ಈ ಫೋಟೋದಲ್ಲಿರೋ ಬಾಲಕಿ ಈಗ ಸ್ಟಾರ್ ನಟಿ? ಹಿಂಟ್: ಸುದೀಪ್ ಜೊತೆಯೂ ನಟಿಸಿದ್ದಾರೆ

ಬಾಲ್ಯದ ಫೋಟೋಗಳನ್ನು ಕಂಡರೆ ಫ್ಯಾನ್ಸ್​ಗೆ ಎಲ್ಲಿಲ್ಲದ ಖುಷಿ. ಈ ರೀತಿಯ ಫೋಟೋಗಳಿಗಾಗಿ ಫ್ಯಾನ್ಸ್ ಕಾಯುತ್ತಾ ಇರುತ್ತಾರೆ. ಈಗ ಸ್ಟಾರ್ ನಟಿಯ ಫೋಟೋ ಒಂದು ಅವರ ಜನ್ಮದಿನದ ಪ್ರಯುಕ್ತ ವೈರಲ್ ಆಗಿದೆ. ಅವರು ಶ್ರೀಲಂಕಾದಲ್ಲಿ ಹುಟ್ಟಿ ಬೆಳೆದಿದ್ದು. ಆ ಬಳಿಕ ಭಾರತಕ್ಕೆ ಬಂದು ಸೆಟಲ್ ಆದರು. ವಿವಾದಗಳ ಮೂಲಕವೂ ಅವರು ಆಗಾಗ ಸುದ್ದಿ ಆಗುತ್ತಾರೆ. ಹಾಗಾದರೆ ಅವರು ಯಾರು ಎಂಬುದನ್ನು ಪತ್ತೆ ಹಚ್ಚುತ್ತೀರಾ? ಅವರು ಬೇರಾರೂ ಅಲ್ಲ ನಟಿ ಜಾಕ್ವೆಲಿನ್ ಫರ್ನಾಂಡಿಸ್.

ಜಾಕ್ವೆಲಿನ್ ಅವರಿಗೆ ಇಂದು (ಆಗಸ್ಟ್ 11) ಜನ್ಮದಿನ. ಅವರಿಗೆ ದೊಡ್ಡ ಅಭಿಮಾನಿ ಬಳಗ ಸೃಷ್ಟಿ ಆಗಿದೆ. ಇನ್ಸ್ಟಾಗ್ರಾಮ್​ನಲ್ಲಿ ಅವರನ್ನು 7 ಕೋಟಿ ಮಂದಿ ಫಾಲೋ ಮಾಡುತ್ತಾರೆ. ಇಷ್ಟೊಂದು ಖ್ಯಾತಿ ಸಿಗೋದು ಅಷ್ಟು ಸುಲಭದ ಮಾತಲ್ಲ. ಇವರು ಹುಟ್ಟಿದ್ದು ಬಹ್ರೇನ್ನಲ್ಲಿ. ಆ ಬಳಿಕ ಬೆಳೆದು ದೊಡ್ಡವರಾಗಿದ್ದು, ಅವರ ನಾಗರಿಕತ್ವ ಇರೋದು ಶ್ರೀಲಂಕಾದಲ್ಲಿ. ಅವರು 1985ರ ಆಗಸ್ಟ್ 11ರಂದು ಜನಿಸಿದರು. ಈ ವರೆಗೆ ಅವರು ಮದುವೆ ಬಗ್ಗೆ ಆಲೋಚನೆ ಮಾಡಿಲ್ಲ. ಈಗ ಅವರಿಗೆ 39 ವರ್ಷ ವಯಸ್ಸು.

2009ರಲ್ಲಿ ರಿಲೀಸ್ ಆದ ‘ಅಲಾದಿನ್’ ಹೆಸರಿನ ಸಿನಿಮಾ ಮೂಲಕ ಜಾಕ್ವೆಲಿನ್ ಅವರು ಚಿತ್ರರಂಗಕ್ಕೆ ಕಾಲಿಟ್ಟರು. ಆ ಬಳಿಕ ಅವರಿಗೆ ಸ್ಪೆಷಲ್ ಡ್ಯಾನ್ಸ್ಗಳಲ್ಲಿ ನಟಿಸೋ ಆಫರ್ಗಳು ಸಿಗೋಕೆ ಆರಂಭಿಸಿದವು. 2022ರಲ್ಲಿ ರಿಲೀಸ್ ಆದ ಸುದೀಪ್ ನಟನೆಯ ‘ವಿಕ್ರಾಂತ್ ರೋಣ’ ಸಿನಿಮಾದಲ್ಲಿ ಡ್ಯಾನ್ಸ್ ಮಾಡುವುದರ ಜೊತೆಗೆ ಕೆಲ ದೃಶ್ಯಗಳಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ. ಈ ವರ್ಷ ಅವರ ನಟನೆಯ ಯಾವುದೇ ಸಿನಿಮಾ ರಿಲೀಸ್ ಆಗುತ್ತಿಲ್ಲ.

ಇದನ್ನೂ ಓದಿ:‘ವಿಕ್ರಾಂತ್​ ರೋಣ’ ನಟಿ ಜಾಕ್ವೆಲಿನ್​ ಫರ್ನಾಂಡಿಸ್​ಗೆ ಮತ್ತೆ ಇಡಿ ವಿಚಾರಣೆ

ಜಾಕ್ವೆಲಿನ್ ವಿವಾದಗಳಿಂದ ದೂರ ಇರಲು ಬಯಸುತ್ತಾರೆ. ಆದರೆ, ವಿವಾದಗಳು ಅವರನ್ನು ಹುಡುಕಿ ಬರುತ್ತವೆ. ಇತ್ತೀಚೆಗೆ ಜಾಕ್ವೆಲಿನ್ ಅವರು ಸುಕೇಶ್ ಚಂದ್ರಶೇಖರ್ ಜೊತೆಗಿನ ಸಂಬಂಧದ ಕಾರಣಕ್ಕೆ ಸುದ್ದಿ ಆಗಿದ್ದಾರೆ. ಈತ 200 ಕೋಟಿ ರೂಪಾಯಿ ವಂಚನೆಯಲ್ಲಿ ಅರೆಸ್ಟ್ ಆಗಿದ್ದಾನೆ. ಜೊತೆಗೆ ಜಾಕ್ವೆಲಿನ್ ಜೊತೆ ಕಳೆದ ಆಪ್ತ ಕ್ಷಣಗಳ ಫೋಟೋ ವೈರಲ್ ಮಾಡಿದ್ದಾನೆ. ಅವರಿಗೆ ದುಬಾರಿ ವಸ್ತುಗಳನ್ನು ಸುಕೇಶ್ ಗಿಫ್ಟ್ ಮಾಡಿದ್ದ. ಇದು ಜಾಕ್ವೆಲಿನ್ಗೆ ಮುಳುವಾಗಿದೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 3:51 pm, Sun, 11 August 24