ಜಾಕ್ವೆಲಿನ್​​ಗಾಗಿ ಬರೋಬ್ಬರಿ ₹ 500 ಕೋಟಿ ಬಜೆಟ್​ನ ಸೂಪರ್​ಹೀರೋ​ ಚಿತ್ರ ನಿರ್ಮಿಸುವುದಾಗಿ ಭರವಸೆ ನೀಡಿದ್ದ ವಂಚಕ ಸುಕೇಶ್

Conman Sukesh | Jacqueline Fernandez: ಜಾಕ್ವೆಲಿನ್ ಫರ್ನಾಂಡಿಸ್ ಅವರನ್ನು ಒಲಿಸಿಕೊಳ್ಳಲು ಬರೋಬ್ಬರಿ ₹ 500 ಕೋಟಿ ಬಜೆಟ್​ನ ಮಹಿಳಾ ಸೂಪರ್ ಹೀರೋ ಚಿತ್ರ ಮಾಡುವ ಭರವಸೆಯನ್ನು ಸುಕೇಶ್ ನೀಡಿದ್ದ ಎಂದು ವರದಿಗಳು ತಿಳಿಸಿವೆ.

ಜಾಕ್ವೆಲಿನ್​​ಗಾಗಿ ಬರೋಬ್ಬರಿ ₹ 500 ಕೋಟಿ ಬಜೆಟ್​ನ ಸೂಪರ್​ಹೀರೋ​ ಚಿತ್ರ ನಿರ್ಮಿಸುವುದಾಗಿ ಭರವಸೆ ನೀಡಿದ್ದ ವಂಚಕ ಸುಕೇಶ್
ಜಾಕ್ವೆಲಿನ್​-ಸುಕೇಶ್​
TV9kannada Web Team

| Edited By: shivaprasad.hs

Dec 21, 2021 | 3:46 PM

ಬಾಲಿವುಡ್ ನಟಿ ಜಾಕ್ವೆಲಿನ್ ಫರ್ನಾಂಡಿಸ್ ಅವರನ್ನು ಒಲಿಸಿಕೊಳ್ಳಲು ವಂಚಕ ಸುಕೇಶ್ ಚಂದ್ರಶೇಖರ್ ಯಾವೆಲ್ಲಾ ರೀತಿಯಲ್ಲಿ ಮುಂದಾಗಿದ್ದರು ಎಂಬುದರ ಕುರಿತು ದಿನಕ್ಕೊಂದು ಮಾಹಿತಿಗಳು ಹೊರಬರುತ್ತಿವೆ. ಐಷಾರಾಮಿ ವಸ್ತುಗಳು, ಕಾರುಗಳು, ಕುದುರೆ, ಬೆಕ್ಕು ಮೊದಲಾದವುಗಳನ್ನು ಸುಕೇಶ್ ಜಾಕ್ವೆಲಿನ್​ಗೆ ನೀಡಿದ್ದರು ಎಂಬುದು ಈಗಾಗಲೇ ಬಹಿರಂಗವಾಗಿದ್ದು, ಇದೀಗ ಮತ್ತೊಂದು ಸ್ಫೋಟಕ ವಿಚಾರ ಹೊರಬಂದಿದೆ. ಮೂಲಗಳನ್ನು ಉಲ್ಲೇಖಿಸಿ, ಇಂಡಿಯಾ ಟುಡೆ ಈ ಮಾಹಿತಿ ಹೊರಹಾಕಿದೆ. ಜಾಕ್ವೆಲಿನ್​ಗಾಗಿ ಮಹಿಳಾ ಸೂಪರ್​ಹೀರೋ ಚಿತ್ರಗಳನ್ನು ನಿರ್ಮಿಸುವುದಾಗಿ ಸುಕೇಶ್ ಭರವಸೆ ನೀಡಿದ್ದ. ಅಲ್ಲದೇ ಸುಮಾರು ₹ 500 ಕೋಟಿ ವೆಚ್ಚದಲ್ಲಿ, ಮೂರು ಭಾಗಗಳಲ್ಲಿ ಆ ಚಿತ್ರಗಳನ್ನು ನಿರ್ಮಿಸುತ್ತೇನೆ ಎಂದು ಸುಕೇಶ್ ಭರವಸೆ ನೀಡಿದ್ದ ಎಂಬುದು ಬಹಿರಂಗವಾಗಿದೆ.

ಮೂಲಗಳ ಪ್ರಕಾರ, ಸುಕೇಶ್​​ಗೆ ಜಾಕ್ವೆಲಿನ್ ಬಾಲಿವುಡ್​ನಲ್ಲಿ ಅವಕಾಶ ಹುಡುಕುತ್ತಿರುವುದು ತಿಳಿದಿತ್ತು. ಸ್ಕ್ರಿಪ್ಟ್ ವಿಚಾರದಲ್ಲಿ ಚ್ಯೂಸಿಯಾಗಿದ್ದ ಜಾಕ್ವೆಲಿನ್, ಹೆಚ್ಚಿನ ಚಿತ್ರಗಳಿಗೆ ಸೈನ್ ಹಾಕುತ್ತಿರಲಿಲ್ಲ. ಇದನ್ನು ಮನಗಂಡಿದ್ದ ಸುಕೇಶ್, ಜಾಕ್ವೆಲಿನ್​ರನ್ನು ಒಲಿಸಿಕೊಳ್ಳಲು ಚಿತ್ರ ನಿರ್ಮಾಣದ ಕತೆ ಹೇಳಿದ್ದ. ಹಾಲಿವುಡ್ ವಿಎಫ್​ಎಕ್ಸ್ ತಜ್ಞರನ್ನು ಒಳಗೊಂಡ ಭಾರತದ ಮೊದಲ ಮಹಿಳಾ ಸೂಪರ್ ಹೀರೋ ಸರಣಿ ಅದಾಗಿರಲಿದೆ. ಹಾಲಿವುಡ್ ನಟಿ ಏಂಜಲಿನಾ ಜೂಲಿಯಂತೆ ವಿಶ್ವಮಟ್ಟದಲ್ಲಿ ಸೂಪರ್​ಹೀರೋ ಆಗಿ ಜಾಕ್ವೆಲಿನ್ ಕಾಣಿಸಿಕೊಳ್ಳಬಹುದು ಎಂದು ನಂಬಿಸಿದ್ದ ಎಂದು ಮೂಲಗಳು ತಿಳಿಸಿವೆ.

ಈ ಎಲ್ಲಾ ಮಾತುಕತೆಗಳ ನಡುವೆ ಸುಕೇಶ್ ಚಿತ್ರರಂಗದ ದೊಡ್ಡವರ ಹೆಸರನ್ನು, ಬಜೆಟ್ ಮೊದಲಾದವನ್ನು ಹೇಳಿ ಆಕೆಯನ್ನು ಕನ್ವಿನ್ಸ್ ಮಾಡಲು ಯತ್ನಿಸಿದ್ದ. ಜಾಕ್ವೆಲಿನ್ ಕೂಡ ಒಂದು ಹಂತದಲ್ಲಿ ಸುಕೇಶ್ ಚಿತ್ರ ಮಾಡಬಹುದು ಎಂದು ನಂಬಿದ್ದರು ಎಂದು ಆಪ್ತ ಮೂಲಗಳು ತಿಳಿಸಿದ್ದನ್ನು ಪತ್ರಿಕೆಗಳು ವರದಿ ಮಾಡಿವೆ.

ಉದ್ಯಮಿಗಳಿಗೆ ಬಹುಕೋಟಿ ರೂಪಾಯಿ ವಂಚನೆ ಮಾಡಿದ ಆರೋಪ ಎದುರಿಸುತ್ತಿರುವ ಸುಕೇಶ್​ ಚಂದ್ರಶೇಖರ್​ (Sukesh Chandrasekhar) ಜತೆಗೆ ಜಾಕ್ವೆಲಿನ್​ ಹೆಸರು ತಳುಕು ಹಾಕಿಕೊಂಡಿದೆ. ಅವರಿಬ್ಬರ ನಡುವೆ ಲವ್ವಿಡವ್ವಿ ನಡೆದಿತ್ತು ಎಂಬುದಕ್ಕೆ ಹಲವು ಫೋಟೋಗಳು ಸಾಕ್ಷಿ ಒದಗಿಸುತ್ತಿವೆ. ಜಾರಿ ನಿರ್ದೇಶನಾಲಯ (Enforcement Directorate) ಈ ಪ್ರಕರಣದ ತನಿಖೆ ಮಾಡುತ್ತಿದ್ದು, ಬರೋಬ್ಬರಿ 7 ಸಾವಿರ ಪುಟಗಳ ಚಾರ್ಜ್​ಶೀಟ್​ ಸಲ್ಲಿಕೆ ಮಾಡಿದೆ. ಫೆಬ್ರವರಿ 2021 ರಿಂದ ಆಗಸ್ಟ್ 7, 2021ರ ಸುಕೇಶ್ ಬಂಧನದವರೆಗೂ ಜಾಕ್ವೆಲಿನ್ ಹಾಗೂ ಸುಕೇಶ್ ಸಂಪರ್ಕದಲ್ಲಿದ್ದರು ಎಂದು ಇಡಿ ತಿಳಿಸಿದೆ. ಅಲ್ಲದೇ ಜೈಲಿನಲ್ಲಿದ್ದಾಗಲೇ ಸುಮಾರು ₹ 10 ಕೋಟಿ ಮೌಲ್ಯದ ಗಿಫ್ಟ್​​ಗಳನ್ನು ಜಾಕ್ವೆಲಿನ್​ಗೆ ಸುಕೇಶ್ ಕಳಿಸಿದ್ದರು ಎಂದು ವರದಿಯಾಗಿದೆ.

ಇದನ್ನೂ ಓದಿ:

ಜಾಕ್ವೆಲಿನ್​ಗೆ ನೀಡಿದ ಉಡುಗೊರೆ ಲಿಸ್ಟ್​ ತೆಗೆದಿಟ್ಟ ಸುಕೇಶ್​ ಚಂದ್ರಶೇಖರ್; ಅಬ್ಬಬ್ಬಾ ಇಷ್ಟೊಂದಾ?

ಜಾಕ್ವೆಲಿನ್​ ಫರ್ನಾಂಡಿಸ್​ಗೂ ವಂಚನೆ? 36 ಲಕ್ಷ ರೂ ಬೆಕ್ಕು, 52 ಲಕ್ಷ ರೂ. ಬೆಲೆಯ ಕುದುರೆ ಬಗ್ಗೆ ಬಾಯ್ಬಿಟ್ಟ ನಟಿ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada