ನಡೆಯಲೂ ಸಾಧ್ಯವಾಗದಷ್ಟು ಕುಡಿದ ಉರ್ಫಿ ಜಾವೇದ್; ವೈರಲ್ ವಿಡಿಯೋದ ಅಸಲಿಯತ್ತು ಏನು?
ವಿಚಿತ್ರವಾಗಿ ಬಟ್ಟೆ ಧರಿಸುವ ನಟಿ ಉರ್ಫಿ ಜಾವೇದ್ ಅವರ ವಿಡಿಯೋಗಳು ಆಗಾಗ ವೈರಲ್ ಆಗುತ್ತವೆ. ಈಗ ಬೇರೊಂದು ಕಾರಣಕ್ಕೆ ಅವರ ವಿಡಿಯೋ ವೈರಲ್ ಆಗಿದೆ. ವೀಕೆಂಡ್ನಲ್ಲಿ ಕಂಠಪೂರ್ತಿ ಕುಡಿದು ಎಂಜಾಯ್ ಮಾಡಿರುವ ಉರ್ಫಿ ಜಾವೇದ್ ಅವರು ನಡೆದಾಡಲು ಕಷ್ಟಪಟ್ಟಿದ್ದಾರೆ. ಈ ವಿಡಿಯೋ ನೋಡಿದ ಅನೇಕರಿಗೆ ಕೆಲವು ಅನುಮಾನಗಳು ಮೂಡಿವೆ.
Updated on: Jul 07, 2024 | 7:19 PM
ನಟಿ ಉರ್ಫಿ ಜಾವೇದ್ ಅವರು ಒಂದಿಲ್ಲೊಂದು ಕಾರಣಕ್ಕೆ ಸುದ್ದಿ ಆಗುತ್ತಲೇ ಇರುತ್ತಾರೆ. ಬಹುತೇಕ ಸಂದರ್ಭಗಳಲ್ಲಿ ಅವರು ಹೈಲೈಟ್ ಆಗುವುದು ಬಟ್ಟೆಯ ಕಾರಣದಿಂದ. ವಿಚಿತ್ರವಾದ ಕಾಸ್ಟ್ಯೂಮ್ ಧರಿಸುವುದೇ ಅವರ ಐಡೆಂಟಿಟಿ ಆಗಿದೆ. ಆದರೆ ಈಗ ಅವರು ಇನ್ನೊಂದು ಕಾರಣದಿಂದ ಚರ್ಚೆಗೆ ಒಳಗಾಗಿದ್ದಾರೆ. ಈ ವೀಕೆಂಡ್ನಲ್ಲಿ ಉರ್ಫಿ ಜಾವೇದ್ ಅವರು ಭರ್ಜರಿ ಪಾರ್ಟಿ ಮಾಡಿದ್ದಾರೆ. ಆ ಪಾರ್ಟಿ ಮುಗಿಸಿಕೊಂಡು ಹೊರಬಂದ ಅವರನ್ನು ನೋಡಿ ಎಲ್ಲರಿಗೂ ಅಚ್ಚರಿ ಆಗಿದೆ. ಯಾಕೆಂದರೆ, ನಡೆಯಲೂ ಕೂಡ ಉರ್ಫಿ ಜಾವೇದ್ ಕಷ್ಟಪಟ್ಟಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ವೈರಲ್ ಆಗಿದೆ.
ಪಾರ್ಟಿ ಮಾಡಿ ಹೊರಗೆ ಬಂದ ಉರ್ಫಿ ಜಾವೇದ್ ಅವರನ್ನು ಗೆಳತಿಯರು ಕೈ ಹಿಡಿದು ನಡೆಸಿಕೊಂಡು ಬಂದಿದ್ದಾರೆ. ಸ್ನೇಹಿತೆಯರ ಸಪೋರ್ಟ್ ಪಡೆದುಕೊಂಡು ಉರ್ಫಿ ಜಾವೇದ್ ಹೆಜ್ಜೆ ಮೇಲೆ ಹೆಜ್ಜೆ ಇಟ್ಟುಕೊಂಡು ಮುಂದೆ ಸಾಗಿದ್ದಾರೆ. ಸ್ವಲ್ಪ ಯಾಮಾರಿದ್ದರೂ ಅವರು ಬೀಳುತ್ತಿದ್ದರು. ಕುಡಿದು ನಶೆ ಏರಿಸಿಕೊಂಡ ಉರ್ಫಿ ಜಾವೇದ್ ಅವರನ್ನು ಸ್ನೇಹಿತೆಯರು ಸೇಫ್ ಆಗಿ ಕರೆದುಕೊಂಡು ಬಂದು ಕಾರಿನೊಳಗೆ ಕೂರಿಸಿ ಕಳಿಸಿದ್ದಾರೆ.
ಉರ್ಫಿ ಜಾವೇದ್ ವೈರಲ್ ವಿಡಿಯೋ:
View this post on Instagram
ಈ ವಿಡಿಯೋ ನೋಡಿದ ಅನೇಕರು ಬಗೆಬಗೆಯಲ್ಲಿ ಕಮೆಂಟ್ ಮಾಡಿದ್ದಾರೆ. ಕೆಲವರಿಗೆ ಈ ವಿಡಿಯೋ ಮೇಲೆ ಅನುಮಾನ ಮೂಡಿದೆ. ಉರ್ಫಿ ಜಾವೇದ್ ನಿಜಕ್ಕೂ ಕುಡಿದಿದ್ದಾರೋ ಅಥವಾ ಕುಡಿದಂತೆ ನಟಿಸಿದ್ದಾರೋ ಎಂಬ ಪ್ರಶ್ನೆ ಅನೇಕರಿಗೆ ಕಾಡಿದೆ. ಕಮೆಂಟ್ ಮೂಲಕ ಆ ಬಗ್ಗೆ ಜನರು ಪ್ರಶ್ನೆ ಮಾಡಿದ್ದಾರೆ. ‘ಕಣ್ಣುಗಳನ್ನು ನೋಡಿದರೆ ಆಕೆ ಮದ್ಯಪಾನ ಮಾಡಿದಂತೆ ಕಾಣುತ್ತಿಲ್ಲ’ ಎಂದು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ.
ಇದನ್ನೂ ಓದಿ: ‘ಬೆಳಗ್ಗೆ ಎದ್ದಾಗ ಮುಖ ದಪ್ಪ ಆಗಿರತ್ತೆ’: ಆರೋಗ್ಯ ಸಮಸ್ಯೆ ಬಗ್ಗೆ ತಿಳಿಸಿದ ಉರ್ಫಿ ಜಾವೇದ್
ವಿಡಿಯೋವನ್ನು ಇನ್ನೂ ಸೂಕ್ಷ್ಮವಾಗಿ ಗಮನಿಸಿದರೆ ಮತ್ತೊಂದು ವಿಚಾರ ಬಯಲಾಗುತ್ತದೆ. ಪಾರ್ಟಿ ಮಾಡಿ ಹೊರಬರುವಾಗ ಉರ್ಫಿ ಜಾವೇದ್ ಅವರು ಮೊದಲ ನಾಲ್ಕು ಹೆಚ್ಚೆ ಸರಿಯಾಗಿಯೇ ನಡೆಯುತ್ತಾರೆ. ಆಮೇಲೆ ಪಾಪರಾಜಿಗಳ ಕ್ಯಾಮೆರಾ ಇರುವುದು ಖಚಿತ ಆದ ಬಳಿಕ ಅವರು ತೂರಾಡಿಕೊಂಡು ನಡೆದು ಬರುತ್ತಾರೆ. ಪ್ರಚಾರ ಪಡೆಯಲು ಬೇಕಂತಲೇ ಮಾಡಿರುವ ನಾಟಕ ಇದು ಎಂದು ಅನೇಕರು ಅಭಿಪ್ರಾಯ ತಿಳಿಸಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
