ಧರಿಸಿದ ಬಟ್ಟೆ ಮಾರಾಟಕ್ಕಿಟ್ಟ ದೀಪಿಕಾ ಪಡುಕೋಣೆ; ಕೆಲವೇ ನಿಮಿಷದಲ್ಲಿ ಸೋಲ್ಡ್​ ಔಟ್

ಬಾಲಿವುಡ್​ ನಟಿ ದೀಪಿಕಾ ಪಡುಕೋಣೆ (Deepika Padukone) ಅವರು ಈಗ ಸಿನಿಮಾಗಿಂತಲೂ ಹೆಚ್ಚಾಗಿ ವೈಯಕ್ತಿಕ ಕಾರಣಕ್ಕೆ ಹೆಚ್ಚು ಸುದ್ದಿ ಆಗುತ್ತಿದ್ದಾರೆ. ಸದ್ಯ ಪ್ರೆಗ್ನೆಂಟ್​ (Pregnant) ಆಗಿರುವ ಅವರು ಮೊದಲ ಮಗುವಿನ ಆಗಮನದ ನಿರೀಕ್ಷೆಯಲ್ಲಿದ್ದಾರೆ. ಕೆಲವೇ ದಿನಗಳ ಹಿಂದೆ ದೀಪಿಕಾ ಪಡುಕೋಣೆ ಅವರು ಹಳದಿ ಬಣ್ಣದ ಗೌನ್​ ಧರಿಸಿ ಕಾಣಿಸಿಕೊಂಡಿದ್ದರು. ಆ ಬಟ್ಟೆಯನ್ನು (Deepika Padukone Dress) ಅವರೀಗ ಮಾರಾಟ ಮಾಡಿದ್ದಾರೆ. ಈ ರೀತಿ ಮಾರಾಟ ಮಾಡಿ, ಅದರಿಂದ ಬಂದ ಹಣವನ್ನು ಅವರು ಸಮಾಜಮುಖಿ ಕಾರ್ಯಕ್ಕೆ ಬಳಕೆ ಮಾಡಲಿದ್ದಾರೆ. ಆ ಬಗ್ಗೆ ಇಲ್ಲಿದೆ ಹೆಚ್ಚಿನ ಮಾಹಿತಿ..

ಪ್ರೆಗ್ನೆಂಟ್​ ಆದ ಕಾರಣ ದೀಪಿಕಾ ಪಡುಕೋಣೆ ಅವರು ಸಡಿಲವಾದ ಗೌನ್​ ಧರಿಸಿ ಕಾಣಿಸಿಕೊಂಡಿದ್ದರು. ತಮ್ಮದೇ ಕಂಪನಿಯ ಪ್ರಚಾರದ ಸಲುವಾಗಿ ಅವರು ಈ ಬಟ್ಟೆ ಧರಿಸಿ ಬಂದಿದ್ದರು. ಅದರ ಫೋಟೋಗಳನ್ನು ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಇಂದು (ಮೇ 27) ಆ ಬಟ್ಟೆಯನ್ನು ಅವರು ಸೇಲ್​ ಮಾಡಿದ್ದಾರೆ. 34 ಸಾವಿರ ರೂಪಾಯಿಗೆ ಈ ಕಾಸ್ಟ್ಯೂಮ್​ ಮಾರಾಟ ಆಗಿದೆ.

View this post on Instagram

A post shared by दीपिका पादुकोण (@deepikapadukone)

ಈ ಬಟ್ಟೆ ಮಾರಾಟಕ್ಕಿದೆ ಎಂದು ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ದೀಪಿಕಾ ಪಡುಕೋಣೆ ಅವರು ಫೋಟೋ ಶೇರ್​ ಮಾಡಿಕೊಂಡಿದ್ದರು. ಅವರು ಆ ಫೋಟೋ ಹಂಚಿಕೊಂಡ ಕೆಲವೇ ನಿಮಿಷಗಳಲ್ಲಿ 34 ಸಾವಿರ ರೂಪಾಯಿಗೆ ಸೇಲ್​ ಆಗಿದೆ. ಆ ಹಣವನ್ನು ಚಾರಿಟಿಗೆ ನೀಡಿರುವ ಬಗ್ಗೆಯೂ ದೀಪಿಕಾ ಪಡುಕೋಣೆ ಅವರು ಮಾಹಿತಿ ಹಂಚಿಕೊಂಡಿದ್ದಾರೆ. ಅವರ ಈ ಕಾರ್ಯಕ್ಕೆ ಅಭಿಮಾನಿಗಳು ಭೇಷ್ ಎಂದಿದ್ದಾರೆ.

ಇದನ್ನೂ ಓದಿ: ಹೊಸ ಫೋಟೋಗಳಲ್ಲಿ ಪಳಪಳನೆ ಹೊಳೆದ ಪ್ರೆಗ್ನೆಂಟ್​ ದೀಪಿಕಾ ಪಡುಕೋಣೆ

ಗರ್ಭಿಣಿ ಆಗಿರುವುದರಿಂದ ದೀಪಿಕಾ ಪಡುಕೋಣೆ ಅವರು ಸದ್ಯಕ್ಕೆ ಸಿನಿಮಾ ಕೆಲಸಗಳಿಗೆ ಬ್ರೇಕ್​ ನೀಡಿದ್ದಾರೆ. ಇನ್ನೂ ಹಲವು ತಿಂಗಳ ಕಾಲ ಅವರು ಯಾವುದೇ ಹೊಸ ಪ್ರಾಜೆಕ್ಟ್​ಗಳಲ್ಲಿ ಭಾಗಿ ಆಗುವುದಿಲ್ಲ. ಈಗಾಗಲೇ ಅವರು ನಟಿಸಿರುವ ‘ಕಲ್ಕಿ 2898 ಎಡಿ’ ಸಿನಿಮಾ ಬಿಡುಗಡೆಗೆ ಸಜ್ಜಾಗಿದೆ. ಈ ಚಿತ್ರದಲ್ಲಿ ಅವರು ಪ್ರಭಾಸ್​ ಜೊತೆ ತೆರೆ ಹಂಚಿಕೊಂಡಿದ್ದಾರೆ. ಜೂನ್​ 27ರಂದು ಈ ಚಿತ್ರ ರಿಲೀಸ್​ ಆಗಲಿದೆ. ಅದಲ್ಲದೇ, ‘ಸಿಂಗಂ ಅಗೇನ್​’ ಸಿನಿಮಾದಲ್ಲೂ ದೀಪಿಕಾ ಪಡುಕೋಣೆ ಅವರು ಒಂದು ಪ್ರಮುಖ ಪಾತ್ರ ಮಾಡಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.