Sunny Leone: ನೆಚ್ಚಿನ ಅಭಿಮಾನಿಗಳಿಗೆ ಕುಳಿತಲ್ಲೇ ಮಾಲ್ಡೀವ್ಸ್ ದರ್ಶನ ಮಾಡಿಸಿದ ಸನ್ನಿ ಲಿಯೋನ್

ಬಾಲಿವುಡ್ನ ಮಾದಕ ತಾರೆ ಸನ್ನಿ ಲಿಯೋನ್ ತಮ್ಮ ಕುಟುಂಬದವರೊಂದಿಗೆ ಮಾಲ್ಡೀವ್ಸ್ಗೆ ತೆರಳಿದ್ದಾರೆ. ಅಲ್ಲಿ ಕಳೆಯುತ್ತಿರುವ ಸುಂದರ ಕ್ಷಣಗಳ ವಿಡಿಯೊ ಹಾಗೂ ಫೊಟೊಗಳನ್ನು ಅವರು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.

ಮಾಲ್ಡೀವ್ಸ್ನಲ್ಲಿ ಸನ್ನಿ ಲಿಯೋನ್ (Credits: Sunny Leone/ Instagram)

TV9 Web | Updated By: shivaprasad.hs|
Updated on: Sep 02, 2021 | 10:00 AM

ಚಿತ್ರರಂಗದ ತಾರೆಯರಿಗೆ ಮಾಲ್ಡೀವ್ಸ್ ಅಚ್ಚುಮೆಚ್ಚಿನ ತಾಣ. ಚಿತ್ರೀಕರಣದಿಂದ ಬಿಡುವು ಪಡೆದುಕೊಂಡು ಮಾಲ್ಡೀವ್ಸ್ಗೆ ತೆರಳಿ, ಕುಟುಂಬದವರೊಂದಿಗೆ ಸಂತಸದ ಕ್ಷಣಗಳನ್ನು ಕಳೆಯುತ್ತಾರೆ. ಇದೀಗ ಬಾಲಿವುಡ್ ತಾರೆ ಸನ್ನಿ ಲಿಯೋನ್ ತಮ್ಮ ಕುಟುಂಬದವರೊಂದಿಗೆ ಮಾಲ್ಡೀವ್ಸ್ಗೆ ಹಾರಿದ್ದಾರೆ. ಅಲ್ಲಿ ಕಳೆಯುತ್ತಿರುವ ಸುಂದರ ಸಮಯವನ್ನು ಹಾಗೂ ನಿಸರ್ಗ ಸೌಂದರ್ಯವನ್ನು ಸೆರೆಹಿಡಿದು ಸಾಮಾಜಿಕ ಜಾಲತಾಣಗಳಲ್ಲಿ ಅವರು ಹಂಚಿಕೊಳ್ಳುತ್ತಿದ್ದಾರೆ. ಈ ಮೂಲಕ ಅಭಿಮಾನಿಗಳು ಕುಳಿತಲ್ಲಿಗೇ ಮಾಲ್ಡೀವ್ಸ್ ದರ್ಶನ ಮಾಡಿಸುತ್ತಿದ್ದಾರೆ.

ಸನ್ನಿ ತಮ್ಮ ಪತಿ ಡೇನಿಯಲ್ ವೆಬರ್ ಹಾಗೂ ಮಕ್ಕಳಾದ ನಿಶಾ, ನೋಹ್ ಹಾಗೂ ಆಷರ್ ಜೊತೆ ಮಾಲ್ಡೀವ್ಸ್ನಲ್ಲಿದ್ದಾರೆ. ಇತ್ತೀಚೆಗಷ್ಟೇ ಹಂಚಿಕೊಂಡಿರುವ ವಿಡಿಯೊವೊಂದರಲ್ಲಿ ಸನ್ನಿ, ‘ಸ್ವರ್ಗಕ್ಕೆ ಸ್ವಾಗತ. ಇದು ಪಾರ್ಟಿಯ ಸಮಯ ಮತ್ತು ಜೀವನವನ್ನು ಆನಂದಿಸುವ ಕಾಲ’ ಎಂದು ಬರೆದುಕೊಂಡು ವಿಡಿಯೊವೊಂದನ್ನು ಹಂಚಿಕೊಂಡಿದ್ದಾರೆ. ಮತ್ತೊಂದು ವಿಡಿಯೊದಲ್ಲಿ ಸನ್ನಿ ಉಪಾಹಾರ ಸೇವಿಸುತ್ತಿರುವ ವಿಡಿಯೊವೊಂದನ್ನು ಹಂಚಿಕೊಂಡಿದ್ದಾರೆ.

ಸನ್ನಿ ಹಂಚಿಕೊಂಡ ವಿಡಿಯೊ ಇಲ್ಲಿದೆ:

Welcome to heaven!!! No riff-raff allowed!! Except me! Time to party and celebrate life!#olhuveli #sunsiyamresorts #sunsiyam #travelwithasyouplan #zenasiatravel #SunnyLeone pic.twitter.com/zpOMvNnNcd

— sunnyleone (@SunnyLeone) August 31, 2021

Hello Maldives!! . . .@sunsiyamresorts @zenasiatravel @AsYouPlan @puremaldives #SunnyLeone #olhuveli #sunsiyamresorts #sunsiyam #travelwithasyouplan #zenasiatravel pic.twitter.com/iTuih0JYKx

— sunnyleone (@SunnyLeone) September 1, 2021

ತಾವು ತಂಗಿರುವ ರೆಸಾರ್ಟ್ನ ವಿಡಿಯೊವೊಂದನ್ನೂ ಹಂಚಿಕೊಂಡಿರುವ ಬಾಲಿವುಡ್ನ ಮಾದಕ ನಟಿ, ‘ಈ ತಾಣಕ್ಕೆ(ಓಷನ್ ಸ್ಪಾ) ಫಿಲ್ಟರ್ಗಳ ಅಗತ್ಯವೇ ಇಲ್ಲ. ನಿಜವಾಗಿಯೂ ಇದು ಅದ್ಭುತವಾಗಿದೆ. ದಿನವೂ ಇಲ್ಲಿಗೆ ಬರಬೇಕು ಎಂಬ ಬಯಕೆಯಾಗುತ್ತದೆ’ ಎಂದು ಬರೆದುಕೊಂಡಿದ್ಧಾರೆ. ಈ ಓಷನ್ ಸ್ಪಾವನ್ನು ಸಮುದ್ರದ ಮೇಲೆ ನಿರ್ಮಿಸಲಾಗಿದ್ದು, ಸುತ್ತಲೂ ತಿಳಿ ನೀಲಿ ಬಣ್ಣದ ಸಮುದ್ರವಿದೆ. ಆದ್ದರಿಂದಲೇ ಇದು ತಾರೆಗಳ ನೆಚ್ಚಿನ ತಾಣವಾಗಿದೆ.