ಖಾತೆಗಳಲ್ಲಿ ಹಂಚಿಕೊಂಡು ಸುಮ್ಮನಾದರು. ಆದರೆ ಅದನ್ನು ನೋಡಿದ ಅಭಿಮಾನಿಗಳು ಸುಮ್ಮನಾಗಿಲ್ಲ. ಕೆಲವರಿಗೆ ಈ ಅವತಾರ ಸಖತ್​ ಇಷ್ಟ ಆಗಿದೆ. ಭಾರಿ ಮೆಚ್ಚುಗೆ ಸೂಚಿಸಿ ಕಮೆಂಟ್ ಮಾಡುತ್ತಿದ್ದಾರೆ. ಆದರೆ ಇನ್ನೊಂದು ವರ್ಗದ ನೆಟ್ಟಿಗರು ಹಿಗ್ಗಾಮುಗ್ಗ ಕ್ಲಾಸ್​ ತೆಗೆದುಕೊಳ್ಳುತ್ತಿದ್ದಾರೆ.

‘ಟೇಲರ್​ಗೆ ನೋರಾ ಪೂರ್ತಿ ಬಟ್ಟೆ ಕೊಟ್ಟಿದ್ದರೆ ಅವನು ಸರಿಯಾಗಿ ಹೊಲಿದು ಕೊಡುತ್ತಿದ್ದ. ಈ ರೀತಿ ಖಾಲಿ ಬಿಡುತ್ತಿರಲಿಲ್ಲ’ ಎಂದು ನೆಟ್ಟಿಗರೊಬ್ಬರು ಕಾಲೆಳೆದಿದ್ದಾರೆ. ಇನ್ನೂ ಕೆಲವರಂತೂ ತುಂಬ ಖಾರವಾಗಿ ಕಮೆಂಟ್​ ಮಾಡಿದ್ದಾರೆ. ‘ಬಟ್ಟೆ ಹಾಕಿಕೊಳ್ಳದೇ ಬಂದಿದ್ದರೆ ನಿಮಗೆ ಹೆಚ್ಚು ಲೈಕ್ಸ್​ ಸಿಗುತ್ತಿತ್ತು’ ಎಂದು ವ್ಯಂಗ್ಯ ಮಾಡಲಾಗಿದೆ. ‘ಮರ್ಯಾದೆ ಎಂದರೆ ಏನೆಂದು ತಿಳಿದುಕೊಳ್ಳಿ’ ಎಂದು ಜನರು ಗರಂ ಆಗಿದ್ದಾರೆ. ಸದ್ಯಕ್ಕಂತೂ ಅವರು ಫೋಟೋಗಳು ಸಿಕ್ಕಾಪಟ್ಟೆ ವೈರಲ್​ ಆಗುತ್ತಿವೆ.

ಇದಕ್ಕೆಲ್ಲ ನೋರಾ ಫತೇಹಿ ತಲೆ ಕೆಡಿಸಿಕೊಂಡಿಲ್ಲ. ಅವರು ತಮ್ಮ ಕೆಲಸದ ಕಡೆಗೆ ಗಮನ ಹರಿಸಿದ್ದಾರೆ. ಬಾಲಿವುಡ್​ ಐಟಂ ಡ್ಯಾನ್ಸ್​ ಜಗತ್ತಿನಲ್ಲಿ ಅವರೀಗ ನಂಬರ್​ ಒನ್​ ಆಗಿ ಮಿಂಚುತ್ತಿದ್ದಾರೆ. ‘ಓ ಸಾಕಿ..’, ‘ದಿಲ್​ ಬರ್​ ದಿಲ್​ ಬರ್​..’, ‘ಹಾಯ್​ ಗರ್ಮಿ..’ ಮುಂತಾದ ಹಾಡುಗಳ ಯಶಸ್ಸಿನಿಂದಾಗಿ ಅವರು ಕೋಟ್ಯಂತರ ಅಭಿಮಾನಿಗಳು ಸಂಪಾದಿಸಿದ್ದಾರೆ. ಇನ್​ಸ್ಟಾಗ್ರಾಮ್​ನಲ್ಲಿ ಅವರನ್ನು ಮೂರು ಕೋಟಿಗೂ ಅಧಿಕ ಜನರು ಫಾಲೋ ಮಾಡುತ್ತಿದ್ದಾರೆ.

ಇದನ್ನೂ ಓದಿ:

ನೋರಾ ಫತೇಹಿ ಡ್ರೆಸ್​ ನೋಡಿ ಅಚ್ಚರಿಗೊಂಡ ಫ್ಯಾನ್ಸ್​; ಇಲ್ಲಿವೆ ಫೋಟೋಗಳು

ಹಿಂದಿ ಭಾಷಿಕರಿಂದ ಅವಮಾನಕ್ಕೆ ಒಳಗಾಗಿ ಕಣ್ಣೀರು ಹಾಕಿದ್ದ ಈ ನಟಿ ಇಂದು ಬಾಲಿವುಡ್​ನ ಸ್ಟಾರ್​ ಕಲಾವಿದೆ!